20/11/2021
Në javën Ndërkombëtare për të drejtat e fëmijëve Education Comes First në bashkëpunim me forumZFD - Kosovo Program organizuan trajnimin online dhe aktivitete në programin e trajnimit "Ndërmjetësimi mes bashkëmoshatarëve", me të rinjtë e moshës 15 – 17 vjeç.
Ky trajnim dhe aktivitetet u zhvilluan me të rinjtë e komunës së Gjakovës, me qëllim që të promovojë një zgjidhje paqësore të konfliktit dhe ndërmjetësimin në mes të bashkëmoshatarëve si pjesë e kulturës.
Të rinjtë përfitues të projektit ishin kryesisht gjimnazist të shkollës "Hajdar Dushi" shkollë kjo që e ka Këndin e Ndërmjetësimit ku nxënësit mund të fillojnë të praktikojnë.
Education Comes First promovon programin jo- formal të edukimit, duke ofruar një program të të mësuarit nëpërmjet aktiviteteve dhe lojëra të dizajnuar për menaxhimin e konfliktit, të edukuarit për mënyrën se si të zgjidhin konfliktin në mënyrë paqësore, duke qenë të vetëdijshëm për emocionet negative, shprehjen e tyre, tejkalimin e situatave të vështira, menaxhimin dhe kontrollimin e emocioneve në mënyrë që të vazhdojnë lojën dhe bashkëpunimin me moshatarët.
Shumë emocione të bukura, ndjenja pozitive, argëtim, mësim dhe miqësi të reja u zhvilluan përgjatë këtyre ditëve.
Education Comes First falenderon forumZFD për mbështetjen, Jakova Innovation Center për ofrimin e hapësirës për zhvillim të aktivitetit dhe arsimtaren për motivimin dhe përkrahjen e nxënësve në këtë proces!
