အ.ထ.က တမုတ်ဆိုး

04/02/2021

ပညာရေးဝန်ထမ်းများခင်ဗျ

ဆရာဝန်တွေ ရပ်နားလိုက်ပြီဆိုရင်
သူတို့ဘက်က ရေတိုအနေနဲ့ DSMA တွေကို
အစားထိုးနိုင်မှာပါ
Engineer တွေက ရပ်နားလိုက်ပြီဆိုရင်
DSTA တွေနဲ့ ရေတို အစားထိုးနိုင်မှာပါ
ဒါပေမယ့် ပညာရေးဝန်ထမ်းတွေသာ ပါဝင်လာမယ်ဆိုရင်
စစ်ဖက်က စစ်သားတွေ စစ်ဗိုလ်တွေဟာ
စာမသင်တတ်ပါဘူး ...
စာသင်တတ်လည်း ဘယ်နှစ်ယောက်များ စာသင်တတ်မှာလဲ
ဒါကြောင့် ပညာရေးဝန်ထမ်းတွေပါ
ပါလာခဲ့ရင် ဒါဟာ တော်တော်လေး အရေးပါသွားပါပြီ ...
ဒီလိုပဲ တစ်ခြားဋ္ဌာနတွေမှာလည်း အစားထိုးလို့ မရတာတွေ တပုံကြီးပါ ...
ဒါဟာ ဆရာဝန်တွေနဲ့ အင်ဂျင်နီယာတွေဟာ ပညာရေးဝန်ထမ်းတွေလောက် အရေးမပါဘူးလို့ ဆိုလိုချင်တာ မဟုတ်ပါ
ဖြစ်စေချင်တာက အားလုံးပါဝင်ကြမယ်ဆိုရင်
တပ်ထဲက ဘယ်နှစ်ယောက်ကများ
ဆရာဝန် အင်ဂျင်နီယာ ကျောင်းဆရာ/မ
စည်ပင်ဝန်ထမ်း အစရှိသဖြင့် လုပ်နိုင်မှာလဲ ...
ဒါဆို process တွေ အားလုံး ယိုင်နဲ့ကုန်ပါပြီ

ပါဝင်ကြမယ်လို့လည်း ယုံကြည်ပါတယ်
ဘာလို့လည်းဆိုတော့ မဲမသမာမှု ဖြစ်တယ်ဆိုပြီး
စွပ်စွဲတာဟာ မဲရုံတာဝန်ကျ ဆရာ / မ တွေကို စော်ကားတာပါ
Covid အကူးခံပြီး မဲစာရင်းအတွက် လုပ်ကိုင်ပေးခဲ့တဲ့
ဆရာ/မ တွေဟာ ညဉ့်နက်တဲ့ထိ အလုပ်လုပ်ပေးခဲ့ရတာတောင် ကျေးဇူးကို စော်ကားခဲ့တာပါ
ဒါ့အပြင် မဲပေးခဲ့တဲ့ လူနည်းစု မဟုတ်သော
အလွှာအသီးသီးမှ ပြည်သူတွေကို စော်ကားခဲ့တာပါ

နောက်ဆုံးပြောချင်တာတစ်ခုက
ဒီ campaign ကို အဆုံးစွန်ထိ ထောက်ခံသွားဖို့ပါ ...
နောက်ပိုင်း လစာတိုးပေးမယ်ဆိုတဲ့ မက်လုံးတွေနဲ့ ဆွဲဆောင်ဖို့ရှိပါမယ် ဒါတွေကိုလည်း တောင့်ခံပေးကြပါ ...
အကြာကြီးမဟုတ်ပါဘူး လွန်ရောကျွံရော ၆လပေါ့ဗျာ

ဒါဟာ လူတိုင်းအတွက် အရေးပါတာပါ
ကျွန်‌တော်တို့ နောင်မျိုးဆက် ကလေးတွေကို
အကြောက်တရားတွေနဲ့ မကြီးပျင်းစေချင်လို့ပါ ရှင်...

ကျွန်‌တော်ယုံကြည်ပါတယ်
ကျွန်‌တော်တို့အားလုံး လုပ်နိုင်ရမယ် ...





copy paste

22/01/2021

ပညာရေးဝန်ထမ်းများ ကျောင်းသားမိဘများ သိထားသင့်သော #ကျောင်းထောက်ပံ့ကြေး

ကျောင်းထောက်ပံ့ကြေး အစီအစဉ်
(School Grant Program)

ကျောင်းထောက်ပံ့ကြေး အစီအစဉ်ဆိုသည်မှာ ကမ္ဘာ့ဘဏ်မှ (အတိုးမဲ့) ချေးငွေ အမေရိကန်ဒေါ်လာ သန်း ၈၀၊ AusAID Multi-Donor Trust Fund (MDTF) မှ အမေရိကန်ဒေါ်လာသန်း ၂၀၊ စုစုပေါင်း ဒေါ်လာသန်း ၁၀၀ ဖြင့် အခြေခံပညာကျောင်းများကို ငွေကြေးထောက်ပံ့ပေးသည့် အစီအစဉ် ဖြစ်ပါသည်။ ၂၀၁၄-၁၅ ပညာသင်နှစ်မှစ၍ ထောက်ပံ့ပေးသည့် အစီအစဉ်ဖြစ်သည်။
*ပညာရေးတိုးတက်ပြောင်းလဲရန်* အဓိက ရည်ရွယ်ပါသည်။

