Dawei Township Basic Education Students' Union-DTBESU

Home
Myanmar
Dawei
Dawei Township Basic Education Students' Union-DTBESU

Students' rights We are caught in an inescapable network of mutuality, tied in a single garment of destiny.

Dawei Township Basic Education Students' Union is an organization of basic education students seeking equility,the rights of students,democracy,providing fedreal education and the struggle against millitary.DTBESU has issued New Generation Publication every Theusday to improve political knowledge and the flow of accurate information during revolution. Whatever affects one directly, affects all ind

irectly.Injustice anywhere is a threat to justice everywhere.

•Email: [email protected]
•Twitter :https://twitter.com/DTBESU/status/1435906083315326983?s=19
•Telegram: https://t.me/DTBESU

27/07/2025

"သေရင်မြေကြီး ရှင်ရင်ရွှေထီးပဲ
ငါတို့မြေကြီးဖြစ်ခဲ့ရင်တောင်
ကျန်ခဲ့တဲ့ ငါတို့မျိုးဆက်
ရွှေထီးဆောင်းရစေမယ်"

မ၀တ်ရည်အောင်(၂၀၀၀-၂၀၂၅)
ဗဟိုအလုပ်မှုဆောင်ဟောင်း
ဒဂုံတက္ကသိုလ်ကျောင်းသားများသမဂ္ဂ

17/03/2025

"ချစ်ခြင်းမေတ္တာနဲ့ ခွန်အားမျှဝေဖို့ အာဟာရဒါနကူကြစို့ " 🍚❤️
ကမ်ပိန်း : (၁၀ ရက်တာရှင်းတမ်း)

အားလုံးပဲလုံခြုံ ငြိမ်းချမ်းတဲ့ ညနေခင်းဖြစ်ပါစေ။

ဒီနေ့ဟာ " ချစ်ခြင်းမေတ္တာနဲ့ခွန်အားမျှဝေဖို့ " (၁၅) ရက်တာ ကမ်ပိန်းရဲ့ ၁၀ ရက်တာပြည့်တဲ့နေ့ဖြစ်ပါတယ်။ (၁၀) ရက်တာအတွင်း ရဲဘော်တွေကို ခွန်အားဖြည့်မယ့် မိဘပြည်သူများရဲ့ မေတ္တာနဲ့ လှူဒါန်းငွေများကို လက်ခံရရှိကြောင်း ကို (၁၀) ရက်တာရရှိငွေ ရှင်းတမ်းဖြင့် တင်ပြလိုက်ရပါတယ်။

" ချစ်ခြင်းမေတ္တာနဲ့ ခွန်အားမျှဝေဖို့ အာဟာရဒါန ကူကြဇို့" ၁၅ရက်တာကမ်ပိန်းဟာ မေတ္တာဓာတ်တွေနဲ့ အာဟာရရှိတဲ့ အိမ်ထမင်း၊ဟင်း ကို တမ်းတနေမယ့် ရဲဘော်တွေအတွက် အနည်းငယ်မျှအိမ်အလွမ်းပြေစေဖို့နဲ့၊ တော်လှန်တိုက်ပွဲတိုင်းကို စိတ်ဆောင်တိုင်းကိုယ်ပါပြီး သန်မာစွာဆင်နွှဲနိုင်စေဖို့ အသားဟင်းအာဟာရဒါနပြုလုပ်မယ့် ထားဝယ်မြို့နယ်အခြေခံပညာကျောင်းသားများသမဂ္ဂ (၄) နှစ်ပြည့်အထိမ်းအမှတ်ကမ်ပိန်းတစ်ခုပဲ ဖြစ်ပါတယ်။

