Лектор по македонски јазик

20/04/2025

Празниците во македонскиот стандарден јазик се пишуваат со голема почетна буква: Велигден, Величетврток, Велипеток (може да се сретнат и како Велики четврток и Велики петок), Велјасабота (Велика сабота). Придавките во македонскиот јазик се пишуваат со мала буква, па така придавката од Велигден ќе гласи велигденски.

📌 Среќен Велигден!
Честит Велигден!
Среќни велигденски празници!

лиценциран лектор по македонски јазик
м-р Сања Спаскова

08/03/2025

За денешниот празник се среќаваат многу комбинации - со голема буква, со мала буква, со наставка, со цртичка, без цртичка, но правилото е едноставно и правилни се само овие две варијанти: 8 Март и Осми март.
Сите други комбинации се погрешни.

🍀🌸 Зад секоја успешна жена, стои таа самата! Среќен 8 Март! 🌸🍀

01/02/2025

Во македонскиот стандарден јазик имињата на месеците се пишуваат со мала буква: јануари, февруари, март, април, мај, јуни, јули, август, септември, октомври, ноември и декември.
Да му посакаме добредојде на февруари.

07/01/2025

Празниците во македонскиот стандарден јазик се пишуваат со голема буква: Божиќ/Божик, Велигден. Ако се составени од повеќе зборови, само првиот збор се пишува со голема буква.
📌 Празниците се честитаат со придавките честит или среќен.
📌 Придавката Божји (не Божији) е изведена од Бог и се пишува со голема буква.

01/01/2025

23/12/2024

Во пресрет на празниците, да се потсетиме:

📌
Имињата на празниците во македонскиот стандарден јазик се пишуваат со голема буква. Ако се составени од повеќе зборови, само првиот збор се пишува со голема буква.
(Нова година, Божиќ/Божик, Осми март, Рамазан бајрам итн.)

📌
Придавките изведени од имињата на празниците се пишуваат со мала буква.
(новогодишен, божиќен, осмомартовски итн.)

06/12/2024

Лиценциран лектор по македонски јазик врши лектура на секаков вид текстови:

• семинарски, дипломски, магистерски и докторски трудови

• сите видови на публикации (сите видови на научни трудови, статии за весници, списанија и нивните електронски изданија)

• рекламен материјал

• бизнис-планови, записници, договори, решенија