Sciences and new technology

🕎😘
#أجي واش عمرك سمعتي أن الألماس Diamond ما هو إلا كاربون. أه داك الكاربون ليكاتعرف, ديك المادة الكحلة لكاتكون تحت المقراش أولا الكاميلة ملي كايكون راس البوطا خاسر. هه واش كاطنز عليا الألماس راه كايبري و قاصح؟
واخا بلاتي نشرح ليك تبع معايا!
ف علم فيزياء المواد, كيقولو أن غبرة الكاربون كلما ضغطي و وركتي عليها كلما كاتقصاح أي 'النظام البلوري' كايتبدل او لي كَغان د الكاربون كايتجمعوا من بعد كايخرج لينا الألماس. ولكن بلاتي, واش نقدرو نصاوبو الألماس من الرماد أنبيعوه باش نشبعو اللعاقة حتى حنا؟ أكيد لا, واش كاتعرف بلي باش إتكون داك الألماس الطبيعي لي كاتعرف تعرض لضغط أو توراك ديال بصح تحت الأرض لملايين السنين, من نبعد حنا كبشر كنقلبو عليه وكانلقاوه واجد بذاك الشكل ديالو البراق اللامع.
قبل مانمشي نزيدك واحد المعلومة, كاينين شركات كايصاوبو الألماس, كايتسما الألماس الصناعي ولكن ماشي قاصح بحال هداك حيث ماتوركش مزيان, أو هاد الألماس كايخدموه باش إتقبو بيه شي مواد قاصحين أولا فحفر أبار البترول…
تهلاو!

تكنولوجيا الواقع المعزز ستغير العالم
شركات عملاقة و شهيرة مثل جوجل، أبل ،و فيسبوك تستثمر نسبة ضخمة من مداخيلها في تطوير تكنولوجيا الواقع المعزز ، و خير دليل لعبة البوكيمون جو التي كان لها منحنى جنوني في سنة 2016 ، و يبقى السؤال هو هل سيغير الواقع المعزز العالم و هل سيكون لذلك تأثير على عيشنا ؟ راجعت العديد من أراء أشخاص ذوي تخصص في شركات كبيرة ترعى دعم هذه التكنولوجيا و هذه هي الأفكار التي نتجت عند الإنتهاء من تحليلي .

الوصول للمعلومة بشكل أسرع، في أي مكان وفي أي وقت.

يظن Michael Martoccia و هو الرئيس المنتسب لشركة Booz Allen Hamilton على أن تكنولوجيا AR أو الواقع المعزز ستجعلك تعيش المعلومة بحذافيرها ، كمثال أنك طفل في 10 من عمره لديه بحث مدرسي عن كيفية زراعة النبات فهو في الواقع المعزز يمكن أن يخلق محيطا به تربة و حبوب الزراعة و أن يسرع عملية الزراعة أن يكتشف عروق النبات ، كيف تمر المياه من عروق نبتة حتى تصل لمرحلة الزهور ، يمكنه التحكم بذلك الوسط و أن يعيد نفس العملية في الفصل مع أصدقائه.

تفادي الأخطاء الطبية.

نسبة وقوع الاخطاء الطبية في العمليات الجراحية عالية على مستوى العالم ، و لكن الواقع المعزز يمكن أن يعد حلا لهذه المشكلة فالواقع المعزز سيمكننا من القيام بأعقد العمليات التي كان يظن الأطباء أنها مستحيلة ، كما أنه سيوفر تجارب لا منتهية للطبيب عبر إنشاء نسخ كثيرة للعمليات مع بيئة تتمتع كذلك بالذكاء الإصطناعي دون خطر على المرضى الفعليين و الحقيقيين .

العالم لم يعد قرية بل غرفة صغيرة.

تطورت طرق التواصل عبر العالم من الرسائل مرورا بالهواتف و الأن حان وقت الواقع المعزز، بحيث يمكنك التواصل مع نسخة طبق الأصل من صورة صديقك و تتفاعل كما تتفاعل في الواقع أيضا من الحركات و غيرها . شركات مثل فايسبوك بدأت في تطوير الأمر لتجعله متاحا للكل عبر العالم .

تتعد تجليات إستخدام الواقع المعزز ، هل لديك أفكار أنت كمبرمج ، مصمم و مهما كان تخصصك لإستخدام هذه التكنولوجيا، شاركنا إياها عبر التعليقات أسفله .

