Lycée classique d'Echternach

Lemonade Stand Challenge 🍹
D'Schüler vun der 4GCM1 haten am Kader vum „Lemonade Stand Challenge“ hir Verkafsstänn am Schoulhaff vum LCE flott dekoréiert. Wärend der Mëttespaus hunn si do lecker Produiten ugebueden: vu Virgin Mojito 🍹 iwwer Churros 🍩, Smoothies 🍓🍌 bis hin zu engem Glécksrad 🎡🍀.
D'Atmosphär war flott, an d'Visiteuren hate vill Spaass. 😄🎉

Sponsored Run 2026🏃‍♀️🏃‍♂️

🌞 Bei schéinstem Wieder sinn 258 Leefer duerch den Iechternacher Park gelaf, fir Suen ze sammele an hiren Deel dozou bäizedroen, géint d'Hongersnout am Sudan unzekämpfen. 🇸🇩🤝

Am Viraus hat déi ganz Schoulgemeinschaft ofgestëmmt, wéi ee Projet vun der UNICEF dëst Joer soll ënnerstëtzt ginn. 🌍

🙏 E grousse Merci un all d‘Leefer an hir Sponsoren, un d'Mataarbechter vun der UNICEF , déi am Park ware fir eis eng Hand mat unzepaken an un d'Provençale 🍎🍌🍊 fir d'Spendéiere vum Uebst fir eis Leefer nom Laf.

Mir freeën eis schonn drop d'Editioun 2027 vum Sponsored Run ze plangen!

Ginette Altmann, Michèle Pletschette, Tanja Wagener a Laurent Weber 😊🏃‍♀️🏃‍♂️💚

Virtrag iwwert Assurancen

Déi zwee Assurancen-Agente Bob Leick a Raphaël Stacchiotti hu virun der 4GCM1 an der 2GCG ee Virtrag iwwert de Beruff vum Assurancen-Agent an iwwert déi verschidden Assurancenzorten gehal. An dem interessanten Atelier hunn déi 2 Agenten déi ganz Panoplie vun den Assurancen - vun der Kaskoversécherung bis zur Rëschtscholdversëcherung - duerchgeholl. Illustréiert goufen déi verschidden Zorte vun Assurancen och oft duerch interessant Beispiller an Anekdoten.

Mir soen dem Bob an dem Raphaël villmools Merci fir déi flott Aktivitéit!

Finall vun der « My First Enterprise » 👏

De Mika Fernandes, den Tun Gruber an de Lennox Steinmetz Heller vun der 4C-4 haten d'Geleeënheet bei der Finall vun der "My First Enterprise" op der grousser Bün bei Deloitte e Pitch ze maachen. Ganz souverän hunn si dem Jury hir "Crêperie du jour" 🥞 präsentéiert. Leider ass et net duergaang fir eng Plaz um Podium, mee mir sinn immens houfreg op den Engagement den si dat ganzt Schouljoer iwwer gewisen hunn, a mir si frou dass si dank de Jonken Entrepreneure vill flott Erfarunge sammele konnten.

Bravo, Julie!
D'Julie Schiltz (4C1) huet am Kader vun der Ausstellung „La Vie à Echternach“ am Konschtcours vun der Madamm Catia Biel e flotte Design entwéckelt. 🖌️✨ Seng Kreatioun gouf vun der Gemeng Iechternach ausgewielt an ass an enger grousser Oplag op stoften Tuten gedréckt ginn. 💚
Mir gratuléieren dem Julie zu dësem schéine Succès a si stolz op seng kreativ Leeschtung! 👏🎨😊

💻🛠️ Schüler baue PCen zesummen!

Am Kader vum Informatikscours op der 4GIG zum Thema Hardware sinn d’Schüler zesumme mat hiren Informatiksproffen an de Klassesall vun der Sektioun I gaangen, fir do a Gruppe Schoul-PCen zesummenzebauen. Dobäi hunn si Fotoe fir hire Rapport, an deem si déi verschidde Schrëtt am Detail beschreiwen, gemaach. Besonnesch erfreelech: Déi 9 PCe konnten um Schluss all erfollegräich gestart ginn! 🎉🥳

Solistes Européens Luxembourg

D’Museksschüler aus dem LCE an d’Schüler vun der 4C1 goufen en Dënschdeg vum Lëtzebuerger Operesänger Franz Schilling a vum berüümte Pianist an Dirigent Christoph König mat op eng musikalesch Rees geholl. 🎼🎹🎤✨ Mat vill Emotioun a Passioun hunn d’Museker d’Schüler mat verschiddenen Opernarien, Kunstlidder a Balladen duerch e puer Joerhonnerte gefouert.
Besonnesch gefall huet de Schüler den hautnoen Austausch mat de Kënschtler, bei deem si net just Fachwësse flott vermëttelt kruten, mee och hir perséinlech Froen zum Beruff an Alldag vun engem Profimuseker stelle konnten.

Mir soe dem villmools Merci fir hire Besuch a freeën eis schonn op eng nächste Kéier! 🙏🎶✨