Books Shopping & Service - GBK

03/07/2024

အောင်လက်မှတ်ထုတ်မည့်သူများ ထုတ်ပေးပါမည်ခင်ဗျာ။ထုတ်မည့်သူများ ကြိုတင်စာရင်းပေးထားလို့ရပါပြီဗျ🤗🤗

အောင်လက်မှတ်ထုတ်ယူရန်
-အမည်
-ခုံနံပါတ်
-ဘာသာတွဲ
-အောင်မြင်သည့်ခုနှစ်
-မှတ်ပုံတင်(ရှေ့/နောက်)
-မွေးသက္ကရာဇ်
-အမိ အမည်
-အဖ အမည်
-စာစစ်ဌာန
-ပတ်စပို့ပုံ(၁.၅လက်မ-၂လက်မ)
-နေရပ်လိပ်စာ

Ph 09751816179, 09660097288

#အောင်လက်မှတ်အမှတ်စာရင်းထုတ်ပေးပါသည်

10/07/2023

2023 အောင်လက်မှတ် များထုတ်လို့ရနေပါပီ
ထုတ်ချင်ရင် လာရောက်ဆက်သွယ်လို့ရပါတယ်ခင်ဗျ
မည်သည့်ခုနှစ်မဆို အောင်လက်မှတ် အမှတ်စာရင်းများ
ထုတ်ယူလို့ရပါတယ်ခင်ဗျ
Cb or ph no 09751816179
09660097288 သို့ ဆက်သွယ် နိုင်ပါတယ်ခင်ဗျ

09/06/2023

အောင်စာရင်းထွက်ပြီးရင် အမှတ်စာရင်းထုတ်ဖို့ ခက်ခဲနေသူများ သို.မဟုတ် အမြန်ဆုံးသိချင်တဲ့သူများ နာမည်စာရင်းကြိုပေးလို့ရပါပြီ။

အမှတ်စာရင်း/ အောင်လက်မှတ်များ ထုတ်ပေးပါသည်။

အမှတ်စာရင်း ထုတ်ယူလိုပါက
messengerသို့ဆက်သွယ်နိုင်ပါသည်။

17/12/2022

ကော်ဖီဆိုင်ပြဇာတ် // သစ္စာနီ

( ဟန်သစ် မဂ္ဂဇင်း၊ နိုဝင်ဘာလ၊ ၁၉၉၅ )

---

ဆိုင်ထဲတွင် ကော်ဖီခွက်များ၊ ယင်ကောင်များ၊ လူများ၊ သတင်းစာများ၊ ရော့ခ်သီချင်းများ ရှိနေကြလေသည်။ လူအချို့က သတင်းစာဖတ်၍ သတင်းစာက လူတချို့ကို ဖတ်နေသည်။ လူတချို့က ရော့ခ်သီချင်းများကို နားထောင်၍ ရော့ခ် သီချင်းများက လူတချို့ ကို နားထောင်နေသည်။ လူတချို့သည် ယင်ကောင်များဖြစ်၍ ယင်ကောင်များသည် လူတချို့ ဖြစ်သည်။

ရော့ခ်သီချင်းတချို့သည် ကော်ဖီသောက်၍ ကော်ဖီတချို့သည် ရော့ခ်သီချင်းသောက်နေကြသည်။ ယင်ကောင်တချို့သည် သတင်းစာဖတ်၍ သတင်းစာတချို့သည် ယင်ကောင် ဖတ်နေကြသည်။ ကော်ဖီတချို့သည် သတင်းစာသောက်၍ သတင်းစာတချို့သည် ကော်ဖီ သောက်နေကြသည်။ ရော့ခ်သီချင်းတချို့သည် သတင်းစာနားထောင်၍ သတင်းစာတချို့သည် ရော့ခ်သီချင်းနားထောင်နေကြသည်။ ယင်ကောင်တချို့သည် … ကော်ဖီဖြစ်၍ ကော်ဖီတချို့သည် ‌ယင်ကောင်ဖြစ်ကြသည်။ ရော့ခ်သီချင်းတချို့သည် ယင်ကောင်းနားထောင်၍ ယင်ကောင်တချို့သည် ရော့ခ်သီချင်းနားထောင်နေကြသည်။

