وصفات أم بيان

طاجين بالقوق وجلبانة يا سلام ممممممم

كيجاتكم رأيكم بصراحة

گلاص منزلي رائع شويا ونحط ليكم المقاير

سلام كيف حال الجميع منشور للاطمئنان اتمنى ان تكونو في افضل الأحوال

حلوه بالكريمة خفيفة مكتگهمش المذاق يا سلام جربوها ومغتندموش انا متأكدة
بالنسبة المقادير
خودي 4ديال الباكيات ديال البيسكوي
واحد كريم شانتيي الغبرة ونصف كأس حليب بارد جدا
و2دانيت كراميل هادشي لي فيهاغتشدي البيسكوي تفزكيه مزيان في اي سائل حليب ولا قهوة ولا اتاي لي موجود المهم يفزك مزيان وتستفيهم في شي مول ديال الزاج او اطار من بعد طربي شانتي مع دانيت والحليب حتى يطلعو مزيان وتولي كريمة غتوضعي نصف ديالها فوق البيسكوي وغتستفي فوقها طبقة اخرى منالبسكوي حتا هوفزكيه صافي منبعد ضيفي هديك الكريمة لي بقات ليك قديها مزيان ودخليها المجمد الغد عاد زينيها باش حبيتي تقدري ديري كلاصاج من دانيت شوكولا والشكلاط كيجي طوب المهم انا قبل متجمد كان عندي صوص شوكولا درت خطوط فوق منها وزيكزاكيتها وعملت دي غزز بالكريمة نتمنى تعجبكم.

سلام هادو گاليطات جاو فنين ليبغات المقادير مرحبا

رمضان مبارك سعيد عليكمًكاملين

بيني رائع نتمنى تجربوه
خفيف ولذيييييييذ
المقادير
بيضة صغيرة
زلافة فورص
ملعقة زيت
ملعقة زبدة
ڤاني نصف خمارة
ملعقة كبيرة ممسوحة خميرة الخبز تبقى على حساب الجو
ملعقة سنيدة
قبسة ملح
ملعقة خل صغيرة
لماء الدافئ لجمع العجين روعة روعة هادالبيني المقادير كتخرج كمية لا بأس بها حوالي 20 وحدة متوسطة الحجم ولبغات كتر تضاعف المقادير أي سؤال مرحبا

شنو رأيكم بصراحة ولي عجباتها شي حاجة نعطيها الطريقة مرحبا

كيك الطبقات ولا أروع سهل وسريع روعة
المقادير
الطبقة الأولى
2 بيضات
نصف كأس سنيدة
ڤاني +قشور الليمون أو البرتقال ضروري باش تنحي لينا الزفورة
نصف كأس زيت
نصف كأس حليب أو دانون صغير ديال درهم أو عصير برتقال لي متوفر
خمارة ديال الحلوة
الدقيق ملعقة خل
نخلطوها ميف الكيك عادي البيض +السنيدة +الڤاني نخلطوهم مزيان عاد نضيف الزيت بشوية تم الحليب منبعد الدقيق حوالي كأس وربع على حساب +الخمارة والأخير الخل ندخلها طيب على نار مهيلة منتطيب نوجد الطبقة الثانتة
4 دانون مسوس
2 معالق سنيدة
كاس حليب مجفف نخلطوهم مزيان بالفوي حت ا ينساجمو من بعد نديرهم فوق الكيك إلى بغيت تسقيها سقيها باسيرو أو حليب أو عصير البرتقال الي متوفر ولا خليها ناشفة كيما تحبي ندخلها الفرن مشعل غير من الفوق حوالي 3الدقائق المهيم تمسي السطح تلقايه ناشف ملصق ليك والو في يديك والفرن نارو مهيلة مخاصهاش تتحمر من بعد نوجد
الطبقة الثالثة
أنا درت فيها بيسكوي فزگتو بالحليب وستفتو فوق الطبقة الثانية
الطبقة الرابعة
نصف لتر حليب
2 فلو شكلاط
ملعقة كبيرة شكلاط غبرة(كاكاو)
ملعقة كبيرة نشا
2معالق سنيدة
12 قطعة شوكولا سوداء
2دانيت شوكولا
نخلط الحليب والفلو والنشا والسنيدة والكاكاو كلشي بارد في بارد ونحطو فوق البوطة نبقى نحرك منتفرقش عليه حتا يبدا يغلي ويثقال عاد نزيد الشوكولا والدانيت ونطفي البوطة نحرك مزيان عاد نضيفو فوق البيسكوي وندخلها الثلاجة تبرد مزيان وتماسك عاد نقدموها بالصحة والراحة
عيت ونا نكتب شوية تفاعل وشكرا