11/08/2025
#ကျောင်းကျူရှင်တက်ပြီးGRADE A ရပေမဲ့ မအောင်တာဘာ့ကြောင့်လဲ....?
**************************************************************************
နံပါတ် (၁)
#ကျောင်းကinserviceသင်သောဆရာများကဏ္ဍ
ဒီခေတ်၊ဒီကာလ၊ဒီကုန်ဈေးနှုန်းနဲ့ဒီလစာကြား ကျောင်းကဆရာမတွေကျူရှင်သင်တာကို societyတစ်ခုလုံးအနေနဲ့လည်းအခုအခါ အပြစ်လို့မမြင်ကြတော့ပါဘူး။ကိုယ်ချင်းစာကြတယ်။နားလည်လက်ခံလာကြတယ်။
ဒါဆိုရင်ကျောင်းသင်ဆရာ/မများအနေနဲ့ရော မိမိရဲ့အပို၀င်ငွေရဖို့သင်ကြားတဲ့အိမ်ကျူရှင်မှာ ဘာတွေကိုလိုက်နာဖို့လိုသလဲ...။
အချို့ကကိုယ့်ကျူရှင်မှာ တက်နေတဲ့ ကလေးဆို ဒီစာကို မရအရကျက်၊ ဒီပုစ္ဆာ မရအရ တွက်ဆိုပြီး တစ်ခါတည်း ရိုက်သွင်း ပေးလိုက်တာမျိုးရှိတယ်။ ဉာဏ်ရည်နည်းတဲ့ကလေးတောင် ကျမယ့်အရေး မကျတော့ဘူး။ အကုန် အောင်တယ် ဖြစ်လာတယ်။အဲ့တော့ ဒီ ဆရာတွေကျူရှင်မှာ မေးခွန်းပေးတယ် ဖြစ်လာတယ်။ ဒီ ဆရာမနဲ့ သင်ရင် မေးခွန်း ရတယ်ဖြစ်လာတယ်။အမှတ်ပေးစည်းမျဉ်းဆိုလည်းအခြားတွက်နည်းလက်မခံဘဲ
ကိုယ့်ကျူရှင်အတွက်ပဲကြည့်ပြီး Schemeဆွဲတယ်။ဆရာ/မသိက္ခာနဲ့ကျင့်၀တ်ဆိုတာကိုထည့်တွက်ဖို့ဝေး။
တော်ရုံမိဘတွေကလည်း ကိုယ့်သားသမီးအဆင့် Aရဖို့အရေးပဲတွေးပြီး ကျောင်းကဆရာတွေစုဖွင့်တဲ့ကျူရှင်မှာပဲထားကြတယ်။
ကျောင်းကဖွင့်တဲ့ကျူရှင်တိုင်းတော့မဟုတ်ပေမဲ့ ကလေးအခြေခိုင်အောင်
သင်ကြားပေးတဲ့ကျူရှင်ကနည်းပြီး လာဘ်ရဖို့နဲ့ကလေးတွေကြားအခြားသောကျူရှင်တွေထက်ကျောလာအောင်၊ပြိုင်ဆိုင်မှုတွေဖြစ်လာအောင်ဖန်တီးနေတဲ့ကျောင်းကျူရှင်တွေကများပါတယ်။အဲ့လိုကျူရှင်တွေကိုကျွန်တော်ကိုယ်တိုင်လည်းတစ်ချိန်ကဖိုက်ခဲ့၊တိုက်ခဲ့ဖူးပါတယ်။အကြောင်းအရင်းကတော့ ကလေးကို အသံတိတ်Thatသောဆရာများကြောင့်သာဖြစ်ပါတယ်။ဒီလိုနဲ့ကလေးတွေလည်းအလွယ်လိုက်ပြီး G12မှာအခက်တွေ့ကြမှာကို ဒီဆရာတွေနည်းနည်းမှမတွေးကြဘူး။ကလေးတွေကလည်း
စာရွေးပေးခံချင်တာ၊Spotလိုက်တာတွေနဲ့ပဲအသားကျသွားပြီးနောက်ဆုံးလုံးလုံးဖျင်းသွားကြတော့တာပဲ။