ကျောင်းသား အရေအတွက်ပေါ်မူတည်၍ ကျောင်းထောက်ပံ့ကြေးကို ခွဲဝေရရှိပါသည်။ တစ်ကြိမ်တည်း အကုန်မပေးပဘဲ ပညာသင်နှစ်၁နှစ်မှာ (၂ ကြိမ်ခွဲ၍) တစ်ဝက်စီ ခွဲဝေပေးပါသည်။
မူလတန်း၊ မူလွန်၊ လခွဲနှင့် အလယ်တန်းကျောင်းများသည် အောက်ပါအတိုင်း ခွဲဝေရရှိပါသည်။

ကျောင်းသား ၅၀ အောက်= ၄ သိန်း
၅၁ မှ ၁၀၀ = ၈ သိန်း
၁၀၁ မှ ၂၀၀ = ၁၀ သိန်း
၂၀၁ မှ ၃၀၀ = ၁၂ သိန်း
၃၀၁ မှ ၄၀၀ = ၁၄ သိန်း
၄၀၁ မှ ၅၀၀ = ၁၆ သိန်း
၅၀၁ မှ ၇၀၀ = ၁၈ သိန်း
၇၀၁ မှ ၉၀၀ = ၂၂ သိန်း
၉၀၁ မှ ၁၁၀၀ = ၂၆ သိန်း
၁၁၀၁ မှ ၁၅၀၀ = ၃၀ သိန်း
၁၅၀၁ မှ၂၀၀၀ = ၃၄ သိန်း
၂၀၀၁ မှ ၂၅၀၀ = ၃၈ သိန်း
၂၅၀၁ မှအထက် = ၄၂ သိန်း

အထက ခွဲ နှင့် အထက်တန်းကျောင်းများကိုတော့ အောက်ပါအတိုင်းတွက်ချက် ထုတ်ယူရရှိပါသည်။

(ကျောင်းသားဦးရေ × ၅ ထောင်) + ၅ သိန်း ဖြစ်ပါသည်။
ဥပမာ ကျောင်းသား ၅၀၀ ရှိပါက (၅၀၀×၅၀၀၀)+၅၀၀၀၀၀= သိန်း ၃၀ ဖြစ်ပါသည်။

ပြီးခဲ့သည့် စက်တင်ဘာလ ကျောင်းသားဦးရေဖြင့် တွက်ချက်ရပါမည်။ ဖော်ပြပါ ငွေပမာဏများသည် ၁နှစ်စာ ဖြစ်သည်။

ကျောင်းအုပ်ကြီးက မြို့နယ်ပညာရေးမှူးရုံးမှ ထုတ်ယူပါမည်။

ကျောင်းထောက်ပံ့ကြေး ကော်မတီက တာဝန်ယူ သုံးစွဲပါမည်။ကျောင်းထောက်ပံ့ကြေး ကော်မတီတွင် ကျောင်းအုပ်ကြီးက ဥက္ကဌ ဖြစ်သဖြင့် ကျောင်းအုပ်တွင်သာ အဓိက တာဝန်အရှိဆုံးဖြစ်သည်။ ဆိုလိုသည်မှာ ကျောင်းအုပ်ကြီးက ငွေကိုင်သုံးစွဲသူဖြစ်သောကြောင့် ပြဿနာအရှုပ်အရှင်း ပေါ်ပေါက်ပါကလည်း ကျောင်းအုပ်ကြီးကသာ တာဝန်ခံရပါမည်။
(အချို့ဒေသများတွင် ရပ်ရွာလူကြီးများက တာဝန်ယူ ထိန်းသိမ်းမည် ဟူ၍ ပြဿနာတက်ကြကြောင်း ကြားသိရပါသည်။ ကျောင်းထောက်ပံ့ကြေးကော်မတီမှ လွဲ၍ မည်သည့် အရပ်ဖက်၊ အစိုးရ အဖွဲ့အစည်းမှ တာဝန်ယူထိန်းသိမ်းခြင်း မပြုရပါ။ ကျောင်းအုပ်ကြီးများကလည်း မိမိတာဝန်ယူထားသော ငွေကြေးများဖြစ်သဖြင့် အမိုက်ခံ၍ အခြားသူများကို လွှဲပေးရိုးထုံးစံမရှိပါ။)

#ကျောင်းထောက်ပံ့ကြေးကော်မတီဖွဲ့စည်းပုံ
ကျောင်းအုပ်က ဥက္ကဌ ဖြစ်ပါသည်။ ကျန်အဖွဲ့ဝင်များကတော့
ရပ်/ကျေး ဥက္ကဌ ၁ ဦး
ကျောင်းအကျိုးတော်ဆောင် ၂ ဦး
မိဘဆရာအသင်းမှ ၂ ဦး
တိုင်းရင်းသားကိုယ်စားလှယ် (သို့) အရပ်ဖက်လူမှုအဖွဲ့အစည်း NGO ၁ ဦး
အတွင်းရေးမှူး ၁ ဦး
မူလတန်းကျောင်းများတွင် ဆရာ/မ ကိုယ်စားလှယ် ၁ ဦး
အလယ်တန်းကျောင်းများတွင် ဆရာ/မ ကိုယ်စားလှယ် ၅ ဦး
အထက်တန်းကျောင်းများတွင် ဆရာ/မ ကိုယ်စားလှယ် ၇ ဦး တို့ဖြစ်ပါသည်။
*(NGO ဟုဆိုသော်လည်း မီးသတ်၊ မိခင်နှင့်ကလေးစောင့်ရှောက်ရေး ကဲ့သို့ အစိုးရနှင့်သက်ဆိုင်သည့် အဖွဲ့အစည်းများလည်း ရပါသည်)

