Abdulrahman Dughri

شن رأيك تكسب انت وصاحبك كورسات بـ البلاش؟ 😎

المرة هذي مسابقة بـ جوائز مليحة 🔥

6 كورسات مجانية بـ الكامل
وكل رابح يختار المادة يلي يبيها بنفسه

و الأجمل ؟
مش حتكسب بروحك…
انت وصاحبك تكسبوا مع بعض 🍃

📌 طريقة المشاركة سهلة جدًا:
✅دير لايك لـ البوست
✅ دير تاق لـ صاحبك يلي تبي تربح معاه

🎯 بنختار الرابحين بالقرعة

السحب يوم: الاربعاء

#مسابقة


#نموذجي

م. عبدالرحمن الدغري

بسم الله توكلنا على الله
ولا حول ولا قوة إلا بالله 🤍

خلال يوم سيتم فتح الاشتراك في جميع المواد المرفقة على منصة نموذجي لقسم 🔥

‏ (C++)
‏
‏
‏
‏
‏
‏

كل المحاضرات جاهزة واغلبها متحملة، استغلوا وقتكم وابدوا بكري لان الفاينل الوضع ضيق ضيق، وفي مفاجئات حينضافوا فالطريق 👌🏻

- تقدروا تشتركوا بجميع طرق الدفع ويشملهم بطاقة المصرفية.
وحاتلقوا عروض باقات للمواد.

—————————————————-
ولكن فالبوست هذا نبي ندوي على كل مادة مفصولة:

✅ :
الفاينل يعتبر أصعب برمجياً من النصفي، ولكن لو عندكم أساسيات النصفي حتحسوا أسهل، ف اين واحد يشترك فالفاينل حياخد النصفي مجاناً. الفاينل حنخدموا على نظام شبيه بالنصفي، حنديروا أحد مزايا المنصة الخارقة الي هيا Namudaji Coding. الفاينل مجهزلكم فيه مفاتيح لحل المشاكل الي حيعجبكم هلبا، تقدروا تسألوا عليهم الي قروها سمستر الي فات، حاولوا تبدو فيها بكري لان الموضوع يحتاج تطبيق عملياً.

✅ :
الكبيدة 😆
ك منهج ومدة الكورس حيكون أقل من النصفي، وأين شخص يشترك فالفاينل حياخد جزئية ال BJT مجاناً متع النصفي لان حيحتاجها فالفاينل.
جزئية الفاينل تعتبر أهم جزئية في 219، مهمة جداً جداً جداً، لان جميع المعامل و319 وغيرها من المواد يعتمدوا عليها بشكل مباشر.
الي يبي يبدا فيها ضروري من توا لان الفاينل يبي فهم وتثبيت مرتين، بالاضافة ان حنديروا هوموركات وامتحانات تجريبية وضروري تكونوا حاضرين من البداية لو تبو تصفوها وتفهموها كويس.

✅ :
الي مقوي إساسه في EE219 حيرتاح هني، ولكن ك صعوبة، الفاينل يعتبر أصعب بمراحل من النصفي لان فيه عناوين جديدة مقارنة بالنصفي، والمادة المعروف علينا انها تكون أصعب مادة في مواد ال300. بما أن في نصفيين وفاينل وكيف حيبدا نصفي الثاني، وباش نكون عادل بزيادة مع الكل ف حاب نوقف معاكم ونعطيكم الاشتراكين بسعر اشتراك واحد فقط خوفاً ان ميكونش توزيع الفيديوات عادل، يعني الي يشترك حياخد نصفي الثاني + فاينل بسعر نصفي بس.

✅ :
ك صعوبة فهم، يعتبر الفاينل لا يقارن بالنصفي، الفاينل دروسه مقسومة بين اكثر من مرجع ونفس الوقت يدوخ لان دروس مترابطة على عكس النصفي، وزيادة توا حيرجع معاكم الFET. ولكن ريتوا مع كل السلبيات هاذي، مجهزلكم كورس خارق، ملخص بطريقة جميلة وسريعة وشاملة كل شي. كورس الفاينل جاهز، وقاعد حالياً نزيدلكم ف حجات منظمة حنعلن عليها.

