17/10/2025
Miarahaba antsika Malagasy nahavita izao dingana Lehibe sy Vaovao izao. Arahabaina manokana ny Filohan’ny Fitondram-panjakana sy ireo Mpiara-miasa aminy. Mitsodrano sy mirary soa ho azy ireo isika hahatontosa ny andraikitra Lehibe Sy mankadiry izay tena hita fa Sarotra sy manahirana tokoa 🙏. Hampahery azy ireo isika, hiombona amin’izy ireo ihany koa, ajanontsika tanteraka aloha ny fifanenjehana sy adihevitra tsy mitondra fandrosoana. Hiaraka amin’izy ireo isika hanarina ny firenena, mino sy matoky fa manana drafitra entina hanarina izany izy ireo. Marihina kosa fa tsy Andriamanitra akory izy ireo ka heverintsika hahavita fahagagana vetivety, tsy Andriamanitra akory izy ireo ka heverintsika fa afaka hanarina vetivety ny lesoka hatramin’izay, jereo anie ny fahatsoran’izy ireo e, tsy mila Fankalazana sy fihobiana avy amintsika izy ireo ka hoe ho deraderaina sy hobihobiana, ny fiarahana mientana no angatahin’izy ireo amintsika rehetra. Zavatra telo Lehibe no voaraiko nolazainy teo: ny Voalohany dia mikasika ny fiainantsika andavanandro, Sakafo Jiro Rano Fahasalamana… ny faharoa izay nataony hoe antonon’Ezaka dia ny Fiombonana mandinika ny fomba entina manangana sy manorina Rafitra vaovao ka hananganana Repoblika vaovao, hanatanterahana Fitsapan-kevibahoaka sy Fifidianana mendrika sy marina ; ary ny fahatelo izay tena heverina fa Lehibe tokoa dia ny Fanabeazana sy ny Fitsipi-pitondrana (Education et Discipline). Tena zava-dehibe daholo tokoa ireo, ilana ny fandraisan’anjarantsika tsirairay, ilana ny fifanampiana sy fifampitondrana. Andao ary isika ry Malagasy, hanandratra Avo ny maha Malagasy antsika 🇲🇬🇲🇬🇲🇬
