BEE SECURE

🇱🇺 Maach mat bei der Ëmfro iwwer Social Media, KI an Internet. Fir Jonker vun 18–30 Joer. Ënnert de Participante gi Rockhal-Tickete verloust!
👉 snj.lu/radar27

🇫🇷 Participe à l’enquête sur les réseaux sociaux, l’IA et Internet. Pour les 18–30 ans. Des tickets Rockhal seront tirés au sort parmi les participants !
👉 snj.lu/radar27

🇬🇧 Take part in the survey on social media, AI and the Internet. For 18- to 30-year-olds. Rockhal tickets will be raffled among all participants!
👉 snj.lu/radar27

[LU] ⚠️ Opgepasst: falsch Avast-E-Mailen am Ëmlaf

Aktuell kréie Leit dobaussen E-Mailen, déi esou maachen, wéi wann se vun Avast wieren.

An der E-Mail steet, datt een 700€ iwwerwissen hätt an datt en Abonnement fir 60 Méint verlängert gi wier.

Dat ass eng Arnaque. D’Zil ass, Iech Angscht ze maachen, fir datt Dir séier reagéiert.

Wichteg:

- rufft net op d’Nummer an der E-Mail un
- klickt op kee Link
- luet näischt erof
- gitt keng Bank- oder Kreditkaartendonnéeën un
- gitt keng Passwierder weider

D’Persoune kënnen och probéieren, Iech um Telefon dozou ze bréngen, hinnen aus der Distanz Zougrëff op Ären Handy, Computer oder Tablet ze ginn - mat der Absiicht, Är Donnéeën oder Suen ze klauen.

Wann Dir en anonymen Uruff kritt, wou vun Avast rieds ass: net drop agoen an ophänken.

Am beschten: ignoréieren an d’E-Mail läschen.
Dir kënnt verdächteg E-Mailen och bei spambee.lu mellen.

Dir braucht Hëllef? Dann ass d'BEE SECURE Helpline fir iech do: www.bee-secure.lu/helpline

[FR] ⚠️ Attention : faux e-mails Avast en circulation

Des personnes reçoivent actuellement des e-mails qui prétendent venir de Avast.

Dans l’e-mail, il est écrit qu’un paiement d’environ 700 € aurait été fait et qu’un abonnement de 60 mois aurait été prolongé.

C’est une arnaque. Le but est de vous faire peur pour vous pousser à réagir vite.

Important :

- n’appelez pas le numéro indiqué dans l’e-mail
- ne cliquez pas sur les liens
- ne téléchargez rien
- ne donnez pas vos données bancaires ou de carte bancaire
- ne donnez pas vos mots de passe

Les personnes peuvent aussi essayer, par téléphone, d’obtenir un accès à distance à votre téléphone, ordinateur ou tablette. Leur but est de voler vos données ou votre argent.

Si vous recevez un appel anonyme qui parle de Avast : ne répondez pas et raccrochez.

Le mieux : ignorez le message et supprimez l’e-mail.
Vous pouvez aussi signaler les e-mails suspects sur spambee.lu.
Vous avez besoin d’aide ? La BEE SECURE Helpline est là pour vous : www.bee-secure.lu/helpline

🐼 D’Virtual DigiRallye ass ideal fir d’Päischtvakanz!

Sicht dir nach eng flott a gratis Aktivitéit fir Kanner vun 9–12 Joer – an der Maison Relais oder doheem?

Bei der Virtual DigiRallye ginn d’Kanner op eng digital Entdeckungsreess mat 5 Statiounen geschéckt. Si scanne QR-Coden, kucken e kuerze Video mam Panda a léisen duerno d’Aufgaben direkt um Ecran.

D’Theme sinn:

🔐 Passwierder knacken
💬 Verhalen am Netz
📧 Komesch E-Mails
🤖 Technologien aus der Zukunft
🧐 Den Internet dee litt

Dir braucht just:

- een Tablet mat der Actionbound-App
- de geprintene
- e puer wäiss Blieder
- Stëfter

Alles fannt dir op: https://snj.lu/5n

PDF erausprinten, QR-Coden an der Maison Relais oder doheem verdeelen – a lass geet et.

D’Virtual DigiRallye gouf schonn iwwer 300 Mol gespillt.
Knackt dir den Highscore vun 2615 Punkten? 🏆

📱 Digital Medien an der Famill

Bei dësem Elterenowend beäntweren Experten d'Froe vun den Elteren a gi praktesch Tipps fir e gesonden Ëmgang mat de Medien am Alldag.