مرحبا
لقد عدت مجددا مع موضوع
ظهرالى العالم منذ حوالي 400 سنة منذ أن اكتُشِفَ القانون الاساسي للحركة Principe Fondamental de la Dynamique PFD
و رافق هاذا الاكتشاف -لحسن حظنا- اكتشاف الادوات الرياضية التي غانحتاجوها باش نستعملوا PFD اللي هوما الإشتقاق و التفاضل والتكامل - ولهذا أنصح المقبلين على دراسة الفيزياء أن يكونو قادرين يحسبو الإشتقاق بسهولة وسيولة بحال الخشيبات -
الميكانيك كلمة إغريقية (μηχανική ميشانيك ) هو علم الآليات (منها جات كلمة ماكينة ماشين Machine ) و دراسة الحركة والقوى المحركة

الميكانيك فيها جوج أقسام
Cinématique (الحركة السرعة التسارع )
Dynamique ( أسباب الحركة القوى والكتل)

هاد الموضوع غاندويو غي على السينيماتيك

الميكانيك هو واحد العلم اللي بقا خامد و راكد لمئات السنوات حتى جا Galileo ودخل واحد المبدأ مهييييييييييييييم جدا جدا ألا وهو المرجع Référentielle

تعريف معلم غاليلي : " كل معلم له سرعة ثابتة بالنسبة لمعلم غاليلي هو معلم غاليلي"
باش تعرف شنو هو معلم غاليلي هو المعلم اللي الا كنتي فيه لن تشعر أنك فحالة حركة أو سكون (مهيــم تفهمها)
مثلا فشي قطار سرعته ثابتة ماغاتحسش باللي القطار كايتحرك ألوغ القطار مرجع غاليليي

دابا ف العام الول فلافاك غانقراو غي على حركة نقطة مادية يعني ماشي جسم عندو أبعاد حيتاش لا كان عندو أبعاد غايخصنا ندخلو الدوران حول نفسه

الهدف من السينيماتيك (الكتلة لا تتدخل) هو نقدرو نحسبو الموضع ديال النقطة و السرعة ديالها والتسارع والدوران حول محور ما و ...
باش نحققو هدفنا خاصنا مرجع اللي نحسبو موضع النقطة فيه (كيما قال جاليلي)
اذن هاد المرجع خاص يكون فالفضاء ثلاثي الابعاد (O,i,j,k) اللي نقدرو نعرفو la position ديال النقطة M فالاحداثيات ديال المعلم
x y z coordonnée cartésienne
متجهة الموضع
OM = x i + y j + z k
و باش تحسب السرعة
d OM /dt = dx/dt i + dy/dt j + dz/dt k

هادشي راكوم عارفينو ماكاين لاش نبقى نطول

المهم أسيدي مني بغينا نوصفو حالة ديال دوران حول محور مثلا باستعمال الاحداثيات الديكارتية x y et z كانلقاو صعوبة كبيرة و باش نبسطو الامر حنا عارفين دوران كايبقى الشعاع ثابت و الزاوية كادور
مما يعني اننا غانتهناو من الشعاع اللي كايبقى ثابت
ومن الافضل نختارو
نظام احداثيات آخر كايعتامد على الشعاع ρ والزاوية φ و نقدرو نكتبو OM بدلالة الاحداثيات
كايتسماو coordonnée cylindrique
(O,ρ,φ,z)

نفس الشيء الى عندنا شي حاجة كادور حول نقطة .
بحال الكترون مني ايدور حول النواة ديال الذرة فان الالكترون كايكوّن كرة شعاع ديالها هو المسافة ما بين نواة والاليكترون باش ندرسو هاد الحالة ب x y z فهي جد صعيبة و لذلك كانصاوبو نظام إحداثيات آخر سميتو coordonnée sphérique
(O,r,θ,φ)

هنايا خاصنا أولا نعرفو العلاقة ما بين الاحداثيات x y z cartésienne و cylindrique أو sphérique
وهادشي هو اللي غاتقراو عليه من الدروس

نصائح للميكانيك
- الاشتقاق راجع داكشي ديال السيزيام
- الحساب المثلثي Cosinus sinus
-الحساب المتجهي produit scalair et vectorielle
- تخيل ثلاثي الابعاد
حيتاش هادشي اللي كاين فالميكانيك و فالامتحانات كايكونو اسئلة على مثال
أحسب متجهة الموضع OM
في الاحداثيات cylindrique مثلا
احسب السرعة (غادي تدير اشتقاق بالنسبة للزمن لـ ΟM )
نفس الطريقة أحسب التسارع ..
و هكذا