ကမ်ပိန်း ကာလပြည့်ဆုံးဖို့နောက် (၅) ရက်တာပဲ ကျန်ရှိပြီး သတ်မှတ်ပမာဏ(၁၀)သိန်းကျပ်ပြည့်ဖို့ ၂ သိန်းကျော်သာ ပြည့်ဖို့လိုပါတော့တယ်။ ရဲဘော်တွေအတွက် အရေးကြီးတဲ့ အာဟာရခွန်အားနဲ့ မေတ္တာ အားဖြည့်ဖို့ ကမ်ပိန်းမှာ ပါဝင်ကူညီကြဖို့ တိုက်တွန်းရင်း မိဘပြည်သူအပေါင်း ဘေးကင်းကြစေဖို့ ဆုတောင်းမေတ္တာပို့သလိုက်ရပါတယ်ခင်ဗျာ။

07/03/2025

"ချစ်ခြင်းမေတ္တာနဲ့ခွန်အားမျှဝေဖို့ အာဟာရဒါနကူ" 🍚🤍
(၁၅ရက်တာကမ်ပိန်း : ၇.၃.၂၀၂၅-၂၁.၃.၂၀၂၅ )

စိတ်နှလုံးရည်ပြည့်ဝဖို့ စာ‌‌ပေကောင်းများဖတ်ရှူဖို့ လိုအပ်သလို၊ နေ့စဉ်မှီဝဲရတဲ့ အာဟာရဟာရဲဘော်များစိတ်ဆောင်တိုင်းကိုယ်ပါပြီး ကျန်းမာသန်စွမ်းစွာတော်လှန်ရေးတိုက်ပွဲများဖော်ဆောင်နိုင်ဖို့ အလွန်အရေးပါပါတယ်။ သို့သော် အများသောအားဖြင့် အခြေအနေများအရ ရဲဘော်များဟာ ဝမ်းရေးအတွက်ကို အဆင်ပြေရာ အာဟာရကိုပဲ မှီဝဲတင်းတိမ်ကြရပါတယ်။ ဒါကြောင့် ဒေသအတွင်းမှာတော်လှန်ရေးအတွက် တိုက်ပွဲဝင်နေကြတဲ့ ရဲဘော်များကိုခန္ဓာကိုယ်အတွက် အာဟာရအပြင် စိတ်ခွန်အားပါရစေမယ့်အသားဟင်း အာဟာရဒါနတစ်နပ်လှူဒါန်းမယ့် "ချစ်ခြင်းမေတ္တာနဲ့ ခွန်အားမျှဝေဖို့ အာဟာရဒါနကူကြဇို့" ဆိုတဲ့ကမ်ပိန်းကိုထားဝယ်မြို့နယ်အခြေခံပညာကျောင်းသားများ သမဂ္ဂတည်ထောင်ခြင်း (၄) နှစ်ပြည့်အထိမ်းအမှတ်အဖြစ်ပြုလုပ်မှာဖြစ်ပါတယ်။ ကမ်ပိန်းဟာ(၁၅)ရက်တာ ကြာမြင့်မည်ဖြစ်ပြီး တားဂတ်ပမာ‌ဏ (၁၀) သိန်းကျပ်ဖြစ်ပါတယ်။ မိဘပြည်သူများအနေဖြင့် ရဲဘော်တွေကို ဘေးကင်းလုံခြုံစွာဖြင့် မေတ္တာမျှဝေဖို့ အကြွေ ၁၀၀ ကျပ်၊ ၂၀၀ကျပ် မှ စတင်ကာပါဝင်ကူညီပေးကြနိုင်ပြီဖြစ်‌ကြောင်းဆော်ဩ‌နှိုးဆော်လိုက်ရပါတယ်။

01/03/2025

စာမူ ဖိတ်ခေါ်ခြင်း
------------------

လာမည့်မတ်လ(၂၃)ရက်နေ့၌ ထားဝယ်မြို့နယ်‌အခြေခံပညာကျောင်းသားများသမဂ္ဂ ဖွဲ့စည်းခြင်း (၄) နှစ်ပြည့်အထိမ်းအမှတ်‌အဖြစ် ထဝအကသလေးနှစ်ပြည့်အထူးစာစဉ် ထုတ်ဝေမည်ဖြစ်ပါသည်။

