مدرسة أجيال للتعليم الاساسي بالحطية

09/08/2026

06/08/2026

مدرسة أجيال بالحطية
الخميس 6 أغسطس 2026
في أجواء يسودها الالتزام والانضباط تستمر لليوم الخامس امتحانات الدور الثاني لطلاب شهادة إتمام مرحلة التعليم الأساسي.
نتمنى لأبنائنا الطلبة التوفيق والنجاح ونشكر لجنة الإشراف والمعلمين على جهودهم في توفير بيئة امتحانية مناسبة

"وَاعْمَلُوا فَسَيَرَى اللَّهُ عَمَلَكُمْ"
اليوم نرسم خطوة جديدة نحو النجاح
صور من داخل قاعات الامتحان

01/08/2026

27/07/2026

جدول امتحانات شهادة إتمام مرحلة التعليم الأساسي (الدور الثاني ) للعام الدراسي 2025-2026م.

23/07/2026

سأتحدث عن العادة الدخيلة علينا وهي عادة أو ظاهرة سكب الزيت والتراب وتكسير البيض علي الطالب المتخرج أو الناجح من 3 نواحي:

1 - من الناحية الدينية
الفرحة بالنجاح باهية، لكن بالطريقة اللي ترضي ربي وماتأذيش حد
#إيذاء المسلم حرام الرسول قال ( المسلم من سلم المسلمون من لسانه ويده ) شن دخّل رش الزيت المحروق والتراب والبيض في الاحتفال هذا أذى واضح
#تبذير النعمة ربي قال ( ولا تبذر تبذيرا ) البيض رزق، والزيت رزق، وترميهم في الأرض حرام
مافيش منها في الدين عمرنا ما سمعنا إن النجاح يحتفل بيه بالإهانة اللي في الدين هو سجدة شكر ،صدقة ، اطعام ، ودعاء
#نية مش تمام مرات الفعل هذا يطلع من غيرة وحسد مش من فرحة. تبي تنقص من الشخص مش ( تفرح ) معاه

يعني من لاخير لا عبادة لا عادة كويسة، هو أذى وتضييع فلوس وخلاص

2. من الناحية العقلية والنفسية
اللي يدير هكي راهو قاعد يقول على روحه أكثر من اللي يديره فيه
#قلة احترام بدل ما ترفعه وتكبر بيه تبهدله قدام الناس
#استهتار من يفكر في العواقب الزيت يحرق التراب يخش في العين البيض يخرب الدبش
#جهل بطريقة التعبير في ناس تربط الفرحة بالفوضى والهمجية لأنهم ما تعلموش كيف يعبروا باحترام
يخرب اليوم بدل ما الناجح يفرح يتعصب ويتغشش معادش يوم نجاح يولي يوم نكد.
# الخلاصة: عقلية ( ما نقدرش نوصله خلاص نوسخه )

3- من الناحية الصحية والعلمية
الزيت المحروق ساخن ويحرق ويلصق في الشعر والجلد ويدير التهابات
التراب كله غبرة وبكتيريا يخش للعين أو الجرح ويدير مشاكل
البيض الني فيه بكتيريا السالمونيلا، ويخلي الريحة شينة ويصعب تنظيفه
خسارة في الغلا هذا تكسير في الرزق وترمي فيه حرام عليكم

#الخلاصة
العادة هذي لا هي دين لا عقل لا علم هي إحراج متنكر في هيئة احتفال

تحبوا تحتفلوا احتفلوا بالباهي
كلمة طيبة وتقدير قدام الناس
صدقة على روح النجاح
فرحة نظيفة تصفيق، دعاء ، صور، هدية بسيطة

النجاح يستاهل احترام مش بهدلة ✍️ أ- عيسي أعظيم

20/07/2026

إعلان هام
موعد امتحانات الدور الثاني
لشهادة إتمام مرحلة التعليم الأساسي
للعام الدراسي 2025 - 2026 م

نُعلم جميع الطلبة المتقدمين لامتحانات الدور الثاني لشهادة إتمام مرحلة التعليم الأساسي بأن الامتحانات ستبدأ بإذن الله:
يوم الأحد: 2026/08/02
وتستمر إلى: الخميس 2026/08/13

نتمنى لجميع أبنائنا الطلبة التوفيق والنجاح. وللاطلاع علي النتيجة والمراجعة👇

20/07/2026

أعلان
إلى الطلبة وأولياء الأمور الكرام

نعرف أن الكل يسأل عن نتيجة الدور الثاني لسنوات النقل
نحيطكم علماً بأن التأخير سببه إقفال منظومة رصد واعتماد الدرجات مؤقتاً لغرض التحديث

العمل جاري والنتائج ستصدر فور الانتهاء من التحديث واعتمادها من الجهات المختصة

نرجو عدم الاستماع للشائعات ومتابعة صفحتنا للإعلان الرسمي

20/07/2026

للمتفوقين والناجحين تستاهلون كل التهنئة تعبكم ما راح هدر عقبال النجاح الأكبر في الدنيا والآخرة وربّي يجعل العلم اللي تعلمتوه حجة لكم لا عليكم

للمعلمين والأهالي جزاكم الله خير الجزاء أنتم السند الحقيقي وراء كل نجاح

أما من لديهم دور ثاني : باب ربي مفتوح والفرصة الثانية نعمة توكل على الله وابدأ من جديد وبقوة ( إن الله لا يضيع أجر من أحسن عملا ) . والسقوط مش نهاية هو درس يرفعك خطوة

الدنيا أرزاق فعلاً والفوز الحقيقي اللي يستاهل الدموع هو جنة عرضها السموات والأرض غير ذلك كله يُعوّض

ربي يبارك في أبنائنا جميعاً ويكتب لهم الخير حيث كان