📅 4. Juni 2026
🕡 18h30 – 20h30
📍 Eltereforum Hesperange
33, rue de Gasperich, L-5826 Hesperange

Umeldung: snj.lu/4626

Du bass net schëlleg.

Wann een intim Fotoen, Videoen oder manipuléiert Inhalter vun dir ouni deng Zoustëmmung deelt, ass dat eng Form vun digitaler Gewalt. D’Verantwortung läit net bei der betraffener Persoun, mee bei där Persoun, déi Drock mécht, Inhalter mëssbraucht oder se weiderleet.

Zu Lëtzebuerg gëtt un engem neie gesetzleche Kader geschafft, fir digital Gewalt besser ze bekämpfen – dorënner iwwert d' Deele vun intime Biller, Deepfakes an Online Belästegung.

Intim Inhalter gehéieren der betraffener Persoun. Net späicheren. Net weiderleeden.

Hei nach de Link zum Artikel fir méi Infos: https://snj.lu/5m

Cyberstalking ass méi wéi just e „Profil kucken“.

Wann eng Persoun dech ëmmer erëm online kontaktéiert, iwwerwaacht, ënner Drock setzt oder kontrolléiere wëll, kann dat Cyberstalking sinn. Dat ass net normal – an du muss domat net eleng bleiwen.

Setz kloer Grenzen, reagéier dono net méi weider a späicher Beweiser: Screenshots, Messagen, Profiller, Uruffslëschten oder E-Maile kënne wichteg sinn.

Wann s du betraff bass oder net sécher bass, wat s du maache solls: Schwätz mat enger Vertrauenspersoun oder mell dech bei der BEE SECURE Helpline: 8002 1234.

Bei direkter Gefor: 113 oder 112.

Haut ass Welt-Passwuert-Dag 🔐

E staarkt Passwuert ass wichteg – mee et ass just eng Basis. Fir deng Konten nach besser ze schützen, benotz fir all Kont en eegent Passwuert, aktivéier 2FA wou et méiglech ass a wiessel op Passkeys, wann de Service dat ubitt.

Däi Passwuert kanns du op pwdtest.bee-secure.lu testen. Do gesäis du, wéi widderstandsfäeg et géint Brute-Force-Attacke ass.

Staarkt Passwuert + 2FA oder Passkeys = vill méi Schutz.

Op der Schoulfoire an de Foireshalen gouf déi nei Campagne AI =/= Human de Kanner a Jonke virgestallt. Um Stand konnten déi jonk Visiteuren mam René schwätzen an natierlech och Fotoe mat him maachen.

De René gesäit op den éischte Bléck bal mënschlech aus — mee et fält séier op, datt hien aus Holz gebaut ass an en Tablet als Kapp huet. An och am Gespréich gouf séier kloer: De René kann zwar äntweren, mee heiansdo erzielt hien och einfach Quatsch. Genee dat mécht d’Campagne däitlech: KI ka mënschlech wierken, ass awer kee Mënsch.

Trotzdeem ass de René ganz gutt bei de Visiteuren ukomm.
A schonns nächst Woch, den 29. an 30. Abrëll, kann een him och am Forum Geesseknäppchen begéinen — tëscht 12.00 an 14.00 Auer.

KI ass iwwerall. Mee wéi notzt een se eigentlech sécher a clever? 🤖

Beim KI-Workshop vu BEE SECURE a Scienteens Lab entdeckt dir déi kreativ Méiglechkeete vu kënschtlecher Intelligenz a kritt gläichzäiteg en Abléck, wéi een KI sécher, kritesch a verantwortungsvoll benotzt.

Och d’Thema KI-Chatbots gëtt am Workshop opgegraff. An: de René aus der Campagne AI =/= Human ass och dobäi 👀

📅 13. Mee
🕠 17:30–20:30 Auer
📍 Haus 48-50, Merl
🗣️ Op Lëtzebuergesch
⚠️ Max. 36 Participanten

➡️ Umellen hei: https://snj.lu/5g

KI kann hëllefräich sinn. Mee KI ass kee Mënsch.

Mam Ministère de l'Éducation nationale, de l'Enfance et de la Jeunesse , der CNEL - Conférence Nationale des Élèves du Luxembourg , dem Centre psycho-social et d'accompagnement scolaires a BEE SECURE setzt d’Campagne AI ≠ Human – Talk to a person e kloert Zeechen fir e méi kriteschen Ëmgang mat KI-Chatbots.

🔗 www.nothuman.lu