သို့ဖြစ်၍ စာပေဝါသနာရှင် မိဘပြည်သူ၊ ကျောင်းသား၊ကျောင်းသူများ၏ တော်လှန်ရေးကာလအတွင်းကြုံဆုံရသမျှ သုတ၊ရတ ဆိုင်ရာ

▫️ကဗျာ၊ ဝတ္ထုတို၊ ဆောင်းပါး၊ အက်ဆေး၊ ကာတွန်း၊ သရော်စာ၊ မှတ်သားဖွယ်ရာအဆို့အမိန့် ကောက်နုတ်ချက်၊ လက်ရှိနိုင်ငံရေးအခင်းအကျင်း ၊ စစ်ရေးသုံးသပ်ချက် အစရှိသဖြင့် မိမိအားသန်ရာကဏ္ဍအလိုက်
ကလောင်လက်ရာများကိုပေးပို့ရင်း တော်လှန်ရေးတွင် ကလောင်ဓားသွားချွန်မြမြဖြင့် ပါဝင်ကြဖို့ ဖိတ်ခေါ်လိုက်ရပါသည်။

📨 မိမိ၏စာမူများကို ထဝအကသ Telegram Acc သို့ မတ်လ(၁၇)ရက် အမီပေးပို့နိုင်ပါသည်။

28/02/2025

၂၀၂၁ ခုနှစ်၊ ဖေဖော်ဝါရီလ ၂၈ ရက်နေ့—ထားဝယ်မြေမှာ ပထမဆုံးသွေးမြေကျသည့်နေ့ဖြစ်သည်။ စစ်အာဏာရှင်ကိုမထောက်ခံသော ပြည်သူလူထုသည် မိမိတို့အနာဂတ်အတွက် ငြိမ်းချမ်းစွာဆန္ဒပြခဲ့ကြသည်။ သို့သော် စစ်အုပ်စု၏ ရက်စက်မှုကြောင့် ကိုဗညား၊ ကိုဖေသန်း၊ ကိုသန်းဝင်း (ဂျွန်မာခမ်)၊ ကိုလွင်လွင်ဦးတို့ ၄ ဦးသည် သူရဲကောင်းများအဖြစ် ကျဆုံးခဲ့ကြသည်။ သမိုင်းတွင် တော်လှန်ရေးသည် သွေးနှင့် ရေးသွားရတတ်သည်။ သွေးထွက်သံယိုမှုတိုင်းက တိုးတက်မှုတစ်ခုရဖို့ အကြောင်းဖန်တီးပေးနိုင်သကဲ့သို့။ ထားဝယ်သူ ထားဝယ်သားတို့၏ တော်လှန်ရေးဝိရုဏ်းသည် ယနေ့အထိမလျော့သေး။ သွေးတွင်းဆူပွက်ခြင်းသည် မသက်သာသေး သူရဲ‌ကောင်းတို့ ပေးခဲ့သည့်သွေးဖြင့် စစ်မှန်သောအနာဂတ်ကိုတည်ဆောက်ရမည်။ သူတို့၏ စွန့်လွှတ်မှုများကို မမေ့မလျော့၊ မပျက်မကွက်နဲ့ အနာဂတ်ဆီ လှမ်းတင်ကြစို့။

"ကျဆုံးသူတို့ရဲ့သတ္တိ မမေ့မလျော့ကြေး၊ သွေးမြေမပျောက် တော်လှန်မပျက်"

01/02/2025

မြန်မာပြည်ကြီး အမှောင်ထဲရောက်တဲ့ လေးနှစ်၊ ပြည်သူတွေရဲ့ဘဝတွေ မျှော်လင့်ချက်မရှိတော့တဲ့ လေးနှစ်၊ အသက်သွေးချွေးများစွာစတေးခဲ့ရတဲ့ လေးနှစ်။ စိုက်ခဲ့သမျှပြန်ရုတ်သိမ်းဖို့ အချိန်ကျလာပါပြီ။

