15/01/2025
அஸ்ஸலாமு அலைக்கும் வரஹ்மதுல்லாஹி வபரகாத்துஹு
எமது பதுரியா மாஞ்சோலை கல்வி அபிவிருத்திக் குழுவின் ஏற்பாட்டில் இரண்டாவது தடவையாகவும் சாதனையாளர்கள் கௌரவிப்பு நிகழ்வானது 2025/01/13ம் திகதி திங்கட்கிழமை பி.ப 04:00 மணிக்கு மாஞ்சோலை ஹிழுரிய்யா ஜும்ஆ பள்ளிவாயலில் நடைபெற்றது.
இதில் எமது பதுரியா மாஞ்சோலை கிராமத்தில் இருந்து 2023ம் ஆண்டு க.பொ.த (சா/த) பரீட்சையில் சிறப்புச்சித்தி (5A இற்கு மேல்) பெற்ற மாணவர்கள் 10 பேர் மற்றும் 2023ம் ஆண்டு க.பொ.த (உ/த) பரீட்சையில் சித்தியடைந்து பல்கலைக்கழகம் மற்றும் கல்வியல் கல்லூரிகளுக்கு தெரிவு செய்யப்பட்ட மாணவர்கள் 08 பேர் நினைவுச்சின்னங்கள் வழங்கி கௌரவிக்கப்பட்டனர்.
இந்த நிகழ்விற்கு பிரதம அதிதியாக கோ.ப.மேற்கு ஓட்டமாவடி பிரதேச செயலக பிரதேச செயலாளர் ஜனாப் A.தாஹிர் (SLAS) அவர்கள் கலந்து சிறப்பித்ததுடன் கௌரவ அதிதிகளாக ஓட்டமாவடி கோட்டக் கல்வி அலுவலக கோட்டக் கல்வி அதிகாரி ஜனாப் AMM.தாஹிர் (SLEAS) அவர்களும், கோ.ப.மேற்கு பிரதேச சபையின் முன்னாள் தவிசாளர் ஜனாப் AM.நௌபர் JP அவர்களும், மட்டக்களப்பு மத்தி வலயக்கல்வி அலுவலக ஆசிரிய ஆலோசகர் ஜனாப் MB. நபீர் Sir அவர்களும் கலந்து கொண்டனர். மேலும் விஷேட அதிதிகளாக கோ.ப.மேற்கு பிரதேச செயலக கலாச்சார உத்தியோகத்தரும், மீராவோடை உம்முல் சுலைம் மகளீர் அரபுக் கல்லூரியின் அதிபர் ஜனாப் AL. பீர்முகம்மத் (காஸிமி,MA) அவர்களும், மாஞ்சோலை அல் ஹிரா வித்தியாலய அதிபர் ஜனாப் MAC.ஜிப்ரிகரீம் Sir அவர்களும், பதுரியா நகர் அல் மினா வித்தியாலய அதிபர் ஜனாப் MI.உபைத்துல்லாஹ் (SLPS) அவர்களும் கலந்து சிறப்பித்தனர் மேலும் இந் நிகழ்விற்கு எமது அதிதிகளாக எமது கிராமத்தினுடைய சமுர்த்தி உத்தியோகத்தர் ஜனாப் ALM. நியாஸ் ,பொருளாதார அபிவிருத்தி உத்தியோகத்தர் ஜனாப் F. சர்ஜுன் ,பிரதேச பாடசாலைகளினது ஆசிரியர்கள்,பிரதேச பள்ளிவாயல்களினது தலைவர்கள், நிருவாகிகள் எமது கிராம பொது அமைப்புக்களது தலைவர்கள், பிரதேச முக்கியஸ்தர்கள்,கல்வி அபிவிருத்திக் குழுவினர் என பலரும் கலந்து கொண்டு மாணவர்களை கௌரவித்தனர்.
இந் நிகழ்வினை நடாத்த உதவிய அணுசரனையாளர்களாக.
1) மாஞ்சோலை சபீர் ஸ்டோர்ஸ் உரிமையாளர் SM.சபீர்.
2)பதுரியா ஜும்ஆ பள்ளிவாயல் நிர்வாகத்தினர்.
3) மாஞ்சோலை ஹிழுரிய்யா ஜும்ஆ பள்ளிவாயல் நிர்வாகத்தினர்.
4) வாங்க நல்லது பன்னலாம் - குவைத் வாழ் உறவுகள்
5)A.றிபாஸ்.
6)MNM.சாஜஹான்.
7)NM.றபாய்தீன்.
ஆகியோருக்கும் எமது நன்றிகளை தெரிவித்துக்கொள்கிறோம்.
நிர்வாகம்,
கல்வி அபிவிருத்திக் குழு,
பதுரியா-மாஞ்சோலை.