#သုံးစွဲပုံသုံးစွဲနည်း
ကျောင်းထောက်ပံ့ကြေးကို ခေါင်းစဉ် ၁၃ ခု ခွဲ၍ အသုံးပြုရပါမည်။ ခေါင်းစဉ် ၁၃ နှင့် အကျုံးမဝင်သောနေရာများတွင် သုံးစွဲခွင့်မရှိ။ ခေါင်းစဉ် ၁၃ ရပ်အတွင်းက သုံးစွဲရာတွင်လည်း သုံးစွဲသမျှကို ကော်မတီဝင်များအား အသိပေးရှင်းလင်းတင်ပြရပါသည်။ ပွင့်လင်းမြင်သာမှု အားနည်းရင် အတိုင်ခံရမည်။ သဘောထားမတိုက်ဆိုင်သည့် ဆုံးဖြတ်ချက်များကို မဲခွဲဆုံးဖြတ်နိုင်သည်။ ကျောင်းအုပ်သဘောတစ်ခုတည်းမရပါ။ ကော်မတီ ဆုံးဖြတ်ချက်သာ အတည်ဖြစ်ပါသည်။ (ကျောင်းအုပ်သည် ဥက္ကဌဖြစ်ရာ လုပ်ပိုင်ခွင့် အရှိဆုံးသူဖြစ်သည်ကိုတော့ သတိပြုပါ)


ဘတ်ဂျက်ခေါင်းစဉ် ၁၃ ခုမှာ -
၀၂၀၁ ပြည်တွင်းခရီးစရိတ်
၀၃၀၁ လုပ်အားခ
၀၃၀၃ ငှါးရမျးခ
၀၃၀၄ သယ်ယူပို့ဆောင်ခ
၀၃၀၅ ရုံးအသုံးအဆောင်
၀၃၀၇ တံဆိပ်ခေါင်း တယ်လီဖုန်း
၀၃၀၈ လျှပ်စစ်ဓာတ်အားခ
၀၃၀၉ သတင်းစာ စာနယ်ဇင်း
၀၃၁၃ လုပ်ငန်းသုံး
၀၃၁၄ အစားအစာ ဧည့်ခံစရိတ်
၀၃၂၀ ပုံနှိပ်ခနှင့် ထုတ်ဝေခ
၀၃၂၅ ပြပွဲပြိုင်ပွဲ
၀၄၀၉ အခြား တ်ို့ဖြစ်ပါသည်။

သတိပြုရန်
-ကျောင်းထောက်ပံ့ကြေး ကော်မတီ အစည်းအဝေးကို အနည်းဆုံး ၁နှစ်မှာ ၃ ကြိမ် ပြုလုပ်ရမည်။
-ပွင့်လင်းမြင်သာမှု ရှိရမည်။ ရ/သုံး ငွေစာရင်းကို ကော်မတီဝင်များ၊ ဆရာ/မများကို ရှင်းလင်းတင်ပြရပါမည်။
-ဘောက်ချာတစ်ရွက်လျှင် ၂ သိန်းထက် မပိုရပါ။ ပိုလျှင် အခွန်ဆောင်ရမည်။ ကမ္ဘာ့ဘဏ်ပိုက်ဆံများကို အခွန်မဆောင်စေလိုသောကြောင့် ဖြစ်သည်။
(ထို့ကြောင့် computer ကဲ့သို့ ပစ္စည်းကြီးကြီးမားမား ဝယ်မရပါ။ ကျောင်းအုပ်အများစု ထောက်ပြကြသော အားနည်းချက်ဖြစ်ပါသည်။)
-ပြည်တွင်းခရီးစရိတ်သည် စုပေါင်းရငွေ၏ ၃%ခန့်သာ ဖြစ်သင့်သည်။ ၅%ထက် မကျော်စေရန် မှာကြားထားပါသည်။
အချို့ကျောင်းများမှာ ခရီးစရိတ်ပင် ခွဲဝေမထားကြပါ။

ယခင်က သည့်ထက်ပို၍ အသေးစိတ် ပို့စ် ၂ခါ တင်ပေးခဲ့ဖူးပါသည်။မည်သည့်ပစ္စည်းကို မည်သည့်ခေါင်းစဉ်ဖြင့် ဝယ်ယူရကြောင်းများပါ ဖော်ပြပေးခဲ့ပါသည်။လိုအပ်ပါက #ကိုငွေ့ ဝေါထဲ ရှာဖွေကြည့်ရှုနိုင်ပါသည်။

အဆင်ပြေနိုင်ကြပါစေ။
ဦးသန်းငွေ
မြို့နယ်ပညာရေးမှူး (ငြိမ်း)

22/01/2021

05/12/2020

"မြန် မာ ပြည် မှာ စာ သင် တယ်... "
*စာအုပ်အောက်ပြုတ်ကျရင်
စာမရမှာကြောက်လွန်းလို့
စာအုပ်ကိုကန်တော့ကြတဲ့ကလေးတွေ
ဘွဲ့ရလာကြပေမယ့် ဘာမှမတတ်ကြဘူး...

*ဆရာဆိုတာ
ဘုရားနဲ့တစ်ဂိုဏ်းထဲထားကြတဲ့နိုင်ငံမှာ
ကျောင်းဆရာတွေဟာ
ကျောင်းကမုန့်စျေးသည်လောက်တောင်
ဝင်ငွေမကောင်းကြဘူး...

*စာအုပ်ထဲရှိပြီးသားစာတွေကို
မှတ်စုကူးပြီး ၏/သည်မရွေးကျက်ရတဲ့နိုင်ငံမှာ
ပထဝီတွေ သမိုင်းတွေအလွတ်သာကျက်ခဲ့ရတယ်
ဘာအသိမှမရခဲ့ဘူး...

*သိပ္ပံဘာသာရပ်တွေကို လက်တွေ့မဝင်မလေ့လာခဲ့ဘဲ
ဘွဲ့ရခဲ့တဲ့ဆရာတွေက သိပ္ပံဘာသာရပ်ကို
Defination မှာ 's'တစ်လုံးကျန်ရင်
အမှတ်လျှော့ဖို့ မင်နီကိုင်ပြီးစောင့်နေကြတယ်...

