Правен факултет „Јустинијан Први“ - Скопје

Започна третото издание на летната школа „Re: Europe: Rethinking Europe Together. Touring Summer School Berlin-Dijon-Skopje-Sofia” каде што покрај Правниот факултет „Јустинијан Први“ партнери се и факултетите за политички и општествени науки од Универзитетот Sciences Po - кампусот во Дижон, Хумболт универзитетот во Берлин и Новиот бугарски универзитет во Софија. Проектот е финансиски подржан од Француско-германската канцеларија за млади (OFAJ). Летната школа има за цел да развие конструктивен и отворен дијалог околу клучните европски прашања помеѓу студенти од четирите држави. Летната школа се состои од четири семинари кои на едно место групираат 32 студенти по политички и општествени науки кои дебатираат и разменуваат идеи околу предизвиците на процесот на европска интеграција, политиките на помирување и прекугранична соработка и дијалог.

Првата етапа на патувачката летна школа се одржа на 25 и 26 мај во Скопје во организација на нашиот факултет. Семинарот опфати предавања од наши професори, работилници и посета на Меморијалниот центар на холокаустот, како и дебатирање со експерти и дипломати, вклучувајќи ги и амбасадорите на ЕУ, Франција, Германија и Бугарија. На 26 мај учесниците на летната школа беа пречекани од претседателката на Република Северна Македонија, проф. д-р Гордана Силјановска-Давкова, која имаше обраќање и дискусија со студентите.

На школата учествуваат нашите студенти Константин Темелков, Јасин Мемеди, Бјанка Јанеска, Слободанка Николова, Нина Котеска, Петар Богатинов и Антонија Трајчева, а се придружувани од професорот Иван Дамјановски. Тие активно учествуваат во предавања и дискусии со истакнати политичари, професори и аналитичари на теми поврзани со процесите на помирување и разрешување на конфликти и предизвиците поврзани со перспективите на проширувањето на Европската Унија. Летната школа продолжува оваа недела со семинарот во Софија и студиска посета на Солун.

❗️Reminder: "Why Is Pericles Relevant Today?" 📆 Tomorrow, May 28th!

👉 If you haven't registered yet, there's still time. Join us tomorrow, Thursday, 28 May 2026 at 11:00 am, at the Library of the Faculty of Law – Iustinianus Primus, Skopje, for a fascinating discussion on one of history's most powerful political speeches - Pericles' Funeral Oration.

Over 2,500 years later, his words on democracy, equality, and civic responsibility are still relevant. Hear from distinguished scholars, the translator of the recently published edition, and opening remarks by the Ambassador of Greece to North Macedonia and the Dean of the Faculty of Law, Dr. Sasho Georgievski.

The event is free and open to the public but registration is required here 👇
🔗 https://forms.cloud.microsoft/e/sjXWpuFpxv

📍 На 20 мај 2026 година, во библиотеката на Правниот факултет „Јустинијан Први“ при Универзитетот „Св. Кирил и Методиј“ во Скопје, успешно се одржаа конференцијата „Вештачката интелигенција и правото: интердисциплинарни перспективи“ и работилницата „Од регулатива до пракса - како да се подготвиме за новите правила за ВИ“, организирани во рамки на научноистражувачкиот проект „Усогласување на македонскиот правен систем со законодавството на ЕУ за вештачка интелигенција“, финансиран од Министерството за образование и наука.
На настанот свои излагања и учество имаа проф. д-р Јадранка Дабовиќ – Анастасовска, проф. д-р Тања Каракамишева – Јовановска, проф. д-р Лазар Јовевски, проф. д-р Александар Ристовски, проф. д-р Христина Рунчева – Тасев и проф. д-р Александар Спасов, кои преку различни интердисциплинарни перспективи отворија значајни прашања поврзани со правната регулација, етиката, практичната примена и идниот развој на системите со вештачка интелигенција.
Настанот обедини професори, правници, претставници од институции, ИТ експерти, студенти и практичари, кои преку интердисциплинарен пристап дискутираа за актуелните предизвици што ги носи развојот на вештачката интелигенција, како и за потребата од современа и ефикасна правна регулатива усогласена со европските стандарди.
Преку повеќе излагања, панел-дискусии и практични осврти, беа отворени важни прашања поврзани со примената на AI системите, заштитата на човековите права, одговорноста, етичките аспекти и идните законодавни решенија. Особено внимание беше посветено на имплементацијата на EU AI Act и неговото влијание врз националниот правен систем.
Конференцијата и работилницата поминаа во одлична атмосфера, со голем интерес, конструктивни дискусии и активно учество на присутните, потврдувајќи ја важноста од вакви настани кои ја поврзуваат правната наука, технологијата и практиката.
Благодарност до сите учесници, говорници и присутни за придонесот кон успешната реализација на настанот.
#ПравенФакултет #ВештачкаИнтелигенција #Право

