klam man dar 9alb كلامك من دار القلب

رحم الله من كانوا يفرحون معنا لقرب العيد
رحم الله من كانوا يزيدونه حلاوة وجمالا

رحم الله من فقدته العين
وافتقده القلب وفقده المكان

رحم الله من هم الآن ينتظرون
دعواتنا لهم في القبور،

ربي ارحمهم رحمة واسعة تنير قبورهم وتزيل وحشتهم
وأنزل على قبورهم الضياء والنور والفرح والسرور

اللهم اجعل قبورهم روضة من رياض الجنة اللهم
جازهم على احسانهم إحسانا وعن سيئاتهم عفواً وغفرانا

واجعل الفردوس ملتقانا بهم
اللـــــــهم ٱمـــــــين يا رب العالمـــــــــــين 🤲🏻

أمي الغاليـــــــة

حبر القلب لن يكــــــفي أكتب به لإرضــــــــائك
حـــــــــبك يا قمري في دمي يجري عبيرا فاح بعطــــائك

حبيبتي أمـــــــــــــي

إن البحر يعانق موجة الرمال و الصحـــــــور
و الشمس تشرق لتلف بدفئها الصحاري و البحـــــــــــور
و أن الفراشات دائما مع أرق الورود و الزهــــــــــــــور
يا قرة عيني يا بحري و يا شمسي يا أجمل العطــــــــــــور

يا زهرة البســـــــــــتان يا حناني
من دون حضنك فأنا أعـــــــــــــاني
يا من اختارك الله لي بكل الأمـــــــــــــاني
تمضي الليالي ساهرة حنينتي ترعــــــــــــــاني
رحمك الله يا جنتي
اللهم ٱمين يا رب العالمين 🤲🏻

في ٱمـــــــــان الله و رعـــــــــــــايته

فراق الأم هو الجرح الذي لا يبرا و الغياب الذي يغير شكل الحياة للأبد
الوجــــــــــــــع الذي لا ينتهي
رحيل الأم ليس مجرد غياب إنسانة بل هو انطفاء الروح وفقدان للأمان وموت بطيء على قيد الحياة
فقــــــــــــــدان السند
{{ إذا ماتت الأم نزل ملك من السماء يقول يا ابن آدم ماتت التي كنا نكرمك لأجلها فاعمل لنفسك نكرمك }} و الله أعلم
الشـــــــوق المستمر
ستبقى يتيماً بعد رحيل أمك ولو عانقك العالم بأسره فثقيلة هي الحياة بدون دعواتها التي كانت تفتح لنا الأبواب المغلقة
ذكــــــــــــراها الخالدة
أمي لم ترحل بل أصبحت دعاءً يسكن قلبي ونوراً يضيء طريقي كلما أظلمت الدنيا في عيني

اللهم ارحم أمي فهي أغلى ما فقدت و آنس وحشتها و اجعل قبرها روضة من رياض الجنة و اجمعني بها في جنات النعيم
اللـــــهم ٱميـــــن يا رب العالميــــــــن 🤲🏻

[ في ٱمـــان الله و رعايتـــه ]
كلام من دار القلب klam man dar 9alb

فوسط الظلام محبوس وكاوي جراحي
مقيد بسناسل و غايب نجري وسراحي
الليل طال والشمعة ذابت فكفاحي
والوحدة سيف قاطع سرق مني أفراحي
عايش فالعتبة كنسول في مراحي
واش الضو نساني ولا سد بابه برياحي
يا أسير الظلام صبرك هو السلاحي
غدا تشرق الشمس وتداوي كل جراحي
فقلب الظلام طال بيا ليل الغربة
والروح حزينة غارقة فهاد الكربة
دموعي شمع كيذوب والقهر غلبة
أنا الأسير لي ضاعت منه العتبة
بدات بضحكة خداعة و سلات اللعبة
ولكن وخا العتمة سدة عليا بيبانها
والخوف فكل ركن راسم ألوانها
قلبي عارف بلي الشدة تفوت محانها
والشمس غدا تضحك وتنسيني أحزانها
ربيع و الزهر يسولو على حبابها
صابر وفيا يقين بالي جاي أحسن
الظلام سحابة و ما باغي فيها نسكن
ما يدوم حال وربي بالصبر يحن
أنا مقيد في ظلامي و في حريتكم نتفنن

