What are the opening hours?

Monday 07:30 - 13:30 Tuesday 07:30 - 13:30 Wednesday 07:30 - 13:30 Thursday 07:30 - 13:30 Friday 07:30 - 13:30

https://www.facebook.com/221793727850564/

Thopawewa National College - තෝපාවැව ජාතික පාසල, Polonnaruwa (2026)

30/09/2026

තෝපාවැව ජාතික පාසල් ආදිශිෂ්‍ය සංගමයේ වාර්ෂික මහා සභා රැස්වීම එළබෙන ඔක්තෝබර් 18 ඉරු දින උදේ 9:00ට විද්‍යාලීය වෛජයන්ති මන්දිරයේදී පැවැත්වීමට සියළු කටයුතු සූදානම් කර තිබේ. ඒ සඳහා සහභාගීවන ලෙස සියළුම ආදි සිසුන් වෙත කෙරෙන ගෞරවනීය ආරාධනයයි මේ....❤🙏

- ආදි ශිෂ්‍ය සංගමය වෙනුවෙන්.

06/07/2026

උසස්පෙළ බාහිර අයැදුම්කරුවන් සඳහා වන සම්මුඛ පරීක්ෂණය ජූලි 08 සහ 09 දෙදින තුළ උදේ 9:00 සිට විද්‍යාලයේ දී පැවැත්වේ.

02/07/2026

‼️🔴උසස්පෙළ කරන්න අපේ ඉස්කෝලෙට එන්න🔴‼️
ආදරණීය දුවේ පුතේ❤️,
ජිවිතේ සුවිශේෂී කඩයිම් විභාගයක් ලෙස සැලකෙන සාමාන්‍ය පෙළ විභාගයේ ප්‍රතිඵල හිමිකරගත් ඔබ සියළුම දෙනාට තෝපාවැව ජාතික පාසලේ විදුහල්පතිතුමාගේ වගේම ආදිශිෂ්‍ය සංගමයේත් උණුසුම් සුභපැතුම් පිරිනමනවා මුළින්ම.

දැන් ඉතිං එළැබිලා තියෙන්නේ ඔබේ ජීවිතේ වටිනාම මෙන්ම ඔබේ අනාගතය තීරණය කෙරෙන ප්‍රධාන සහ සුවිශේෂීම තීරණය ගැනීමේ ඒ අතිශය වැදගත් හා තීරණාත්මක හෝරාව. ඔබ දැන් තෝරාගන්න ඕන ඉදිරි අධ්‍යාපන කටයුතු සිදුකරන්නේ කුමන විෂය ධාරාවක් ඔස්සේද කියන එක. ඒ තීරණය මොකක් උනත් ඊට අවශ්‍ය විෂය දැණුම ලබාදී උසස්පෙළ විභාගයට ඔබව සූදානම් කරන්න පොලොන්නරුව දිස්ත්‍රීක්කයේ හොඳම ඇදුරු මඩුල්ල අපේ පාසල තුල සිටිනවා.

විද්‍යා, ගණිත, වානිජ්‍යය හා කලා විෂය ධාරාවන් ඔබට තෝරාගැනීමට හැකියාව පවතින අතර ඊට අවශ්‍ය අයදුම්පත්‍රය පහළ ඇති සබැඳියෙන් බාගත කරගත හැකියි. එය නිවැරදිව සම්පූර්ණ කරගෙන මෙන්න මේ ලියකියවිලි ටිකත් අරං සම්මුඛ පරීක්ෂණයට ඇවිත් යන්න එන්න.

✅ අ:පො:ස (සා/පෙළ) විභාගයේ බාගත කරගන්නා ලද ප්‍රථිපල ලේඛනයක්
✅ ෆයිල් කවර දෙකක්
✅ කිසිවක් නොලියූ ලියුම් කවර දෙකක් (මුද්දර සමඟ)

🔴සම්මුඛ පරීක්ෂණය🔴
ජූලි මාසේ 07 සහ 08 යන දිනයන්හි උදේ 9:00 ට විද්‍යාලීය පරිශ්‍රයේදී සම්මුඛ පරීක්ෂණය පැවැත්වෙනවා.