မိဘတွေကလည်းReport Card ကြည့်ပြီး ပီတိဝေဖြာ မိဘချင်းပြိုင်ဆိုင်ကြတော့တယ်။ဆုပေးပွဲမှာ၊ စုံညီပွဲတော်မှာလည်း ပုဝါနှစ်စ အသာချလို့ ဂုဏ်ယူ၀င့်ကြွားကြတာပေါ့။သို့ပေမဲ့လည်း ပင်ကိုယ်အရည်အချင်းရှိပြီး ကျောင်းကျူရှင်မတက်လို့ ဆုမရတဲ့ကလေးတွေကတော့ဘယ်သူ့အပြစ်တင်ရမှန်းမသိ "နင်စာမကြိုးစားလို့"ဆိုတဲ့ခေါင်းစဉ်တွေအောက်မှာ အိမ်ကမိဘရဲ့အပြစ်တင်တာတွေပဲခံရပါတော့တယ်။
ဒီတော့ ကျောင်းကျူရှင်တွေအနေနဲ့လည်း ကျောင်းချိန်ပြင်ပသင်ကြားခြင်းဆိုတဲ့ခေါင်းစဉ်အောက်မှာ"လက်ရည်တစ်ပြင်တည်း"စိတ်ကိုထားဖို့လိုပါတယ်။မိမိကျူရှင်က ကလေးကိုသာအရေးပေးခြင်း၊အလွယ်မေးခွန်းချခြင်းတွေရပ်တန်းကရပ်စေချင်ပါတယ်။အခြားသော စီးပွားရေးမပြေလည်လို့ကျူရှင်မတက်နိုင်လို့ကျောင်းကဆရာပဲအားကိုးနေရတဲ့ကလေးတွေလည်းရှိတယ်ဆိုတာကိုသတိချပ်စေချင်ပါတယ်။
ဆရာတို့အနေနဲ့လုပ်စရာတစ်ခုပဲရှိပါတယ်...
"ကျောင်းပရိဝုဏ်ခြေလှမ်းတာနဲ့ ငါဟာကျောင်းကဆရာ/မ။ပြည်သူ့၀န်ထမ်းဆရာ/မ။ကျူရှင်ဆရာမဟုတ်ဘူး"လို့သာနှလုံးသွင်းပါ။
နံပါတ်(၂)
#မိဘတို့အခန်းကဏ္ဍ
မိဘတို့အနေနဲ့ကိုယ့်သားသမီးကိုအမှန်တကယ်အရည်အချင်းရှိပြီးတိုးတက်စေချင်ရင် ဆရာကောင်း၊ဆရာတော်ကို ကလေးငယ်ဘ၀ကတည်းကရွေးချယ်ပါ။ခပ်ရိုင်းရိုင်းပြောရင်"ခွေးကြီးမှလက်ပေးသင်လို့မရဘူး"။အချို့မိဘတွေက G12ရောက်မှ ဇွတ်အောင်ချင်တဲ့ရောဂါရှိတယ်။ဒီတော့ ကလေးငယ်စဉ်ကတည်းကဆရာတွေရဲ့သင်ဟန်ကိုလေ့လာပါ။
ဘယ်ဆရာကတော့အရည်အချင်းရှိသလဲ၊ကိုယ့်သားသမီးနဲ့သင့်တော်မလဲရွေးချယ်ပါ။နာမည်ကြီးတဲ့ကျူရှင်တိုင်း၊ကပကတိုင်းဟာ ကိုယ့်သားသမီးနဲ့အံမ၀င်နိုင်ဘူးဆိုတာကို ထည့်တွေးပါ။အချို့ကလေးတွေက လူအများနဲ့စာမကျက်တတ်တာကြောင့်ပြွတ်သိပ်နေတဲ့စာသင်ဝိုင်းတွေ၊ကပကတွေကိုမရွေးစေချင်ပါဘူး။ငွေကြေးအများကြီးမတတ်နိုင်ရင်တောင် ကိုယ့်ရပ်ကွက်ထဲ၊ကိုယ့်အနီးနားထဲ ဘယ်ဆရာက ဘယ်အပိုင်းတွေကျွမ်းကျင်သလဲဆိုတာကိုစုံစမ်းပြီးသေသေချာချာအပ်ပါလို့အကြံပြုပါတယ်။
နောက်တစ်ခုက ဆရာတစ်ယောက်တည်းဘာသာစုံသင်တဲ့စာကျက်ဝိုင်းကိုဘယ်တော့မှမရွေးနဲ့။သင်ရိုးသစ်မှာ ဆရာတစ်ယောက်ဟာ တစ်ဘာသာတောင်အနိုင်နိုင်ပဲ။တစ်ယောက်တည်းဘာသာစုံကျွမ်းနေရအောင် အဲ့ကျူရှင်ဆရာက"သုံးလောကထွတ်ထား မြတ်စွာဘုရား"မဟုတ်ဘူးဆိုတာနားလည်ပါ။ကျူရှင်ဆရာသာတိုက်ဆောက်သွားမယ် ဦးဦးဒေါ်ဒေါ်တို့သားသမီး မအောင်နိုင်ဘူး။
