Факултет за биотехнички науки - Битола

📍 Делегација на Факултетот за биотехнички науки на семинар во Народна Република Кина

Во периодот од 15.05 до 26.05.2026 година делегација на Факултетот за биотехнички науки, предводена од деканката проф. д-р Елена Јошевска, заедно со раководителот на Центарот за научноистражувачка работа проф. д-р Билјана Трајковска и раководителот на Катедрата за агроекономија проф. д-р Катерина Бојковска, учествуваше на меѓународен семинар во Народна Република Кина, посветен на темите поврзани со Агендата 2030 за одржлив развој и зачувување на животната средина.

За време на престојот, делегацијата имаше можност да присуствува на бројни предавања, стручни презентации и работилници посветени на современите предизвици поврзани со климатските промени,зелените технологии и дигиталната трансформација во индустрискиот сектор.

Во рамките на програмата беше реализирана и официјална посета на Земјоделскиот Универзит во Пекинг(Beijing University of Agriculture), каде беа презентирани современи научноистражувачки практики, иновативни технологии и модели на академска соработка. Посетата овозможи размена на искуства и идеи за идни заеднички активности во областа на образованието, науката и иновациите.

Во своето обраќање, деканката проф. д-р Елена Јошевска истакна дека денешните глобални предизвици, особено климатските промени, безбедноста на храната и потребата од одржлив развој, бараат интензивна меѓународна соработка и размена на знаења.
Раководителот на Катедрата за агроекономија, проф. д-р Катерина Бојковска, ја потенцираше важноста на циркуларната економија како еден од клучните модели за одржлив развој и ефикасно користење на ресурсите. Таа истакна дека современото земјоделство и агробизнисот мора да се насочат кон зелени и одржливи практики кои ќе придонесат за економски развој и заштита на животната средина.

Семинарот беше свечено затворен со завршен збор на раководителот на Центарот за научноистражувачка работа, проф. д-р Билјана Трајковска, која ја истакна важноста на научната соработка, размената на искуства и градењето долгорочни партнерства меѓу академските институции.

👉Проектниот тим од Факултетот за биотехнички науки при Универзитетот "Св. Климент Охридски" - Битола, составен од проф. д-р Дијана Блажековиќ - Димовска, проф. д- Весна Карапетковска - Христова и проф. д-р Билјана Трајковска, во периодот од 4 до 9 мај 2026 реализираше посета на Karadeniz Technical University во Трабзон, Турција, каде во рамките на проектот НИДА се одржа обука на студенти, проектна активност од исклучително значење за целите на проектот.
👉Заедно со студентите од овој Универзитет се дискутираше за модули поврзани со морските и водните екосистеми, морската и слатководната флора и фауна, заканите со кои се соочуваат овие природни ресурси и биодиверзитетот, заштитените подрачја и еколошките конвенции, важноста на волонтирањето во акции поврзани со природата, како и кампањите за граѓанска наука...

♻️🌊 🇪🇺 Проектот е финансиран од Европската Унија преку програмата Erasmus+.

TRU

На 20.05.2026 година на Факултет за туризам и угостителство се одржа Студентската конференција „Сервеко“, на која активно учество зедоа студентките:

🔹 Теодора Јаковлеска со труд под наслов:
„Компаративна анализа на функционалните напитоци: глобални трендови и состојби на домашниот пазар“,
под менторство на проф. д-р Елена Јошевска.

🔹 Теона Котеска со труд под наслов:
„Интолеранција на лактоза и примена на безлактозни производи во современата гастрономија“,
под менторство на проф. д-р Гордана Димитровска.

На настанот учествуваше и продеканката за наука и меѓународна соработка, вон.проф.д-р Весна Продановска- Попоска.

Со своето учество студентките дадоа значаен придонес во промоцијата на научно-истражувачката работа, размената на идеи и унапредувањето на современите трендови во областа на гастрономијата и функционалната исхрана.

Им честитаме за успешната презентација и им посакуваме понатамошни успеси!

Традиционално, по повод Светскиот ден на пчелата – 20 Мај, и оваа година на Факултетот за биотехнички науки беше организирана едукативно-креативна работилница "Bee Day 2026" 🐝🌼

На покана на Катедрата за биотехнологија, учесници на работилницата беа средношколци од  ОСМУ "Д-р Јован Калаузи" и СОЕУ „Јане Сандански“ - Битола, заедно со своите класни раководители. 

Преку интерактивен и иновативен пристап, учениците изработуваа природни сапуни и ароматични свеќи, а воедно учествуваа и во симулација на бизнис-идеја „од кошница до маркет“, каде преку игра, тимска работа и креативни техники се запознаа со значењето на пчеларството, природните производи и нивната пазарна вредност.

Работилницата претставуваше прекрасна можност за поврзување на науката, креативноста и претприемништвото, со цел подигнување на свеста за значењето на пчелите и одржливото користење на природните ресурси. 🍯✨

Првиот колабораториум на УКЛО КОЛОРС за 2026 каде носители се ФБН и ВМШ а партнери UCLM Шпанија и JDU Полска се случува следната недела на 12 и 13 мај во Колаборативниот простор во СИЦ Битола. Студенти повелете, имаме студенти учесници и од Полска, а бенефитите знаете дека се бројни!

ПОВИК / ИЗВЕСТУВАЊЕ до сите студенти на Факултет за биотехнички науки - Битола за нашата еко акција за чистење, засадување на цвеќиња во просторот на Факултетот и воспоставување на чиста средина за сите студенти.🌳🌺♻️🗑️

Ве очекуваме со Ваше присуство утре, 07.05.2026год (четврток) во 12:00 часот.

📣 Известување за студентите на УКЛО

📅На 8 мај 2026 година (петок), со почеток во 11:00 часот, во Студентскиот информативен центар на Универзитет „Св. Климент Охридски“ – Битола, ќе се одржи едукативниот настан „Парламентарен караван“, во организација на Собранието на Република Северна Македонија.
🎓 Настанот е наменет за студенти и овозможува:
✔️ запознавање со работата на Собранието
✔️ учество во интерактивен квиз
✔️ модерирана дискусија на теми од јавен интерес
✔️ вмрежување и размена на идеи

📍 Локација: Студентски информативен центар – УКЛО, Битола
⏰ Време: 11:00 – 13:00 часот

👉 Ги охрабруваме сите заинтересирани студенти да земат активно учество!

#ПарламентаренКараван #СобраниеНаРСМ #УКЛО #Битола #Студенти #Едукација #Вмрежување #ГраѓанскоОбразование #МладинскоУчество