*နိုင်ငံတကာက ကလေးတွေ
စက်ရုပ်တီထွင် softeware ရေးနေကြချိန်မှာ ဒီမှာတော့ English ညံ့လွန်းလို့
defination တစ်ကြောင်းကို
နာရီဝက်လောက်ကျက်နေရပြီး ဒါမေးဒါဖြေကိုတောင် သောက်သောက်လဲကျနေကြတယ်...

*ဘာမှမသင်တဲ့ကျောင်းတွေမှာ
ကျောင်းခေါ်ချိန်မပြည့်ရင် ရစ်မှာစိုးလို့
နေ့တိုင်းသွားထိုင်နေရတယ်
တကယ်စာသင်ပေးတဲ့နေရာတွေကိုတော့
ငွေပေးပြီးသင်နေရတယ်
ဒါပေမယ့် 'အခမဲ့ပညာရေးစနစ်'လို့
ကြွေးကြော်နေကြတယ်...

*တကယ်စာသင်ရမယ့်
ဆရာတွေ ဆရာမတွေက
ရုံးခန်းနဲ့မြို့နယ်ရုံးကို စာရွက်စာတမ်းတွေကိုင်ပြီး
သွားချည်လာလှည့်လုပ်နေရတယ်...
တချို့ကဂိတ်ပေါက်မှာ ဘာတာဝန်မှန်းမသိတာကို
တာဝန်ဆိုပြီးထိုင်နေရချိန်မှာ
တချို့က ကျောင်းသားတွေရဲ့ report cardမှာ
ဘာမှမသိတဲ့အချက်တွေကို
A တွေ B တွေဖြည့်ပေးနေရတုန်း
ကလေးတွေကလည်း အနာဂတ်မှာပညာတတ်ကြီးဖြစ်ဖို့
စိတ်ကူးတွေယဉ်နေကြဆဲ...

*တချို့နိုင်ငံတွေမှာ
ကိုယ့်ကျောင်းစားရိတ်ကိုယ်ရှာဖို့
အချိန်ပိုင်းအလုပ်လုပ်နေကြချိန်မှာ
ဒီနိုင်ငံမှာတော့ အလုပ်လုပ်ဖို့ကျောင်းထွက်လိုက်ရတာတွေဒုနဲ့ဒေး...

*လူတစ်ယောက်ပြောင်းသွားရင်း
စနစ်တစ်ခု ပြောင်းသွားရင်း
လူတစ်ယောက်နိုင်ငံတစ်ခုသွားရင်း
အဲဒီနိုင်ငံကသင်ရိုးတွေယူလာရင်း..
မြေစမ်းခရမ်းပျိုးပညာရေးတွေ သင်ခိုင်းရင်း...
သမိုင်းတွေကိုပြင်ရေး အမှားတွေကိုအမှန်သင်ခိုင်းရင်း
ကျောင်းတိုင်း ကွန်ပြူတာရှိဖို့လည်း
ကြိုးစားခဲ့ကြဖူးတယ်လေ..

*ရန်ကုန်မြို့လယ်က
လူချမ်းသာတွေပဲတက်တဲ့ကျောင်းတွေကိုကြည့်ပြီး
အပြိုင်အဆိုင် all D ထွက်ဖို့
အလုအယက်ကြိုးစားနေကြတာကိုကြည့်ပြီး
ကားနဲ့အကြိုအပို့လုပ်
ဆရာတွေအိမ်ခေါ်သင်
Guide တွေနဲ့စာတွေလုပ်နေကြတာ
အမှတ်တွေကောင်းကြတာကိုကြည့်ပြီး
မြန်မာပြည်ပညာရေး တိုးတက်နေပါသတဲ့...

*တစ်ပြည်လုံးကကျောင်းတွေမှာတော့
မိုးယို ကြမ်းကျွံ ရေကြီး မီးပျက်နေတာအများကြီး
ဆရာမရှိလို့ စာမသင်ရတဲ့နေရာတွေတစ်ပုံကြီး...
ကျောင်းဝတ်စုံတောင်မရှိလို့ အိမ်နေရင်းဝတ်စုံလေးတွေနဲ့
တက်နေရတာတစ်ပုံကြီး
တိုက်ပွဲတွေဖြစ်နေလို့
ရေကြီးနေလို့
စားစရာမရှိလို့
ခိုင်းမယ့်သူမရှိလို့
ကျောင်းမပို့တော့တာတွေ အများကြီး....

*"ပညာမြင့်မှ လူမျိုးတင့်မည်" တဲ့
မှန်လိုက်တာ...

*ပညာမမြင့်တော့
လူမျိုးလည်းမျက်နှာငယ်
နိုင်ငံလည်း အနှိမ်ခံရ
နည်းပညာလည်းမရှိ သယံဇာတလည်းကုန်
နိုင်ငံလည်းချွတ်ခြုံကျနေတော့...
နိုင်ငံပေါင်းစုံက တို့မြန်မာအလုပ်ကြမ်းသမားတွေ
ငယ်ငယ်ကစာသင်ခဲ့တဲ့အဖြူအစိမ်းဝတ်စုံကို
ပြန်တွေးတိုင်းပြုံးမိနေမလား
ငယ်ငယ်ကစိတ်ကူးယဉ်ဖူးတဲ့
ကမ္ဘာမှာမြန်မာဟေ့ ဆိုတဲ့စာသားလေးကို
ခပ်တိုးတိုးရေရွတ်နေတုန်းလား....

