T/M/Sampoor maha vidyalayam

📢 பெற்றோர்களுக்கான முக்கிய அறிவித்தல் 📢

அனைத்து பெற்றோர்களின் கவனத்திற்கும்,

நாளைய தினம் எமது பாடசாலையில் டெங்கு ஒழிப்பு தினத்தை முன்னிட்டு மாபெரும் சிரமதான நிகழ்வு ஏற்பாடு செய்யப்பட்டுள்ளது.

🕘 நேரம்: காலை 9.00 மணி முதல் 10.00 மணி வரை

எனவே அனைத்து பெற்றோர்களும் குறித்த நேரத்தில் தவறாது கலந்து கொண்டு பாடசாலை வளாகத்தை சுத்தமாகவும் டெங்கு அச்சமற்ற சூழலாகவும் மாற்றுவதற்கு ஒத்துழைப்பு வழங்குமாறு அன்புடன் கேட்டுக்கொள்கின்றோம்.

சிரமதானத்திற்கு வருகை தரும் போது கீழ்க்காணும் உபகரணங்களை இயன்றளவு கொண்டு வருமாறு வேண்டுகின்றோம்:

✅ மண்வெட்டி
✅ விளக்குமாறு
✅ களைகள் அகற்றும் கருவிகள்
✅ கழிவுப் பொருட்களை சேகரிக்கும் பைகள்

மேலும், இச் சிரமதான நிகழ்வை பார்வையிடுவதற்காக,

🔹 சுகாதார திணைக்கள அதிகாரிகள்
🔹 வலயக் கல்வி அலுவலக அதிகாரிகள்
🔹 மாவட்ட செயலக அதிகாரிகள்
🔹 சுகாதார வைத்திய பரிசோதகர் (PHI)

ஆகியோர் வருகை தரவுள்ளனர் என்பதையும் அறியத் தருகின்றோம்.

உங்கள் ஒத்துழைப்பும் பங்களிப்பும் எமது பாடசாலையின் சுத்தமான மற்றும் ஆரோக்கியமான சூழலை உருவாக்குவதில் பெரும் பங்காற்றும்.

"டெங்குவை ஒழிப்போம் – ஆரோக்கியமான சூழலை உருவாக்குவோம்!"

நன்றி.

அதிபர்
தி/மூ/சம்பூர் மகா வித்தியாலயம்

இன்று நடைபெற்ற வலய மட்ட தமிழ் மொழி தினப் போட்டியில் எமது பாடசாலை மாணவர்கள் பல்வேறு நிகழ்வுகளில் பங்கேற்று சிறப்பான பெறுபேறுகளைப் பெற்று பாடசாலைக்கு பெருமை சேர்த்துள்ளனர்.

பெற்றுக்கொண்ட வெற்றிகள்:

🥇 இலக்கிய நாடகம் – முதலாம் இடம்
🥇 வில்லுப்பாட்டு – முதலாம் இடம்
🥇 குழு இசை – முதலாம் இடம்
🥈 கூத்து – இரண்டாம் இடம்
🥈 தனி நடனம் – இரண்டாம் இடம்
🥉 இசை தனி – மூன்றாம் இடம்

இவ்வெற்றிகளைப் பெற அயராது உழைத்த மாணவர்களுக்கும், அவர்களை வழிநடத்திய ஆசிரியர்களுக்கும், ஒத்துழைப்பு வழங்கிய பெற்றோர்களுக்கும் எமது மனமார்ந்த பாராட்டுகளையும் நன்றிகளையும் தெரிவித்துக் கொள்கின்றோம்.

🌹 வெற்றி பெற்ற அனைத்து மாணவர்களுக்கும் எமது வாழ்த்துக்கள்!
🌹 எமது பாடசாலைக்கு பெருமை சேர்த்த அனைவருக்கும் நன்றிகள்!

நிர்வாகம்
தி/மூ/சம்பூர் மகா வித்தியாலயம்

🎭🎶🏆✨ “வெற்றி எமது இலக்கு; சாதனை எமது அடையாளம்.” ✨🏆🎶🎭

🏆 மகிழ்ச்சியான வெற்றி அறிவிப்பு 🏆

இன்று நடைபெற்ற வலய மட்ட தமிழ் மொழி தினப் போட்டியில், எமது பாடசாலை மாணவர்கள் இலக்கிய நாடகம் பிரிவில் கலந்து கொண்டு முதலாமிடம் பெற்று பெருமை சேர்த்துள்ளனர்.