လူတချို့သည် ကော်ဖီ၊ ယင်ကောင်၊ သတင်းစာ၊ ရော့ခ်သီချင်း သောက်၍၊ ဖတ်၍၊ နားထောင်၍ ဖြစ်နေကြသည်။ ကော်ဖီ၊ ယင်ကောင်၊ သတင်းစာ၊ ရော့ခ်သီချင်းတချို့သည် လူတချို့ သောက်၍၊ ဖတ်၍၊ နားထောင်၍ ဖြစ်နေကြသည်။ သောက်၍ ဖတ်၍၊ နားထောင်၍ ဖြစ်၍သည် လူတချို့၊ ယင်ကောင်တချို့၊ ရော့ခ်သီချင်းတချို့၊ သတင်းစာတချို့၊ ကော်ဖီတချို့။

“ကော်ဖီတခွက်”

သားသတ်ရုံသို့ ကြိုးဖြင့် ဆွဲသွားသူနောက် ကောက်ကောက်ပါအောင်လိုက်ပါသွားသည့် နွားတကောင်အတွက် မဟုတ်ပါ။ ကျွန်ုပ်အတွက် ဖြစ်ပါသည်။ ရာသီကို လိုက်၍ ပွင့်သော ပလတ်စတစ်ပန်းဆယ်ပွင့်အတွက် မဟုတ်။ ကျွန်ုပ်အတွက် ဖြစ်ပါသည်။ ပုစွန်စိတ်ခေါင်းနှင့် ခပ်ဖျင်းဖျင်းကဗျာဆရာ တရာအတွက် မဟုတ်ပါ။ ကျွန်ုပ်အတွက် ဖြစ်ပါသည်။

ရက်လွန်နေသော မဖောက်ရသေးသည့် စည်သွပ်ဘူး တထောင်အတွက် မဟုတ်ပါ။ ကျွန်ုပ်အတွက်ဖြစ်ပါသည်။ ကောင်းကင်တွင် ကော်နှင့်ကပ်ထားသော ကြယ်ပွင့်တသောင်းအတွက် မဟုတ်ပါ။ ကျွန်ုပ်အတွက် ဖြစ်ပါသည်။ ကော်ဖီတခွက် ပေးပါ။

ကော်ဖီဆိုင်ရှေ့မှ ...

အတောင်ပံနှင့် စက်မဲ့နာရီတလုံး၊ အကောင်းဆုံးကို သယ်ဆောင်လာသော ဗန္ဓုလ (ဆပ်ပြာကြော်ငြာကား)၊ သားစပ်သွားသော ဝက်သိုး၊ အရှေ့မြောက်အရပ်မှ လေပွေ (ဆိုင်ရှေ့တွင် ခလုတ်တိုက်သွားသည်) အသံတိတ် သီချင်းဆိုနေသော ခိုအုပ်၊ စကိတ်စီးသွားသော ကုန်စိမ်းသည်နှင့် ရွေ့လျားနေသော ဟင်းလင်းပြင်တို့ ဖြတ်သန်း၍ သွားကြသည်။ ကျောင်းက ပြန်လာမည့် ကျွန်ုပ်၏ ချစ်သူလေး ဖြတ်သန်းမသွားသေးပါ။ ကော်ဖီတခွက်။ ကျွန်ုပ်၏ ချစ်သူအတွက် မဟုတ်ပါ။ ကျွန်ုပ်၏ ချစ်သူမှာ လက်ဖက်ရည် ကြိုက်သူ ဖြစ်ပါသည်။

ကိုယ့်ချစ်သူမှာ ကောင်မလေး တယောက်ဖြစ်ပါသည်။ သူမတွင် ဂရိ ကျောက်ဆစ်ရုပ်နှင့်တူသော မေးစေ့ ချွန်ချွန်နှင့် နှာ‌ခေါင်း ချွန်ချွန်လေးများ ရှိပါသည်။ တခါတရံ ကမ္ဘာ့မြေပုံကို ဆွဲ၍ တခါတရံ ကိုယ့်ကို ဆွဲထိတ်တတ်သော မွှေးညင်းနုနှင့် လက်ချောင်း ဖြူဖြူသွယ်သွယ်များလည်း ရှိပါသည်။ အချစ်ရည် ပြည့်သော မျက်လုံးများဖြင့် စိတ်ကောက်ဟန် ဆောင်တတ်သော ပန်းနုရောင် နှုတ်ခမ်းတို့ရှိသူလည်း ဖြစ်ပါသည်။

