Study with mehdi

🟦 علاش السرعة الكبيرة خطيرة بزاف؟

بزاف كايقولو:
“إلى غير السرعة، أنا متحكم فيها”
ولكن الفيزياء كتقول العكس.

🔹 كلما زادت السرعة
➜ كتزاد الطاقة ديال الجسم بزاف

يعني:
🚗 سيارة مسرعة بزاف
➜ الضربة ديالها قوية بزاف
🚗 سيارة غادية بشوية
➜ الضرر أقل

حتى الفرق الصغير فالسرعة
كيقدر يدير فرق كبير فالخطورة.

🔴 السرعة ماشي غير رقم
السرعة = طاقة
وطاقة كبيرة = خطر كبير.

علاش الصوت كيوصل من بعد البرق وماشي معاه؟

أكيد شفتي شي مرة البرق ضرب،
وشفتي الضوء ديالو دغيا
ولكن الصوت ديالو (الرعد) جا من بعد بثواني.

هاد الشي علاش كيوقع؟

الضوء كيمشي بسرعة كبيرة بزاف
تقريباً كيوصل فالحين.

الصوت، بالمقابل، كيمشي بشوية
وكيحتاج الوقت باش يوصل حتى للأذن ديالك.

يعني:
📌 الضوء = سريع
📌 الصوت = أبطأ

كلما كان البرق بعيد عليك
➜ كتكون المدة بين الضوء والصوت كبيرة.

ماشي البرق اللي تأخر،
ولكن الصوت حيث السرعة ديالو أقل من الضوء.

علاش ملي كتطلق شي حاجة من يدك كاتطيح لتحت وما كاتطلعش الفوق؟

هاد السؤال بسيط ولكن الجواب ديالو مهم فالفيزياء.

إلى كنت شاد شي كورة ولا حجر وطلقتو من يدك،
كاتلاحظ بلي ديما كايمشي لتحت وماشي الفوق.

السبب هو أن الأرض كاتجبد كلشي لي فوقها
هاد الجبد كنسمّيوه الجاذبية.

الجاذبية قوة خفية، ما كاتبانش،
ولكن كاتخدم فكل لحظة.

📌 ملي كتطلق الجسم:
ما كيبقاش شي حاجة شاداه
الجاذبية كتولي هي القوة الوحيدة اللي كاتأثر عليه
وكتجبدو لتحت

علاش ما كايطلعش الفوق؟
حيت ما كايناش شي قوة كاتجبدو للفوق
إلا إلى درتيها بيدك ولا بشي آلة.

أي جسم فالأرض، إلا ما كانش شي حاجة شادّاه،
غادي يطيح لتحت حيث الجاذبية ديما خدامة.

علاش ملي كتوقف الطوموبيل فجأة، اللي راكب كيميل للقدّام؟

هاد الظاهرة كاتوقع لأي واحد ركب فطوموبيل ووقفات فجأة.
ولكن علاش الجسم ديالنا كيميل القدّام؟

فالأصل، الجسم ديالك كان كيتحرك مع الطوموبيل بنفس السرعة.
ملي الطوموبيل وقفات فجأة، هي اللي حبسات…
ولكن الجسم ديالك بغا يكمل الحركة وما يوقفش فداك اللحظة.

علاش؟
حيت أي جسم كيتحرك، إلا ما جات شي قوة تحبسو،
كيبقى غادي بنفس الحركة ديالو.

📌 هنا فين كيخدم حزام السلامة
الحزام كيدير القوة اللي كتوقّف الجسم ديالك،
وإلا ما كانش، الجسم كيمشي للقدّام وكيضرب.

ماشي حيت الطوموبيل وقفات يعني الجسم ديالك غادي يوقف معها فالحين.
الجسم ديالك كيحتاج قوة باش يوقف،
وهاد القوة هي حزام السلامة.