منتدى الكليات الطبية\جامعة طرابلس

لما تبدي اخر سيمستر في الكلية 😂

السلام عليكم ورحمة الله وبركاته.
نبو فصيلة دم O+
الحالة مستعجلة ف شارع الزاوية

‭0910224200‬

لو في طلبة وخريجين جدد وقاعدين ماحصلوش تدريب صيدلي نبو نعطوكم علم انه قناة التدريب الصيدلي علي التلقرام فاتحين كورس بسعر رمزي 30 د لبيانا أوLTT

لأي تفاصيل تواصلو علي رسائل قناة التلقرام او علي بوت الإستقبال

قناة التدريب الصيدلي 💊 قناة طبية تابعة لقروب التدريب الصيدلي الغرض منها تجميع الفيديوات والملفات الخاصة بالتدريب .

السلام عليكم.
صباح الخير العلم كل يوم يتطور
جائزة نوبل 2025 في الطب حصل عليها لثلاثة علماء كبار

ماري برانكو

فريد رامزدل

شيمون ساكاغوتشي

سبب التكريم؟
اكتشفوا نوع مهم من خلايا المناعة اسمها الخلايا التائية التنظيمية (Regulatory T cells)
اللي دورها إنها تهدي الجهاز المناعي لما يبالغ في الهجوم وتحمي الجسم من إنه يهاجم نفسه.

الاكتشاف هذا غيّر نظرتنا لكثير من الأمراض المناعية، منها حتى أمراض الجلد زي:

الصدفية

الثعلبة المناعية

البهاق

الذئبة الجلدية

لما تضعف هالخلايا، المناعة تولّي تهاجم الجلد بالغلط، وتسبب التهابات وتساقط شعر أو فقدان لون.

اليوم الأبحاث ماشية في اتجاه تنشيط أو زيادة هالخلايا كطريقة علاج جديدة، ونتائجها مبشرة جدًا.

تحية لهالعقول اللي فتحت باب جديد في الطب والمناعة.

منقول عن الدكتور @محمد الجميل

لو عرفت معنى (وكيف تصبر على ما لم تحط به خبرا)

حتعرف انه الابتلاء عمره ماكان عقاب … هوا رسالة تأديبية وتقويم النفس وتهذيبها

نكتب والله من شخص حاليا كنت نمر بفترة قاسية شوي … ومتأكد أنها رسالة ربانية … نسال في نفسي ليش به؟ وعارف انه المؤمن مبتلى وعارف أنها مراحل في الدنيا
لكن ليش هكي يصير؟

والله مالقيت اي جواب

لين مرت عليا آية قرانية بالرغم انه نقرا فيها كل جمعة ماكنتش مركز عليها إلا لما مريت بالفترة هذي

﴿فَخَشِينَا أَن يُرْهِقَهُمَا طُغْيَانًا وَكُفْرًا﴾

في لحظة تحس إنها نازلة ليك أنت بالذات كأنها تُحاكي وجعك وتشرح حكمته… وتجبر بخاطرك

سبحان الله… مرات ربي ينزع منك شي كنت تحبه … زي الغلام اللي قتله الخضر في سورة الكهف … موسى انكر الشي !! وأمه وأبوه كانوا متعلّقين بيه … لكن رحمة الله كانت أعظم…
ربك اراد أن يبدلهم خيرًا منه، زكاةً وأقربَ رحمًا.

لهذا مهما كانت خسارتك … والله تكون الخيرة مخفية في طيّات القدر...

بالرغم انت مش حتشوف الشر الي كان يصير ... زي ام واب الغلام الي قتله الخضر .. مش عارفين ليش للحظة هذي ليش مات .. لين ربي ذكر الحكمة في القران علي لسان الخضر وهذي كل الابتلاءات الي تصير ... مش حتشوف الشر والضرر لانه ربي صرفه عنك

كل حاجة نتعلّقوا بيها… لو كانت خير لنا … ربي ما كانش باعدها عنّا …
ورحمة الله أحيانًا تكون في المنع … مش في العطاء….

، وديما الحكمة الإلهية أكبر من فهمنا.

ودايمًا نقولها من القلب:
عمر ربي ما يضرّ، وكل شي نخسروه نقول عليه: “دفع الله ما كان أعظم.”

هذه شهادة مع خبر سمعته في فيديو للشيخ الصادق الغرياني يتكلم ع ميزانيه 4 مليون الي خصصت سنه هذه المستشفي التي لاتذكر قال يادوب تسد فاشات في صرح كبير رقم زي هذا الي صار وضع مؤلم للجميع الحمدلله انه ربي شايف وعارف كميه التعب اما الي نشوف فيه من نكران وانتقادات من الشعب الي اكيد مش كله حاجة فعلا توجع

أظهرت إحصائية قسم الإحصاء والتوثيق الطبي بمستشفى طرابلس المركزي تقديم خدمات علاجية طارئة لما يفوق 87,000 حالة إسعافية بأقسام الطوارئ فقط خلال النصف الأول من العام الجاري 2025، مقابل 6,674 حالة دخول إلى الأقسام الإيوائية.

وتكشف هذه الأرقام حجم العمل بأقسام الطوارئ، مقارنة بمحدودية الحالات الطارئة التي استدعت الإيواء، الأمر الذي يعكس اعتماد شريحة واسعة من المواطنين على الطوارئ كمدخل رئيسي لتلقي الرعاية الصحية.

#الطوارئ

لغوي أمريكي يشرح اختلاف اللغة العربية عن اللغات الأخرى: إذا كنت تتحدث العربية فربما يعمل دماغك بطريقة مختلفة عن الآخرين. أعلم أن هذا يبدو غير منطقي لكن العديد من الدراسات الأكاديمية بينت ذلك".