သူမသည် ကမ္ဘာပေါ်တွင် ကိုယ် အရှုံးပေးလေ့ရှိသည့် တဦးတည်းသော လူလည်းဖြစ်၏။

ကိုယ်၏ တသီးပုဂ္ဂလ အိပ်မက် လည်းဖြစ်၏။ ကိုယ်၏ မဆောင်းရက်သော သရဖူလည်း ဖြစ်၏။
ကိုယ့်သံသရာ၏ အတောင်ပံလည်း ဖြစ်လေသည်။

သူ့တွင် အတိတ်မရှိ။ အကြောဖြေစက် မရှိ။ အတ္ထုပတ္တိ မရှိ၊ အလံဖြူ မရှိ၊ လောကဓံတရား မရှိ။ မိတ်ဆွေ မရှိ။ ရဲတိုက် မရှိ။ အဆုတ်ရောဂါ မရှိ။ အိမ်မွေးတိရစ္ဆာန် မရှိ။ လက်ထပ်စာချုပ် မရှိ။ ညာဘက်အံသွား မရှိ။ သို့မဟုတ် ဘာမှမရှိ။

သူ့ပုံသဏ္ဍာန်က မနေ့ညက နစ်မြုပ်သွားသော နောဧသင်္ဘောပေါ်မှ လွတ်မြောက်လာသည့် တဦးတည်းသော လူယောင်္ကျား နှင့်တူနေ၏။ သူသည် ဘောင်းဘီအိတ်ထဲတွင် ထည့်ထားသာ ကမ္ဘာ့သမိုင်းစာအုပ်ကို မေ့လျော့ကာ ကော်ဖီဆိုင်တွင် ထိုင်လျက်ရှိသည်။ ကမ္ဘာပတ်နေသော ကိုလံဘတ်ကား စာမျက်နှာ ၉၅ သို့ရောက်နေလေပြီ။

---

#သစ္စာနီ
#ကော်ဖီဆိုင်ပြဇာတ်

17/11/2022

Edit #

ကြို့ပင်ကောက်မှ စာအုပ်စာပေ ချစ်မြတ်နိုးသူများနှင့် ကျောင်းသားကျောင်းသူများအတွက် ရည်ရွယ်၍ စာအုပ်များဝယ်ယူရာတွင် အဆင်ပြေ သက်သာစေရေးအတွက် ဒီ page ကို ဖွင့်လှစ်လိုက်ပါသည်။

စာရေးဆရာများ၏ ယခုလက်ရှိ အသစ်ထွက်ထားသော စာအုပ်များ ယခင်ထွက်ရှိပြီးသော စာအုပ်များ၊ ဘာသာစကား လေ့လာနေသူများအတွက် လိုအပ်သော ဘာသာစကားစာအုပ်များ ၊ ကျောင်းသားများအတွက် လိုအပ်သော အတန်းအလိုက် အထူးထုတ်စာအုပ်များ မေးခွန်းဟောင်းစာအုပ်များ နှင့် မိမိနှစ်သက်ဝယ်ယူလိုသော စာအုပ်များကို page ၌ မှာယူဝယ်နိုင်ပါသည်ခင်ဗျာ။🥰🥰

(((စာအုပ် မူရင်းဈေး+ဝန်ဆောင်ခ ၁၅၀၀ ကျပ်)))

🥳 ကြို့ပင်ကောက်မြို့တွင်း အိမ်အရောက် ပို့ဆောင်ပေးပါသည် ခင်ဗျာ🥳

17/11/2022

17 ရက်နေ့မှ 28 ရက်နေ့ထိ အော်ဒါ‌ကောက်ပါမည်
မိမိမှာယူထားသော စာအုပ်များကို လကုန်ရက်တွင် ရပါမည် ခင်ဗျာ #🥰🥰

11/11/2022

Coming soon

05/11/2022

ရာပြည့် စာအုပ်တိုက်မှ အသစ်ထွက်ရှိထားသော စာအုပ်များနှင့် ပြန်လည် ထွက်ရှိသော စာအုပ်များ ဖြစ်ပါသည်။