كيجاكم الموضوع ؟

إنجاز : عبد الصمد

كيفاش كايطرا ؟
اشنو هو #الصوت بعدا ؟ الصوت هو عبارة عن موجات ميكانيكية اللي كتميز بالانتشار فوسط مادي يعني كيتكون من جزيئات او ذرات بحال الهواء، الماء،الخشب...،او هادشي كيعني أن من الضروري تكون المادة باش يوصلنا الصوت او إلى كان فراغ ما كاينش صوت... سرعة الصوت فالهواء تصل تقريبا ل-340 متر فالتانية على حساب الحرارة والضغط...
باش نفهمو تخيلو معايا طائرة غادية بأقل من سرعة الصوت ( صوت الطائرة زعما ) بالتالي موجات الصوت كاتنتاقل أمام الطيارة ( ) ، دابا إلى زادت سرعة الطائرة كتزيد تقرب موجات الصوت لبعضها او كتشكل لينا ما يسمى ب''حاجز الصوت'' ( )، او ملي كتفوت سرعة الطائرة سرعة الصوت كاتختارق الصوت أو الحزمة الصوتية ديالها ( ) بمعنى أخر أتوصلك الطائرة قبل
ما تسمع صوتها ههه :D :D او غادي تبدا تشك ياك ما مابقيتش كنسمع ياك ما مبوق ياك ما أنا ماشي بحالهم...خخخخ وشكرا -_- -_-

مرحبا 🙂
⚗أنا كانكتب مواضيع فالفيزياء 🔬
لأني أعتقد انه مايمكنش الشعوب يطوروا بدون علم وخصوصا الفيزياء

ختارت ليكم أحد المواضيع اللي كتبت :😀

**
Thermodynamique
الترمو ديناميك هو ببساطة العلم اللي كايدرس الحرارة و الطاقة الحرارية و استغلالها فانتاج حركة
الا تبعتي معايا غاتفهم كولشي

نعطيك مسألة إشكالية
الا عندك جوج كيسان ديال اتاي☕☕ متساويين فالحجم درجة حرارة كل كاس 60 درجة سلسيوس
السؤال هو شحال غاتكون درجة حرارة ديالهم مني تخلطهم ؟
الجواب باين 🥄
غاتبقى 60
في حالة عندك واحد الكاس سخون فيه 60 درجة و الاخر بارد فيه 10 درجات
السؤال مني تخلطهم شحال غاتكون درجة حرارة التوازن ؟

