Xhamia Klleznes Ulqin

18/03/2026

Bamirës ju njoftojmë se pasiqë shpërndamë 100 Shportat e Ramazanit me produkte ushqimore, filluam këto netë Bajrami me fazën e dytë në shpërndarjen e ndihmave përmes pagesa në të holla për familjet më në nevojë si dhe për jetimët në teritorin e kumunës së ulqinit me fshatra përeth.
Personalisht Imami i xhamisë me bashkpuntorë gjindet këto ditë në terenë për të realizuar porosinë e juaj.
Amaneti juaj po vazhdon të kryhet, Zoti ju shtoft bereqetin dhe ju pranoft sadakanë.
Ju falënderojmë për besimin e treguar ndaj nesh përgjatë krejt këtij udhëtimi 14 vjeçarë si urëlidhëse mes jush bamirës dhe familjeve në nevojë.

Zoti ju nderoft.

15/03/2026

Me Bismilah, filluam me 100 shportat e para nëpër teren.
Le ta bëjmë këtë Ramazan një mundësi për të forcuar vëllazërinë dhe solidaritetin njerëzor me njëri-tjetrin.
Zoti ju shtoft bereqetin dhe jua pranoft veprat e mira.

Aktiviteti i shportës dhe ato që dëshirojnë me kontribu ende, afati i fundit është nata e Bajramit. Nr kontaktues: 069 649 664.

Zoti ju nderoft!

23/02/2026

Derisa i thoni lutjet e mëngjesit dhe të mbrëmjes, mos i harroni ata që për shkak të halleve nuk e dinë kur është mëngjes e as mbrëmje.

Zoti iu lehtësoftë hallet në këtë kohë iftari!
Ju bëft mirë iftari agjërues!

20/02/2026

Miq behuni pjesë e grupit në viber, për tu njoftuar me informacione dhe këshilla Ramazani. Kliko në linkun e mëposhtëm dhe ku shkruan JOIN COMMUNITY.
(Automatikisht do të jeni pjesë e miqve)

https://invite.viber.com/?g2=AQAeR3mNFX34BlLSHdGO7xI2Noyoj%2Ff29SufojqraxdSTM7tPNWJY8hDW4cAjL%2FE

02/02/2026

01/11/2025

Ju mirëpresim, nesër mbrëma ora 18:00.
Xhamia e Klleznës

13/09/2025

Nesër me Bismilah në ora 11:00.
Ju mirëpresim!

22/07/2025

Pasi pastrova dhe ndreqa shtëpinë, më telefonoi vëllai:
– Do vij një copë herë me gruan, më tha.
Shkova menjëherë në kuzhinë për të përgatitur diçka… por s’kisha gjë. Pas shumë kërkimesh, gjeta vetëm disa portokaj.
I shtrydha dhe mbusha dy gota me lëng të ftohtë.

Kur mbërritën, u befasova: me ta ishte edhe vjehrra e kunatës, hera e parë që vinte në shtëpinë time.
U shërbeva dy gotat me lëng kunatës dhe nënës së saj, ndërsa për vëllain vendosa një gotë ujë dhe i thashë me buzëqeshje:
– E di që të pëlqen Sprite!

Ai e piu… dhe kuptoi që ishte ujë. Por pa thënë asgjë.

Papritur, vjehrra tha:
– Edhe unë dua një gotë Sprite, ju lutem!

U hutova. U ndjeva keq.
Por vëllai u ngrit dhe tha:
– Po shkoj të sjell një gotë tjetër nga kuzhina.

Pas pak dëgjuam një zhurmë: gota u thye. Ai u kthye dhe i tha vjehrrës:
– Më fal, më ra Sprite nga dora, por do blej një tjetër.

– Jo, jo, nuk ka nevojë – tha ajo.

Kur u larguan, vëllai më përqafoi, më vuri disa lekë në dorë dhe më tha:
– Mos harro të pastrosh “Spriten” që ra në kuzhinë, se vijnë milingonat.

Dhe u ndamë me një buzëqeshje plot dashuri.

Miqt e mi. Kur je në një pozitë më të mirë, përdore për të ngritur të tjerët, jo për t’i ulur.
Të bëhesh dritë për dikë në një çast të vështirë është një nga aktet më të bukura njerëzore.

🤍 Mëshira, dhembshuria dhe mirësia… kthehen gjithmonë mbrapsht.

16/07/2025

Miqt e mi, besoj qe e mbani mend. Bota nuk ka ndryshuar por, kanë ndryshuar zemrat tona:
1. Dikur musafirit i thonim: Mirëserdhe, tani i themi na telefono para se të vish.
2. Dikur thonim: Zgjidhe fqiun para se ta zgjidhësh shtëpinë tani themi: Ti shiqoje punën tënde unë timen.
3. Dikur thonim: Të afërmit janë të dashurit tanë, tani themi: Të afërmit sa më larg tyre.
4. Dikur takoheshim për çdo ditë dhe pyesnim ku është filani, tani takohemi vetëm për urime dhe ngushëllime. Etj etj.

A nuk është kështu ??

15/07/2025

Sa'd b. Ubade shkoi tek i Dërguari i Allahut (a.s) dhe i tha: “O i Dërguari i Allahut! Nëna ime ka vdekur, a mund të j*p lëmoshë në emër të saj?”
I Dërguari i Allahut (a.s) tha: “Po”.
Sa'di: "Cila lëmoshë është më e mirë dhe më e vlefshme?"

I Dërguari i Allahut (a.s.) tha: "Është të plotësosh nevojat për ujë të njerëzve dhe kafshëve".
Pas kësaj, Sa'di ndërtoi një pus në Medine, i cili u shërbeu njerëzve për një kohë të gjatë.

MIQT E MI: Në këto ditë të nxehta mos harroni të vendosni enë me ujë nëpër oborre ose ballkone në mënyrë që kafshët dhe shpezët të kenë mundësi të pijnë ujë. Këtë mund t'a bëni dhe me nijet për lëmoshë njësoj sikur Sa'd bin Ubade që bëri.

Zoti ju dasht.
(Shperndaje, berja SHARE...)