🟥අයදුම්පත්‍රය බාගත කරගන්න🟥
https://drive.google.com/file/d/19UPfs4EPo517dEISrEAVdXvC6XsFJdTp/view?usp=drivesdk

- ආදිශිෂ්‍ය සංගමය

21/06/2026

‼️⭕️පිපාසයට වතුර බිඳක් දන්දෙමු⭕️‼️
ඓතිහාසික පොලොන්නරුව පොසොන් මහා දළදා පෙරහැරේ නර්තනයේ යෙදෙන හා ඊට සම්බන්ධවන සියළුම ශිල්පීන් වෙනුවෙන් ඔවුන්ගේ වෙහෙස නිවා ගැනීම සඳහා ජලය ලබාදීම වෙනුවෙන් සූදානම් කරන "වාර්ෂික වතුර දන්සැල - 2026" මෙවරත් පැවැත්වීම සඳහා කටයුතු සූදානම් කර තිබේ.

වතුර ලබාදෙමින් හෝ මූල්‍යමය වශයෙන් හෝ මේ මහඟු පුණ්‍යකර්මයට ඔබටත් දායක විය හැකි අතර ඒ සඳහා පහත දුරකථන අංක අමතා සම්බන්ධ වීමට අප ඔබට ගෞරවයෙන් අරාධනා කරමු.

මෙම පෝස්ට් එකේ whatsapp දුරකතන අංකයටද පණිවිඩයක් තැබීමට ඔබට හැකියාව තිබේ.

- ආදිශිෂ්‍ය සංගමය
- තෝපාවැව ජාතික පාසල - පොලොන්නරුව

18/05/2026

‼️සමස්ත ලංකා නර්තන තරගාවලිය 2026 ‼️
උතුරු මැද පළාත් තරඟ "කුවේණි අස්නය - ජ්‍යෙෂ්ඨ" අංශයේ තෙවන ස්ථානය දිනාගැනීමට අද දිනයේදී තෝපාවැව ජාතික පාසලේ දරු දැරියන් සමත් උනා.

මේ සඳහා ඔවුන්ව පුහුණු කිරීම හා සූදානම් කිරීම වෙනුවෙන් අප විද්‍යාලයේ නර්තනාචාර්‍යනී භද්‍රානී ජයවීර ගුරු මෑණියන් වෙත අපගේ ගෞරවනීය ස්තුතිය පිරිනමන අතර දරුවන්ගේ අනාගතය වෙනුවෙන් නව මංපෙත් විවර කරමින් ඔවුන් නිවැරදි මාවත කරා මෙහෙයවන විදුහල්පතිතුමාටත් අපගේ ස්තුතිය පිරිනමමු.

-ආදිශිෂ්‍ය සංගමය

ප:ලි
මේ ජයග්‍රහණ පසුපස සිටින නොවෙනස්වන සෙවනැල්ල සහ නොසැලෙන අධිෂ්ඨානය වන්නේ මේ වෙනුවෙන් අසීමිත කැපකිරීමක් සිදුකරන ගුරුවරුන් ය. නම් ගම් සඳහන් කල හෝ නොකල, මේ වෙනුවෙන් වෙහෙස මහන්සි වූ සියළුම ගුරුමෑණිවරුන්ට හා පියවරුන්ට ස්තුතිය හිමිවිය යුතුය. විදුහල්පතිතුමා නිරන්තරයෙන් සිහිපත් කරන අදහසක් මෙහිලා සඳහන් කරමි.

‼️"ගුරුවරයෙකු දරුවන් වෙනුවෙන් කරන අසීමිත කැපකිරීම් වෙනුවෙන් ස්තුතියක් හෝ හිමිවන්නේ බොහෝ ප්‍රමාද වී ය. බොහෝ විට ස්තුතියක්වත් හිමිවන්නේම නැත."‼️

වත්මන් තත්වය අනූවනනම් ඒ මේ සමාජයේ හැටි ය. නමුත්,
අපේ දරුවන් වෙනුවෙන් අසීමිත කැපකිරීම් සිදුකරමින්, ඔවුන්ගේ විෂය දැනුමින් සන්න්ධ කරනා සහ ඔවුන්ගේ විවිධ කුසලතා ඔප්නංවන ඔබ සියළුදෙනාට අප බෙහෙවින් ස්තුතිය පල කරමු.

