OBA T/An-nooriya Muslim maha vidyalayam

09/09/2026

குச்சவெளி தி/அந்-நூரியா முஸ்லீம் மகா வித்தியாலயத்தின் புதிய அதிபராக திருமதி. நஸ்ரின் ஆஸ்கீன் அவர்கள் 2026.09.09 புதன்கிழமை அன்று தனது கடமையைப் பொறுப்பேற்றுக் கொண்டார்.

இந்நிகழ்வில் ஆசிரியர்கள், மாணவர்கள், சமயத் தலைவர்கள் மற்றும் பெற்றோர்கள் கலந்து கொண்டனர்.

06/09/2026

அல்ஹம்துலில்லாஹ்

குச்சவெளி தி/அந்-நூரியா முஸ்லிம் மகா வித்தியாலயத்திற்கு #நிரந்தர_அதிபர்_நியமனம்.

குச்சவெளி தி/அந்-நூரியா முஸ்லிம் மகா வித்தியாலயத்தின் அதிபர் நியமனம், ஆசிரியர் பற்றாக்குறை மற்றும் அடிப்படைத் தேவைகள் தொடர்பான விடயங்கள் கடந்த 2026.08.31 அன்று கிழக்கு மாகாண ஆளுநரின் கவனத்திற்கு கொண்டு செல்லப்பட்டிருந்தன.

அதன் தொடர்ச்சியாக, எமது பாடசாலைக்கு புதிய நிரந்தர அதிபர் ஒருவர் நியமிக்கப்பட்டுள்ளார் என்பதை மகிழ்ச்சியுடன் அறியத்தருகின்றோம். நியமிக்கப்பட்டுள்ள அதிபர் எதிர்வரும் புதன்கிழமை தனது கடமைகளைப் பொறுப்பேற்கவுள்ளார்.

இந்த முயற்சிக்கு தொடர்ந்து ஒத்துழைப்பு வழங்கிய பாடசாலை அபிவிருத்திக் குழு, பழைய மாணவர்கள், சாகரபுர விகாராதிபதி சாசனவம்ச ஹிமி மற்றும் சமூக நலன்விரும்பிகள் அனைவருக்கும் எமது மனமார்ந்த நன்றிகளைத் தெரிவித்துக் கொள்கிறோம்.

இனிவரும் காலங்களிலும் எமது மாணவர்களின் கல்வி வளர்ச்சிக்கும், பாடசாலையின் முன்னேற்றத்திற்கும் அனைவரும் ஒன்றிணைந்து செயற்படுவோம்.

கல்வியே எமது சமூகத்தின் எதிர்காலம்.
ஒன்றிணைந்து செயற்பட்டு, எமது மாணவர்களின் எதிர்காலத்தை வளப்படுத்துவோம்.

#குச்சவெளி
#அந்நூரியா_முஸ்லிம்_மகா_வித்தியாலயம்
#நிரந்தர_அதிபர்_நியமனம்
#கல்வி_வளர்ச்சி
#மாணவர்களின்_எதிர்காலம்
#ஒன்றிணைந்து_செயற்படுவோம்

01/09/2026

📚 குச்சவெளி தி/அந் நூரியா முஸ்லிம் மகா வித்தியாலயம் – மாணவர்களின் பிரச்சினைக்கான உடனடி தீர்வினை பெற்றுக்கொள்ளல்

குச்சவெளி தி/அந்நூரியா முஸ்லிம் மகா வித்தியாலயத்தின் அதிபர் 2025.12.31 அன்று இடமாற்றம் பெற்றுச் சென்றார். 1C தரத்தைச் சேர்ந்த இப்பாடசாலைக்கு, சுமார் 8 மாதங்கள் கடந்தும் இதுவரை புதிய அதிபர் ஒருவர் நியமிக்கப்படவில்லை.

இதன் காரணமாக பாடசாலையின் நிர்வாக நடவடிக்கைகள் பல்வேறு வழிகளில் பாதிக்கப்பட்டுள்ளன.

