تربويات أستاذ

منشور للأساتذة الجدد فوج 2024
طاݣي الأساتذة الجدد
---------
شنو هو محضر الدخول 🤔🤔
- بالمفهوم القانوني ديالو : هو أنك تثبت #حضوريا #وورقيا أنك التاحقتي بالعمل ديالك فالمؤسسة لي تكلفتي تقري فيها ..تال هنا مزيان

اش قصدتي ب #حضوريا : 🤔🤔
- بمعنى أنه ولابد تكون حاضر فالمؤسسة ديالك فالتاريخ لي قرراتو الوزارة لي هو (3شتنبر )

ايوا ومن بعد اش قصدتي ب #ورقيا 🤔🤔
- هنا من بعدما دخلتي المؤسسة غاتمشي عند مدير المؤسسة غايعطيك مجموعة من الأوراق تكتب فيها معلومات عادية وبسيطة لي هي :
الاسم الكامل - رقم الهاتف - عنوان السكنى - المؤسسة - المهمة ديالك بمعنى التدريس - المادة - التوقيع (ويلا كانت معلومات أخرى غادي تضاف راه بسيطة جدا ونتا غاتكون عارفها )

شحال دالوقت غاياخد هاد الإجراء ديال محضر الدخول 🤔🤔
- غايخد منك شي 5 دقائق ولا 10 دقائق المهم وقت قصير جدا

هاد محضر الدخول واش فيه شي أسئلة غايكون فيها التعبير 🤔🤔
- لا فيه أمور بسيطة جدا ومباشرة كيما قلتليك

امتا كايبدا إجراء ديال توقيع محضر الدخول بالضبط 🤔🤔
- كيما قلتليك نهار 3 شتنبر بمعنى من 8 الصباح حتال الليل فأي وقيتة مشيتي فهاد النهار راه توقع محضر الدخول ديالك

نفترض ماجيتيش نهار 3 شتنبر باش توقع محضر الدخول
اش غايطرا 🤔🤔
- أولا خاص تعرف أن دوك الأوراق ديال محضر الدخول ملي كايعمرو جميع الأساتذة فالنهار المقرر ديال التوقيع الغد ليه كايهز المدير هادوك الأوراق وكايديهم المديرية الإقليمية اللي تابعة ليها المؤسسة ديالك ، ولذلك خاص ضروري تحضر نهار 3 شتنبر
نفتارضو شي أستاذ ماجاش اش غايوقع ؟
هنا أولا قانونيا يسمى : لم يلتحق بعمله أو منقطع عن عمله وهنا الأمور كاتعقد شوية
حيث المدير ايلا مشيتي عندو الغد ليه غايصيفطك للمديرية حيث هي لي عندها محاضر الدخول وهنا غايخصك تبرر الغياب ديالك وباش ماطيحش فهاد الحالة #جي #فنهار #المحدد وتهنى .

واش ماكاينش تمديد لتوقيع محضر الدخول 🤔🤔
- المدراء ديال المؤسسات تايتبعو داكشي لي جا فالمقرر التنظيمي السنة الدراسية الجديدة وهو ( 3 شتنبر )