ඔව්, පොලොන්නරුවේ ඉන්න දක්ෂම ගුරුවරුටික ඉන්නේ අපේ ඉස්කෝලේ දැන්..... ඒකට විදුහල්පතිතුමාගේ දැක්මත් එකතු උනාම...... අපේ දරුවන් මේ විදියට දවසින් දවස ඉදිරියට යන හැටි අපට හැමදාම බලන්න පුළුවන් වෙයි, ඒක අපිට වගේම ඒ දරුවන්ගේ දෙමාපියන්ටත් ලොකු ආඩම්බරයක්.
- සුමේධ දිසානායක

17/05/2026

සමස්ත ලංකා නර්තන තරගාවලිය 2026
උතුරු මැද පළාත් තරඟ "සමූහ සබරගමු ගමන් මාත්‍රය - කනිෂ්ඨ" මිශ්‍ර අංශයේ ප්‍රථම ස්ථානය දිනාගැනීමට අද දිනයේදී තෝපාවැව ජාතික පාසලේ දරු දැරියන් සමත් උනා.

දෙවන වරටත් තෝපාවැව ජාතික පාසල නියෝජනය කරමින් උතුරුමැද පලාත් තරඟ තුළ ප්‍රථම ස්ථානය හිමිකරගැනීමට අපගේ දක්ෂ දරු දැරියන් සමත්වුණා.

මේ සඳහා ඔවුන්ව පුහුණු කිරීම හා සූදානම් කිරීම වෙනුවෙන් අප විද්‍යාලයේ නර්තනාචාර්‍ය චමින්ද ප්‍රසාද් කුලතුංග ගුරු පියාණන් වෙත අපගේ ගෞරවනීය ස්තුතිය පිරිනමන අතර දරුවන්ගේ අනාගතය වෙනුවෙන් නව මංපෙත් විවර කරමින් ඔවුන් නිවැරදි මාවත කරා මෙහෙයවන විදුහල්පතිතුමාටත් අපගේ ස්තුතිය පිරිනමමු.

-ආදිශිෂ්‍ය සංගමය

17/05/2026

සමස්ත ලංකා නර්තන තරගාවලිය 2026 උතුරු මැද පළාත් ඒකල ගැටබෙර ජ්‍යේෂ්ඨ ගැහැණු අංශයේ ප්‍රථම ස්ථානය දිනාගැනීමට අද දිනයේ තෝපාවැව ජාතික පාසලේ දියණියන් සමත් උනා.

සප්තරා බිනරි කරුණාපතිරණ සහ සයුනි සදමිණි යන දියණියන් දෙදෙනා මෙලෙස විශිෂ්ඨ දක්ෂතා දක්වමින් උතුරු මැද පලාත තුළ තෝපාවැව ජාතික පාසලේ නාමය බැබලවීමට කටයුතු කර තිබුණා.

මේ සඳහා ඔවුන්ව පුහුණු කිරීම හා සූදානම් කිරීම වෙනුවෙන් අප විද්‍යාලයේ නර්තනාචාර්‍ය චමින්ද ප්‍රසාද් කුලතුංග ගුරු පියාණන් විශාල කැප කිරීමක් කරනු ලැබූවා. ඒ වෙනුවෙන් ඔහුටද අපගේ ගෞරවනීය ස්තුතිය පුදකර සිටිමු.

එමෙන්ම දරුවන්ගේ අනාගතය වෙනුවෙන් නව මංපෙත් විවර කරමින් ඔවුන් නිවැරදි මාවත කරා මෙහෙයවන විදුහල්පතිතුමා වෙතද අපගේ ස්තුතිය පිරිනමමු.