🔹 வங்கிக் கணக்கு பெயர் மாற்றம் இடம்பெறாமை
🔹 பொருட்கள் பதிவேடு முறையாகக் கையளிக்கப்படாமை
🔹 பாடசாலை நிர்வாக நடவடிக்கைகளில் ஏற்பட்டுள்ள சீரற்ற நிலை
🔹 பாடசாலை திருத்தப் பணிகளுக்கான ஒப்பந்தம் மற்றும் நிதிப் பரிமாற்றம் நிறைவு பெறாமை
🔹 பாடசாலை அபிவிருத்திச் சங்கத்தினால் பணிகளைத் தொடர்ந்து முன்னெடுக்க முடியாத நிலை
🔹 மேலும், 14 ஆசிரியர் பற்றாக்குறை

இவை அனைத்திற்கும் மத்தியில், மிகப் பெரிதும் பாதிக்கப்படுவது எமது மாணவர்களின் கல்வியே! 🎓

இந்த நிலைமை தொடர்பாக பாடசாலை அபிவிருத்திக் குழு (SDC) மற்றும் பழைய மாணவர்கள் இணைந்து, இப்பகுதியில் இன, மத, மொழி பேதமின்றி சேவையாற்றி வரும் சாகரபுர விகாராதிபதி சாசனவம்ச ஹிமி அவர்களின் கவனத்திற்கு இவ்விடயத்தை கொண்டு சென்றனர்.

இதனையடுத்து, 2026.08.31 அன்று சாசனவம்ச ஹிமி அவர்கள், கிழக்கு மாகாண ஆளுநரின் கவனத்திற்கு இப்பிரச்சினையை கொண்டு சென்றதுடன், தொடர்ந்து மாகாண கல்விப் பணிப்பாளரை சந்தித்து, அதிபர் நியமனம், 14 ஆசிரியர் பற்றாக்குறை, அதி கஷ்டப் பிரதேசக் கொடுப்பனவு உள்ளிட்ட பல்வேறு பிரச்சினைகளையும் எடுத்துரைத்தார்.

🤝 இதன்போது, முன்வைக்கப்பட்ட முக்கிய விடயங்களுக்கு ஒரு வாரத்திற்குள் தீர்வு காண நடவடிக்கை எடுக்கப்படும் என உறுதியளிக்கப்பட்டுள்ளது.
இந்த விடயமாக எம்மோடு இணைந்த செயற்பட்ட சாகரபுர விகாராதிபதி சாசனவம்ச ஹிமி அவர்களுக்கும் நன்றியை தெரிவித்துக்கொள்கிறோம்

02/08/2026

பிஸ்மில்லாஹிர் ரஹ்மானிர் ரஹீம்

அந்-நூரியாவில் கற்ற அத்தனை பழைய மாணவர்களுக்கும் அஸ்ஸலாமு அலைக்கும்.

✨ எமது அந்- நூரியா பாடசாலை வரலாற்றில் பேசப்பட வேண்டிய விடயமாகும்.அதிபர், ஆசிரியர்கள்,SDEC, ஓய்வுபெற்றாரவர்ள்,அரச ஊழியர்கள், வெளிநாட்டில் இருப்பவர்கள், இலங்கையில் வேறு இடங்களில் வசித்தாலும் கடமை புரிந்தாலும் அந்-நூரியாவில் கற்று இருந்தால் இந்த ஏற்பாட்டில் அவரும் ஒரு பங்காளிகள் தான். எமது பாடசாலையின் 200 வது ஆண்டு விழா பூர்த்தி சம்பந்தமான கடந்த 2025.09.28 ம் திகதி O.B.A நிர்வாக சபை கூட்டத்தின் எடுக்கப்பட்ட தீர்மானத்திற்கு அமைய
⭐ பாடசாலை வரலாற்று சாதனைகள் விபரம் எனபவற்றை கொண்டு மஞ்சரி வெளியிடல்.
⭐200 ஆண்டு பூர்த்தி விழா பாடசாலை நிர்வாகத்துடன் இணைந்து கலைநிகழ்வுகள் ஏற்படு செய்தல்.
⭐ திறமையான ஆசிரியர்கள் மாணவர்களை கௌரவித்தல்.
⭐கானிவேல் ஒன்று நடாத்துதல்.
⭐T shirt அடித்தல்.
⭐ வாகன பேரணி செல்லுதல்.

இது விடயமாக 2026.07.07 திகதி நடைபெற்ற கூட்டத்திற்கு அமைய அதில் முக்கிய தீர்மானங்களில் அடிப்படையில் இன்று 2026.08.02 திகதி பி.ப 05.00 மணிக்கு இன்று அந்- நூரியா பாடசாலை பின்புற கடற்கரையில் நடைபெறும் அனைத்து பழைய மாணவர்களையும் அன்புடன் அழைக்கிறோம்.

