14/08/2026
📖 VITA NY FAMAKIANA NY BAIBOLY MANONTOLO. 🙏❤️
Herintaona sy tapany no nandaniako namakiana ny Baiboly manontolo.
Tsy dia lalana mora izany. Nisy fotoana nandalo sedra aho, nisy fahasahiranana, nisy sakana maro ary nisy fotoana tena saika kivy. Saingy tao anatin’izany rehetra izany indrindra no nanapahako hevitra hoe: te-hiaraka akaiky kokoa amin’Andriamanitra aho.
Dia nanao voady tamin’Andriamanitra aho. Nivoady fa hamaky sy hamita ny Baiboly manontolo aho.
Tsy mora ny nanatanteraka izany. Nisy zavatra maro nanakana, nisy andro tsy nahafahana namaky, nisy fotoana tsy nanana hery sy fahazotoana. Fa isaky ny mahatsiaro ilay voady nataoko aho dia niverina indray.
Ary androany, afaka miteny aho hoe:
VITA. 🙏📖❤️
Tsy ny heriko irery no nahavitako azy, fa noho ny fahasoavan’Andriamanitra izay nanome hery ahy hatrany.
Izaho mihitsy no vavolombelona fa rehefa tena manapa-kevitra ny hanatona an’Andriamanitra ianao, dia mety ho maro aza ny sakana, azo tanterahina ihany izay napetrakao tao am-po.
Raha misy zavatra nianarako nandritra izao dia izao:
Tsy midika hoe tsy hisy sakana ny fanarahana an’Andriamanitra. Fa midika kosa izany fa tsy handresy anao ny sakana raha mbola mifikitra Aminy ianao. 🙏
Ho an’izay mbola manomboka mamaky Baiboly: aza mieritreritra hoe tsy ho vitanao. Atombohy fotsiny. Pejy iray, toko iray, isan’andro.
Izaho no vavolombelona: tsy mora, fa vita ihany rehefa tena atao. ❤️📖
Isaorana anie Andriamanitra tamin’ny hery sy fahasoavana nomeny ahy nandritra ity dia ity. 🙏
Soli Deo Gloria. ✨