အချို့မိဘတွေကငွေကြေးတတ်နိုင်တယ်ဆိုပြီး နာမည်ကြီးရင်ပြီးရော ငွေပုံပေးပြီး ကိုယ့်သားသမီးကိုဇွတ်အပ်ကြတော့တာပါပဲ။ကိုယ့်သားသမီးနဲ့အံ၀င်မ၀င်ဆိုတာကိုမလေ့လာဘူး။သိန်းရာပေါင်းများစွာအကုန်ကျခံပြီး G12ကျမှ၊ဂုဏ်ထူးမထွက်မှ ကပက ကို အပြစ်မတင်စေချင်ဘူး။
ဒီနေ့ခေတ်မှာ Social mediaထက်မှာလည်း အမှန်တကယ်ဘာသာရပ်ကို ကျွမ်းကျင်တဲ့ဆရာတွေဟာ ထုနဲ့ဒေးပါ။ကိုယ့်သားသမီးကို Ph,tabletပေးကိုင်တတ်တဲ့မိဘတွေဆိုရင် ဒီဆရာတွေ အကောင့်ကို
Follow လုပ်ပြီးစဉ်ဆက်မပြတ်လေ့လာနိုင်ဖို့လမ်းညွှန်လို့ရပါတယ်။
ကျောင်းတွင်းစုံညီမှာ ဆုရဖို့အရေးပဲတွေးပြီး ကိုယ့်သားသမီးကို pressure တွေမပေးပါနဲ့။သူတို့ကိုယ်တိုင်ဘာသာရပ်ဆရာကိုရွေးချယ်တတ်အောင်အထိပြုစုပျိုးထောင်ပေးပါလို့အကြံပြုပါရစေ။
#နောက်ဆုံးအနေနဲ့အကြံပြုလိုတာက-
"မိမိကိုယ်ကိုယ်အမှန်တကယ်ကလေးထိန်းတတ်ပြီလားမေးပါ။မိမိသားသမီးကိုရွေးချယ်ခွင့်ပေးပါ။ငယ်စဉ်မှာဖိအားတွေမပေးဘဲ G12အတွက်အခြေခိုင်အောင်သာ သေသေချာချာပြုစုပျိုးထောင်ပါ။
သားသမီးရဲ့ရင်တွင်းခံစားချက်လေးတွေကိုမကြာမကြာနားထောင်ပါ။အကြံပြုကြပါ။"
နံပါတ်(၃)
#ကျောင်းအုပ်ကြီးများရဲ့အခန်းကဏ္ဍကိုမရေးတော့ပါ။
သူတို့ကသူတို့ရုံးအလုပ်နဲ့SIF ဘောင်ချာအတုတွေကြား ရှုပ်နေလို့ ဒါတွေစိတ်မ၀င်စားဘူး။သူတို့သိတာ G12အောင်ချက်ကောင်းရင်ဂုဏ်ဆာမယ်။ကျောင်းအချင်းချင်းကြားကြွားမယ်။မခံချင်အောင်ပြောမယ်။G12အောင်ချက်မကောင်းရင် ကျောင်းကဆရာတွေအသုံးမကျဘူးလို့ဆူမယ်။ထုချေလွှာရေးခိုင်းမယ်။ဒါပါပဲ။
ကျောင်းအုပ်ကြီးတွေပဲလားဆိုတော့ အချို့သော ကပက founderတွေလည်းထူးမခြားနားပါပဲ။ဆရာတွေကိုပေးတဲ့လစာက ရေသည်ယောက်ျားပုဆိုးဖိုးတောင်မရှိဘူး။တစ်နှစ်ကို သူတို့အတွက်စိန်တစ်ဆင်ဆာနဲ့နောက်ဆုံးပေါ်ကားအဖက်တင်ရင်တော်ပြီ။
လူရည်ချွန်ဆယ်ထပ်ကွမ်းထွက်အောင်လည်း ငွေလေးရွေးနဲ့ခိုင်းချင်သေး။
ဒါပါပဲ
#မူရင်းရေးသူ