📍 Учество на FUTURE LAW’26 во Талин, Естонија
Во периодот 14–15 мај 2026 година, претставници од тимот на научно-истражувачкиот проект „Усогласување на македонскиот правен систем со законодавството на Европската Унија за вештачка интелигенција“ - проф. д-р Тања Каракамишева-Јовановска, проф. д-р Христина Рунчева-Тасев и асс. м-р Катерина Жатева - учествуваа на меѓународната конференција FUTURE LAW’26 во Талин, Естонија.
Проектот се реализира на Правниот факултет „Јустинијан Први“ при Универзитетот „Св. Кирил и Методиј“ во Скопје, а е финансиран од Министерството за образование и наука.
Настанот се одржа во Талин - еден од најдигитализираните градови во Европа, препознатлив по своето е-управување, напредната дигитална инфраструктура и иновативниот пристап кон технологијата.
FUTURE LAW’26 претставува еден од најзначајните европски настани посветени на иднината на правото, вештачката интелигенција, дигиталната трансформација и современите регулаторни предизвици. Во рамки на настанот беа организирани бројни панел-дискусии и предавања посветени на AI регулацијата, дигиталната трансформација, улогата на институциите и влијанието на новите технологии врз правниот систем.
Учеството на проектниот тим овозможи размена на искуства и идеи со еминентни професори, правници и експерти од повеќе европски држави, како и воспоставување нови академски и професионални контакти.

Професори од Правниот факултет “Јустинијан Први” во Скопје Aleksandra Gruevska Drakulevski Aleksandra Deanoska Trendafilova Boban Misoski Dragan Gocevski и Ивана Шумановска-Спасовска, во рамките на проектот „Континуирано правничко образование и квалификации за модерна правна професија“, имплементиран од Правниот факултет „Јустинијан Први“ – Скопјe, Универзитет „Св. Кирил и Методиј“ во Скопјe, а финансиран од Министерството за образование и наука на Република Северна Македонија, остварија студиски престој на Европа Институтот при Универзитетот Саарланд во Саарбрукен.

Свечена промоција на дипломирани студенти на прв и втор циклус на студии на Правниот факултет “ Јустинијан Први” -Скопје. Искрени честитки за нашите студенти!

Фотографии од промоцијата може да се преземат на следните врски:

https://photos.app.goo.gl/WzNcQckoo1Lnd27y7

https://photos.app.goo.gl/hpWSBFmw47D9R9Sr6

Правен факултет „Јустинијан Први“ – Скопје Свечено доделување на дипломи на дипломци од втор циклус на студии 19.05.2026 · Tuesday, May 19 📸 Shared album · Tap to view!

Зошто Перикле е релевантен денес?

Амбасадата на Грција во Скопје и Правниот факултет „Јустинијан Први“ при Универзитетот „Св. Кирил и Методиј“ во Скопје имаат чест да ве поканат на дискусија посветена на еден од најзначајните политички говори во историјата.

Во четврток, 28 мај 2026 година, во 11:00 часот, во библиотеката на Правниот факултет ќе се одржи промоција на книгата „Погребното слово на Перикле“ од Тукидид, неодамна објавена од издавачкиот центар TРИ.

На настанот ќе учествуваат преведувачката на „Погребното слово на Перикле“ и научен советник во Институт за старословенска култура, Универзитет „Св. Климент Охридски“- Битола, д-р Марија Чичева-Алексиќ, професорот по јавно право на Националниот и Каподистриски универзитет во Атина, д-р Спиридон Влахопулос, професорката по меѓународни односи, д-р Јулија Брсакоска Базеркоска, како и професорот по политички науки, д-р Ненад Марковиќ. Модератор на дискусијата ќе биде продеканот на Правниот факултет, д-р Драган Гоцевски.