-ආදිශිෂ්‍ය සංගමය

16/05/2026

‼️අග්‍රහාර දත්ත පද්ධතිය කඩිනමින් යාවත්කාලීන කිරීම‼️
ආයුබෝවන් සියලුම ගුරු භවතුනි,
2026.03.05 දින නිකුත් කරන ලද රාජ්‍ය පරිපාලන චක්‍රලේඛ අංක 12/2005(X) අනුව , සියලුම රාජ්‍ය නිලධාරීන් සහ ඔවුන්ගේ යැපෙන්නන්ගේ තොරතුරු ජාතික රක්ෂණ භාර අරමුදලේ (NITF) අග්‍රහාර දත්ත පද්ධතියේ ලියාපදිංචි කිරීම අනිවාර්ය කර ඇත. 2026.04.01 දින සිට සියලුම අග්‍රහාර හිමිකම් ගෙවීම් මෙම අග්‍රහාර දත්ත පද්ධතියේ ලියාපදිංචි තොරතුරු පදනම් කරගෙන පමණක් සිදු කෙරේ.
ඒ අනුව, නව සාමාජිකයෙකු ලෙස ලියාපදිංචි වීමට හෝ දැනටමත් ගිණුමක් පවතී නම් එය යාවත්කාලීන කිරීම **2026/06/30 දිනට ප්‍රථම** අනිවාර්යයෙන්ම සිදු කළ යුතුව ඇත.
ඔබගේ තොරතුරු අන්තර්ජාලය හරහා යාවත්කාලීන කරන්නේ කෙසේද? 💻
✅1. මුලින්ම ජාතික රක්ෂණ භාර අරමුදලේ නිල වෙබ් අඩවිය වන www.nitf.lk වෙත පිවිසෙන්න.
✅2. එහි ඇති 'Member Login' අයිකනය මත ක්ලික් කරන්න.
✅3. ඔබ දැනටමත් අග්‍රහාර සාමාජික ගිණුමක් සාදා ඇත්නම්, ජාතික හැඳුනුම්පත් අංකය සහ මුරපදය යොදා පිවිසෙන්න. ගිණුමක් නොමැති නම් 'Create Account' මත ක්ලික් කර නව ගිණුමක් සාදාගන්න.
✅4. ගිණුමට පිවිසි පසු 'EDIT PROFILE' වෙත ගොස් ඔබගේ සහ යැපෙන්නන්ගේ තොරතුරු නිවැරදිව යාවත්කාලීන කර පහතින් ඇති 'SUBMIT' බටනය ඔබන්න.

🔴 ඉතා වැදගත්:
මෙහිදී ගිණුම් අංකය ලෙස ඔබ යෙදිය යුතු වන්නේ, ඔබගේ මාසික වැටුප පැමිණෙන බැංකු ගිණුමේ අංකයයි.
📞 **වැඩිදුර සහය සඳහා:**
* රාජ්‍ය නිලධාරීන් සඳහා අවශ්‍ය තාක්ෂණික සහය ලබා ගැනීමට: 071 0224121
* රාජ්‍ය ආයතනයන්හි අග්‍රහාර විෂය භාර නිලධාරීන් සඳහා අවශ්‍ය සහය: 071 1784547 / 071 1784552
මෙම වැදගත් පණිවිඩය ගුරු භවතුන් අතරත් කඩිනමින් Share කර ඔවුන්වද දැනුවත් කරන්න!
- ආදිශිෂ්‍ය සංගමය

13/05/2026

වයස අවුරුදු 16 පහළ කොට්ඨාස පාපන්දු තරඟාවලියේ සූරතාවය තෝපාවැව ජාතික පාසල් සිසුන් විසින් හිමිකර ගැනීමට සමත් විය. 🏆⚽

මෙම විශිෂ්ට ජයග්‍රහණය සඳහා කැපවීමෙන් ක්‍රීඩා කළ සියලුම ක්‍රීඩකයින්ට, සහයෝගය ලබාදුන් විදුහල්පතිතුමාට, ගුරුභවතුන්ට හා දෙමාපියන්ට උණුසුම් සුබ පැතුම්! 👏💙

-ආදිශිෂ්‍ය සංගමය

Thopawewa National College - තෝපාවැව ජාතික පාසල

30/09/2026

06/07/2026

02/07/2026

21/06/2026

18/05/2026

17/05/2026

17/05/2026

16/05/2026

13/05/2026

Address

Opening Hours

Telephone

Website

Alerts

Contact The School

Shortcuts

Share

Category

Listing takedown request

Monday	07:30 - 13:30
Tuesday	07:30 - 13:30
Wednesday	07:30 - 13:30
Thursday	07:30 - 13:30
Friday	07:30 - 13:30