Schoul Konsdref

‼️Wichteg Info/Info importante‼️

De Mëtteg war d'Lasep vu Konsdref op hir lescht Sortie fir dës Joer!
An 2 Gruppen hunn d'Kanner bäi der Olympiad mam Sporty an der Coque jeweils u 4 Ateliers deelgehuel.
Fir d'Kanner vum Cycle 2 stoung Blindenlauf&Gummitwist, Badminton, Drumsticks a Basket um Programm. D'Kanner vum Cycle 3 a 4 konnte Bouschéissen&Darts, Bouldern, Capoeira a Judo ausprobéieren.
Zum Schluss gouf et nach eng Ofschlossronn mam Sporty! 😊

En Dënschdeg, den 8. Juni, sinn d'Kanner aus den dräi Spillschoulsklassen op Konsdref an de Gaart gaangen, fir Kiischten ze plécken. E grousse Bravo un eis motivéiert Kanner fir hir super Ausdauer! Mat vill Begeeschterung hu si net manner wéi zwee grouss Eemere voll Kiischte gepléckt. Natierlech gouf och direkt geschmaacht, an dono konnte mir vill frou Gesiichter a vill rout Mënner gesinn😊 Et war e flotte Moment dobaussen an der Natur, deen de Kanner vill Freed gemaach huet. 😊

⚠️ Automobilisten opgepasst ⚠️

🚴‍♀️🚴 Haut sinn déi jonk Cyclisten aus der Schoul Konsdref ënnerwee a fueren d'Coupe-Scolaire. Maacht w.e.g. lues an huelt Rücksicht op d'Kanner.

De Mëtteg war d'Lasep um Ausdauerlaf ronderëm de Séi zu Iechternach! 🏃‍♀️
Ob Course oder Jogging, d'Kanner hunn alles ginn!
An der Course konnten eis 3 Leefer alleguer eng Zäit ënner 20 Minutte réaliséieren! 💪

Optakt vun eiser Concertswoch!

Als Ofschloss vun eisem Projet mat der Ecole régionale de musique de la Ville d'Echternach invitéieren d'Kanner an d'Leierpersonal op hir Concertswoch! 🎶
Start ass déi 3 Deeg um 17 Auer am Kuerzwénkel!

De Mëtteg war d'Lasep Consdorf op de Brevet sportif an der Coque!
A 5 Disziplinen (50 m Sprint, Héichsprong, Wäitsprong, Ausdauerlaf vu 400 m - 1 km an eng Course am Schwamme vu 25 resp. 50 Meter) hunn d'Kanner alles ginn! 💪

Mir wënschen iech all eng erhuelsam Ouschtervakanz 🐰🐥🥚