Political Science - Pavani Jayawardhana

ලංකාවෙ වගේ රටක ළමයින්ගෙ කොන්ද කඩන එක පිළිගත්ත සමාජ සම්ප්‍රදායක්.
________________________________________________

ළමයගෙ self esteem එක පුංචි කාලෙම විනාශ කරලා දාන එකම රට සමහර විට මේක වෙන්නත් ඇති. ඒ තරම් ගොන් පාට් ළමයින්ගෙන් ගන්නෙ මේ රටේ වැඩිහිටියො

දරුවෙක් පුංචිම කාලෙ පෞරුෂයේ ගැටලු නැහැ සාමාන්‍යයෙන්.

ගෙදරට කවුරුහරි ආවම වයස අවුරුදු දෙකට තුනට අඩු පුංචි පුංචි බබාලා පපුව පුම්බගෙන ඉස්සරහට යන්නෙ. 😊

සමහරවිට ඒ ඇඟේ නුල් පටක්වත් නැතුව. එයා ආසයි එයාගෙ හැකියාව අනිත් අයට පෙන්නන්න. එයාගෙ දක්ෂතාවයන් පෙන්නන්න. ගෙදරට ආපු අයගෙ අවධානය එයාටම තියාගන්න.

හැබැයි අපේ ලංකාවෙ වැඩිහිටියො ළමයගෙ ඒ දක්ෂතා පාවිච්චි කරන්නෙ ළමයව bully කරන්න!!!

ගෙදරට ආපු අමුත්තො ඉස්සරහ ළමයව අපහසුතාවයට පත් කරනවා. බබාට වරදින වචන සිංදු බබාලවා ආපහු ආපහු කියවනවා. අහිකුණ්ඨක⁣යගෙ රිලවා නටවනවා වගේ ⁣අමුත්තන්ව හිනාගස්සන්න සතුටු කරවන්න බබාව bully කරනවා.

ඊළඟට ගෙදරට එන හැම මනුස්සයටම දණ ගගහා වඳින්න ළමයට බල කරනවා. බලෙන්ම හුර කරනවා.

ඊටත් පස්සෙ ගෙදරට එන වැඩිහිටි කට්ටිය පුරුදු වෙනවා කෙලින්ම මේ වගේ දේවල් බබාගෙන් අහන්න, බබාට කියන්න.

👉 අම්මලගෙ වෙඩින් එකේ කෝ බබා නෑනෙ. අයියෝ අම්මලා බබාට වෙඩින් එක කියලා නෑ. බබාව ගෙදර දාලා ගිහින්.

👉ඔයාව පාරෙ ඉඳලා හදාගන්න ගෙනාවෙ.

👉බබා වැඩියම ආදරේ අම්මටද තාත්තට ද?

👉 අයියෝ කෝ දත් ටික.. පෙරහැර බලන්න ගිහින් අලියෙක් ගැහුවද?

👉අයියො ඔයා නම් අක්කා වගේ නෙමේ කලුයි.

මේ සටහන කියවන ඔයා ඉපදුනෙ ලංකාවෙ නම් අනිවාර්යෙන් මේ ප්‍රශ්නවලින් එකක් හරි ඔයාගෙන් ළමාකාලෙදි වැඩිහිටියො ඔයාගෙන් අහලා ඇති.

ඉතිං මෙන්න මේ වගේ දරුවා අපහසුතාවයට පත් වෙන දේවල් අහලා මේ රටේ වැඩිහිටියො සතුටු වෙනවා.

දිගින් දිගට මේක වෙද්දි පුංචි එකාගෙ මොළේට ටික ටික තේරෙන්න ගන්නවා මේකෙ මොකක්හරි අවුලක් තියනවා කියලා.

මොකද ළදරුවෙක්ගෙ cognitive development එක නැත්නම් සංකල්ප සංවර්ධනය වෙන්නෙ බබාට ලැබෙන ප්‍රතිචාරය අනුව. බබා සංකල්ප අවබෝධ කරගන්නෙ තමාට ලැබෙන ප්‍රතිචාරය අනුව.

අම්මගෙ ආදරය, හොඳ දේ නරක දේ, හැමදේම දරුවා වටහා ගන්නෙ එහෙම. ඉතිං මෙතනදි තමන් බලාපොරොත්තු වන ප්‍රතිචාරය වැඩිහිටියන්ගෙන් නොලැබුනාම බබා තේරුම් ගන්නවා මේක අවුල් කියලා.

හැබැයි ඇත්තටම අවුල තියෙන්න කාගෙද ? වැඩිහිටියන්ගෙ !!!

හැබැයි බබාට තේරෙන්නෙ නැහැ මේක මේ වැඩිහිටියන්ගෙ අවුලක් කියලා. බබාට තියා වැඩිහිටියො දන්නෙත් නැහැනෙ තමන් අවුල කියලා.