علم الديناميكا الحرارية كايجاوب على هاد السؤال ببساطة ومع البرهان الرياضي
كيف ذلك
اولا خاصنا نعرفو اشكال الطاقة
- كاينة الطاقة الداخلية Energie Interne U
- و كاينا الطاقة على شكل شغل ميكانيكي بحال الى غاطلع بوطا كبيرة للسطح كطبق قوة ميكانيكية و كاتخسر طاقة كاتسمى شغل و كانرمزو ليها ب le travail W
- و كاينة الطاقة الحرارية la chaleur Q
و العلاقة بيناتهم كايوصفها القانون الاول للترموديانميك
ΔU=Q+W
اللي كايعني ان مجموع الطاقات لا يتغير ‘‘ انحفاظ الطاقة‘‘
الطاقة كاتحول من شكل لاخر ولا تخلق و لا تفنى
‘‘ تغير في الطاقة الداخلية U = مقدار الحرارة + الشغل اللي كتاسبو النظام (هنايا خاص ترد البال و تفرق ما بين الشغل المكتسب و الشغل المبذول من طرف النظام )
دابا اللي بقا لينا هو نعرفو شنو هو تعبير ديال دوك Q ,W
باختصار Q هي الطاقة الحرارية اللي كتاسبها الجسم ، دبا باش نعرفو التعبير ديالها نسولك نقول لك شنو هما المتغيرات اولا العوامل اللي كايأثرو عليها
- اولا كاين درجة الحرارة T او بالاحرى تغير ديالها
- ثانيا حجم الجسم او بالاصح كتلته m يعني باش تسخن مقراج اسهل من انك تسخن برميل
يعني الكتلة كاتأثر
- بالاضافة الى نوعية المادة : جيب نفس الكمية ديال الزيت و نفس الكمية ديال الماء
عندهم نفس الحرارة مثلا 10° و ديرهم فوق البوطا و شوف باللي ما غايوصلوش ل 20° فنفس الوقت يعني كاين معامل اخر يتعلق بنوعية المادة نسميوه c و هو cte
Q=m c ΔT
دابا كانطبقو القانون الاول ديال الترموديناميك
و كانحصلو على
مجموع الطاقات ديال الكيسان + مجموع الاشغال المكتسبة = تغير الطاقة الداخلية
و بما اننا ماعطينا اي شغل للكيسان W=0 و نفترض ان النظام معزول يعني ان الطاقة الداخلية لا تتغير ΔU=0 و بالتالي
Q+W=0
=> Q=0
Q هي الحرارة اللي كتاسبها النظام اللي هو الكيسان بجوج من بداية التجربة حتى النهاية
وبما أنها 0 يعني أنه ماكتاسب والو
Q=Q1+Q2
Q1 هي الطاقة الحرارية ديال الكاس الاول
Q1= m1 c1 (T1f - T1i)
-هادي T1i :
تعني درجة الحرارة للكاس الاول فبداية التجربة initial
- وهادي T1f :
تعني درجة الحرارة للكاس الاول فاخر التجربة final
و بالمثل
Q2= m2 c2 (T2f - T2i)
كان لدينا Q=0
و Q=Q1+Q2
=> Q1+Q2=0
=> m1 c1 (T1f - T1i) + m2 c2 (T2f - T2i)=0
حنايا كانقلبو على حرارة التوازن Température d'équilibre
و في حالتنا هذه جوج كيسان ديال اتاي عنهم نفس الكتلة ومن نفس المادة
m1=m2=m
c1=c2=c
T1f=T2f=Tf
هادا الماط ديال التاسعة والو ما فيه 😂😁 اسهل العلوم فالفيزياء هو هادا و بشهادة العلماء ديال الفيزياء 😍
نكملو
m c (Tf - T1i) + m c (Tf - T2i)=0
كانعملو و نبسطو
و نجد
2Tf -T1i -T2i =0
و أخيرا
Tf= (T1i + T2i)/2
بقا لينا غي نعوضو
T1i=10°
T2i=60°
Tf=(10+60)/2=70/2=35°
🤣الجواب هو 35 درجة جربها تشوف😂

و المهيييم .... عيييت هههه
سمحو ليا طولت هدفي هو نشوف الناس كولشي عارف قاري فاهم

ماتمشيو تا تشربو أتاي😍

**
المهم هاهي واحد الصفحة ديالي فيها بحال هاد التويشييات :)
https://www.facebook.com/AdvancedPhy
Mou

.

هاد الحشرة سميتها Lone Star tick قرسة وحدة منها تحولك إلى نباتي أو عدو لجميع انواع الللحوم الحمراء حياتك كولها.

هاد الحشرة فيها مجموعة كربوهيدرات سميتهم َAlpha-gal هاد الكربوهيدرات كاينة نيت فاللحوم الحمراء...وملي هاد الكربوهيدرات كا تكال بشكل طبيعي عن طريق الفم بحال اللي فاللحم، فراه كا تهضم بسهولة في معدة الإنسان..

ولاكن ملي كي دخلو للجسم هاد الكربوهيدرات عن طريق مجرى الدم (فحالة كا تعضك هاد الحشرة) هنا كا طرا شي حاجة فشكاااال...

جهاز المناعة كي عتابرها مادة غريبة و ضارة للجسم، وكي صنع مضادات ليها باش يتخلص منها ومن بعد كا تبقا هاد الأجسام المضادة ليها بشكل مستمر، إيوا أ سيادنا ملي كي يبغي هاد الشخص المعضوض ياكل اللحم تلقائيا دوك المضادات كي هجمو على اللحم... وكي جيو الشخص اعراض خايبة بحال الحكة و شي تقلبات فالتنفس..المهم مكي بقاش يستقبل اللحوم بشكل طبيعي.في بعض الأحيان ما تلقاش العلاج ديال دوك المضادات...

كي يولي الحل الوحيد اللي يتاجه ليه الشخص هو انه يتخلا على اللحوم...و أرا ليك للحياة النباتية أنا غا نفرح مكين غير الأعشاب والخضراوات والفواكه حيت غا نساهمو في ترك العديد من الحيونات باش تعيش حياتها كيفما انا، نتي، هوا، هما باغيين نعيشو حياتنا.

