Потребата за организирано и специјализирано музичко школување во град Тетово придонесе за отворање на Основното музичко училиште во 1950 година, денес Д.М.У. „Тодор Скаловски-Тетоец“. „Целта и дејноста на Основното музичко училиште пред сè е создавање на репродуктивен кадар, негување на лубовта кон музиката и создавање на слушателска публика“ (Блажевска 2000: 59). Почеток на дејноста на училиштето се означи со создавање на првите групи за солфеж, пијано и виолина од страна на музичките дејци и љубители на музиката, меѓу кои се Гани Јахја, Анание Поповски, Урбано Андроли и Спиро Гребенароски. Со зголемувањето на бројот на ученици, се зголеми и бројот на наставници: Видосава Петровиќ, Андро Апостолски, Фрањо Черни, Вера Крстева, Елеонора Заковска и други. Првиот директор на училиштето бил Спиро Гребенароски (1950-1962), потоа Андро Апостолски од 1968-1980 година, од 1980-2007 година директор беше Ивица Зориќ, од 2007-2008 година Јетон Пустина, а од 2008 година актуелен директор е Симона Зафировска.
Со текот на годините, музичкото училиште не само што беше образовно-воспитна институција, туку и се претвори во важен културен центар во градот. Не е случајно дека токму во составот на училиштето во 1991 година се изгради концертна сала која од своето основање поседуваше ново полуконцертно пијано, со што се направила големата пресвртница во концертниот живот на градот Тетово.
Денес, основната дејност на училиштето е основното и средното воспитание и специјализирано музичко образование.
Воспитно-образовната дејност во училиштето опфаќа настава и воннаставна дејност. Воннаставната дејност се остварува преку различни форми: учество во многубројни државни и меѓународи натпревари, јавни часови, слободни активности на учениците, концерти, општествена и културна дејност и др. Во поголемиот број на концерти одржани во училиштето, учествуваат ученици кои постигнуваат успех во изучувањето на инструментот и ученичките ансамбли (хорови, оркестри и камерни состави).
Денес, оваа установа е еден од најважните фактори за подобрување на квалитетот на музичкиот живот во градот, но и во цела Западна Македонија.
_____________________________________
Nevoja për shkollim muzikor të organizuar dhe të specializuar në qytetin e Tetovës, solli krijimin e Shkollës Fillore të Muzikës në vitin 1950, sot SH.SH.M "Todor Skallovski-Tetoec". Fillimi i veprimtarisë së shkollës u nënvizua me krijimin e grupeve të para të solfezhit, pianos dhe violinës nga ana e veprimtarëve muzikor dhe dashamirëve të muzikës, midis të cilëve janë Gani Jahja, Ananie Popovski, Urbano Androli dhe Spiro Grebenaroski. Me rritjen e numrit të nxënësve, u rrit dhe numri i arsimtarëve: Vidosava Petroviq, Andro Apostolski, Franjo Cerni, Vera Krsteva, Eleonora Zakovska dhe të tjerë. Drejtori i pare i kesaj shkolle ka qene Spiro Grebenaroski (1950-1962), me pas Andro Apostolski na 1968-1980, per te vazhduar nga 1980-2007 profesor Ivica Zoriq, nga 2007-2008 Jeton Pustina, kurse prej vitit 2008 drejtor aktual eshte Simona Zafirovska. Me kalimin e viteve, shkolla e muzikës jo vetëm që ka qenë një institucion edukativo-arsimor, por është transformuar në një qendër të rëndësishme kulturore të qytetit. Jo rastësisht në vitin 1991 në ambientet e kësaj shkolle u ndërtua sallë koncertale, e cila që në fillim posedonte piano të re gjysëmkoncertale, me çka u bë një kthesë e madhe në jetën koncertale të qytetit të Tetovës. Sot, veprimtaria kryesore e shkollës është arsimimi fillor dhe i mesëm dhe shkollimi muzikor i specializuar. Veprimtaritë jashtëmësimore realizohen nëpërmjet formave të ndryshme: orë publike, aktivitete të lira të nxënësve, koncerte, veprimtari shoqërore dhe kulturore e të tjera. Në numrin më të madh të koncerteve të mbajtura në shkollë, marrin pjesë nxënësit, të cilët arrijnë të kenë sukses në zotërimin e instrumentit dhe ansamblet e instrumentistëve (koret, orkestrat dhe formacionet kamertale). Sot, ky institucion është ndër faktorët më të rëndësishëm për përmirësimin e cilësisë së jetës muzikore në qytet.