စာအုပ်များအား မှာယူနိုင်ပါသည် ခင်ဗျာ📚📚📚

စာအုပ်မူရင်းဈေး +1000 ကျပ်

ကြို့ပင်ကောက်မြို့တွင်း အိမ်တိုင်ရာရောက် ဝန်ဆောင်မှု

29/10/2022

ရေပွက်ပမာ
မြသန်းတင့်
🔸🔸🔸🔸🔸🔸

ဒီစာအုပ်ဟာ ပြင်သစ်စာရေးဆရာမ "ဆီမွန်ဒီဗူးဗွား"က
သူမရဲ့ အသက်(၇၈)နှစ်အရွယ် အမေ ကွယ်လွန်သွားပုံအကြောင်းကို
ရေးသားထားတာပါ။
ဆရာ မြသန်းတင့်က ဘာသာပြန်ထားပါတယ်။

အမယ်အိုဟာ သူ့တိုက်ခန်းထဲမှာ
တစ်ယောက်တည်း နေတယ်။
ကျန်းမာနေတဲ့ အချိန်တုန်းက ကမ္ဘာပတ်ပြီး လှုပ်ရှားသွားလာနေတဲ့ သူတစ်ယောက်။
တစ်နေ့....
ရေချိုးခန်းထဲမှာ ချော်လဲလို့
ဆေးရုံတင်လိုက်ရတယ်။
ဆရာဝန်တွေက တင်ပဆုံရိုးလွဲသွားတာ..သိပ်မစိုးရိမ်ရပါဘူးလို့​ ပြောပေမဲ့
အဲ့ဝေဒနာကိုကုဖို့ စစ်ဆေးရင်း
အမယ်အိုမှာ အူအမြှေးရောင်နေတာရယ်၊
အူထဲမှာ ကင်ဆာအကျိတ်အလုံးကြီးပိတ်နေတာကို သွားတွေ့တယ်။

ရောဂါကို ကုသဖို့ ဆေးခန်းမှာ
တစ်လခွဲလောက်နေလိုက်ရတယ်။
ဆေးခန်းက အကောင်းစား၊
မိသားစုက ငွေကြေး၊ လူ အစစအရာ ပြည့်စုံအောင်
လိုအပ်ချက်မရှိ
အကာင်းဆုံး ကုသမှုခံယူစေခဲ့ပေမဲ့
နောက်ဆုံးမှာ
သေဆုံးခဲ့ရတယ်။

ဆေးခန်းမှာရှိနေတဲ့ တစ်လခွဲ
ရောဂါကုသနေတဲ့အချိန်မှာ..

အမယ်ကြီးရဲ့ ကိုယ် စိတ်နှစ်ပါး ဘယ်လိုရှိခဲ့သလဲ၊
သေမင်းကို ဘယ်လိုနည်းနဲ့ရင်ဆိုင်ခဲ့သလဲ၊

သက်မဲ့အရာဝတ္ထုတစ်ခုလို၊
တိရစ္ဆာန်တစ်ကောင်လို
အကြိမ်ကြိမ်လှီးဖြတ် ခွဲစိတ်လုပ်ခံနေရတဲ့ ခန္ဓာ၊
ရှင်လျက်နဲ့ ပုတ်နေတဲ့ ခန္ဓာကြီးနဲ့
နာကျင်ပေမဲ့လည်း ငြင်းဆန်လို့မရ၊
လက်မခံလို့မရ
ဘေးနားမှာ ကိုယ့်ကို အကောင်းဆုံး ကုသပေးနေတဲ့ ဆရာဝန်တွေ၊
မိသားစုတွေ ဝိုင်းဝိုင်းလည် ရှိနေပြီး သေမင်းနဲ့ရင်ဆိုင်နေရချိန်မှာတော့ ....
အမယ်အိုကြီး
သူတစ်ယောက်တည်းသာ။
🔹🔹🔹🔹🔹🔹🔹🔹🔹

ခံစားရဖူးမှာပါနော်...
ရောဂါတွေ ကြီးကြီးမားမားဖြစ်လို့ ကိုယ့်ကိုယ်ကိုယ် သေတော့မယ်ထင်ပြီး နေပြန်ကောင်းလာတဲ့သူတွေ
သူတို့နေမကောင်းဖြစ်နေတဲ့အချိန် ခံစားရတဲ့ ကြောက်ရွံ့အားငယ်မှု၊အထီးကျန်မှုတွေ...