المصدر:

https://www.cbsnews.com/news/a-tick-bite-can-make-you-allergic-to-red-meat/
.
/ Marouane Ougadir

" 10 نصائح للكتابة "
بغيت نكتب ولكن ماعرفتش باش نبدا ؟
كانحس راسي كانبغي الكتابة لكن ماكانعرفش ؟
كانكتب ولكن ماكانحسش داكشي ليكتبت زوين ؟ .....

بزاف دالاسئلة وصلوني على هاذا لشكل ...وكاينين اشخاص عندهوم نفس الاسئلة فدماغهم لكن كايخجلوا يسولوها اولا كايتجاهلوها ...المهم انا ماشي كاتبة محترفة ...لكنني هاوية وعاشقة لهاذ الفن ...وهانجاوب على هاذ الاسئلة بطريقتي ...ونصائح لانا شخصيا مشيت على خطاها ....لكن قبل مانبدا خاصكم تعرفوا ..ان الكتابة خلقت للجميع وانها ماشي ساهلة وماشي صعيبة خاصك فقط تعطيها الحب ...اي حاجة في هاذ العالم تحتاج للحب ....


⬅⬅⬅ اول مرة غادي نكتب شنو خاصني نعرف ➡➡➡

1: هز ورقة وستيلوا وكتب ماشي مهم شنو ولا لمن المهم انه تكتب داكشي ليحاس بيه
2:الكتابة من حق الجميع ...وعمرك ماتفكر في الاخطاء ....ولا عدم التمكن من اللغة ...لانه مع الوقت هايولي كلشي بسيط
3 : القراءة ...ثم القراءة فالقراءة ....راه تقدر تقرا بلا ماتكون كاتكتب لكن صعب تكتب بلا ماتكون كاتقرا ....الكتابة والكتاب بالنسبة لي متلازمان وصعيب تفرقم
4 : قبل ما تكتب سول راسك " لمن كانكتب ؟ " وافضل جواب " كانكتب لراسي "
5 : الى كاتكتب وكاتفكر باراء الناس راه عمرك ماغادي تكتب ...الى كل سطر كتبتيه عاودتي قريتيه 100 خطرة قبل ماتكمل الكتبة راه عمرك ماغادي تكتب ...الى مع كل كلمة قلتيها محيتيها حيث ماغاديش تعجب الناس راه عمرك ماغادي تكتب ...اهم حاجة انت مستقل بذاتك عندك افكار مغايرة ماشي بالضرورة تعجب الناس ...بقدر ما مهم انها تكون كاتمثلك
6 : كتب داكشي لي انت حاس بيه ، لي انت كاتآمن بيه ، راه ماشي بالضرورة انت حزين خاصك تكتب على الحزن ...اولا انت فرحان خاصك تكتب على السعادة ...لا هذا خطأ ...لانه الكاتب خاصوا يعيش كل حالة كايكتب عليها ...خاصوا يعيش مع ابطال روايتوا ....واحداث قصتوا ....ويآمن بأفكاروا
7 : الصورة ....الغلاف ...العنوان ....هاد 3 عناصر بالنسبة ليا مكملين للكتابة ...هادو هما المغناطيس ليكايجدب القراء ....ماشي عيب انك تعطي وقت كافي باش تنتاقي الصورة والعنوان المناسب ...وكذلك لعبوا على العبارة باش تبدا لانها كاتعطيك انت طاقة زوينة ...وكذلك اخر سطر تكتبوا كتبوا بقوة لانه اخر حاجة كاتبقى في الذاكرة
8 : كن دائما في كتاباتك حاضر بقوة ....خليك انت في كل سطر ...انعكاسك في كل فقرة ...باش ليقرا يقول هاذ الكتابة ديال هذا وهذا ....
9 : شي مرات كاتجي افكارك متشابهة مع شي كاتب ....اولا كاتبين على نفس الموضوع ...ماتخليش هاذ الشيء يفقدك الثقة في النفس ...اولا يبداو يقولو لك نقال ...لا ابدا الافكار من حق الجميع ...وتقدر انت تعطي في ذاك الموضوع كثر من الاخر ...
10 : وهم شيء ..الاحسااس اكررها الكتابة بلا احساس لا تسوى