02/12/2020

အောင်မြင်တဲ့ကျောင်းတွေကို
လေ့လာကြည့်တော့
ကျောင်းအုပ်ကို
လက်ထောက်တွေက ချစ်ကြတာကို တွေ့မိတယ်။

____________
အများစုက ကျောင်းအုပ်ကို မချစ်ပါဘူး
ဘာလို့လည်း ချစ်အောင်မနေလို့
ကျွန်တော်က လိမ်မပြောတတ်ဘူး
မဖားတတ်ဘူး
ဒဲ့ပဲ ကြိုက်တယ်…။

အခု ပြောမှာက ကောင်းတဲ့ ကျောင်းအုပ်က်ို မဆိုလိုပါဘူး
နည်းနည်းလေး လို့ ဆိုရမလားပဲ
ဆွမ်းဆန်ထဲ ကြွက်ချေး ရောဆိုသလို
အဲ ဆွမ်းဆန်ထဲက ကြွက်ချေးက နည်းရင် ဖယ်လို့ရသေးတယ်
များနေရင်တော့ လွှင့်ပစ်ရမှာပဲ…။

ကျောင်းတိုင်းက မတ်ိုးတက်ဘူး
မတိုးတက်တဲ့အကြောင်းအရင်း နှစ်ချက်ရှိတယ်
သိပ်အလုပ်လုပ်တဲ့ ကျောင်းအုပ်တွေက ကျောင်းသား အင်အား ၅၀ မကျော်တော့ လေးသိန်း နဲ့ ယက်ကန် ယက်ကန်သွားနေရတယ်…
အလုပ် မလုပ်တဲ့ ကျောင်းအုပ်တွေကျတော့ ၈ သိန်း နဲ့ ဆယ်သိန်း အထက်တွေ နဲ့ ပျော်ပျော်ပါးပါး မော်တော်ကား စီးနေရတယ်…

ဟူးးးးးး ကျောင်းတိုင်းမှာ လက်ထောက်တွေ က တစ်ဖက် ကျောင်းအုပ်က တစ်ဖက် များပါတယ်…
ထ ကျောင်းတွေမှာ သိပ်မသိသာပေမဲ့ အလက တ်ို့ လခွဲတို့ မူလွန် တို့ အမက တ်ို့မှာ သိပ်သိသာတယ်…
မြို့ပေါ်က ကျောင်းတွေ တိုးတက်တယ်ဆိုတာ ကျောင်းအုပ်ကောင်း လို့ ထင်မနေနဲ့… အာ့ဒါ အစိုးရကောင်းလို့လည်း မဟုတ်ဘူး… ကျောင်းသား မိဘ တွေ ဘောစိ တွေ က ဂုဏ်တု ဂုဏ်ပြိုင် လုပ်ကြတာ… ပြည့်နေတဲ့ အိုးတွေကို ထပ်ဖြည့်ကြတာလေ…ဒီလိုပဲ ထင်တယ်…။

တိုးတက်တဲ့ကျောင်းဆိုတာ ကလေးပျော်ကျောင်းပါ
ဆရာ/မ တွေ ပျော်တဲ့ ကျောင်းပါ…
ကျောင်းအုပ်ကို လက်ထောက်တွေက ချစ်ကြတယ် ဆိုတာကလည်း ရှားပါးပစ္စည်းပါဗျာ…
ဘယ်လို ကျောင်းအုပ်ကို လက်ထောက်တွေက ချစ်သလဲ ပြောပြရ ရင်…ဘာမှထွေထွေထူးထူးပြောစရာ မလိုပါဘူး
ကိုယ့်ကျောင်းက ကျောင်းအုပ်ကို ချစ်လား မချစ်ဘူးလား အရင်ဆုံး ကိုယ့်ကိုယ် ကိုယ် မေးကြည့်ဗျာ…
ချစ်တယ် ဆိုရင် ဘာလို့ ချစ်တာလဲ…မချစ်ဘူး ဆိုရင် ဘာလို့လဲ ဆိုတာ ပြန်စဉ်းစားပေါ့…

လက်ထောက်ချစ်တဲ့ ကျောင်းအုပ် လို့ပြောမဲ့အစား
ကျောင်းအုပ်ကောင်း တစ်ယောက် လို့ ပြောရမယ်
လက်ထောက်တွေ ယုံကြည်အားကိုး လေးစား ထိုက်တဲ့ ကျောင်းအုပ်ပေါ့လေ…

- တာဝန်ယူမှု တာဝန်ခံမှု အပြည့်ရှိတယ်
- ကိုယ်ချင်းစာစိတ် အပြည့်ရှိတယ်
- နားလည်မှု အပြည့်ရှိတယ်
- ကိုယ်ကျိုးစွန့် အနစ်နာ ခံတယ်
- အများအကျိူး ဆောင်ရွက်တယ်
- ကျောင်းတိုးတက်ရေး အမြဲစဉ်းစားတယ်
- အရေးကြုံရင် လက်ထောက်တွေရှေ့က မားမားမတ်
မတ် ရပ်တည်ပေးတယ်
- အမှန်တရားကို မြတ်နိုးတယ်
- ဘက်မလိုက်ဘူး
- လာဘ်မယူ လာဘ်မစားဘူး
- အပြစ်ကို ရှာတယ် အပြစ်မပြောတတ်ဘူး
- သူတစ်ပါးကို သွန်သင်တယ် ဆရာမလုပ်ဘူး
- အမိန့်မပေးဘူး - အာဏာမပြဘူး
- ကိုယ်တိုင် လေ့လာသင်ယူမှု အပြည့်ရှိတယ်
- ကိုယ့်အပြစ်ကို သူတစ်ပါးအပေါ် ပုံမချတတ်ဘူး

