Nader Haman- نادر هامان

السلام عليكم دكاترة

الحمد لله بعد تحقيقنا لنجاح باهر في جزئية النصفي توا جي الدور انه حني نشدو الهمة اكثر و نهتمو اكثر باش يكون نفس النجاح معانا فالفاينل و تجيبو النسب اللي تبوها بإذن الله🤍

و النصفي كان مفاجأة كبيرة مني لدفعتكم انه فتحته مجاني في كل موادي و توا جي وقت الفاينل و الدق 👌🏼

و زي ما عودتكم على المفاجأت و الهدايا و من هذا الباب نقوللكم العرض هذا

🔹المجموعة الزوجية
علم الحيوان=90
علم النبات =90
العرض انه لو الزوز مع بعض يكونو 150🫱🏼‍🫲🏽

🔹المجموعة الفردية
صح انتو مادة وحدة و منقدرش نديرلكم جو باقة لكن حيكون اشتراكم 80 دينار للفسيو 🤍

و بالنسبة للطلبة اللي اشتركتو و دفعتو في جزئية النصفي حينفتحلكم كورس الفاينل طول خلاص انتو تعتبرو مشتركين من الاول 👌🏼

🔴الكورس حيكون في قروب خاص فالتليجرام و طرق الدفع عن طريق كروت اي كاش icash باقة المظلة

للاشتراك و الاستفسار تواصلو مع استاذ صهيب هذا حسابه ()

المفروض المحاضرين و الدكاترة و المهندسين الي يقرو في طلاب الجامعة يكونو ناس واعيه و مثقفه و عاقله و كل ما تحمله الصفات التي تعبر عن النضج ، و لكن اتضح ان المكانه العلميه او العمر ليس دليل على النضج و انما تصرفات الشخص .

طالبه كانت تقرا عندي السنة الي فاتت طالبة لا قوة الا بالله اخلاق و علم و تربية و استفادت من الكورس و الشرح و جابت نسبة عالية الله يبارك من الاعلى ف الدفعة حبت ترد هذا كله بإنها تساعدني في إدارة امور القناة مع دفعة 2007 ، و لما لقوها ناشطه و فاهمه ، اصبحت محط انظار من يدعون العلم ، و ليس العلم زينه المرء بل اخلاقه ، حاولو اكثر من مرة يتواصلو معاها و يكلموها و يقنعوها تسيب نادر هامان و تبدى معاهم ، بل وصلت بيهم عرضو عليها كورسات مجانيه !!

طبعاً هذه المحادثه الوحيدة التي لم تحذف من العديد من المحادثات الي صارت مع هذه الطالبه ، وحدة منهم كانت من منصه معروفه و مشهورة و هي احد الداعمين لهؤلاء الذين يدعون العلم ، و لكن مش حنقول اسمها لانه حالياً ماعنديش دليل على ادعائي بعد ما حدفو المحادثه و هكي نعرض روحي لمشكلة قانونيه ، اكيدة منصه معروفه زيهم عندهم فريق قانوني 😂

الخلاصة : الكورسات حرفياً تجارة و ليست مهنة و وسيله لدعم العمليه التعليميه يتسفيد منها المحاضر بمبلغ مالي و الطالب بعلم يفيده في دراسته و عمله مستقبلاً ، بل هي تجارة بالمعنى الحرفي و للأسف من اوسخ التجارات .

أيا من يدّعي الفهم ….. إلى كم يا أخا الوهم
تعبّي الذنب و الذّم ….. و تخطي الخطأ الجم
أما بان لك العيب ….. أما أنذرك الشّيب

و زي ما يقولو : العار أطول من العمر 🤩

السلام عليكم

حل اسئلة الامتحان النصفي علم الحيوان
الحمد لله و الشكر الاسئلة كلها من التجميعات و الكويز اللي درناه و نبهت انكم تحلوه و اللووون الموفي مقصرش معانا بكل الحمد لله و الشكر 🤍✔️

مزال شغل الفاينل توا خل نكملو تلم النبات بس و جايكم شغل منظم 🔥🤍

السلام عليكم دكاترة

هذا الكي انسر بتاع امتحان الفسيو اليوم المجموعتين A.B امتحان كان قنين و جميل و اغلبه من تجميعاتي يعني لو حد قري تجميعاتي بفيديوات الحل كان يجيب 30 الحمد لله
و اللون الموفي مقصررررررش بكل كل المعلومات ركزنا عليها و قلناها 🤍