نتمنى نكون فيدتكم عطيتكم دافع باش تكتبوا ....ساكون ممتنة الى بديت نشوف محاولات كتابة .....ونشوف بعض المواهب الكتابية في المجموعة حاضرة وبقوة ♥
واي سؤال انا رهن الاشارة ♥
#صفاء
Safae Ar

السلام عليكم اصدقائي ضروري غدي تحتاجو هد البوسط ليوم ولا غدا 😍....
في اطار تبادل المعلومة وضد في الاحتكار
اليكم باقة من الحزم التعليمية الرائعة المختلفة حسب التخصص
لا تبخلوا بالتعليق والنشر حتى تصل الى اكبر عدد من الاصدقاء وشكرا
.
روابط اهم البرامج لي تقدر تحتاج ليهم :
IDM : https://goo.gl/1LZKe8
Winrar : https://goo.gl/UB7BPs
flash player :https://goo.gl/FQaYPk
camtasia studio : https://goo.gl/dLXhCt
google chrome : https://goo.gl/6pBE1x
firefox : https://goo.gl/1gviRy
opera : https://goo.gl/nFccwU
adobe photoshop portable : https://goo.gl/SLpoij
adobe premier pro : https://goo.gl/PHAHiy
adobe after effect : https://goo.gl/HWAaex
avast :https://goo.gl/W5XE5t
vertuel box : https://goo.gl/1zeSde
بنسبة لروابط انظمة التشغيل :
windows 7 ,32,64bit : https://goo.gl/u9HPmZ
windows 8 , 32,64bit :https://goo.gl/n2yvVA
windows 10,32,64 bit: https://goo.gl/dWoJQv
أهم مواقع البيع و شراء الخدمات :
ThemeForest : https://goo.gl/L6mzYR
Codecanyon : https://goo.gl/rzFCtS
VideoHive : https://videohive.net
روابط عشوائية
بغيتي تبدا مشوارك فعالم تصميم المواقع
https://goo.gl/07tdsj
ديبلوم تصميم وبرمجة وتطوير مواقع الانترنت
https://goo.gl/kxxgGk
البوست العالمي لكل لغات البرمجة
https://goo.gl/5zioVn
الناس لي بغات تعلم لغة البرمجة الاشهر على الاطلاق #الجاڤا
https://goo.gl/WR3gwS
PHP
https://goo.gl/K6Tj0L
ورشة عن كيفية عمل تطبيقات الهواتف
https://goo.gl/pPGUXj
مجموعة كورسات في تصميم الأشكال ثلاثية الأبعاد
https://goo.gl/0aDYKd
C #
https://goo.gl/bOC1ph
ASP.NET
https://goo.gl/zYjdCw
Algorithms
https://goo.gl/omG3nO
Wordpress
https://goo.gl/MZWT7p
Maya
https://goo.gl/uFqth4
Data structures
https://goo.gl/h8SSd4
كيفاش تعلم لغة برمجية جديدة
https://goo.gl/L8QO2n
تعليم الاطفال البرمجة
https://goo.gl/xFmBwy
الفرق بين الجافا والجافا سكريبت
https://goo.gl/jmDa28
هاذي مجموعة كورسات عربية وانجليزيو لتعلم البرمجة بلغة C++
https://goo.gl/rbMVWa
Ruby
https://goo.gl/iYPYCE
python
https://goo.gl/aKg4aW
برنامج دريم ويفر
https://goo.gl/pHo4mc
إنشاء مدونة مجانية على بلوجر Blogger - دورة كاملة
https://goo.gl/2PZL3P
ثانيا :اهم برامج الكمبيوتر ,انظمه التشغيل , سكيوريتي وشبكات ,IT,فوتوشوب وجرافيكس
كورس ICDL V5
مع نماذج اختبارات كورس اونلاين مجاني
https://goo.gl/qUZR0t
اكبر تجميعو لكورسات
برنامج الاكسل الاشهر على الاطلاق