🎭 இலக்கிய நாடகம் – முதலாமிடம்

இவ்வெற்றியைப் பெற மாணவர்களை திறம்பட வழிநடத்திய ஆசிரியர் திரு. கா. இராசகுமார் அவர்களுக்கு மற்றும் பெற்றோர்கள் ஆசிரியர்கள் அனைவருக்கும் எமது மனமார்ந்த பாராட்டுகளையும் நன்றிகளையும் தெரிவித்துக் கொள்கின்றோம்.

மேலும், போட்டியில் சிறப்பாக பங்கேற்று வெற்றியைப் பெற்ற மாணவர்களுக்கும் வாழ்த்துகளைத் தெரிவித்து, எதிர்காலத்திலும் பல வெற்றிகளைப் பெற வாழ்த்துகின்றோம்.

🌹 எமது பாடசாலைக்கு பெருமை சேர்த்த அனைத்து மாணவர்களுக்கும் மற்றும் ஆசிரியருக்கும் மனமார்ந்த வாழ்த்துக்கள்! 🌹

நிர்வாகம்
தி/மூ/சம்பூர் மகா வித்தியாலயம். 🎉🏆🎭

📢 அறிவித்தல் 📢

🏫 தி/மூ/சம்பூர் மகா வித்தியாலயம்
ஆரம்பப் பிரிவு (தரம் 1 – 5)

🎉 மாபெரும் சிறுவர் சந்தை 🎉

🍆🍅🥕🥒🥔🍎🍏🍊🍌🍉🍇🍓🍑🍒

எமது பாடசாலையின் ஆரம்பப் பிரிவு மாணவர்களின் பங்கேற்புடன் மாபெரும் சிறுவர் சந்தை நடைபெறவுள்ளது.

இந்நிகழ்வில் மாணவர்களின் திறமைகள், விற்பனைச் செயற்பாடுகள் மற்றும் பல்வேறு பொருட்காட்சிகள் இடம்பெறவுள்ளன.

📅 திகதி : 04.06.2026
🕘 நேரம் : காலை 9.00 மணி முதல்
📍 இடம் : தி/மூ/சம்பூர் மகா வித்தியாலயம்

✨ எனவே அனைத்து பெற்றோர்கள், பழைய மாணவர்கள், நலன்விரும்பிகள் மற்றும் பொதுமக்கள் அனைவரையும் அன்புடன் வரவேற்கின்றோம்.

🎊 வருக! வருக!!
🎊 சிறுவர் சந்தையை சிறப்பிக்க வருக!!!

நிர்வாகம்
தி/மூ/சம்பூர் மகா வித்தியாலயம்
ஆரம்பப் பிரிவு (தரம் 1 – 5) 🌷🌷🌷

ஆரம்ப பிரிவு மாணவர்களின் நவீன இலத்திரனியல் கற்றல் முறை செயல்திறனை அதிகரித்து பரீட்சைகளில் ஆரம்ப பிரிவு மாணவர்களின் அடைவு மட்டத்தினை அதிகரிக்கும் நோக்கில் சட்டத்தரணி தி.துஷ்யந்தன் தலைமையிலான திருகோணேஸ்வர ஆலய பரிபாலன சபையினரின் செயல்படுத்தலில் மனித நேய நம்பிக்கை நிதியத்தினரின் பணிப்பாளர் திருவாளர் கயிலாயபிள்ளை அரவிந்தன் மற்றும் இணைப்பாளர்கள் குழுவினரால் திறன் பலகை (Smart Board) ஒன்று இன்றையதினம் 27/5/2026 புதன்கிழமை எமது பாடசாலை சமூகத்திடம் கையளிக்கப்பட்டது . இக் கல்வி மேம்பாட்டுப் பணியில் பாடசாலையின் அதிபர், ஆசிரியர்கள், மாணவ மாணவிகள், பாடசாலை அபிவிருத்திச் சங்க உறுப்பினர்கள், பழைய மாணவர் சங்கத்தினர்,பெற்றோர்கள் மற்றும் நலன்விரும்பிகளும் கலந்து கொண்டனர்.

🍎🍌🍇 இன்று எமது பாடசாலையின் தரம் 02 மாணவர்களின் “பழக்கடை சந்தை” நிகழ்வு சிறப்பாக நடைபெற்றது. 🍉🍍🥭
மாணவர்கள் ஆர்வத்துடன் கலந்து கொண்டு பல்வேறு பழங்களை காட்சிப்படுத்தியும் விற்பனையிலும் ஈடுபட்டும் பயனுள்ள அனுபவத்தை பெற்றனர்.
இந்நிகழ்வு மாணவர்களின் தொடர்பாடல் திறன், கணக்கீட்டு திறன் மற்றும் சமூக ஒத்துழைப்பை மேம்படுத்தும் வகையில் அமைந்தது. ✨