Au beau lieu

Miarahaba antsika rehetra mpanaraka ny pejy tsy ankanavaka indray amin'izao taombaovao 2026 izao.
Apetraka feno amin'Izy Ray mahefa ny zavatra rehetra ity taona ity ka Izy no hangatahantsika hitantana ny diantsika amin'izay rehetra ataontsika.
Ampatsiahivina isika Ray aman-dReny fa rahampitso Alatsinainy 5 Janoary 2026 ny fiverenan'ireo zanatsika an-tsekoly ka toy ny mahazatra, amin'ny maha-Alatsinainy voalohan'ny volana ny rahampitso dia manao fitafy Malagasy daholo izy ireo.
Mankasitraka antsika rehetra hatrany ary mirary ny Soa sy ny Tsara ho amin'ny androany.

Mbola nitohy hatramin'ny androany ny fiofanana.
Isaorana manokana ny mpampiofana ary ankasitrahana ihany koa ny favitrihan'ny mpiofana.
Nofaranana anio 30 desambra aloha ny amin'ity taona ity dia amin'ny 2026 indray tohizana.

Somebiseby daholo izao ny olona fa hoe fety ny andro, izahay aloha izao mbola miofana ho fampitomboana ny ambaindain'ny kalitaom-pampianarana eto amin'ny Sekoly Au beau lieu.
beau lieu Antananarivo, Au beau lieu Antsirabe #

Préscolaire 19/12/2025

Sary nalaina anio Zoma 19 desambra 2025.

Miarahaba antsika rehetra.
Tapitra aloha iny ny Telovolana voalohany, hiala sasatra kely aloha izahay sy ny mpianatra ary ny 5 Janoary 2026 indray vao mihaona.
Nofaranana tamin'ny fizarana bulletin ny grand goûter androany ka ireto misy sary maromaro nalaina izay maneho ny fifaliana tamin'ny fotoana anio.
Mirary fety sambatra sy fialan-tsasatra feno fifaliana ho an'ny rehetra ary.

FILAZANA

TOMPOKO,
EFA NIVERINA INDRAY NY CLUB DE KARATE ETO AMIN'NY SEKOLY AU BEAU LIEU ARY EFA NANOMBOKA TAMIN'NY ALAROBIA 26 NOVAMBRA TEO NY ENTRAÎNEMENT VOALOHANY.
MBOLA MISOKATRA NY FISORATANA ANARANA.
NY ENTRAÎNEMENT DIA ISAKY NY ALAROBIA SY SABOTSY TOLAKANDRO MANOMBOKA AMIN'NY 2 ORA SY SASANY KA HATRAMIN'NY 4 ORA SY SASANY.
AMPIIRISIHINA ISIKA RAY AMAN-DRENY HAMPIDITRA NY ZANATSIKA AO ANATIN'IO CLUB DE KARATE IO SATRIA TENA ILAINY AMIN'NY FITOMBOANY IZANY NA ARA-TSAINA NA ARA-BATANA.

MISAOTRA TOMPOKO.

Fampatsiahivana sy fiantsoana

Tompoko,
Araky ny voasoratra any amin'ny tetiandron'ny Sekolintsika dia ampatsiahivina isika Ray aman-dRenin'ny mpianatra rehetra eto amin'ny Sekoly Au beau lieu fa rahampitso Sabotsy 29 Novambra 2025 ny Fihaonana voalohany eo amin'ny Ray aman-dReny sy ny mpianatra ary ny mpampianatra eto amin'ny Sekolintsika.
Antsoina noho izany isika rehetra ho tonga hanatrika io fotoana io izay manomboka amin'ny 8 ora maraina ka hatramin'ny 12 ora atoandro.
Tongava daholo satria io no fotoana hifanakalozan-kevitra amin'ny mpanabe momba ny fianaran'ny zanatsika.

Misaotra tompoko.

FILAZANA

Ilazana isika Ray aman-dRenin'ny mpianatra rehetra eto amin'ny Sekoly Au beau lieu fa manao " pause Toussaint " ny sekoly manomboka ny Sabotsy 1 Novambra 2025 ka hatramin'ny Alarobia 5 Novambra 2025.
Miverina mianatra kosa ny Alakamisy 6 Novambra 2025.
Koa satria io Alakamisy io no andro voalohany amin'ny volana Novambra hiverenana antsekoly dia manao fitafiana Malagasy daholo ny mpianatra sy ny mpanabe rehetra.

Misaotra tompoko.

FAMPATSIAHIVANA FIVORIANA

Tompoko,
Ampatsiahivina isika Ray aman-dReny fa araky ny efa nampitaina tany amintsika dia rahampitso Sabotsy 18 Oktobra 2025 amin'ny 2 ora tolakandro tsy diso ny fivorian'ny Ray aman-dReny voalohany eto amin'ny Sekolintsika amin'ity Taom-pianarana 2025-2026 ity.
Zava-dehibe momba ny fianaran'ny zanatsika no hivoriana koa entanina isika rehetra mba ho avy.

Misaotra tompoko.

Tompoko,
na dia efa dodona mafy hiverina antsekoly aza ny zanatsika, na dia efa tsindrin-daona handray ny asa fanabeazana iantsorohanay aza izahay mpanabe dia nanapa-kevitra fa ny Alarobia mihitsy, tahaka ny ankamaroan'ireo Sekoly namana eto antampon-tanan'Antsirabe, vao mianatra ny mpianatra eto amin'ny Sekoly Au beau lieu mba hampilamin-tsaina tanteraka antsika rehetra satria mbola ambony lavitra ny fitandrovana ny momba ny zanatsika eny andalana.
Mankasitraka indrindra amin'ny fanekena ny lamina tompoko !

Tompoko,
Koa satria manjavozavo ny filazana avy amin'ny tompon'andraikitry ny Fanabeazam-pirenena eto Antsirabe ny amin'ny rahampitso, ary koa satria efa betsaka ireo Sekoly nampiato ny fianarana rahampitso Alatsinainy 29 Septambra 2025, dia nanapa-kevitra izahay eto amin'ny Sekoly Au beau lieu fa hatsahatra aloha ny fianarana rahampitso mba hampilamin-tsaina antsika Ray aman-dReny rehetra !
Mankasitraka indrindra tompoko ny amin'ny fanekena ny lamina !