https://goo.gl/jFHd2Y
تجميع كورسات Word ..
https://goo.gl/gL9pHU
كل حاجه خاصة بالوندوز غاتلقاها فهاد البوست
https://goo.gl/XDGz2k
البوست الشامل لاهم برامج الاوفيس
https://goo.gl/Xb5c4C
ميكروسوفت اوفيس 2016
وفرنالك كل الماتريال الخاصه بيه
https://goo.gl/Qsrzwz
كورسات لتعلم الإختراق الأخلاقي و الحماية
https://goo.gl/EBuH6H
فن الدمج الإحـــــترافي بالفوتوشوب
https://goo.gl/fG6KYB
البوست العالمي للفوتوشوب
https://goo.gl/Sev3HW
كورسين للمبتدئين والمتقدمين في الفوتوشوب
https://goo.gl/FFWztq
أدوبي إلليستريتور
https://goo.gl/H9j3XZ
كورسات اونلاين لبرنامج الفلاش
https://goo.gl/VCqA3Q
دليلك حتى الاحتراف فى مجال الشبكات
https://goo.gl/FCpbwd
مجموعه كورسات للرسومات والتصميم ثلاثى الابعاد
https://goo.gl/5JjPzQ
أشهر مجالات الأوراكل اللي يمكن تتعلمها وتشتغل بيها
https://goo.gl/hq89fv
البوست التاريخي لمنتجات شركة أدوبي الشهيرة
وكمان تحميل مباشر
https://goo.gl/AT0NNl
linux
https://goo.gl/szaydG
برنامج Sony Vegas
https://goo.gl/XJhcrQ
برنامج الماتلاب
https://goo.gl/GDMqnE
IT
https://goo.gl/dn7scI
Oracle DBA
https://goo.gl/8kgg0I
security engineer
https://goo.gl/QniNxG
ITIL Foundation
https://goo.gl/GBJMCe
security testing
https://goo.gl/fcZ1vb
ثالثا الفري لانس والربح من المنزل
freelancing
https://goo.gl/4HCFUI
Social Media
https://goo.gl/4frBcC
الربح من الإنترنت والعمل من المنزل حقيقة مش خيال
https://goo.gl/38AmBf
رابعا :هندسة
كل مايحتاجه المهندس من كورسات:مدني,معماري,ميكانيكي وديكور
https://goo.gl/we6q46
دبلومة التصميم الانشائي
https://goo.gl/UudKPW
مجموعه كورسات اون لاين مجانيه عربي وانجليزي لبرنامج الاوتوكاد بمختلف اصداراته
https://goo.gl/7yLVLn
الروبوت "Robotics
https://goo.gl/pyDCNF
خامسا :اللغات
كورسين من الاخر لتعلم المحادثه الانجليزية
https://goo.gl/2qgQ3V
كيفاش تكلم انجليزية باللهجة الأمريكية بكل سهولة
https://goo.gl/cqtgYF
الإسعافات الأولية
https://goo.gl/qZSUtL
محاضرات لأفضل محاضرين تنمية بشرية فى العالم
https://goo.gl/LE9OE2
محاضرات الدكتور ابراهيم الفقي
https://goo.gl/XxarPo
body language
https://goo.gl/dczkC8
customer services
دبلومة خدمة العملاء
https://goo.gl/DAQ981
Public Relations
https://goo.gl/4XL5Wk
تدريب المدربين TOT
https://goo.gl/mcIMIb
مهارات معلم القرن 21- teacher skills
http://goo.gl/hPHRXJ
فن المقال الصحفي
https://goo.gl/yPcIqJ
https://goo.gl/nSelN1
الوصاية العشر ستيفن كوفي
من القنوات الرائعة والمهمة
elzero web schol :https://www.youtube.com/user/OsamaElzero
free 4 arab : https://www.youtube.com/user/Nourelhoda2011

