Torohevitra ho an'ny Reny

Zaza tsy mazoto homana ...

Maro be ny ray aman-dreny, reny indrindra indrindra, mitaraina aty amiko hoe tsy mazoto homana ny zanany. Maro no mitady vitamines sy ody kankana mba hoe hampirisihana ny zanany hihinan-kanina. Maro no hitako mitaraina hoe « tsy mihinan-kanina mihitsy » hono ny zanany.

Matetika ny iandohan'io fiheverana io hoe « tsy mihinana mihitsy ilay zaza » dia avy amin'ny fampitahana. Ao aloha ny fampitahana ataontsika amintsika ihany. Heverintsika fa tokony hahalany hanina be tahaka antsika ny zaza 2 na 4 taona. Ao koa ny fampitahana amin'ny zaza hafa. Ilay filazan'i Tantine isany hoe « ny zanak'i Anona atsy mahalany vary 1 vilia ». Ao koa ny fampitahan'i Tantine isany ihany hoe « ny zanak'i Anona atsy botrabotra kely ». Ilay botrabotra lazainy io mety tratran'ny tsy fanjariantsakafo anefa. Misy heverina hoe botrabotra anefa marary ary pitsapitsana anefa salama an !

Hevitra iray hiraisako amin'ny filohan'ny SOMAPED (Société Malgache de Pédiatrie) : tsy terena hisakafo ny zaza, manjary lasa tsy hahazoany fy ny misakafo. Ary avela izy hikitika.

Manomboka 4 volana dia efa omen'ny olona sakafo ny zaza fa hoe « efa te hihinan-kanina » hono. Eo izy mantsy no misintona sakafo. Tsy te hihinan-kanina iny fa fahaizana mandray amin'ny tanana miampy fitiavana mangala-tahaka. Ilainy anefa izay fahaizany mandray izay mba hahafahany mandray ny sakafo hohaniny mba hampidiriny any am-bava. Ny hahafahan'ny zaza latsaky ny 3 taona mianatra dia ny fandraisana amin'ny tanana. Kitihany iny sakafo iny hahalalany ny hafanany, ny tsapan'ny tanany : mipetapetaka ve, mandranoka ve, manao feo ve raha milatsaka, sns. Mety hosorany ny tarehiny sy ny lohany aza iny. Izay ilay ilavany mikitika sakafo.

Indrisy anefa isika efa reraka. Ka vao mandray ny sakafo ny zaza dia bedy. Fafana haingana ny tanana. Dia fahanana fotsiny ilay zaza. Tsy afaka mampivelatra ny sainy izany. Tsy hahazoany fy. Lasa toa ny raharaha rehetra tsy maintsy atao sisa ny mihinan-kanina.

Eo amin'ny 8 na 9 volana eo ny zaza no tia manipinipy na manarinary sakafo. Ny fandraisantsika azy dia fanadalana, ditra. Kanefa mianatra ny fiantraikan'ny gravité izy amin'iny fotoana iny. Gravité : hery misintona ny rehetra mba hilatsaka amin'ny tany fa tsy hitsingevana. Mampivelatra ny atidohany izay.

Mahita izay anefa isika lehibe dia tezitra aminy. Satria reraka isika mandio trano. Ary bedesintsika izy. Lasa mifandray amin'ny ady sy hakizitinan'ny lehibe foana sisa ny fisakafohanana. Ka tsy mampazoto homana azy.

Tsy midika akory izany hoe avela izy hanary hanina. Omena vilia kely izy anasiany ny sakafo tsy tiany. Dia lasa tsy manary sakafo intsony izy ... fa ny sotrony no alatsany foana indray 😅 Izay ilay ianarany gravité.

Rehefa misakafo isika, alaivo sary an-tsaina hoe misy olona mamafa mafy ny vava sy tarehintsika ary tanantsika isaky ny mihetsika kely. Moa ve mahazo aina isika amin'izay ? Dia izay ihany koa ilay mamafa foana ny zaza vao misy potin-kanina kely manodidina ny vava, na tarehy, na tanana. Tsy midika izay hoe avelao ho voretra be eny ny zaza. Fa mba andrasana hoe tapitra ny fisakafohanana vao fafana sy sasana ny zaza.