✅ :
جزئية الفاينل كلها تدوي على discrete، ككل في الي يشوف أسهل من النصفي بسبب شمولية الكورس (بسبب الامتحان)، ولكن للامانة الفاينل أصعب هلبااا من النصفي
، لان كل الي قريتوه فالنصفي حتشوفوه في discrete زي DFTوDTFTوDFS، وزيادة على ذلك systems.
ك مدة فيديوات الكورس اقل من النصفي، ولكن يحتاج الواحد يبدا بكري لان الشخص لازم يشوف اساسيات الديسكريت اول حاجة. اين شخص بيشترك في الفاينل حياخد FT من النصفي لان حيحتاجه باش يقوي أساسه.
الي يتعب فالمادة هاذي حيرتاح بقية القسم صدقوني، تقدروا تسألوا زملائكم السابقين.


✅ :
الفاينل يدوي على discrete values، يعني حنتعاملوا هلبا مع الجداول، عيب الفاينل ان كله جداول، ف هلبا ناس تهرب عليهم الخريطة، الحل ان الواحد ضروري يبدا بكري باش يكمل كل شي ويلحق يراجع ويربط الحجات ببعض.
الفاينل ديما يجي منه جزء لا بأس به من النصفي ، ف أين شخص يشترك فالفاينل حياخد النصفي مجاناً باش تقدروا تجيبوا ال60.
اين شخص يبي يضمن الفل فالفاينل, حنديرلكم خطة كيف تكملوها بكري ونفس الوقت تقدر تحضر فالجامعة وتستفاد وانت مكمل واثبت. جميع اوائل المقرر على مدة 5 سنين هما طلبة الكورس، وباذن الله حيعجبكم هلبا كورس الفاينل. انتظروا مفاجاءة الي حتنزل …

✅ :
الفاينل اغلبه يدوي على Digital communications، الجدئبة هاذي تعتبر اصعب وأهم جزئية فالمقرر، لان اتصالات الحديقة تعتمد عليها بشكل كامل، بالاضافة للمواد 516 526.
المهم، المادة هاذي كلكم تعرفوها انها تعتبر وحدة من أصعب مواد فالكهربائية، ونفس الوقت شادها دكتور منهجه دسم ويحتاج فهم وتركيز كبير. بالنسبة لافكار المادة متنتهيش ف انا ماشي برتم مختلف هني، الكورس حيكون قصير وشامل جميع الاساسيات، يعني بدل متقعد تريح في المفاهيم بين كدس مراجع، حتلقاني مجمعلك كل شي في وقت قياسي، بعدها انت تنطلق تحل اسئلة على قد جهدك، وحنكون برضو متابع معاكم بعون الله.

خليكم متابعين 🔥
التفاصيل حتنزل في قنوات التيليجرام الموجودة في التعليقات 👇🏻

#بداية امتحانات موفّقة لجميع الطلبة

نسأل الله أن يعينكم في دراستكم، ويبارك في وقتكم وجهدكم، ويجعل كل تعبكم هذا في ميزان حسناتكم 🤍

تفكروا ديما إن النجاح مش صدفة… اجتهادكم، تعبكم، صبركم هوا ثمرة حصاد وقتكم لبعدين

خلو ثقتكم في ربّي كبيرة، وتوكّلوا عليه في كل خطوة، فهو خير من يُؤتمن عليه التعب والنتائج

"وَمَن يَتَوَكَّلْ عَلَى اللَّهِ فَهُوَ حَسْبُهُ" 🤍

وإن شاء الله أيام الخير والنجاح تنتظركم🔥

نحب نشكر اللجنة المنظمة لمؤتمر BEST على الدعوة الكريمة، وخاصة دعوة VIP اللي نعتز بيها، وعلى حسن الاستقبال والتنظيم المميز🔥

وكان واضح جداً الجهد الكبير اللي داروه فيه وفي اليوم العالمي للصحة، الصراحة كنتوا ناجحين ومميزين آعانكم الله وسدد خطاكم في هذا المؤتمر 💫

سعيد جداً إني كنت أول شخص قدم كورس مخصص لطلبة القسم، شي هذا خلاني نشوف قداش الطلبة عندهم شغف للقسم الجميل 🤍

بصراحة النشاط والحماس اللي شفته من الطلبة والتنظيم الممتاز، أنا متأكد إن القسم هذا عنده مستقبل قوي وناجح بإذن الله، وإنه حيكون من الأقسام المتميزة في ليبيا

كل التوفيق ليكم وفخور جداً بكم، وإن شاء الله نشوف نجاحات أكبر في السنوات الجاية 🤍✨

