05/06/2026
- ကလေးလေးတွေရဲ့ ဦးနှောက်ထဲမှာ Mirror Neurons လို့ခေါ်တဲ့ ဆဲလ်လေးတွေရှိပါတယ်ရှင့် ။ အဲ့ဒီ ဆဲလ်လေးတွေက ဖေဖေမေမေ ၊ ဆရာမ (စသူတို့ရဲ့ ..) မျက်နှာအမူအယာ နဲ့တုန်လှုပ်မှုတွေကို မှန်တစ်ချပ်လို အလိုအလျောက်ရောင်ပြန်ဟပ်စေနိုင်ပါတယ်။ အဲ့ဒီကမှတစ်ဆင့် Amygdala ဆိုတဲ့ ဦးနှောက်ရဲ့ စိုးရိမ်စိတ်ထိန်းချုပ်ရာအပိုင်းရှိပါတယ် ။ အခုရာသီက ကလေးလေးတွေကျောင်းစပို့တဲ့အချိန်ဖြစ်တဲ့အတွက် ဒီအချက်လေးနဲ့ဆိုင်နေနိုင်တာလေးကို ပြောပြချင်ပါတယ်ရှင်။ ကလေးလေးတွေကို ကျောင်းပို့တဲ့အချိန် ကျောင်းတံခါးရှေ့မှာ ဖေဖေမေမေတို့နဲ့ နှုတ်ဆက်ကြရင်း ဖေဖေမေမေတို့ရဲ့ မျက်နှာအမူအယာ အသံနေအသံထားကို ကလေးတွေက ကြည့်ပါတယ်ရှင့် ။ အဲ့ချိန်မှာ သူတို့မြင်ရတာကက စိုးရိမ်တဲ့အမူအယာ ၊ တုန်လှုပ်တဲ့အသံနေအသံထား ဖြစ်နေရင် ကလေးတွေရဲ့ Amygdala ပိုင်းကနေတစ်ဆင့် ဒီနေရာက ကြောက်ရတဲ့နေရာပါလားဆိုပြီး မှတ်ယူရင်း သာမန်ထက် ငိုတာမျိုးတွေဖြစ်နိုင်ပါတယ်ရှင့် (အမြဲတမ်းမဟုတ် ၊ ကလေးတိုင်းမဟုတ်ပါရှင်) ။ အဲ့တော့ ကလေးလေးတွေကိုလာပို့ရင် အဲ့တစ်ချက်လေးကိုသတိထားပေးစေချင်ပါတယ်ရှင့် ။ ပထမဆုံးဆိုတော့ မိဘများအနေနဲ့ စိုးရိမ်ပူပန်မှုတွေရှိနိုင်နေတာကိုလဲ နားလည်ပါတယ်ရှင့် ။ စိတ်ချပါရှင့် ဆရာမတို့ဘက်က ကလေးတွေအဆင်ပြေပျော်ရွှင်ဖို့ ဂရုစိုက်ပေးပါ့မယ်ရှင့် ။ Future Star Pre School ကို ယုံကြည်စွာအပ်နှံပေးကြတဲ့အတွက် ကျေးဇူးတင်ပါတယ်ရှင့် ❤️