အများကြီးပါပဲ…
ပြောချင်တာ တိုးတက်တဲ့ ကျောင်းဆိုတာ ကျောင်းအုပ် ကို လက်ထောက်တွေက ချစ်တဲ့ကျောင်းကို ခေါ်တာ မဟုတ်ဘူး…

ကလေး ပျော်ကျောင်း
ဆရာ/မ တွေ ပျော်ရွှင်စွာ ပညာ သင်ကြား ပို့ချနေတဲ့ ကျောင်းကို ခေါ်တာပါ…။ ။

(၂.၁၂.၂၀၁၉)

တစ်နှစ်ပြည့် ၊ မနှစ်ကရေးခဲ့တဲ့စာ

01/12/2020

SIF ဒုရစ်မှာ

၀၃၀၁ လုပ်အားခ

ကျောင်းပိတ်ထားတာကြာတော့ ကျောင်းမှာမြက်တွေရှင်းရမယ် ရေမြောင်းတွေပြင်ရမယ် အမှိုက်ကျင်းတွေတူးရမယ် များများလျာသင့် ပါတယ်

၀၃၀၃ ငှါးရမ်းခ ပါ

မြက်ရှင်းဖို့အတွက် မြက်ဖြတ်စက်တွေငှါးရတာမျိုး ကျောင်းအတွက် မြေညှိဖို့ မြေညှိစက်ငှားရတာမျိုး ပစ္စည်းတွေသယ်ဖို့ ယာဉ်ငှါးရတာတွေ ရှိလာမှာပါပဲ အသင့်အတင့်တော့ လျာထားရပါမယ်

၀၃၀၄ သယ်ယူပို့ဆောင်ခ

ကျောင်းတွေဖွင့်ဖြစ်တယ်ဆိုရင် ကလေးတွေကို ဘာပြိုင်ပွဲ ညာပြိုင်ပွဲ တွေသွားဖို့ ကျောင်းပစ္စည်းတွေ သယ်ယူပို့ဆောင်ဖို့ ရှိလာမှာပါပဲ အသင့်အတင့်တော့ လျာထားသင့်ပါတယ်

၀၃၀၅ ရုံးသုံး

သတိထားဖို့က ပထမအကြိမ်မှာလည်း ရုံးသုံးပစ္စည်းများများ လျာထားပြီး ဝယ်ခဲ့တာမျိုးရှိရင် ကျောင်းမဖွင့်ခဲ့တော့ အများစုက သုံးဖြစ်မှာမဟုတ်ပါ ဘူး လက်ကျန်နဲ့ချိန်ထိုးပြီး လျာထားသင့်ပါတယ်

၀၃၀၇ တံဆိပ်ခေါင်း ကြေးနန်း တယ်လီဖုန်း

ကျောင်းပိုင် ကြိုးဖုန်းတတ်ဆင်ထားတဲ့ ကျောင်းမျိုးမှလွဲ၍ မလျာတာ အကောင်းဆုံးပါ ကြိုးဖုန်းရှိတဲ့ကျောင်းဆိုရင်တော့ချင့်ချိန်ပြီးလျာပေါ့

၀၃၀၈ လျှပ်စစ်ဓာတ်အားခ

ပြဿနာတော်တော်တက်တဲ့ခေါင်းစဉ်ပါပဲ ကျောင်းဖွင့်ဖို့သေချာရင် ကိုယ့်ကျောင်းအခြေအနေအရ ခန့်မှန်းလျာထားလို့ရပေမယ့် ကျောင်းဖွင့် မဖွင့်က မသေချာတော့ နည်းနည်းပဲလျာတာ ကောင်းမယ်ထင်တာပါပဲ တော်ကြာကိုယ်က အများကြီးလျာပြီး မဆိုစလောက်ပဲကုန်ကျရင် တော် တော် ခေါင်းစားရတဲ့ အခြေအနေပါ

၀၃၀၉ စာအုပ်စာနယ်ဇင်း

စာအုပ် စာပေကတော့ များများဝယ်လေ ကောင်းလေပါပဲ ဒါပေမယ့် ကျောင်းတော်တော်များကတော့ ဘာလို့လဲတော့မသိဘူး ၀၃၀၉ ကို အဖြစ်သဘောလောက်ပဲလျာကြတာတွေ့ရပါတယ် လျာထားသင့်ပါတယ်

၀၃၁၃ လုပ်ငန်းသုံး

ကိုဗစ်ကာလဖြစ်လို့ မဖြစ်မနေ အများဆုံးလျာထားရမယ့် ခေါင်းစဉ်ပါ ခုချိန်မှာ ကိုဗစ်ကာကွယ်ရေးပစ္စည်းတွေမရှိမဖြစ်လိုအပ်မှာပါ ပိုတယ်ဆို တာမရှိလောက်ပါဘူး အကယ်၍ကျောင်းပြန်ဖွင့်ခဲ့ရင် သင်ကြားသင်ယူမှု အထောက်အကူပြုပစ္စည်းတွေလည်း လိုကိုလိုလာအုန်းမှာပါပဲလေ အများဆုံးလျာသင့်ပါတယ်

၀၃၁၄ အစားအစာရိက္ခာ

လျာကိုမလျာပါနဲ့လို့ အကြံပြုခြင်ပါတယ် ဘာကြောင့်လဲ သိပြီးကြမှာပါ

၀၃၂၀ ပုံနှိတ်ခ

ကျောင်းသာဖွင့်ဖြစ်ခဲ့ရင် ဘာစီမံချက် ညာစီမံချက် ကွန်ပြူတာ စာစီ စာရိုက်မိတ္တူ လိုကိုလိုလာမှာပါ မဖွင့်ဖြစ်ရင်လည်း အနည်းအကျဉ်းတော့ လိုလာမှာပါပဲ အသင့်အတင့်တော့လျာထားသင့်ပါတယ်

