Kolejy Teolojika Santa Paoly Ambatoharanana - Pejy Ofisialy

𝐅𝐀𝐍𝐎𝐇𝐀𝐍𝐀𝐍𝐀 𝐍𝐘 𝐊𝐎𝐋𝐄𝐉𝐘

Tonga namangy sy nanolotra fanomezana hanohanana ireo mpianatra eto amin’ny Kolejy ny Vaomiera Sosialy avy ao amin’ny EEM TRINITE MASINA AVARATRANJOMA, notarihin’ny Ven Archidiacre David RAHARIJAONA, ny Alakamisy 18 Desambra lasa teo.

Koa dia maneho ny fankasitrahana feno azy ireo ny amin’ny fanohanana ny fanofanana tanterahina eto amin’ny Kolejy, ary mirary soa azy ireo amin’ny asa sosialy samihafa tanterahiny eo anivon’ny fiangonana, ka hitondra fitahiana ho an’ny olona maro.

Ho an’Andriamanitra irery ihany ny Voninahitra.

𝐀𝐬𝐚 𝐟𝐚𝐧𝐚𝐭𝐬𝐚𝐫𝐚𝐧𝐚 𝐞𝐭𝐨 𝐚𝐦𝐢𝐧’𝐧𝐲 𝐊𝐨𝐥𝐞𝐣𝐲.

Kasaina hiverina hisokatra tsy ho ela indray ny Mozea eto amin’ny Kolejy, aorian’ny asa fanatsarana atao.

Koa antenaina fa ho avy hitsidika eto indray isika hamantatra bebe kokoa ny tantaran’ny fiangonantsika.

Araho hatrany ary ny pejy hahazoantsika ny vaovao…

(‼️Ho antsika fianakaviana/olon-tsotra/fikambanana/sampana/fiangonana mikasa handray anjara mivantana amin’ny asa fanatsarana eto amin’ny Kolejy dia afaka mifandray amin’ny tompon’andraikitra @034 90 667 75…zava-dehibe ny fandraisanao anjara‼️).

𝐓𝐎𝐇𝐈𝐍'𝐍𝐘 𝐀𝐒𝐀 𝐅𝐀𝐍𝐀𝐌𝐁𝐎𝐀𝐑𝐀𝐍𝐀

‼️Mbola ao anatin’ny asa fanavaozana tsikelikely sy fanatsarana ny eto amin’ny Kolejy isika. Noho izany dia tsy mbola afaka tsidihina ny ato amin’ny MOZEA (Evêché taloha) mandritra izany asa izany‼️

✅Tongava kosa mitsidika ireo toerana samihafa rehetra eto amin’ny Kolejy (Fiangonana, Kolejy…)

⭕️Ialàna tsiny amintsika mpitsidika izay mety ho fanelingelenana aterak’izany.

👉Antenaina fa hisokatra tsy ho ela amin’ny endriny nasiam-panavaozana indray ity trano fitehirizam-bakoka eto Ambatoharanana ity.

𝐑𝐄𝐇𝐄𝐅𝐀 𝐌𝐈𝐓𝐒𝐈𝐃𝐈𝐊𝐀 𝐄𝐓𝐘 𝐀𝐌𝐁𝐀𝐓𝐎𝐇𝐀𝐑𝐀𝐍𝐀𝐍𝐀…

Misy ireo toerana samihafa azonao tsidihina rehefa mandalo eto Ambatoharanana.
Aza misalasala mifandray amin’ny tompon’andraikitra raha toa ka hanao “visite guidée” ety amin’ity toerana manan-tantara sady Vakom-pirenena ity.

‼️Ilaina kosa ny manaja ireo fepetra samihafa ho fikolokoloana sy fiarovana ity toerana ity‼️

Mankasitraka ny avy eo anivon’ny Office Regional tonga nitsidika teto amin’ny Kolejy.
‼️Tongava mamangivangy, indrindra ho an’ireo izay mbola tsy nahita mihitsy ny teto Ambatoharanana e‼️

𝐅𝐀𝐍𝐎𝐇𝐀𝐍𝐀𝐍𝐀 𝐍𝐘 𝐊𝐎𝐋𝐄𝐉𝐘

Vaovao avy amin'ny gazetin'ny Paroasin’i Bewsborough izay nanolotra fanampiana ho an’ny Kolejy, araka ny efa nampitaina tamintsika teto amin’ny pejy.
Mankasitraka indrindra azy ireo.

Aza misalasala mifandray amin’ny tompon’andraikitra raha te hanohana ny Kolejy arak’izay ahafahantsika manao izany satria mbola betsaka ny asa miandry amin’ny fanarenana tsikelikely ity Kolejy mamintsika loatra ity.

𝐅𝐀𝐍𝐎𝐇𝐀𝐍𝐀𝐍𝐀 𝐍𝐘 𝐊𝐎𝐋𝐄𝐉𝐘

🇲🇬Mankasitraka ireo kristiana malala-tanana namantsika ao amin’ny Paroasin’i Bewsborough ao Angletera, nanohana ny Kolejy amin’ny fampitaovana ahafahana manao ny fambolena sy fikarakarana ny tontolo manodidina.

Azontsika atao hatrany ny mifandray amin’ny tompon’andraikitra raha toa ka misy ny faniriana hanohana ny Kolejy amin’izay fomba ahafahantsika manao izany.

🇬🇧 We are grateful to our generous friends from the Parish of Bewsborough, England, who supported the college by providing various tools and gardening equipment to grow vegetables and for the maintenance of the surrounding environment.

We welcome any form of support to the college and you can contact us if you wish to contribute in any way.

Ny Kolejy Teolojika Santa Paoly Ambatoharanana.
Nandray anjara tamin'ny Lalaon'ny Herivelona teo amin'ny Distrika Ambatoharanana.
04-05 Oktobra 2025 - EEM Santa Lioka Belanitra.
AMDG