من أجمل الذكريات مع طلابي خصوصاً لما تجتمع مع الالكترونية 🤍🍃

اليوم وانا ندور في الصور لاسئلة قديمة للاكترونية باش نضيف افكار جديدة للاونلاين الي عاطيها من سنين نزولا لرغبة الطلبة، لقيت الصورة هادي رجعتلي ذكريااات جميييلة جدااا

مسيرتي في التدريس عرفتني علي طلبة بدو زي الخوت بالنسبالي وليهم مواقف وذكريات مش حننساها

اليوم خصيصاً حبيت نشكركم بجديات لأنكم كنتم دافع الأساسي بالنسبالي للاستمرار في العطاء، وتطوير نفسي بشكل افضل من قبل 🤍

أسال الله ان يعينكم في دراستكم ويفتح عليكم فتوح العارفين يارب 🤲🏻🍃

م.عبد الرحمن الدغري

صديقي وأخي الباش مهندس محمد شعبان

حيكون معاكم في السمستر هذا 🔥

إنسان يستاهل كل الدعم والتزكية لكل المزايا الي يمتاز بيها من علم وأخلاق والله

للأمانة ننصحكم هلبا بالباش مهندس بجديات مش لان صديقي ولا لان قاري عندي مجموعة مواد ونعرف مستواه، لكن لان نقدر نكتفي بالقول ان المادة الي بيعطيها جايب فيها اعلى درجة فالامتحان ومتعمق فالسلسلة، ونتوقع يكون مبدع في عطائها…

ف ننصحكم جدا بيه 🔥

أسأل الله العظيم أن يعينه ويفتح عليه فتوح العارفين 🤍

المواد بيقعدوا لان مقريتش شي في رمضان ف يالا خلي نشغل X2 ونكمل بسرعة

هذا تفكير الطلبة حالياً 😁

تحسوا ان الامتحانات خلاص وصلوا وخاشة في بعضها، وأنا حاس بيكم ونبي ننصحكم ف ركزوا معاي كويس 🫡

انتم مفروض تكونوا أذكى من ان اضيعوا وقتكم وتندموا على وقت الي فات
أين شخص شدها في رمضان عبادة مكثفة نبيك تتفكر أن انت استثمرت الدنيا وآخرتك ومتنساش أن التوفيق كله من الله.

الوقت مش بكري ولا متأخر، هذا الوقت الي تقدر تبدا فيه وتنقذ نفسك!
نصيحة نصيحة نصيحة… متقولش خلي نقرا بسرعة وخلاص لان هاذي الطريقة الي حتسبب في هلاك موادك، نبيكم بدل متستعجلوا في المنهج، نبيكم تلغوا حجات الزايدة الي في يومكم وباذن الله تلحقوا

متنسوش أهم حاجة تتوكلوا على الله

إختبار الحقيقي للمهندس يبان فالضغط🔥

موفقين 🤲🏻❤️

أعزائي الطلبة، لأنكم دائماً مصدر الدعم، قررنا إقامة #مسابقة لمساعدة طلبة السنة القادمة 🫡

🔸 برأيكم، ما الوقت المناسب للدراسة في رمضان؟
🔸 وهل استطعتم تنسيق وقتكم مع محاضرات الكلية والدراسة في رمضان؟

شرط المسابقة أن يكون التعليق من واقع تجربة شخصية، مع عمل إعجاب للبوست والصفحة.

🎁 الجوائز:
1- كورس هدية للامتحان النصفي أو النهائي بقيمة 150 د، لشخصين المتحصلين على أكبر عدد من الإعجابات لتعليق.
2- كوبون تخفيض 50% لشخصين لثالث ورابع أكبر عدد من الاعجابات لتعليق.
3- ثلاثة كوبونات 20% لنصيب عشوائي لأحد التعليقات.
4- كرت المدار أو ليبيانا بقيمة 40 د، لنصيب عشوائي لأحد التعليقات.

يسمح النشر والتاقات وننتظر آراءكم بكل احترام ووعي ل3 أيام 🫡

#ليبيا #جوائز #عيد #رمضان

🌙🤲
نسأل الله أن يتقبل منا ومنكم صالح الأعمال،
ويجعل عيد الفطر مباركًا عليكم وعلى أهلكم،
ويرزقكم التوفيق والرضا،
ويفيض عليكم بالصحة والعافية والسعادة 🤍