၀၃၂၅ ပြပွဲပြိုင်ပွဲစရိတ်

အတော်သတိထားရမယ့်ခေါင်းစဉ်ပါ ပထမအကြိမ်တုန်းက ၀၃၂၅ ကို လျာထားခြင်းဟာ မနှစ်ကအောင်မြင်ခဲ့တဲ့ ကလေးများကို ဆုချီးမြှင့်ဖို့ အတွက်သာ အဓိကလျာကြတာပါ ဒုတိယအကြိမ်ကိုတော့ ပုံမှန်အားဖြင့် ကျောင်းအားကစားပွဲများနဲ့ စုံညီပွဲများပြုလုပ်ဖို့ ရည်ရွယ်ကြတာပါ အခုက ကျောင်းဖွင့်မဖွင့်မသေချာသလို ဖွင့်ဖြစ်ခဲ့ရင်တောင် အရင်လို လူစုလူဝေး နဲ့ အခမ်းအနား ပွဲလန်းကြီးတွေ ကျင်းပဖို့ မဖြစ်နိုင်တော့ပါဘူး လျာခြင် သပဆိုလည်း အနည်းအကျဉ်းသာလျာသင့်ပြီး ကျွန်တော့်အမြင်အရ တော့ မလျာထားတာ အကောင်းဆုံးပါ

၀၄၀၉ အခြား(ပြင်ဆင်ထိန်းသိမ်းစရိတ်)

သူနဲ့ပတ်သက်ပြီး ကျောင်းအုပ်တော်တော်များများက နားလည်မှုလွဲနေ ကြတာကို မကြာခဏတွေ့နေရပါတယ် အခြားကိုအဓိပ္ပါယ်ကောက်လွဲပြီး ဆက်တီတွေ ဘီရိုတွေ ကွန်ပြူတာတွေ မိတ္တူကူးစက်တွေ ပလပ်စတစ် ထိုင်ခုံတွေ ဆိုင်ကယ်စတင်းအသစ်ဆောက်တာတွေ ပြလာတာကို မကြာခဏ တွေ့နေရပါတယ်

ငွေစာရင်းခေါင်းစဉ်မှာ ၀၄ နဲ့စတဲ့ခေါင်းစဉ်မှန်သမျှဟာ ပြင်ဆင်ထိန်း သိမ်းဖို့ပဲအကျုံးဝင်ပါတယ် ဥပမာ
စက်ကိရိယာတန်ဆာများပြုပြင်မယ်ဆိုရင်...၀၄၀၁
အဆောက်အဦများပြုပြင်မယ်ဆိုရင်........၀၄၀၂
လမ်းများပြုပြင်မယ်ဆိုရင်................. ၀၄၀၃
မော်တော်ယဉ်များပြုပြင်မယ်ဆို............ ၀၄၀၄
ရေယာဉ်များပြုပြင်မယ်ဆို................. ၀၄၀၅
သစ်တောကြိုးဝိုင်းတွေထိန်းသိမ်းပြုပြင်ဖို့က..၀၄၀၆
အထိမ်းအမှတ် အဆောက်အဦးဆိုရင်....... ၀၄၀၇
နယ်ခြားမှတ်တိုင်တွေပြုပြင်ထိန်းသိမ်းဖို့က... ၀၄၀၈

အထက်ပါ ၀၄၀၁ မှ ၀၄၀၈ အထိ မပါသေးတဲ့ အခြားပြုပြင်ရမည့် ကိစ္စမျိုးမှ...၀၄၀၉ ခေါင်းစဉ်နဲ့သုံးရမှာပါ
ဥပမာပေးရရင်
ကျောင်းအနေနဲ့သုံးလို့ရတာကပျက်စီးနေတဲ့ ခြံစည်းရိုးတွေပြုပြင်တာ
ကျောင်းသုံး ရုံးသုံးပရိဘောဂတွေ စာသင်ခုံတွေ စားပွဲတွေပြုပြင်တာ
မီးလိုင်းရေလိုင်းတွေပြုပြင်တာမျိုးတွေ
ကျောင်းဆောင်ပြုပြင်တာ(အသစ်ဆောက်ရန်မဟုတ် အသေးအဖွဲပျက်စီး သည့်ကိစ္စများတွင် ပြုပြင်ရန်သာ) မျိုးတွေမှာသာ သုံးဖို့ဖြစ်ပါတယ်

ဘယ်ကျောင်းမှာမဆို အသေးစား ပြုပြင်ထိန်းသိမ်းရမယ့် ကိစ္စမျိုးက အနည်းနဲ့ အများ ရှိကြမှာပါပဲ အဲဒီ့လိုကိစ္စမျိုးအတွက် ဒီခေါင်းစဉ်ကို ချပေးရခြင်းဖြစ်ပါတယ် ကျောင်းအခြေအနေ လုပ်ဆောင်ရမယ့် လုပ်ငန်း များကို အနီးစပ်ဆုံးသေချာတွက်ချက်ပြီးမှ လျာထားသင့်ပါတယ်

အလွန်ကုန်ကျစရိတ်များပြားတဲ့ ပြုပြင်ထိန်းသိမ်းရမယ့် အခြေအနေမျိုး ဆိုရင်တော့ သက်ဆိုင်ရာ မြို့နယ်ပညာရေးမှူးရုံးသို့ ကုန်ကျစရိတ်များကို တွက်ချက်တင်ပြပြီး တောင်းခံခွင့်ရှိသလို အစိုးရအနေနဲ့လည်း တင်သမျှ အားလုံးနီးပါးခွင့်ပြုပေးနေတာလည်း သိပြီးဖြစ်မှာပါ