இப்படடிக்கு
செயலாளர்,
A.A.சிபுனிஸ்

07/07/2026

07/07/2026

2026.7.7 இன்று பி.ப 3:30 மணி அளவில் குச்சவெளி அந் நூரியா முஸ்லிம் மகா வித்தியாலய 200வது ஆண்டு பூர்த்தி விழா ஆலோசனைக் கூட்டம் மேற்படி பழைய மாணவர் சங்க செயலாளர் A A சிபுனிஸ் (ஓய்வு பெற்ற அதிபர்) அவர்களின் வழிகாட்டலின் கீழ் பழைய மாணவர் சங்க உப தலைவர் A H M பாசித் அவர்களின் தலைமையில் நடைபெற்றது.

05/12/2025

அஸ்ஸலாமு அலைக்கும் வ.வ #துஆ_செய்ய_கடமைப்பட்டுள்ளோம்

எமது ஊர் கல்விச் சேவைக்காக அளப்பரிய சேவையாற்றிய
மர்ஹும் #பைஷல்_நானா
மர்ஹும் #மீஸான்_மாமா
மர்ஹும் #பாஸாத்_சகோதரர்
இவர்கள் அனைவரும் எமது குச்சவெளி அந் நூரியா பாடசாலையின் வளர்ச்சி மற்றும் மாணவர்களின் கல்வி நடவடிக்கைகள் என்பவற்றுக்கு உடலாலும் பொருளாதாரத்தாலும் பங்களிப்பு செய்தவர்கள் என்பது நம் அனைவருக்கும் தெரிந்த விடயம. இறைவனுக்காகவே இவர்களது சேவை இருந்தது. எமது அந் நூரியா பாடசாலையின் பழைய மாணவர் சங்கத்தின் முன்னால் செயலாளராக இருந்த மர்ஹும் #பைஷல் நானா மற்றும் உறுப்பினர்களாக இருந்த மீஸான் மாமா சகோதரர் பாசாத் மூன்று பேரும் இறைவனின் அழைப்பை ஏற்றுள்ளார். இவர்களுக்காக நாம் அனைவரும் இறைவனிடம் பிரார்த்தனை செய்ய வேண்டும். #யா_அல்லாஹ்_இவர்களை_பொருந்திக்கொண்டு_இவர்களின்_பாவங்களை_மன்னித்து_சுவர்க்கத்தை_வழங்குவாயாக. #ஆமீன்_ஆமீன்

23/05/2024

2024.05.23 இன்று பழைய மாணவர் சங்கத்தினால் ஏற்பாடு செய்யப்பட்ட 🎓பட்டதாரிகளுக்கான போட்டிப் பரீட்சை வழிகாட்டி கருத்தரங்கும் பாடசாலை அதிபர்M.H.M.சாபிர் தலைமையில் நடைபெற்றது.இந் நிகழ்வுக்கு வளவாலராக கிழக்கு மாகாண கல்வி அமைச்சின் திட்டமிடல் பணிப்பாளர் M.C.M.முஸீல் sir (SLPS) அவர்கள் கலந்து கொண்டார்.நிதி உதவிகளை மு.பிரதேச சபை உறுப்பினர் பளீல் அமீன், சகோதரர் கடாபி,மூன் பரடைஸ் உரிமையாளர் சகோதரர் A.A.ரியாஸ்.பழைய மாணவர் சங்க பொருளாளர் சகோதரர் பைசல் ஆகியோர் வழங்கிய வைத்தனர்.

19/05/2024

🛑🛑 அஸ்ஸலாமு அலைக்கும் 🛑🛑

கிழக்கு மாகாண பட்டதாரிகளுக்கான ஆசிரியர் போட்டிபப் பரீட்சை தோற்ற இருக்கும் பட்டதாரிகள் மற்றும் ஏனைய போட்டிப் பரீட்சைகள் SLAS,SLEAS போன்ற பரீட்சைகளுக்கான வழிகாட்டுதல் கருத்தரங்கும் பழைய மாணவர் சங்கத்தினால் ஏற்பாடு செய்யப்பட்டுள்ளது.

இடம் -தி/அந்நூரியா மு.ம.வி
காலம்- 2024.05.23 (வியாழக்கிழமை)
நேரம் -07.30 am

குறிப்பு- கடிதத்தினை நன்கு வாசித்த பின்பு கீழ் காணும் தொலைபேசி எண்களுக்கு தங்களது வருகையை உறுதிப்படுத்திக்கொள்ளவும்.

02/05/2023