"အခါတိုင်ပြီ။ လက်မလွှတ်နဲ့ မကျေတဲ့အကြွေးဆပ်ရန်ချီတက်ခဲ့ပြီ"

26/01/2025

Hello! မတွေ့ရတာလည်းကြာပြီဆိုတော့ အားလုံးပဲမင်္ဂလာပါခင်ဗျ။ ဒီတခေါက်မှတော့ ကျွန်တော်တို့ ထားဝယ်မြို့နယ်အခြေခံပညာကျောင်းသားများသမဂ္ဂ - DTBESU နဲ့ Thone Nya Federal Education Foundation တို့ကပူးပေါင်းပြီးတော့ မျိုးတုန်းရှားပါလာတဲ့ ပင်လယ်နေသတ္တဝါ ရုပ်ပြစာအုပ်‌ တွေကို တိုင်းရင်းသားကလေးငယ်များရဲ့ ကျောင်းတွေမှာ သွားရောက်မျှဝေဖြစ်ခဲ့ပါတယ်။ ရုပ်ပြစာအုပ်အတွက် ကူညီပံ့ပိုးပေးပါသော အလှူရှင်အား ကလေးငယ်တွေအစား ကျွန်တော်တို့ ထားဝယ်မြို့နယ်အခြေခံပညာကျောင်းသားများသမဂ္ဂမှ ကျေးဇူးအထူးပင်တင်ရှိသည်ခင်ဗျာ။

02/01/2025

ဒီဇင်ဘာ ၂၉ရက် ၂၀၂၄ခုနှစ်တွင် ကျရောက်ခဲ့သော အ.ထ.က(၁)ဒိုက်ဦးမြို့နယ်အခြေခံပညာကျောင်းသားလူငယ်များအစည်းအရုံးအကလ(၂)နှစ်ပြည့်အခမ်းအနားသို့ဝမ်းမြောက်ကြောင်းပေးပို့သောသဝဏ်လွှာ။

ပေးပို့သောရက်စွဲ-၂.၁.၂၀၂၅။

25/12/2024

Merry Christmas to you all! 🎄🎁🔔

This year, Christmas brings a variety of magical things and truly brings success, love, kindness, and happiness for the new year ahead. Wishing you the best Christmas wishes!

12/12/2024

ကရင်နီပြည်လုံးဆိုင်ရာ ကျောင်းသားများသမဂ္ဂညီလာခံသို့ ပေးပို့သောသဝဏ်လွှာ။

ဒီဇင်ဘာလ၁၂ရက် ၂၀၂၄ခုနှစ်

25/11/2024

၁၀၄ ကြိမ်မြောက် အမျိုးသားအောင်ပွဲနေ့

တက္ကသိုလ်ကျောင်းသားများသည် အင်္ဂလိပ်အစိုးရ၏ ရန်ကုန်တက္ကသိုလ်အက်ဥပဒေကို မြန်မာသက္ကရာဇ် ၁၂၈၂ခု နှစ်၊ တန်ဆောင်မုန်းလပြည့်ကျော် ၁၀ရက် ( ၁၉၂၀ပြည့်နှစ်၊ ဒီဇင်ဘာ၅ရက်နေ့) တွင်ဆန့်ကျင်သပိတ်မှောက်ခဲ့သည်။ ထိုနေ့ကို အုပ်ချုပ်သူ နယ်ချဲ့ အင်္ဂလိပ်အစိုးရကို ထိထိရောက်ရောက် တော်လှန်သောနေ့၊ ရန်ကုန်တက္ကသိုလ်ဥပဒေကို ကန့်ကွက်သည့် အနေဖြင့် ကျောင်းသားများ သပိတ်မှောက်သည့်နေ့၊ အမျိုးသား တော်လှန်ရေး စတင်သည့်နေ့ဖြစ်သည့်အတွက်ကြောင့် အမျိုးသားနေ့အဖြစ်သတ်မှတ်ရန် တစ်ညီတစ်ညွတ်တည်း ဆုံးဖြတ်ချက်ချမှတ်ခဲ့ကြပါသည်။ ယခုအခါ မြန်မာသက္ကရာဇ် ၁၃၈၅ခုနှစ်၊တန်ဆောင်မုန်းလပြည့်ကျော် ၁၀ရက်နေ့တွင် အမျိုးသားအောင်ပွဲနေ့သည် ( ၁၀၄) နှစ်တိုင်တိုင် ပြည့်ခဲ့လေပြီ။

