LSH - Lëtzebuerger Studenten zu Heidelberg

Den 4. Juni ware mir um Beachvolleyball Intercercle zu Kaiserslautern mat 3 Teams an denen beschten Supporter vertrueden🧡🏐
Och wann d'Wieder net grad ëmmer mat gespillt huet, hu mir all eist bescht ginn an e flotten Dag gehat🥰

Well villes net ëmmer sou einfach ass a Wieder ze faassen, loossen ech de Recap Video fir sech schwätzen🫶

e grousse Merci un d'Ina () fir d'Fotoen, Videos an zesummeschneiden vum Film🧡

Léif Frënn vum Heidi,

Den LSH invitéiert iech och dëst Joer rëm op Heidelberg fir déi 5. Editioun vum Intercercle ,,De Feierwon’’, deen de 19. bis de 21. Juni stattfanne weart.

De 19. Juni fänkt eise IC mat engem Wëllkommspatt un 🍻 Do ginn mir all zesumme an eise Stammcafé “VaterRhein” oder op Neckarwiese (Wiederofhängeg) fir op de Weekend unzestoussen🥳

Samschdes, de 20. Juni, geet et dann ab 15h30 zu Heidelberg lass, wou mir mam Feierwon (eng Stroossebunn aus de 60er Jore mat enger Bar u Bord) fir 2 Stonnen duerch Heidelberg fueren, an zesumme mat gudder Musek a genuch Gedrénks an den Owend starten. Ab ca. 18h30 organiséiere mir nach ee klénge Flunkyball Tournoi a ginn duerno weider op d’„Hendsemer Kerwe“, wou mir eppes iessen (an natierlech drénken) wäerten an de Recht vum Owend ausklénge loossen.

Sonndes de 21. Juni gi mir da géint 11h00 all zesumme an den “UrbanKitchen” brunchen.

D’Umeldunge ginn den Méinden, den 25. Mee um 17:00 op a si bis den 14. Juni (23:59Auer) op. D’Plaze vun der Bunn si limitéiert, dofir gëllt hei wéi ëmmer: first come first served.
D’Plaze fir de Flunkyball an den Owend op der Kerwe sinn awer net limitéiert, soudass och Léit déi keng Plaz méi an der Bunn kréien oder réischt méi spéit kënnen, da gären nokomme sollen. Gidd dëst just w.e.g. am Formulaire un.

Den Intercercle wäert 21€ kaschten, dat fir de Präis vun der Bunn a vum Owesiessen, den Samsten, ze decken. Leit déi net mat der Bunn matfueren an nokomme mussen näischt bezuelen. D’Gedrénks an der Bunn an op der Kerwe souwéi de Brunch Sonndes moies sinn net am Präis mat dran. D’Präisser vum Gedrénks sinn awer ganz studentefrëndlech! Méi genau Informatiounen iwwert d’Bezuele kommen dann an enger Bestätegungsmail no der Umeldung!

Falls dir eng Schlofplaz braucht, gitt dat w.e.g. am Formulaire un, eng begrenzten Unzuel kënne mir zur Verfügung stellen.

Forms: https://forms.cloud.microsoft/e/xMrK20drgD

Léif Heidifrënn,

den 20. Mee moosse mir eis am Karting! Zesumme mat eise Kollege vu Karlsruhe gi mir dofir op Kartbahn zu Nußloch.🏎

D'Umeldunge ginn haut um 19 Auer op eisem Site op. D'Plaze sinn op 15 Leit begrenzt!
De Präis läit bei 50€ pro Persoun. Treffpunkt ass um 18h45 zu Nußloch, fir dass mer pünktlech kënnen ufänken.
Weider Informatioune fann dir um Internetsite.

D'Heidi freet sech drop puer Ronne mat iech ze fueren🏁🧡

Léif Heidifrënn, 

d’Heidi invitéiert iech den 12. Mee mat him zesummen är sportlech Fäegkeeten am Badminton an am Squash ënner Beweis ze stellen. Dofir treffe mir eis all em 19 Auer an der Soccarena zu Kirchheim. 🏸

D’Platze sinn op 20 Stéck limitéiert dofir mellt iech schnell iwwert eisen Internetsite un.🧡

Iwwersiicht vun den Events am Mee 🌻

Weider Informatiounen zur Umeldung fann dir op eisem Internetsite.🧡

Léif Heidifrënn,

den 5. Mee treffe mer eis um 19 Auer beim Goodfellas zu Heidelberg fir eisen traditionelle Quizowend.🧡

Dir kennt iech ab lo op eisem Internetsite umellen, allerdéngs sinn d’Plazen op 30 Leit begrenzt.🤭

Denkt dru Boergeld matzebréngen!

Mir freeën eis op Iech!🧡🤩

D’Summersemester ass do! ☀️
Hei ass eng Iwwersiicht vun all den Events am Wantersemester. D’Heidi freet sech schonn iech op den Events ze gesinn. 😇

Méi Informatiounen an d‘Umeldung fannt dir ënner lsh.lu/kalenner

Mir soen eisem Haaptsponsor vum Joer 2025-2026 e ganz grousse Merci fir hir Ënnerstëtzung!

Léif Heidifrënn,

den 23. Abrëll feiere mir mam Heidi zesummen de Start an dat neit Semester. 🥳🧡
Dofir invitéiere mir iech alleguer Owes op eis Bienvenue am Shooters. Den Treffpunkt ass um 19h30 um Uniplatz wou dann och nach deen een oder anere Shot verdeelt gett. 🍻

Méi Informatioune fannt der op eisem Site.

D’Summersemester ass do! ☀️
Hei ass eng Iwwersiicht vun all den Events am Summersemester. D’Heidi freet sech schonn iech op den Events ze gesinn. 😇

Méi Informatiounen an d‘Umeldung fannt dir ënner lsh.lu/kalenner