benzakour

؟

الحلقة الأُولَـى:

السّلام عليكم، الصراحة شحال وأنا كنفكر قبل من نكتب هَدشي حِيث إلى بديت ضروري مخصني نكمل ولاّ عالأقل نكون غطيت واحد الجانب كبير من هاذ المجال لي ممعروفش وسط الناس، غير أصحاب الدومين كيف كنقولو لي عندهم درايَة بيه وبالأهَمية ديالُو، حتى أَنا منهم ولكن بحكم الدراسة ديالِي أولاً مفروض عليا نعرفو حيث هُوَ من الأساسيات وبلا بيه دَكشي كيبقا فيد الله ( ياربي السلامة، علاش كيهضر هذا ؟ )، هدشي جاكم شوية غريب، حيث كنهضر بلا منعطي مقدمات بلا منقول علاياش غادي نكتب..

اختاريت نهضر فواحد السلسلة ديال الحلقات إن شاء الله على La géotechnique أولا جيو-تقنية، بزاااف منا معارفينش شناهوا هاد العجب، ولاش كيليق ، وعلاش كيتقرا وشنو الهدف منه، غادي نحاول من هنا القدام نضوي على هاد المجال اللي بزاف ديال الناس معارفين عليه والو ونعطي ما أمكن من المعلومات عليه على شكل مقالات des articles ديزاغتيكل وبالدارجة.

گالس فداركم تخونكيل معندك ميدار، كتفرج فالتلفزة مع راسك، هاز التيليفون مكونيكتي، مرة مرة كتشوف فواحد الحيط بدا كيتشقق، وداك الشق غادي وكيتمدد كتثير انتباه ديال مالين الدار الواليد والوالدة كتقوليهم هاد الحيط راه شحال هوا كيتشقق وداك الشق غادي وكيكبر، كتنووض الوالدة ديالك من الكوزينة كتقوليك راه قلنا لباباك ينوض يعاود الصباغة لداك البيت راه ولينا نحشمو نگلسو فيه الجيران، الواليد مرضاتو هاد الهضرة كيقرر واحد النهار يسكت الصداع لي كاين فالدار ويعيط على الصباغ ويشري دكشي لي خاصو يتشرا باش داك البيت يتعاود فالصباغة ويتحيد داك الشق لي خالق أزمة للوالدة، سالا الصباغ البيت رجع زوين كيشعل، والضياف يمكن ليهم يگلسو فيه وقلب الوالدة مرتاح، كيدوز شهر شهرين ثلاثة، ونتا كعادتك عاصر ديما فهاداك البيت، بديتي كتشوف داك الشق بدا كينوض عاود فنفس البلاصة وكتقول مع راسك كفاش هاد البلان ؟ يالاه صبغنا زعما البيت، تكون زعما الصباغة مغشوشة، مفهمتي والو شنو كيطرا وملقيتيش جواب للتساؤل ديالك .. ولكن الحقيقة شيء آآخر !!!
أولا كتسمع مرا مرا، الهضرة ديال الناس، ديك الدار كانت صحا سلام حتى رابت على ماليها، وشحال من حاجة بحال هكا ...

اختاريت نبدا بحال هكا الموضوع، خديت لقطة من الواقع ديالنا فالمغرب، الى معمرو طرا ليك، راك سمعتي قصة بحال هكا، على العموم كانت مقدمة وصاافي ...

La géotechnique معندهاش وزن فالمغرب كيف خاصو يكون (يالاه بدينا كنشوفو الناس بدات كتوعى شوية)، بمعنى الناس معندهاش الثقافة ديال قبل منطلع شي حاجة بغيت نبنيها نعرف هاديك الأرض لي غادي نبني عليها شنو فيها ؟ آيييييه الأرض مولات الفعلة ماشي الصبــاغ، وخا تبقا تصبغ العمر كامل المشكل مغاديش يتحيد.

La géotechnique ولا جيو-تقنية هو مصطلح ظهر فالقرن 19 وهوا لي معروف بيه دبا فمجال BTP (Bâtiments et travaux publics) بزااف، ولكن المجالات ديالو ممحدوداش حيث كيغطي شحال من حاجة ماشي غير البناء والأشغال العمومية، من قبل كنا كنقولو ميكانيك التربة أولا بالفرنسية La mécanique des sols لي مزاال كتستعمل فبعض المراجع، واللي بدات مؤخرا كتاخد الإسم ديال La géotechnique اللي هي مجال كبر وكيغطي حتى لاميكانيك ديال التربة اللي كتشكل فرع لا يتجزأ منه هي و La mécanique des roches ميكانيك الصخور، و l’Ingénierie des fondations هندسة الأساسات.

نحاولو نكتافيو اليوم بهدشي، وكنواعدكم أنني نقدم مقالات أخرى وبالتفصيل الممل بالدارجة ديالنا،
وعلاش لا لكان شي واحد فالگروب عندوو إضافات على هاد الفكرة لي درت ولا يقدر يفيد يقدر يراسلني..
كنتمنى نكون مطولتش عليكم، اختاريت ندير تقديم جد مبسط ومنعمروش ببزااف ديال المعلومات، باش نفتح ليكم الشهية شوياااا، قبل منبداااو دكشي الموووهيــــم إن شاء الله ...

إلى الحلقة القادمة.

إسماعيل الناصري -
By Ismail Naciri