Maître Essalhi

#دورية وزير العدل .

اشنو هو الجواب الصحيح هنا
يمثل النيابة العامة امام محكمة النقض:
1 الوكيل العام للملك شخصيا
2 المحامي العام الأول
3 المحامون العامون

تقارب تاريخ المباريات قد يربك حسابات بعض الطلبة
المحافظة العقارية
الجمارك
المفوضين
وكاين لي كان مركز مع التعليم
أول حاجة هذي فرصة مزيانة ليك دوز مباريات مختلفة باش تجرب حظك هنا وهنا، ولكن هذ المباريات تقدر تكون إيجابية من جهة الى قدرتي تصرف معها بطريقة مزيان وتعرف تقسم الجهد ديالك على حسب المباراة لي كاتحس براسك قادر تنافس عىى منصب فيها.
وتقدر تكون سلبية الى ماقدرتيش توازن الجهد ديالك بين هذ المباريات.
لكن باش توازن بيناتهم بشكل صحيح، غادي ترتب هذ المباريات على حسب الأهمية ديالك نتا.
كاين لي حاط المحافظة بين عينه هي الأولى
ومن بعدها المفوضين ثم الجمارك
وكاين لي حاط المفوضين هي الأولى على حسب اهتمام كل طالب.
ولكن لي نوصيك غير ماتخليش هذ المباريات تشتت ليك التركيز وحاول توجد ليهم بطريقة متوازنة باش تقدر دوزهم كاملين وفين ماتيسر ليك سير.
المهم تعرف اشنو باغي ومحدد الهدف ديالك من البداية باش تجيب تجيب شي مبارااة من هذ المباريات.

نصيحة عمركم تزربوا في التسجيل في المباريات راه بااااقي الوقت.
شفتي اش وقع في الجمارك الناس تسجلت في التهار الأول ومن بعد الوزارة حينت الموقع وزادت الخانة ديال السيفي، عاد الناس بدات تسول اشنو ممكن ندير.
من الاول ماتزربش حتى دوز واحد 4 او5 أيام أو اسبوع كاع وتسجل حتى يتسرح في الموقع مزيان
راه الموقع ديما كايكونوا فيه مشاكل تقنية في البداية.

فيما يتعلق بالمواد الخاصة بالإختبار الكتابي للمفوضين القضائيين يقتضي ضبط والإطلاع على مهام المفوض القضائي في المواد التالية:
✓القانون المنظم للمهنة باعتباره المؤطر الأول والأخير للمهام والإختصاصات
✓ قانون المسطرة المدنية الجديد
✓ ظهير الالتزامات والعقود
✓ مدونة التحصيل الديون العمومية
✓ مدونة التجارة
✓ الضريبي
✓ المسطرة الجنائية
✓ الجنائي ( الجرائم التي لها صلة بالمهنة) من قبيل الرشوة التزوير....

خرجوا شي حسابات مجهولة كايقولوا المفوضين القضائيين مافيها والو..
وكايقولوا الناس في المدن الصغيرة كايعيشوا التهميش..
وكذلك 6 اشهر ديال التكوين بدون منحة وكذلك مصاريف فتح المكتب..
هذ النوع ديال المنشورات ماتفاعلوش معهم، وماتسوقوش ليهم حيث باغين يدوزوا المباراة غير بوحدهم..
المفوضين فيها مايدار الحمد لله، وكاتبقى نتا والجد والإجتهاد ديالك في العمل، وفيها الخير والبركة.

كانتمنى من كل قلبي صراحة باش
ماتكونش المحافظة العقارية متزامنة مع مباراة المفوضين القضائيين.
لأن هذ الشي كايخلع ولا كلشي كايجيبوه في نفس اليوم.

السلام عليكم الإخوة الكرام
شي طالب ولا طالبة في طريق الجديدة الى كانت عندهم شي معلومة صحيحة بخصوص التسجيل بالباك قديم.
واحد الصديق عندو الباك سنة 2015
وعندو الاجازة وباغي يتسجل يدير اجازة اخرى في القانون الخاص
واش الكلية فيها هذ الإمكانية الله يجازيكم بخير.

ضبط الموضوع العام ماجاش بأنك تقرا بزااااااااف ديال المواضيع وتقول راني صافي ضابط الموضوع العام.
كاين لي كايقرا حتى 50 و60 موضوع مختلف، ولكن في المباراة كايتحط شي موضوع عمرو فكر يقراه.
وهذا هو الفرق بين الطالب لي كايوجد بذكاء وكايعرف اشنو يقرا، وبين طالب كايحاول يستخدم القوة والكثرة باش يضبط الموضوع العام.
باش ضبط الموضوع العام، خاصك تعرف اشنو تقرا، وعرف كيفاش تقرا،
وحط قدامك برنامج واضح ديال المواضيع لي خاصها تقرا، وماتبقاش تنقز من موضوع الموضوع، ملي تشد شي موضوع ماتحطيه حتى تساليه على حقو. طريقو عاد دوز الموضوع ٱخر وهكذا..

بعض الوسائل المساعدة على ضبط الموضوع العام:
1 قرا في نفس الموضوع على الأقل 2 مقالات
2 لخص الموضوع على قدر هذاك الشي لي غادي تكتب في المباراة باش يسهال عليك ضبط الموضوع أثناء المراجعة.
ماشي ملي تكون تراجع تلخص الموضوع في 6 صفحات وفي المباراة تكتب غير 3 حاول تلخص الموضوع في قالب جد مختصر مع التركيز على النقط الأساسية في الموضوع.
وحاول تقتصر فقط على ماهو مهم في الموضوع بحال:
القوانين المؤطرة للموضوع
بعض الإحصائيات إن وجدت
ثم بعض المقترحات أوالمخرجات إن وجدت
لأنه كل ماطولتي بزاااف في الموضوع كل ماغادي يصعاب عليك الضبط ملي غادين يكثروا عليك المواضيع.
كاتبان ليا افضل طريقة هي هذي باش تحكم في المعلومات ومايتنساوش ليك.