Повеќе од дваесет и пет века по говорот на Перикле за демократијата, еднаквоста пред законот, граѓанското учество и одговорноста кон општото добро, неговите зборови и понатаму одекнуваат низ светот. Дискусијата ќе ја истражи релевантноста на погребното слово и неговата поврзаност со денешните демократски предизвици.

Воведни обраќања ќе одржат амбасадорката на Грција во Северна Македонија, Софија Филипиду, и деканот на Правниот факултет, д-р Сашо Георгиевски.

Настанот е отворен за јавноста, но е потребна регистрација на следниот линк.
https://forms.cloud.microsoft/e/sjXWpuFpxv

Why Is Pericles Relevant Today?

The Embassy of Greece in Skopje and the Ss. Cyril and Methodius University in Skopje Iustinianus Primus Faculty of Law-Skopje are pleased to invite you to a discussion dedicated to one of the most significant political speeches in history.
On Thursday, 28 May 2026, at 11:00 am, at the Library of the Faculty of Law a presentation of Thucydides' Pericles' Funeral Oration, recently published by the TRI publishing house, will take place.

The event will feature the translator of Pericles' Funeral Oration, and Senior Research Fellow at the Institute of Old Slavonic Culture, University “St. Kliment Ohridski” – Bitola, Dr. Marija Chicheva Aleksic., Professor of Public Law at the National and Kapodistrian University of Athens, Dr. Spyridon Vlachopoulos, Professor of International Relations Dr. Julija Brsakoska Bazerkoska, and Professor of Political Science, Dr. Nenad Markovic. The discussion will be moderated by the Deputy Dean of the Faculty of Law, Dr. Dragan Gocevski.

More than twenty-five centuries after Pericles spoke of democracy, equality before the law, civic participation, and responsibility toward the common good, his words continue to echo across the world. The discussion will explore the relevance of the Funeral Oration and its relation with today’s democratic challenges.

Opening remarks will be delivered by the Ambassador of Greece to North Macedonia, Sophia Philippidou, and the Dean of the Faculty of Law, Dr. Sasho Georgievski.

The event is open to the public but registration is required at the following link. https://forms.cloud.microsoft/e/sjXWpuFpxv

Мобилност на студентите во Солун
Четиринаесет студенти на Правниот факултет „Јустинијан Први“ Скопје минатата недела остварија мобилност во Солун, Грција. Заедно со колегите од Аристотеловиот универзитет во Солун, како и Новиот бугарски универзитет од Софија успешно учествуваа на повеќедневната програма “Questioning the “Never again”: The Holocaust and mass atrocities: comparing to single out”, организирана од Музејот Мемориал де ла Шоа од Париз и Фондот на холокаустот на Евреите од Македонија во рамките на регионална програма за размена и соработка. Во рамки на програмата, предавање одржа и нашиот професор Мишо Докмановиќ.

Повик за пријавување | AI & LAW 2026 | Конференција и практична работилница
Правниот факултет „Јустинијан Први“ при УКИМ ве поканува на конференција и работилница:
„Вештачката интелигенција и правото: интердисциплинарни перспективи, европски стандарди и национални предизвици“
Датум: 20 мај 2026
Време: 10:00 часот
Место: Библиотека на Правниот факултет „Јустинијан Први“ – Скопје
Настанот ќе обедини врвни професори и експерти од различни правни области, кои ќе дискутираат за:
✔ AI и правото
✔ европски регулаторни стандарди
✔ алгоритамско управување
✔ дигитална трансформација
✔ практичната примена на EU AI Act
Во рамките на настанот ќе се одржи и практична работилница:
„Од регулатива до пракса: како да се подготвиме за новите правила за ВИ“
Сите учесници ќе добијат:
✔ сертификат за учество
✔ конференциски материјал
✔ можност за вмрежување, размена на идеи и дискусија
🔗 Повеќе информации:
https://pf.ukim.edu.mk/povik-za-uchestvo-konferenczija-veshtachkata-inteligenczija-i-pravoto-interdiscziplinarni-perspektivi-i-rabotilnicza-od-regulatuva-do-praksa/
Пријавување: Регистрација за конференција и работилница – Fill out form