တွေးမိတာလေးက
ကိုယ်က အခုကျန်းမာရေးကောင်းနေတယ်လို့
ထင်ရပေမဲ့ မမြင်ရတဲ့ ကိုယ့်ခန္ဓာအတွင်းပိုင်းမှာ ဘာတွေဖြစ်နေသလဲ မသိရဘူး၊
လူ့ခန္ဓာကိုယ်ကြီးက စက်အစုအဝေးကြီးတစ်ခုလိုပဲ၊
စက်ကလေးတစ်ခုချို့ယွင်းသွားတာနဲ့ လည်ပတ်နေတဲ့ ဒီအစုအဝေးကြီး ဖောက်ပြန်လာမှာပဲ၊ကမောက်ကမတွေ ဖြစ်လာမှာပဲ၊
လူတွေဟာ ရောဂါကြီးကြီးမဟုတ်သေးဘူး၊
ဘာမဟုတ်တဲ့ ခေါင်းကိုက်တာလေး၊ဗိုက်နာတာလေး၊လက်ကလေး ဆူးဝင်သွားတာလေး ဖြစ်လာရင်တောင်
နေနိုင်ကြရဲ့လား၊၊

ကြိုပြီး စိုးရိမ်ပူပန်တာမဟုတ်ပေမဲ့
ဒီခန္ဓာကိုယ်ကြီး အခုကောင်းပေမဲ့
တော်ကြာ ဖောက်ပြန်ချင်ဖောက်ပြန်၊ပြောင်းလဲချင် ပြောင်းလဲမယ်။
ဘယ်အချိန်ဖောက်ပြန် မှာလဲလည်း
မသိဘူး။
စာအုပ်ထဲက အမယ်ကြီးလို
လှုပ်ရှားသွားလာနေရာက
ချက်ချင်း ဆေးခန်းရောက်၊
ပြတဲ့ရောဂါက တစ်မျိုး၊
ဆေးခန်းရောက် စစ်ကြည့်တော့မှ ကိုယ်မသိပဲ ဖြစ်နေတဲ့ ရောဂါတွေ ထပ်တွေ့သလိုပဲ။

အသက်ရှင်စဥ်မှာနော်..ကိုယ်ဘဝအတွက်
ပြည့်စုံကောင်းမွန်မှုတွေ
ကြိုးစားဖို့ လိုအပ်ပါတယ်။
ဒါပေမဲ့လည်း..အဲဒါတွေထက်
အသက်ရှင်စဥ်မှာ
ကျိန်းသေလုပ်ရမယ့် အရေးကြီးဆုံးအလုပ်ကတော့
ပိုအရေးကြီးဆုံးပါ။

နောက်ဆုံးတော့လား..
ထားခဲ့ရမှာ..
ကိုယ်တစ်ယောက်တည်းပါနော်..။

🌹

28/10/2022

ဤစာအုပ်သည် စာရေးဆရာတစ်ယောက်၏ဘဝဖြတ်သန်းပံုကိုသာမက နှစ်၅၀အတွင်း သာမန်ပြည်သူတစ်ယောက် အနေနှင့် ဖြတ်သန်းခဲ့ရသည့် ခေတ်စနစ်များကိုပါ ထင်ဟပ်ရေးသားထားသော စာအုပ် ဖြစ်သည်။ မိသားစုဘဝ၏ အရေးပါပံု၊ မိန်းမသားတစ်ယောက်၏ ကလေးဘဝ၊လူငယ်ဘဝ၊လူကြီးဘဝ ဖြတ်သန်းရပံု၊ လောကဓံကို ရင်ဆိုင်ဖြတ်သန်းကျော်လွှားရုန်းကန်ရပံု၊ ခေတ်စနစ်တွင် မျောပါရပံု၊ စာပေလောက၊ရုပ်ရှင်လောက ၊မြန်မာ့ရေမြေတောတောင်ပတ်ဝန်းကျင်နှင့် တိုင်းရင်းသားနယ်မြေဒေသ အခြေအနေများကိုပါ ရောနှော​ရေးခြစ်ထားသည့် ဘဝရောင်စံုပန်းချီကားတစ်ချပ်လည်းဖြစ်သလို ခေတ်စနစ်၏မှတ်တမ်းတစ်ခု၊ ရသဟန်အတ္ထုပ္ပတ္တိတစ်အုပ်လည်း ဖြစ်ပါသည်။

( စာအုပ်မျက်နှာဖံုးမှ..)

#ပုညခင်
#ချန်ရစ်ခဲ့သောခြေရာများ

စာအုပ်ထွက်မည့်ရက် - နိုဝင်ဘာ ၁ရက် (၁.၁၁.၂၀၂၂)

28/10/2022