Ilay hoe « lanio ny vary » ! Ny olombelona rehetra dia mahatsapa ny fahavokisana : rehefa tsy noana intsony dia voky izay. Ny zaza dia mbola mahay tsara an'io dieny vao teraka. Fa ny manimba an'io dia ilay manery azy matetika hihinan-kanina na tsy noana aza izy : manery manome solondronono, manery azy mandany ny eo am-bilia, manery azy misakafo satria ora fisakafohanana, sns. Samihafa daholo ny toe-batantsika ka samihafa daholo ny fotoana mety hahanoana antsika.

Mety hiteny ianao hoe « any aza misy olona tsy mihinan-kanina ka maninona no manary sakafo ». Fanopana ireny olona ireny kokoa ny fisesefana sakafo be anefa ianao tsy noana akory kanefa izy noana tsy afaka mihinan-kanina. Tsy manampy ireo olona ireo velively ny fisesefanao iny sakafo iny. Sa ve mahazo sakafo izy vao misesika hanina ianao ?

Ny sakafo tsy lany rahateo anie tsy voatery ariana e ! Raha tena mampalahelo anao dia azo omena ireny olona ireny ny sakafo tsy lany, raha tsy voasotasota. Izay aza manampy kokoa azy. Azo tehirizina hohanina amin'ny manaraka ihany koa ny sakafo. Tsy mampaninona na ny zaza na ny lehibe izany. Fampianarana mitsitsy aza izany fa tsy hoe mila laniana daholo foana izay eo am-pelatanana.

Ary farany, tsy misy olombelona mahalala ny tena fatra mahampy mahavoky azy. Fa isika dia efa notezaina foana hoe mila mandany izay noloarana. Ka raha tsy lany ny noloarana dia tsy mahajanona. Raha ny zaza, mahavita mijanona vao voky. Tsy midika izany hoe diso ny zaza amin'izany : izay no normal. Tsy afaka hibedy olona amin'ny zavatra tsy hainy ianao. Tsy rariny izany.

Ny fanerena ny zaza hihinan-kanina na tsy noana aza izy dia mamparary azy : lasa mandoa izy, mivonto ny kibony fa feno loatra, mihitatra ny vavony, sahirana mandevon-kanina. Ary lasa raisiny hoe an-tery foana ny fisakafohanana. Tsy mampazoto.

Tokony malalaka ny fihinanan-kanina. Tokony misy sakafo mora hohanina toa ny voankazo ao an-trano, ary mora azon'ny zaza. Fa tsy hoe ambony toerana na mihidy. Hahafahan'ny zaza maka ny sakafo izany rehefa noana izy. Tsy an-kiera. Tsy lasa ampifandraisin'ny zaza amin'ny fehy be ny fisakafohanana fa rehefa noana izy dia afaka mihinan-kanina.

Ary hamaranako azy, fantatro hoe miahiahy isika lehibe, miferotr'aina. Tsapan'ny zaza izany, iainany, mety miantraika aminy aza. Ka tsy hahazoany aina rehefa hisakafo. Toa kivy, kizitina, miangavy lava isika rehefa hampisakafo azy. Tsy mba hafaliana sy lalao no hahafahany mifandray amintsika eo am-pisakafohanana. Tsy mampazoto izany.

Haiko hoe toa ny manome tsiny be antsika lehibe ilay soratako. Fantatro hoe mafy ny manjo antsika ray aman-dreny. Fa isika no lehibe. Afaka miova isika mba hahasoa ny zaza. Fa tsy hoe ny zaza no terena hiova hiala ny natoraly aminy mba hahafapo antsika lehibe.

Ireto zanako ireto dia tsy mpihinana vitamines. Mbola minono ilay 4 taona. Ilay 7 taona mbola te hinono fa milaza fa tsy mahazo intsony hono dia niala ho azy tao. Tsy mbola notereko hihinan-kanina izany izy ireo hatrizay. Tsy mbola notereko handany sakafo izany. Tsy mbola nakoraiko vao nahalany vary. Misy akondro foana eo amin'ny latabatra fihinanana, azony hohanina raha noana izy. Isaky ny noana izy dia afaka mihinan-kanina, tsy an-kiera. Izay tsy laniny dia afaka hohaniny amin'ny manaraka. Vao 6 volana izy ireo dia efa mamahan-tena, mihinan-kanina irery. Avelako mihosona, avelako mandoto. Rehefa afapo izy ireo vao mandio izahay.

Izao no ataony any amin'ny Look's 🤣
Sotron'olon-dehibe no hihinanany hanina. Lanin'izy 2 ny vary iray vilia ho an'olon-dehibe. Ary mbola mangataka atody ihany izy any an-trano fa mbola tsy voky hono. Izaho indray no sahirana satria tady tsy haharaka ny any anaty paosy hividianana sakafo.