مزال الدق فالفاينل و الشغل الاقوى 🔥
و ديما نقوللكم الاموووور؟

السلام عليكم

هادي اولى المفاجأت اللي قلتلكم عليها🔥

كورس مجاني في كل المواد اللي نعطي فيها لجزئية النصفي

سواء علم حيوان 🦜
علم نبات🌱
او فسيولوجي 🫀

نبي الكل يقرا الكل يفهم و الكل يجاوب لكن شرط تفرحوني بالدرجات المليحة بعدين 🦾

الكورس مجاني بالكامل حيكون شاااااامل لكل شي حل اسئلة و شرح المنهج و ملخصات يعني الفل بإذن الله فالجيب 🤍

منبيش شي الا دعواتكم و ضروري تبلغو كل الدفعة انشرو المنشور هذا في كل القنوات خلي الكل يستفيد و يقرا.

قعمزو اقروووووووووو الامتحانات فالطريق ⏳

خشو هذا رابط قناة التيلي ⬇️

https://t.me/naderhamanbiology

و الامور خيرها؟

السلام عليكم دكاترة 2007 🥼

اجمعوووو كلكم ضروري تخشو للقناة هادي مدايرها مخصصة ليكم و فيها شروحات و حل اسئلة و الشيتات و كل ما يخص موادكم تلقوه فالقناة و هذا الرابط ⬇️

https://t.me/naderhamanbiology

و حنرد فيها على كل استفساراتكم هي كلكم تعالوووو🔴

2007 شن في احتليتو طرابلس كلها مش غير الجامعة😂

السلام عليكم دكاترة🥼 جدول محاضراتي غدا الاربعاء في مركز ترانيم:

ترانيم فرع زناتة :

🔹من 9 الى ال10 علم نبات
🔹من ال10 الى ال11 علم حيوان

ترانيم الرئيسي (الصريم):

🔹من2:30 الى 3:30 علم حيوان
🔹من 3:30 الى 4:30 علم نبات

المحاضرة مجانية 🆓 ح نبدو من الصفر يعني حتى لو معندكش فكرة عالمنهج الامور طيبة✔️

السلام عليكم دكاترة 🥼

بما انه الكلية بدت و نزلو المواد و فهمنا الوضع كيف ماشي 👌🏼

حاب نبلغكم إنه حنبدا في كورسات
-علم الحيوان 🐠
-علم النبات 🌱
-الفيسيولوجي 🧠.

📌 الفيديوهات والمحاضرات حتنزل أول بأول في قناة التليجرام، باش تكون مواكبة للكلية و حل اسئلة لكل شيت لحد ما تفتح المنصة اللي حنعلنولكم عليها في نص الأسبوع هذا و اللي حيشترك توا بياخد المنصة مجانا .

📍 وزيادة على هكي، محاضرات علم النبات وعلم الحيوان حتكون متوفرة حتى في مركز ترانيم العلم للّي يبي يحضر حضورياً.

باقي التفاصيل تلقوها هني ⬇️

https://t.me/Nadertripoli/816

موفقين جميعا

السلام عليكم

دكاترة تؤجل محاضرة غدا في ترانيم لين نفهمو الوضع و شن صاير لان الكلية نفسها قاعدين متلخبطين و البداية يوم الاثنين بلغو بعض🤍

تعالوووو هني 2007 منشور مهم ب نشرح فيه شن اللي حتقروه و كيف ب تبدو 🔴🔴

بالنسبة للمواد نفس مواد 2006 لكن الموضوع وما فيه انهم قسمو الدفعة الى زوز

🔴المجموعات اللي ارقامهم فردية حتقرو المواد هادي :
احصاء
وظائف الاعظاء
العربي
الكيمياء العامة

🔴المجموعات اللي ارقامهم زوجي حتقرو المواد هادي
كيمياء حيوية
فيزياء
انجليزي
علم حيوان
علم نبات

بالنسبة لمادة الوظائف و الاحياء غدوة بداية المحاضرات المجانية في ترانيم العلم ح نفهمكم المواد كيف ماشية و شن مواضيعها و كيف ب نقروها محاضرة مهمممة جدا تفهمكم كل
شي

هكي مفروض فهمتو شن صاير اي سؤال اكتبو فالتعليقات و موفقين