ඉතිං එකෙන් වෙන්නෙ බබාගෙ self esteem එක බිඳ වැටෙන එක.

අන්තිමට ගෙදරට කවුරුහරි ආවම හොරෙන් එබිලා බලන තැනට දරුවා පත්වෙනවා.

දරුවා අමුත්තො ඉස්සරහට යන්න ඉදිරිපත්වීම් කරන්න අකමැති වෙනවා. තමන් වෙනුවෙන් පෙනී සිටින්න දරුවට නොහැකි වෙනවා. කට අරින්න බය වෙනවා. ඔලුව නමාගන්න, සැඟවෙන්න පාඩුවෙ ඉන්න පුරුදු වෙනවා.

අන්තිමට දීන ජාතියක් මේ රටට බිහි වෙනවා. මේකට රටේ පාසල් පද්ධතිය සහ ඇතැම් උසස් අධ්‍යාපන ආයතන පවා අම්මටසිරි වෙන්න දායක වෙනවා.

අඩුම ගානෙ Millennial ජෙනරේශන් එකේ අපිවත් වෙනස් වෙමු. අපේ වැඩිහිටියො අපිව bully කරපු විදියට අපි ඊළඟ පරම්පරාව bully නොකර ඉමු. කාගෙ වුනත් පුංචි දරුවෙක්ව bully කරන එකට එරෙහි වෙමු.

✍️ පවී ජයවර්ධන

👉 උසස් විදියට උසස් පෙළ සමත් වෙන්න නම්
👉දේශපාලන විද්‍යාව, විද්‍යාවක් විදියට තාර්කිකව ඉගෙනගන්න නම්
👉ලෝකය, සමාජය සහ දේශපාලනය පිළිබඳව අවබෝධයෙන් තේරුම් ගන්න නම්

👉 ලියාපදිංචිය සඳහා වට්සැප් - 076 21 47 410

ඉරාන කාන්තාවන් බලහත්කාර හිජාබයට එරෙහි වෙයි!
_________________________________________________

ඉරාන කාන්තාවට හිජාබය පැළඳීම ආගමික හා සංස්කෘතික හේතු මත අනිවාර්ය වුවකි.

පසුගිය දිනක 22 හැවිරිදි මාෂා අමිනී හිජාබය පැළඳ නොසීටීම යන හේතුව මත එරට පොලීසියෙන් (Morality Police) අත්අඩංගුවට ගන්නා ලදී. අනතුරුව අත්අඩංගුවේදී ඇය මිය ගොස් ඇත. මේ අනුව ඉරාන කාන්තාවන් හිජාබයට එරෙහිය පෙළ ගැසුනු අතර ඔවුන් ප්‍රසිද්ධියේ හිජාබයන් ගිනි තබමින් බලහත්කාර හජාබයට එරෙහිව විරෝධතා දක්වන ලදී.

එමෙන්ම ඉරාන කාන්තාවන් හිජාබය රහිතව පොදු ස්ථානවල හැසිරෙමින් සිය විරෝධය දිගින්දිගටම ප්‍රකාශ කළ අතර පොලීසියට (morality police) තත්ත්වය මර්දනය කළ නොහැකි විය.

මෙලෙස පළමුව කාන්තාවක් සිය හිජාබය පොදු ස්ථානයකදී ප්‍රථම වරට ඉවත් කරන ලද්දේ 2017 වසරේදීය. එතැන් පටන් දිගින් දිගටම කාන්තාවන් බලහත්කාරය හිජාබයට එරෙහිව විරෝධතා දියත් කළ අතර අමීනාගෙ මරණය සමඟ තත්ත්වය උණුසුම් විය.

ඒ අනුව ඉරාන නීතිපතිවරයා අද දින ප්‍රකාශ කරන ලද්දේ ඉරාන සදාචාර පොලීසිය විසුරුවා හැරිය බවත් හිජාබය සම්බන්ධයෙන් බලහත්කාරය සිදු කිරීමට පොලීසියට නොහැකි බවත්ය.

අනිවාර්ය හිජාබය කාන්තාවන්ට එරෙහිව ක්‍රියාත්මක වන වර්ණභේදවාදය වැනි ප්‍රතිපත්තියක් බවත් ප්‍රජාතන්ත්‍රවාදී රාමුවක කාන්තා ස්වාධීනත්වයට ගරු කළ යුතු බවටත් අදහස් දක්වන ලදී.

මෙලෙස ඉස්ලාම් රටක් වන ඉරානය බලහත්කාර හිජාබයට තිත තබමින් නිදහස් චින්තනය ස්වාධීනත්වය කරා ගමන්කරද්දී, සිංහල බෞද්ධ අප කාන්තාවන්ට බලහත්කාර සාරිය අන්ඳවමින් සංස්කෘතිය රැකීමට බල කරමින් සිටිමු.

🖋️පවී ජයවර්ධන

ජනතාව තමන් සතු සැබෑම බලය නොදනී !
🤜🤛