ဘုရင်ခံ ကရက်ဒေါက်သည် လူထု၏ လှုပ်ရှားကန့်ကွက်မှုကို အလေးမမူ ဂရုမစိုက်ဘဲ ၁၉၂၀ ပြည့်နှစ်၊ ဒီဇင်ဘာလ ၁ ရက်နေ့တွင် ထိုယူနီဘာစီတီ အက်ဥပဒေနှင့်အညီ ရန်ကုန်ကောလိပ်အား ယူနီဘာစီတီအဖြစ်သို့ တိုးမြှင့်ဖွင့်လှစ်တော့မည်ဟု ကြေညာလိုက်သည့်အခါတွင် ကောလိပ်ကျောင်း
သားများအထဲမှ သံတွဲကိုဘဦးကို ခေါင်းဆောင်အဖြစ် တင်မြှောက်ကာ အစည်းအဝေးကိုကန့်ကွက်ခဲ့ကြသည်။ ယူနီဘာစီတီ အက်ဥပဒေကို မပြင်ဆင်ဘဲ ယခုအတိုင်းအတည်ပြုရန် လုပ်ဆောင်ပါကကျောင်းသားနှင့်ပြည်သူတွဲ၍ ရှေသို့ တလှမ်းတိုးရလိမ့်မည်ဟု ဆုံးဖြတ်တောင်းဆို လိုက်ကြသည်။ ထိုအခါ မူလကြေညာထားသော ယူနီဘာစီတီ ဖွင့်ပွဲကို ဘုရင်ခံသည် ရက်ပြောင်း၍ ဒီဇင်ဘာလ ၇ ရက်နေ့သို့ပြောင်းရွှေ့လိုက်လေသည်။

၁၉၂၀ ခုနှစ်၊ ဒီဇင်ဘာလ ၃ ရက် နံနက် ၁၁ နာရီအချိန်တွင် ကောလိပ်ကျောင်းသားကြီး ၁၁ ဦးသည် ရွှေတိဂုံစေတီတော် အနောက်တောင်ထောင့် (စနေထောင့်)၊ ဗောဓိပင် အရှေ့တွင် လျှို့ဝှက်စုဝေး ဆွေးနွေးပွဲကို ရှစ်နာရီ ကြာအောင် ပြုလုပ်ခဲ့ပြီးအမိနိုင်ငံ၏ ဂုဏ်သိက္ခာ ကယ်တင်ရေးအတွက်ကောလိပ်ကျောင်းသားများ သပိတ်မှောက်ကြရန် ဆုံးဖြတ်လိုက်ကြသည်။

ရန်ကုန်တက္ကသိုလ်နှင့် ယုဒသန် ကောလိပ်မှ ကျောင်းသား ၄၀၀ကျော်သည် ဒီဇင်ဘာလ ၄ ရက်နေ့၊ ညနေ ၅နာရီတွင် ဗဟန်း ဦးအရိယကျောင်းတိုက်၌ တက္ကသိုလ် ဥပဒေ တိုက်ဖျက်ရေးအတွက် သပိတ်မှောက်ကြရန် ယေဘုယျအားဖြင့် သဘောမျှကြသော်လည်း အစိုးရထံမှ မိမိတို့ လိုအပ်ရာ တောင်းဆို၍ အစိုးရက ငြင်းပယ်သည့် အခါမှ သပိတ်မှောက်ကြရန် သို့မဟုတ် သပိတ်မှောက်ပြီးမှ အစိုးရထံ လိုအပ်ချက်ကို တောင်းဆိုရန် အယူအဆ ကွဲခဲ့ကြသည်။ သို့ရာတွင်သပိတ်မှောက်ပြီးနောက် လိုအပ်ချက်တောင်းဆိုရန် အများစုကသဘောတူသဖြင့် အားလုံး သဘောတူ သပိတ်မှောက်ကြမည်ဖြစ်ကြောင်း ဆုံးဖြတ်ကြ၏။