ငွေစာရင်းခေါင်းစဉ်အလိုက်လျာထားပြီးရင်လည်း လျာထားသည့် ခေါင်းစဉ်နဲ့အညီ အပိုအလိုမရှိ ကွက်တိသုံးနိုင်ဖို့ဆိုတာကလည်း တကယ်တော့ မလွယ်လှပါဘူး ခေါင်းစဉ်တိုင်းမှာ ပိုတာလိုတာရှိစမြဲပါ

သုံးစွဲပြီးပါက စာရင်းစစ်ကန့်ကွက်ချက်မငြိအောင် သတ်မှတ်ချက်နဲ့ ဘောင်ဝင်အောင် ပြေစာ ဘောက်ချာများ ဖန်တီးရတာကလည်း ခေါင်းခြောက်စရာပါ

ဒါကြောင့် စတင်လျာထားကတည်းက လက်တွေ့အမှန်တကယ် သုံးစွဲ ရမယ့်မြေပြင်အခြေအနေနဲ့ ကိုက်ညီနိုင်သမျှကိုက်ညီအောင် သေချာစွာ စီစစ်ပြီးမှ လျာထားတာအကောင်းဆုံးပါ

ကိုယ့်ကျောင်း သူ့ကျောင်း အခြေအနေ လိုအပ်ချက် မိဘပံ့ပိုးမှု ကွာခြား တာကြောင့် သူများကျောင်းရဲ့ လျာထားချက်များကို အလွယ်တကူ ပုံတူယူ ကျောင်းနာမည်ပြောင်းရိုက်ပြီး မိတ္တူကူးတာမျိုးလည်း အထူးရှောင်သင့်ပါတယ် (အားလုံးကိုမဆိုလိုပါ တွေ့နေရလို့ပါ)

မိမိကျောင်းရှိကော်မတီအဖွဲ့ဝင်များ ဆရာ ဆရာမများနဲ့တိုင်ပင်ညှိနှိုင်းပြီး မိမိကျောင်းအတွက် ပိုမိုအကျိုးရှိထိရောက်အောင် လျာထားသုံးစွဲနိုင်ကြ ပါစေလို့ ဆန္ဒပြုလိုက် ရပါတယ်

(တာဝန်ခံကျောင်းအုပ်ကြီးများအတွက် အဓိကရည်ရွယ်ပြီး ရေးသား ပါသည်)

မှတ်ချက်

မိမိ၏ ကျောင်းအုပ်အတွေ့အကြုံ လက်ရှိ ATEO အတွေ့အကြုံပေါ် မူတည်၍ မေတ္တာဖြင့်လက်ဆင့်ကမ်းခြင်း ဖြစ်ပါသည် လိုအပ်ချက်များ ရှိပါက အပြုသဘောထောက်ပြ ဝေဖန်အကြံပြုပေးပါရန် ဖိတ်ခေါ်ပါ သည်.... သို့သော်

နိုင်ငံတော်အစိုးရ ပညာရေးဌာနနှင့် မိမိတို့၏ ပညာရေးမောင်နှမ လုပ်ဖော်ကိုင်ဖက်တို့အပေါ် ဂုဏ်သိက္ခာ ကျဆင်းစေမည့် comment များမရေးကြပါရန် မေတ္တာရပ်ခံပါသည် ရေးလျှင် block ပါမည်

ဆရာ ဆရာမအားလုံးကျန်းမာရွှင်လန်းကြပါစေခင်ဗျား

မေတ္တာဖြင့်..

ဦးငြိမ်းအေး
လ/ထ မြို့နယ်ပညာရေးမှူး မြစ်ကြီးနား

28/11/2020

👉သင်ပြောင်းသွားသော်👈

သြော်……
ဝန်ထမ်းလောက
ဆရာဘဝကား
ပြောင်းရရွှေ့ရ သွားနေရမှာ
ဓမ္မတာတည်း။

သို့တပြီးကား……
သင်ပြောင်းသွားသော်
သင်ကျရာကျောင်း
သင်တို့ကျောင်းသည်
အခြေတိုးမြင့် ကျန်ကောင်းသင့်၏။

သင်ပြောင်းသွားသော်
သင် သင်သည့်စာ
ဘာသာမှာလည်း
ကြီးပွားတက်မြင့်ကျန်ကောင်းသင့်၏။

သင်ပြောင်းသွားသော်
သင်၏တပည့်
ကလေးများလည်း
ဘက်စုံဖွံ့ဖြိုး ဥာဏ်ရည်တိုး၍
သားကောင်းလိမ္မာ ကျန်ခဲ့ရာ၏။

သင်ပြောင်းသွားသော်
သင်ကျနေရာ ရပ်ရွာမှာလည်း
ပညာတိုးမြင့် အနေမြင့်ပြီး
ပညာရေးစိတ် ညီညာစိတ်ဖြင့်
ဝိုင်းကာဖေးမ ကူညီကြပြီး
ကျက်သရေပေါင်း စာသင်ကျောင်းလေး
ဝါးဝါးစွင့်စွင့် ကျန်စေရာ၏။

သင်ပြောင်းသွားသော်
သင်ရဲ့လက်ရာ သင့်စေတနာများ
တမ်းတမ်းတတ လွမ်းနေကြရင်း
ဘယ်ခါပြန်သွား ခေါင်းမော့ထားနိုင်
တပည့်အပေါင်း ညွှတ်ပြောင်းခယ
တသသနှင့် ငါတို့ဆရာ
တို့ဆရာဟု ဝင့်ကြွားမှတ်တမ်း
နှလုံးသားဝယ် ရေးထိုးနိုင်အောင်
စွမ်းဆောင်ကြိုးပမ်း မှတ်တမ်းတစ်ခု
သမိုင်းခြေရာ ထားခဲ့ရာ၏။

Credit Aung (Education)
Copy

28/11/2020