Vizioni M

Në kuadër të javës së pestë të Shkollës Rinore Ballkanike, më 06.06.2026, në amfiteatrin e Shkolla Maarif në Tetovë, u mbajt ligjërata me temë "Identiteti, vlerat dhe balanca shpirtërore te Gjenerata Z", e udhëhequr nga Profesor Metin Izeti.
Sipas profesorit të nderuar, sfida kryesore e të rinjve do jetë mes shumësisë së DILEMËS dhe krijimi i vagullt i paraqitjes konfuze dhe asaj që është në brendinë e personalitetit të njeriut, dilemat ERICH FROM-ijane, JAM DHE KAM, janë hije permanente e kësaj gjenerate, duke injoruar vetën (JAM) dhe duke i dhënë prioritet pasqyrës së hutuar nëpërmes ekranizimit se (KAM).
Gjersa segmenti horizontal, apo ai social përmbushet në forma të ngjeshura me shumësi identitesh, asnjëherë qenësia nuk do të jetë e përmbushur nëse nuk plotëson plotninë e tij vertikale, apo hyjnore me Zotin.

Pjesëmarrësit ndoqën me vëmendje diskutimet dhe reflektimet e ofruara, duke e bërë këtë takim një mundësi të vlefshme për shkëmbim mendimesh dhe thellim të vetëdijes mbi sfidat dhe përgjegjësitë e të rinjve sot.

Në fund të ligjëratës u shënua një moment i veçantë artistik dhe emocional. Njëra nga pjesëmarrëset, e frymëzuar nga temat e trajtuara gjatë gjithë ligjëratës, kishte shkruar një poezi gjatë zhvillimit të saj, të cilën e recitoi para të pranishmëve, duke përcjellë emocion, kreativitet dhe një reflektim të sinqertë mbi mesazhet e dëgjuara.

Aktiviteti dëshmoi edhe një herë misionin e Shkollës Rinore Ballkanike për të krijuar hapësira ku të rinjtë mund të zhvillojnë mendimin kritik, të forcojnë identitetin e tyre dhe të kultivojnë vlera që kontribuojnë në formimin e tyre intelektual, moral dhe shpirtëror.

Para pak ditësh kaluam një pasdite të veçantë, të mbushur me buzëqeshje, biseda të sinqerta dhe momente që do t’i kujtojmë gjatë. 🤍

Përmes aktivitetit “Kutia e Mendimeve të Heshtura”, në mënyrë anonime ndamë këshilla, fjalë mbështetëse dhe u gëzuam për sukseset e njëra-tjetrës. Diskutuam rreth librave, zhvilluam një kuiz me pyetje islame dhe kaluam çaste të bukura plot argëtim. Urime për Nejla Ramadanin, e cila u shpërblye me një dhuratë modeste si fituese e kuizit. 🎉

Një nga momentet më të veçanta ishte edhe shkëmbimi i dhuratave simbolike mes vajzave, si një kujtim i vogël që do të na rikujtojë këtë ditë të bukur dhe shoqërinë që po forcohet çdo ditë e më shumë.

Faleminderit secilës që ndau kohën e saj dhe u bë pjesë e këtij aktiviteti. Prania juaj e bëri këtë takim më të ngrohtë, më të bukur dhe më kuptimplotë.

Shpresojmë të takohemi sërish shumë shpejt, bashkë edhe me ato që këtë herë nuk patën mundësi të jenë me ne. 🤍✨