၁၉၂၀ ပြည့်နှစ်၊ ဒီဇင်ဘာလ ၅ ရက်နေ့၊ မြန်မာသက္ကရာဇ် ၁၂၈၂ ခုနှစ် တန်ဆောင်မုန်း လပြည့်ကျော် ၁၀ရက်နေ့တွင် ကျောင်းသားကျောင်းသူများ ထပ်မံစုဝေး၍ တက္ကသိုလ် အက်ဥပဒေကို လုံးဝ ကန့်ကွက်ကြောင်း ဆန္ဒပြသည့်အနေဖြင့်သပိတ်မှောက်ကြောင်း ဆုံးဖြတ် ကြေညာလိုက်လေသည်။

အမျိုးသားနေ့ ပေါ်ပေါက်ခဲ့သည့် ၁၉၂၂ ခုနှစ်မှစ၍ နှစ်စဥ်တန်ဆောင်မုန်း လပြည့်ကျော် ၁၀ရက်နေ့ရောက်တိုင် အမျိုးသား အောင်ပွဲနေ့ အခမ်းအနားများကို ကျင်းပခဲ့ကြသည်။ နယ်ချဲ့အစိုးရ၏ ကျွန်ပညာရေးစနစ်ကို ဆန့်ကျင်၍ သခင်ပညာရေး အမျိုးသားပညာရေးကို တောင်းဆို ဖော်ပြသော တိုက်ပွဲဖြစ်၍ မြန်မာနိုင်ငံ၏ အမျိုးသားလွတ်မြောက်ရေးကြိုးပမ်းမှုသမိုင်းတွင်အရေးပါသော လှုပ်ရှားမှုကြီး ဖြစ်သည်။ တန်ဆောင်မုန်းလပြည့်ကျော် ၁၀ ရက်နေ့ကို အမျိုးသားနေ့အဖြစ်သတ်မှတ်ကာ နှစ်စဥ်ကျင်းပခဲ့ကြလေသည်။

ယခင်ကနယ်ချဲ့တိုင်းတစ်ပါးသားတို့၏ကျွန်ပညာရေးစနစ်မှလွတ်မြောက်ခဲ့သော်လည်း ယခုအခါတွင်မူ လူမျိုးအချင်းချင်းဖိနှိပ်ချုပ်ချယ်သောကျွန်ပညာရေးစနစ်သည် ကိန်းအောင်းနေဆဲဖြစ်သည်။ ကျွန်ပညာရေးမှ ရုန်းထွက် သခင်ပညာရေးဆီသို့ဦးတည်လျက် တစ်မျိုးသားလုံးစည်းလုံးညီညွတ်စွာ တော်လှန်ကြရအုံးမည်ဖြစ်ပါသည်။

" ကျွန်ပညာရေးကိုသပိတ်မှောက် သခင်ပညာရေးအတွက် ချီတက်ကြ "

ကိုးကား - Wikipedia

Address

Dawei

Website

https://t.me/dt_besu

Alerts

Be the first to know and let us send you an email when Dawei Township Basic Education Students' Union-DTBESU posts news and promotions. Your email address will not be used for any other purpose, and you can unsubscribe at any time.

Contact The School

Send a message to Dawei Township Basic Education Students' Union-DTBESU:

Want your school to be the top-listed School/college in Dawei?