Variana mbola manamboatra an'ito boky vaovao ito aho dia tena tsy tato mihitsy. Boky hianarana ny feon'ny litera tsirairay avy izy io. Mba ho mora tadidy kokoa ny endriky ny litera tsirairay avy rehefa hamaky teny.

Dia ny boky ataoko manaraka indray dia fianarana mampitohy feo 2 na 3. Hidirana amin'ny syllabes.

Vao haingana no nahaizako an'io fikafika vaovao io indray.

Mirary soa ny ankizy mpaka CEPE
Babouzina Miss Monde 2026-2027

Mbola tsy taraiky fa hay misy an'ito 👇👇

𝐇𝐨 𝐚𝐧'𝐧𝐲 𝐚𝐧𝐤𝐢𝐳𝐲 𝐢𝐧𝐝𝐫𝐚𝐲 𝐢𝐭𝐲 𝐨̂! 𝐀𝐢𝐧𝐭𝐞𝐧𝐲 - 𝐊𝐢𝐥𝐨𝐧𝐠𝐚

Efa vakansy ny ankizy amin'izany fa mba ento milalao, mamaky boky, mihaino angano, mandoko, manao asa tanana sns izy e!

Hisy zavatra azony atao foana ao mandritra ny 2 andro.
Zaza Kinga Karné Editions Sorakaliana Tetikasa Kanto Manabe

👉🏼Mba soraty eo amin'ny taria ary hoe "𝐡𝐨 𝐚𝐯𝐲 - 𝐢𝐳𝐚𝐲 𝐳𝐚𝐯𝐚𝐭𝐫𝐚 𝐭𝐢𝐚𝐧𝐚𝐨 𝐡𝐢𝐭𝐨𝐧𝐝𝐫𝐚𝐧𝐚 𝐧𝐲 𝐚𝐧𝐤𝐢𝐳𝐲"

Dia zarazarao sy ampitapitao hatrany mba ho hitan'ny namana.

Ny fandaharam-potoanan'ny Ainteny - Kanto sy Tafa indray no hozaraina eto.

Rahampitso indray ary ô!

Reraka aho ...

Sady rera-tsaina no rera-batana. Ka miala tsiny aminareo aloha aho hatreto fa tena tsy vitako ny hitady izay ho zaraina aminareo atoato. Aleoko mikarakara tena vetivety aloha.

Fa izao ... Inona no mety mahaliana anareo ? Efa manomana vidéo aho, tsy live intsony, mamerina mizara ny rehetra anaty karinem-pahasalaman'ny vehivavy sy ny an'ny zaza. Satria betsaka no tsy nahazo mantsy.

Nahita atelier mamikely aho, fa alavitra be anay 😅 sao misy liana

Maniry ny tanamasoandro ato aminay ...
Misokatra ny lalao ary : hafiriana io no ho velombelona ? Matetika mantsy rehefa lehibebe izy dia ilay hafindra dia maty 🙄 Tsy mba mahay mikarakara zava-aniry mihitsy aho ity 😅

Tsy manam-bola aho hividianana boky. Satria ny boky tiako dia tsy hefan'ny vola eto am-pelatanako. Ny boky tiako dia farafahamorany dia 50.000Ar. Ny tsara tsy mora, hoy ny olona. Kanefa manangona aho indraindray hividianako boky isam-bolana ho an'ny ankizy.

Izay no antony tena nampidirako azy 2 vavy any anaty bibliothèques. Sady hafa mihitsy ilay fy azo any : feno karazan'olona azo iresahana momba ny boky. Mampianatra miteny mora, mampianatra manaja boky.

Ito magazine iray ito koa aloha ... Efa ela no novidiako. Kanefa izao vao navoakako. Satria izay vao tadidiko 😅😅 Efa miandry ny laharana manaraka 😁

Eo am-pamoronana ny lalaon'izy 2 vavy amin'ny fetim-pirenena aho. Dia miasa amin'ny IA.

Inona izany IA ? Azo atao laoka ve ? Mampihena TVM ve ? Ny IA dia Intelligence Artificielle. Dia azonao angatahana ny asa rehetra izy io. Fa izy madiditra manaotao foana izay. Ka mila bedesina matetika 😅

Zaraiko anareo ny vitany aloha, sao misy liana. Azoko maimaimpoana dia zaraiko maimaimpoana.