Zahira Maha Vidyalaya

24/02/2026

சாஹிரா மகாவித்தியாலயத்தின் பழைய மாணவர் சங்கத்தால் ஏற்பாடு செய்த டோர்னமெண்ட்டின் ஒரு வருட நிறைவை முன்னிட்டு, பதிவை பகிர்வதில் மகிழ்ச்சி அடைகிறோம். 🏆

இந்த டோர்னமெண்ட் எங்கள் ஒற்றுமை, அர்ப்பணிப்பு மற்றும் நிர்வாக திறமையின் ஒரு சிறந்த எடுத்துக்காட்டாக அமைந்தது.
அந்த நாள் பெற்ற வெற்றி மற்றும் மகிழ்ச்சி இன்று ஒரு பெருமையான நினைவாக எங்கள் மனதில் நிலைத்திருக்கிறது.

இந்த நிகழ்வை வெற்றிகரமாக நடத்த உதவிய அனைத்து நிர்வாகிகள், மற்றும் உறுப்பினர்களுக்கும் எங்கள் மனமார்ந்த நன்றிகள்.

ஒற்றுமை தொடரட்டும்…
நினைவுகள் நிலைத்திருக்கட்டும்…

02/02/2026

💚❤️‍🔥

02/02/2026

30/01/2026ம் திகதி எமது பாடசாலையில் தரம் ஒன்றிற்கான புதிய மாணவர்களை ஒன்றிணைப்பதற்கான விழா கோலாகலமாக நடைபெற்றது. இதில் பழைய மாணவர் சங்கம், பாடசாலை நிர்வாக குழு உட்பட பெற்றோர்களும் கலந்துகொண்டனர். சிறப்பு விருந்தினராக களனி கல்வி வலய மேற்பார்வையாளர் திருமதி. ஷிராணி ஜயவர்தன அவர்களும் கலந்துகொண்டார்கள். இதில் முக்கியான விடயமாக கடந்த வருடம் எமது பழைய மாணவர் சங்கத்தால் பாடசாலைக்கு அன்பளிப்பாக வழங்கப்பட்ட இசைக்கருவிகள் அழகாகவும் நேர்த்தியாகவும் மாணவர்களுக்கு கற்றுக்கொடுக்கப்பட்டு புது வரவுகளை வரவேற்கும் நிகழ்ச்சியின் முதல் கட்டமாக அவ்வாத்தியங்களை வாசித்து அக்குழந்தைகளை வரவேற்றது அனைவர் மத்தியிலும் நெகிழ்ச்சியை உண்டு பண்ணியது. இந்த இசைக்கருவிகளை பாடசாலைக்கு வழங்கியதை ஒட்டி பல விமர்சனங்கள் வந்திருந்தாலும் இந்நாளில் நடந்த நிகழ்வே அதற்கான முதல் பதிலடியாக இருக்கும் என்பதை எமது சங்கம் ஒரு வெற்றிப்படிக்கல்லாக பார்க்கிறது.

05/01/2026

பழைய மாணவர் சங்கம் 28/12/2025ம் திகதி கிட்டத்தட்ட 2.5 லட்சம்(2,50,000) மதிப்புள்ள வேலைத்திட்டம் ஒன்றை மீண்டும் எமது பாடசாலையில் மேட்கொண்டுள்ளது. 1992ம் தொகுதி மாணவ மாணவிகள் ஒன்றிணைந்து எமது பாடசாலையில் பொருளாதார ரீதியில் குறைந்த மட்டத்தில் இருக்கும் சுமார் 50 மாணவ மாணவிகளை ஆசிரியர்கள் உதவியுடன் கண்டறிந்து அப்பிள்ளைகளுக்கு தேவையான புத்தகங்கள், புத்தக பைகள்,போத்தல்கள், படிக்க எழுத தேவையான அனைத்து உபகரணங்களும் மற்றும் ஒவ்வொரு மாணவர்களுக்கும் சுமார் 2000/- ரூபாய் மதிப்புள்ள உறுதிசீட்டுக்களும் (Vouchers) அதிபர் ஆசிரியர் மற்றும் பாடசாலை நிர்வாக குழு அங்கத்தவர்கள் மத்தியில் பழைய மாணவர் சங்கம் சார்பாக கையளித்துள்ளனர். இது மிகவும் வரவேற்கத்தக்க ஒரு விடயமாக கருதப்படுகிறது. 1992ம் தொகுதி மாணவர்களை பற்றி இங்கு நாம் பெருமையாக சொல்லியே ஆக வேண்டும். இத்தொகுதியினர் தாம் கற்ற பாடசாலை மீது கொண்ட அதீத அன்பின் வெளிப்பாடே ஒவ்வொரு முறையும் பல தடங்கல்கள் மத்தியிலும் தமது சக்திக்கும் மீறிய பாரிய வேலைத்திட்டங்களை தாமாகவே முன்வந்து செய்து தந்து கொண்டிருக்கின்றனர். அல்லாஹ் இவர்களுடைய நற்காரியங்களை பொருந்திக்கொள்வானாக. இத்தொகுதியினரின் இவ்வாறான மகத்தான வேலைத்திட்டங்கள் மற்றும் செயற்பாடுகள் ஏனைய தொகுதியினருக்கும் ஒரு முன்னுதாரணமாக திகழ்கின்றதை எண்ணி எமது பழைய மாணவர் சங்கம் பெருமையடைகிறது.

