Fampianarana lalàna ho an’ny rehetra

👀Ny fanodikodinana zaza tsy ampy taona ve no tinao ho fantatra⁉️

📌Inona izany?
👉heloka izany mety hampigadra 2 taona hatramin’ny 5 taona ( raha tsy nisy fitaka na herisetra)

📌Tena tsy mety mihitsy ve ny miaraka amin’ny zaza tsy ampy taona?
👉 ny fanodikodinana dia midika fa tsy fantatry ny ray amin-drenin’ilay zaza tsy ampy taona ny fiarahanao aminy

📌Ary raha samy tsy ampy taona no miaraka?
👉 mitombina hatrany ny fanodikodinana na samy tsy ampy taona aza. Ny jerena dia ny hoe izay tamin’ireo zaza no nanodikodina

Araho hatrany ny pejy

⁉️ INONA NO ATAO HOE “CHAMBRE DE DÉTENTION PRÉVENTIVE” ?

1️⃣ Inona marina izy?
Ny Chambre de détention préventive dia efitra na sampana ao amin’ny fitsarana izay mandinika raha tokony hotazonina am-ponja na tokony havotsotra vonjimaika ny olona voampanga mbola tsy voatsara.
➡️ Midika izany fa mifehy ny “détention préventive” izy, izany hoe famonjana vonjimaika alohan’ny fitsarana.

2️⃣ Iza avy no mandrafitra azy?
Matetika dia mpitsara 3 no ao anatiny:
Ny Filohan’ny fitsarana na ny lefiny
Mpitsara mpamoaka didy (juges)
Ireo no miara-mandinika sy mamoaka fanapahan-kevitra.

3️⃣ Inona ny andraikiny?
Ny Chambre de détention préventive dia mitsara na mandinika:
🔹 Fangatahana fahafahana vonjimaika
– rehefa misy voafonja mbola tsy voatsara mangataka hivoaka vonjimaika.
🔹 Fanoherana avy amin’ny mpitory
– raha navotsotra vonjimaika ny olona voampanga fa tsy manaiky izany ny mpitory.
🔹 Fanoherana ataon’ny voampanga
– raha nampidirina am-ponja vonjimaika izy ka manohitra izany.
🔹 Fangatahana fanalavana ny fitazonana am-ponja
– rehefa mangataka ny fampanoavana na mpitsara mpanao famotorana mba hanalava ny détention préventive.

4️⃣ Zava-dehibe tsara ho fantatra
Ny Chambre de détention préventive dia manana fahefana:
hampiditra am-ponja vonjimaika
hanalava ny fitazonana am-ponja
na hanome fahafahana vonjimaika

📖 Fampianarana ara-dalàna ho an’ny rehetra
👉 Araho hatrany ny pejy raha te hahalala bebe kokoa momba ny lalàna sy ny fomba fiasa eny amin’ny fitsarana eto Madagasikara.

🧠NDAO HO FANTARINA

⁉️Aiza no maka casier judiciaire na bulletin n•3
👉Tsy maintsy any amin’ny fitsarana misy ny toerana nahaterahana

⁉️Aiza no maka certificat de nationalité?
👉Any amin’ny fitsarana misy ny toerana nahaterahana na any amin’ny toerana onenanao

👀Ny mahasamihafa ny ady heloka tsotra ( delit) sy ny ady hellka bevava ( crime)

👉Eo amin’ny sazy
📌Délit: mampisazy hatramin’ny 10 taona an-tranomaizaina, mety ho lamandy fotsiny ny sasy
📌Crime: mampisazy asa an-terivozona amin’ny fotoana voafetra ( travaux forcés à temps) na asa an-terivozona mandrakizay ( travaux forcés à perpétuité)

👉Eo amin Fitsarana mahefa
📌Délit: ny Fitsarana ady heloka tsotra no mitsara
📌Crime: ny Fitsarana ady heloka bevava no mitsara

👉 Ireo karazana heloka isa-tsokajiny:
📌Délit: halatra tsotra, fivadiam-pitokisana, fisolokiana, lozam-pifamoivoizana namoizana na tsy namoizana ain’olona, ny fanodikodinana zaza tsy ampy taona, fikapana hazon’olon-tsotra, ny vononsy ratra niniana natao, ny herisetra ny hetraketraka, ny fanopana, ny fanalam-baraka, ny fangalarana vadin’olona, ny hosoka amin’ny sora-tsotra, sns
📌Crime: vono olona, fanolanana zaza tsy ampy taona, ny hosoka amin’ny sora-panjakana, ny vono sy ratra niniana natao niteraka fahafatesan’olona tsy nahy, ny famosaviana, ny fanodikodinana volam-panjakana, ny halatra bevava, sns

➡️TOROLALANA raha toa misy diso ny kopianao ( kopia nahaterahana, kopia nisoratam-panambadiana, kopia nahafatesana, kopia
nananganana sns)

👉Tsotra kely ilay atao
Makany amin’ny Fitsarana misy ny toeram-ponenanao ary mangataka fanitsiana ( rectification) izay diso amin’ny alalan’ny taratasy fangatahana na ilay hoe requête

⁉️NDAO RESAHANA
Ahoana ny fampidirana raharaha ady madio eny anivon’ny Fitsarana❓

Manao fangatahana ka afaka misafidy:
📌 ianao ihany no manoratra ny fangatahanao
📌 na ataon’ny vadin-tany ( huisser)
📌 afaka maka mpisolo vava ihany koa ( Avocat) dia izy no manao azy

⚔️ PAIK’ADY arahina

👉Maka datim-pitsarana eny amin’ny fitsarana raha ianao no manao ny fangatahana
👉Raha amin’ny alalan’ny vadin-tany dia afaka msiafidy daty ( efa misy calendrier fandeanan’ny karazana ady rehetra)
👐Alefan’ny Fitsarana ny fiantsoana ny ankilany ( convocation) na alefan’ny vadin-tany ny fiantsoana ataony ( assignation)
Tonga ny androm-pitsarana dia taratasy fehin-teny no ifanakalozana mandra-pahavitan’ny ady

Ireo karazana fangatahana afaka atao any amin’ny ady madio:
📌 fisaraham-panambadiana
📌adi-tany: fangatahana fialana amin’ny tany, fanatsaharana fanelingelenana, fangatahana fanafoanana taratasy fifampivarotana, titre sns
📌fitakiana trosa
📌fitaizana zaza, volan-jaza
📌ady lova ( succession)
📌olana eo amin’ny fifanarahana ( contrat)
📌sns sns sns
🫵🏾 Mila porofoina fona ny fangatahaba izay atao

ANDAO ARY HO RESAHINA

🇲🇬AFAKA MISORAM-PANAMBADIANA VE NY OLONA LATSAKY NY 18 taona eto M/kara⁉️

Valiny: 🔞TSIA kanefa mety ho ENY ihany raha misy antony GOAVANA entina hanamafisana ny fangatahana eny anivon’ny fitsarana ka mahazo didim-pitsarana dia mahazo alalana misoratra amin’izay fotoana izay

⛔️Ny fitsarana ireny ihany no afaka mandinika ny atao hoe antony goavana ary
📌mandinika raha afaka ekena sa tsia ny fangatahana
📌Ho fiarovana ny akizy tsy ampy taona izany
📌mijery sao kely taona lotra hiditra anaty fanambadiana

👫Ry ray amandreny ❌aza ampanambadiana aloha lotra ny zaza fa tsy mety aminy izany
Manana zo hilalao sy hianatra ny akizy 🏀⚽️🎡🧸