في ٱمان الله و رعايته
كلام من دار القلب klam man dar 9alb

Laissez un commentaire dont le titre reflète votre vie

سيدتي
كوني قريبة من ولادك هادي هي الساس باش تكون العلاقة بينكم قوية و زوينة

سيدتي * التواصل المستمر *
حاولي تتكلمي مع ولادك كل يوم و لو لمدة قصيرة سمعيهم و خليهم يسمعوك

سيدتي * الاحترام و الحوار *
علميهم يحترمو راي الآخرين و يتكلمو بهدوء حاولي تفهمي وجهة نظرهم و خليهم يفهمو وجهة نظرك

سيدتي * التشجيع على الاستقلالية *
شجعيهم يديرو شي حاجة بوحدهم و لو كانت صغيرة هادشي غادي يعطيهم الثقة في النفس

سيدتي *القدوة الحسنة*
كوني قدوة لولادك في كل حاجة من التصرفات الصغيرة بحال كيفاش تتعامل مع الناس و حتى القيم و الأخلاق

سيدتي *الوقت الجيد*
خصصي وقت تلعبي فيه مع ولادك ديري شي حاجة تفرحهم هادشي غادي يقوي الرابط بينكم بطبيعة الحال

سيدتي *الصبر و التفهم*
كوني صبورة مع ولادك و حاولي تفهمي شنو لي كيديرو و علاش و شنو الفكرة لبغاو يوصلو ليكي

سيدتي *التعزيز الإيجابي*
بدلا ما توبخيهم و ترفعي صوتك عليهم حاولي تركز على حوايج زوينة لي كيديرو و شجعيهم عليها

لك مني كل الاحترام والتقدير
في ٱمان الله و رعايته
كلام من دار القلب klam man dar 9alb

" لي كيسمح فمو " (عقوق الوالدين)
هو واحد من أصعب المواضيع لأن الأم في ثقافتنا هي " الجنة " لي فوق الأرض
" لي سمح فمو.. سمح فدنيا و آخرة "
نكران الخير ( مكافأة الإحسان بالنسيان )
الأم هي لي سهرات الليالي وصبرات على الجوع باش تشبع ولادها وتقاتلات مع الزمان باش تشوفهم " رجال وعيالات "
ملي كيجي شي واحد و يسمح فيها فاش كتكبر و كتحتاجو فهذا كيتسمى {{ قمة نكران الجميل }}
الأم مكاتطلبش الفلوس كتطلب غير الحنان و الإهتمام وقت تحتاج وليداتها والسؤال والكلمة الطيبة
رضات ميمتك هو الساروت ديال التوفيق
بزاف ديال الناس كيسدو عليهم بيبان الخير بيدهوم ( لي سخطات عليه مو ما يربح لا فدنيا لا فآخرة ) كاع داكشي لي كيبنيه كيمشي هباءً منثوراً البركة كتحيد من الرزق و الراحة كتمشي من البال رضا الأم هو " الساروت " اللي كيفتح كاع البيبان المسدودة
واحد القاعدة في الحياة {{ كما تدين تدان }} لي سمح فمو اليوم وخلا دموعها على خدها غدا ولادو غادي يديرو فيه كتر من داكشي الزمان كيدور و لي زرع شي حاجة كيحصدها فاش كيكبر
كاين اللي كينسى الأم ديالو على قبل "مراتو" أو "فلوسو" أو "خدمتو" و كيظن بلي راه عايش بخير و لكن الحقيقة هي أن القلب كيموت و الندم كياكلو من الداخل و أصعب حاجة هي فاش كتموت الأم تما كيعرف بنادم بلي ضيع كنز مكيتقدرش بتمن و بلي فات الفوت
خلاصة القول
الأم هي البركة لي بقات لينا فهاد الدنيا لي سمح فمو راه بحال لي سمح فالروح ديالو تهلاو فميماتكم راهما السند الحقيقي و دعوة وحدة منهوم تقدر تغير ليك حياتك للأفضل
الله يسمح لنا من الوالدين
في ٱمان الله و رعايته
رحمك الله يا قرة عيني😢 اللهم آمين يارب العالمين 🤲🏻