24/10/2025

கடந்த அக்டோபர் 6ம் திகதி ஆசிரியர் தினத்தை முன்னிட்டு பல்வேறு நிகழ்வுகள் பாடசாலையில் நடைபெற்றிருந்தன. மாணவ மாணவிகள் ஆசிரியர்களை மகிழ்விப்பதற்காக பல்வேறு நிகழ்ச்சிகளை மேடையேற்றி இருந்தனர்.அத்தோடு ஆசிரியர்களை கௌரவிக்கும் முகமாக பழைய மாணவர் சங்கம் அனுசரணையில் மதிய நேர உணவு ஒன்றும் ஏற்பாடு செய்யப்பட்டிருந்தது. இவ்விருந்து உபகாரத்தை பழைய மாணவர் சங்க அங்கத்தவர்களே பரிமாறி தமது கடமை உணர்ச்சி மற்றும் அன்பையும் வெளிப்படுத்தி இருந்தார்கள். நாட்டிற்கும் இந்த சமூகத்திற்கும் நல்ல பிரஜைகளை உருவாக்கி அறிமுகம் செய்து வைக்கும் அனைத்து ஆசான்களுக்கும் பழைய மாணவர் சங்கம் சார்பாக மனமார்ந்த வாழ்த்துக்கள்.

07/10/2025

07/10/2025

எமது பாடசாலை சாஹிரா மகா வித்தியாலயத்தில் கடந்த அக்டோபர் முதலாம் திகதி நடைபெற்ற சிறுவர் தின கொண்டாட்டத்தில் அதிபர்,ஆசிரியர்கள் அனைவரும் மாணவ மாணவிகளை உட்சாகப்படுத்தி, பரிசில்கள் வழங்கி,மகிழ்வித்த தருணங்கள்.

01/10/2025

09/09/2025

எமது பாடசாலையில் 2025ம் ஆண்டிற்கான புலமைப்பரிசில் பரீட்சையில் 153 மதிப்பெண்களை பெற்று M.S.பாத்திமா ஹனா சித்தி பெற்றுள்ளார். மாஷா அல்லாஹ்...... மேலும் 100 புள்ளிகளுக்கு மேலாக 20 மாணவர்களும், 70 புள்ளிகளுக்கு மேலாக 42 மாணவர்களும் பெற்றுள்ளனர். பரீட்சையில் தேற்றிய அனைத்து மாணவர்களுக்கும் எல்லாம் வல்ல அல்லாஹ் அருள்புரிவானாக. ஆமீன் .....

03/09/2025

இன்று 03/09/2025ம் திகதி புதன்கிழமை மாபோலை அல் அஷ்ரப் மகா வித்தியாலயத்தில் நடந்த காத்தாடி போட்டியில் பங்கேற்று வெற்றியுடன் திரும்பி வந்த எங்கள் திறமையான மாணவர்களுக்கு பழைய மாணவர் சங்கம் சார்பாக ஒரு பெரிய கைதட்டல் மற்றும் பாராட்டுக்கள். உங்கள் கடின உழைப்பு, படைப்பாற்றல் மற்றும் குழு மனப்பான்மை உங்கள் காத்தாடிகளைப் போலவே உயர்ந்தன! சான்றிதழ்கள் மற்றும் சின்னங்களை கொண்டு வந்து எங்கள் பள்ளியைப் பிரகாசிக்கச் செய்ததற்காக நாங்கள் பெருமைப்படுகிறோம்.
தொடர்ந்து பயணிக்கவும் - மேலும் உயரப்பறக்க எமது வாழ்த்துக்கள்.........

25/08/2025

பழைய மாணவர் சங்கம்
அடுத்தகட்ட வேலைத்திட்டமாக தொழில்நுட்பத்துடன் கற்றலை மேம்படுத்துவதற்கு அதிநவீன ஒலி அமைப்புடன் ஆரம்பப்பிரிவில் ஒரு புத்தம் புதிய ஒலி அமைப்பை 21/08/2025 ம் திகதி வெற்றிகரமாக நிறுவியுள்ளது. அதிபர் ஆசிரியர்களின் வேண்டுகோளுக்கிணங்க இவ்வேலைத்திட்டம் பழைய மாணவர் சங்கம் பொறுப்பேற்று சிறப்பாக செய்து முடித்துள்ளது. இந்த மேம்படுத்தலில் தெளிவான ஆடியோவை உறுதிசெய்யும் வகையில் மூலோபாய ரீதியாக வைக்கப்பட்டுள்ள 16 ஸ்பீக்கர்கள் உள்ளன, இது எங்கள் இளம் மாணவர்களுக்கு ஒட்டுமொத்த கற்றல் அனுபவத்தை மேம்படுத்துவது மாத்திரமன்றி அவர்களின் புதுமையான கற்பித்தல் முறைகளை ஆதரிக்கவும் உதவுகிறது. மாணவர்கள் கல்வி ரீதியாகவும் ஆக்கப்பூர்வமாகவும் வளர சிறந்த வழிகாட்டலாகவும் இது அமையும்.

25/08/2025

பழைய மாணவர் சங்கம்
இவ்வருடத்திற்கான அனைத்து வேலைத்திட்டங்களையும் செவ்வனே செய்து வரும் நிலையில் 21/08/2025ம் திகதி பள்ளியின் ஆரம்ப பிரிவுக்கான CCTV கேமராக்களை பொருத்தி நிறுவலையும் உறுதி செய்துள்ளது. சுமார் 26 CCTV கேமராக்கள் தரம் ஒன்று தொடக்கம் ஐந்து வரையான வகுப்புகளுக்கும், பாடசாலை சுற்று வளாகத்திற்கும் பொருத்தப்பட்டுள்ளன. சிறுவர்களின் நலன் மற்றும் பாதுகாப்பு கருதியே இவ்வேலைத்திட்டம் பல்வேறு இடையூறுகளையும் தாண்டி சிறப்பாக செய்து முடிக்கப்பட்டது.