Основно општинско училиште "Крсте Петков Мисирков" Радовиш

🎓 Генерација 2017–2026 🎓

🏆 За спортист на генерацијата е прогласен Берат Јакупов од IX-2, кој со својот спортски дух, упорност и одлични резултати достојно го претставуваше училиштето.
Честитки Берат!

🎓 Генерација 2017–2026 🎓

✨ Со особена чест и гордост ја претставуваме ученичката - првенец на генерацијата, Ива Ѓоргиева од IX-2 одделение.
Таа е пример за труд, посветеност, знаење и успех. Нејзините достигнувања ќе останат инспирација за сите идни генерации.
Честитки Ива!

На самиот крај од учебната година, нашите ученици ја заокружија годината со уште еден голем успех! Овие резултати се прекрасен завршеток на една успешна учебна година!
Честитки!

🎓Денес не се збогуваме само со едно училишно поглавје, туку со едно прекрасно детство исполнето со смеа, другарства, успеси и незаборавни спомени.
Пред девет години пристигнавте како мали, љубопитни деца, а денес заминувате како млади луѓе подготвени за нови предизвици и нови соништа. Во училниците оставивте дел од себе – вашите насмевки, прашања, таленти и искрена детска радост.
✨Нека патот пред вас биде исполнет со храброст, знаење и среќа. Чувајте ги спомените што ги создадовте, негувајте ги пријателствата што ги стекнавте и никогаш не престанувајте да верувате во себе.
Драги полуматуранти, ви посакуваме светла иднина и многу успеси. Засекогаш ќе останете дел од нашето училишно семејство. ❤️

Со гордост ги споделуваме резултатите од Државниот натпревар по македонски јазик!
👏Честитки за нашите ученици за постигнатиот успех, како и за нивните ментори за посветената работа и поддршка.
Им посакуваме уште многу успеси, нови предизвици и достигнувања во иднина!
👏📚🇲🇰 Честитки за сите наградени ученици и нивните ментори!

📌 Државен натпревар по физика 2026! 🪐⚡️🔭

На 06.06.2026 година, на Природно-математичкиот факултет во Скопје, се одржа Државниот натпревар по физика.

Горди сме на нашите ученички Ивона Ефтимова и Георгина Митевска, кои достојно го претставуваа нашето училиште и го покажаа своето знаење, труд и љубов кон физиката.

✨ Ивона Ефтимова беше наградена со пофалница за постигнатиот успех.

✨ Георгина Митевска оствари успешно учество на натпреварот.

Упатуваме искрени честитки и до нивниот ментор Павле Петров за вложениот труд, посветеност и поддршка.

„Успехот не е случајност – тој е резултат на труд, упорност, учење и љубов кон она што го правиш.“

Ви посакуваме уште многу успеси, нови предизвици и достигнувања! 🍀🏆📚

Нашите ученици од IX одделение успешно ја завршија тридневната научно-рекреативна екскурзија.
🌍Ново патување, нови доживувања од посетени значајни културно-историски знаменитости и многу насмевки.
Екскурзија исполнета со дружење, збогатување на знаења, развивање на тимскиот дух и создавање убави спомени кои долго ќе ги паметат.
✨Секое патување е нова приказна, а оваа ќе остане посебен дел од училишните денови.

ООУ „Крсте Петков Мисирков“ објавува Конкурс за избор на ученик – првенец на генерацијата и спортист на генерацијата 2017–2026.

👉Ги повикуваме сите ученици од деветто одделение кои ги исполнуваат условите да аплицираат во предвидениот рок.

📅 Конкурсот е отворен од 03.06.2026 до 09.06.2026 година.
🎓 Успехот, трудот и посветеноста заслужуваат признание!

https://www.ooukpm.com/konkurs-za-uchenik-na-generacijata-2025-26/

🥇Нашето училиште е уште побогато со награди, а нашите ученици уште еднаш докажаа дека се на самиот врв!
Со гордост ги споделуваме резултати на нашите вредни биолози и нивните посветени ментори.Упатуваме честитки до учениците за нивниот труд, знаење и борбеност, како и до менторите кои безрезервно ги водеа низ овој процес.
Вие сте гордост на нашето училиште!