18/11/2020
تحذير!!!!
واحد القضية شفناها بزاف وبغينا نحطوكم فالصورة باش تتفاداو هاد الإشكال..
بزاف ديال الناس كايبغيو يشريو طموبيل و كايجيو باش يخلصو الضريبة الأخيرة ديال السيارات (2020) ولا كايبغيو يشوفو واش فعلا تخلصو الضرائب ديالها وكايلقاو بلي الضرائب ديال خمس سنين الأخير گاع ممخلصاش.. وكاين لي كايعطي للموظف البنكي وثيقة مزورة ديال الضريبة ديال 2020 بلي مخلصة، وكايبغي يخلّص السنة لي قبل منها بحكم مول الطموبيل لي باعها ليه وصّاه يخلص 2019 وكايلقى بلي حتى شي حاجة ممخلصاش وبلي الوثيقة لي عندو مزوّرة..
كايصدق شاري بالثمن زيد عليها الضرائب المتراكمة لي كايتزاد فيهم مصاريف التأخير ودعائر أخرى ممكن توصل ف 5 سنوات ل 10000 درهم بالنسبة لسيارة مثلا ديال 8 الخيل..
أما لي كايشري وكايشد الوثيقة المزورة وكايخدم بيها حيت ماعارفش، فهادو كثار بزاف..
المشكل فإلى تشد الشاري واكتشف الدركي أولا الشرطي بلي الوثيقة مزوّرة، غادي تكون كارثة حقيقية حيت غادي اتهموه بالتزوير.. وميمكنش المشتري اثبت بلي البائع لي زوّرها.. حيت مكاين حتى دليل..
القانون لا يحمي المغفلين.. لذلك قبل متشري سير سوّل على راسك فأي بنك قريب لك.. ولا دخل للموقع الرسمي لي كايخرجو منو الوثيقة الأصلية الحقيقية، ها هو التحت وشوف مع راسك شنو كاين.. حيت ولاو كثار النصّابة بزاف..
https://www.vignette.ma/attestTsava/consulterTSAVA.do?method=acceuil
تحياتي.. منقول للإفادة
13/06/2020
06/04/2020
26/03/2020
10/03/2020
10/03/2020
07/03/2020
06/03/2020
20/12/2019