29/03/2026
منشور مهم بخصوص هاد العام الخير موجود ولكن للشناقة رأي آخر كايشريو من دبا من عند الفلاح ، الفلاح باغي يبيع الخروف في العيد للعياد ، ولكن الشناق كايطمعو وخا الفلاح مباغيش يبيع حيث هاد العام الربيع موجود ومغايصرفش في العلف بزااف ، ولكن الشناق كايطمعو كايعطيه في حولي باقي صغير ستين ألف ريال كايصدق الفلاح بايع من دبا والشناق داير حسابو معول يبيعو لينا حنا بمئة وستون ألف ريال حيث كايقول انا ضامن البيع يامات العيد .
دبا عندي واحد الخطة كلشي غايعيد هاد العام وبثمن مناسب مارأيكم😉خاص غير نتافقو ونديرو العهد بيناتنا قسما بالله حتى نشريو بالثمن مناسب مايزيدو علينا مانضيعو الكساب لأنه الخير موجود هاد العام والربيع موجود والحرب لي في ايران لاعلاقة لها بالحولي المغربي ، خاص نتافقو ونحاربو الشناقة اش بان ليكم ؟ لي بغا ينخارط معانا ونخليوها تاريخية ونوريوهم المغاربة علاش قادين يبان في تعليق ، لي بغا يخلي السوق والشناق يدير فينا مابغا دير براسك بحال ماشفتي هاد المنشور
