Ummu Sulaim Ladies Arabic College

14/12/2025

உம்மு சுலைம் மாணவிகளின் மற்றுமோர் அடைவு. அல்ஹம்துலில்லாஹ்.

அண்மையில் கிழக்கு மாகாண பண்பாட்டு அலுவல்கள் திணைக்களத்தினால் மட்டக்களப்பு மாவட்டம் தழுவிய ரீதியில் நடாத்தப்பட்ட கலை இலக்கிய எழுத்தாக்க திறந்த போட்டி - 2025 இல் கலந்து கொண்ட எமது கல்லூரி மாணவிகள் மாவட்ட மட்டத்தில் மிகச் சிறந்த அடைவுகளைப் பெற்றுள்ளனர்.
அந்த வகையில்,

புதுக் கவிதைப் போட்டியில்

*அன்சார் பாத்திமா ரனா மாவட்ட மட்டத்தில் மூன்றாமிடத்தையும், அப்துல் ஹமீட் பாத்திமா ஹஸ்னா ஐந்தாம் இடத்தையும் பெற்றுள்ளனர்.*

சிறுகதைப் போட்டியில்

*சுபைர் பாத்திமா றீனா மாவட்ட மட்டத்தில் முதலாமிடத்தையும், மஃறூப் பாத்திமா சஜீனா மூன்றாமிடத்தையும், ஜௌபர் பாத்திமா அம்னா ஐந்தாமிடத்தையும் பெற்றுள்ளனர்.*

கலை, இலக்கிய விடயங்களை அடிப்படையாகக் கொண்ட புறகிருத்திய செயற்பாடுகளில் எமது மாணவிகளின் அடைவுகள் மகிழ்ச்சியளிப்பதோடு வெற்றி பெற்ற கலந்து கொண்ட அனைத்து மாணவிகளுக்கும் கல்லூரி சார்பாக மனமார்ந்த வாழ்த்துக்களைத் தெரிவித்துக் கொள்கின்றோம்.

14.12.2025.

04/07/2025

28/05/2025

*நேர்முகப் பரீட்சை தொடர்பான அறிவித்தல்.*

MPCS வீதி, மீராவோடை எனும் முகவரியில் இயங்கி வரும் *உம்மு சுலைம் மகளிர் அரபுக் கல்லூரியில்* 2025 ஆம் கல்வியாண்டுக்கான புதிய மாணவிகளை இணைத்துக் கொள்வதற்கான நேர்முகப் பரீட்சை இன்ஷா அல்லாஹ் கீழ்வரும் ஒழுங்கில் நடைபெற உள்ளது.

*காலம் : 01/06/2025 (ஞாயிற்றுக் கிழமை)*

*நேரம் : காலை 08.30*

*இடம் : உம்மு சுலைம் மகளிர் அரபுக் கல்லூரி வளாகம். (தாருஸ் ஸலாம் ஜும்ஆப் பள்ளிவாயல் கட்டிடம்)*

*சமர்ப்பிக்க வேண்டிய ஆவணங்கள்*

* பிறப்பத்தாட்சிப் பத்திரம்
* அடையாள அட்டை (பிரதி)
* தரம் 11 இல் மாகாண மட்டப் பரீட்சைக்குத் தோற்றி பெற்ற பெறுபேற்றுப் பிரதி (பாடசாலை அதிபரால் உறுதிப் படுத்தப் பட்டிருத்தல் வேண்டும்)

இம்முறை க.பொ.த சாதாரண தரப் பரீட்சைக்குத் தோற்றிய 18 வயதிற்குற்பட்ட தேக ஆரோக்கியமுள்ள கல்குடாத் தொகுதியைச் சேர்ந்த மாணவிகளில் விண்ணப்பித்த, விண்ணப்பிக்கத் தவறிய அனைத்து மாணவிகளும் கலந்து கொள்ள முடியும்.

*(விண்ணப்பிக்காதோர் நேர்முகப் பரீட்சைக்குத் தோற்ற முன்னர் காரியாலயத்தில் அன்றைய தினமே விண்ணப்பப் படிவத்தினைப் பெற்று பூர்த்தி செய்து ஒப்படைக்க வேண்டும்.)*

மேலதிக விபரங்களுக்கு,
0771105533
0760409277

AG. சாதிகீன் (மதனீ),
பிரதி அதிபர்,
உம்மு சுலைம் மகளிர் அரபுக் கல்லூரி,
மீராவோடை.
28.05.2025.

12/05/2025

உம்மு சுலைம் மகளிர் அரபுக் கல்லூரி

புதிய மாணவியர் அனுமதி

விண்ணப்ப முடிவு : 15.05.2025

விண்ணப்பிக்கத் தவறிய கல்குடா பிரதேசத்தைச் சேர்ந்த இம்முறை க.பொ.த சாதாரண தரப் பரீட்சை எழுதிய மாணவிகள் தங்களது விண்ணப்பங்களை விரைவாக அனுப்பி வைக்க முடியும்.

மேலதிக விபரங்களுக்கு :

AG. சாதிகீன் (மதனீ),
பிரதி அதிபர்,
உம்மு சுலைம் மகளிர் அரபுக் கல்லூரி,
மீராவோடை.
0760409277.

29/04/2025

உம்மு சுலைம் மகளிர் அரபுக் கல்லூரியின் புதிய மாணவியர் அனுமதிக்கான விண்ணப்பப் படிவங்களைப் பெற்றுக் கொண்டோர் பூர்த்தி செய்த விண்ணப்படிவங்களை கல்லூரி காரியாலயத்திலோ அல்லது தாருஸ் ஸலாம் பள்ளிவாயலிலோ ஒப்படைக்குமாறு கேட்டுக் கொள்கின்றோம்.

26/04/2025

அல்ஹம்துலில்லாஹ்.

அல்லாஹ்வின் அளப் பெரும் அருளால் உம்மு சுலைம் மகளிர் அரபுக் கல்லூரி மாணவிகள் இம்முறையும் க.பொ.த உயர்தரப் பரீட்சையில் 100% சித்தியினைப் பதிவு செய்துள்ளனர். அத்தோடு, 08 மாணவிகள் பல்கலைக்கழக வாய்ப்பினைப் பெறுவார்கள் என எதிர் பார்க்கப்படுகின்றது.

இந்த மகிழ்ச்சியான நேரத்தில் எமது கல்லூரியின் நிருவாகத்தினருக்கும் இந்த வெற்றியினைப் பெற பெரும் வழிகாட்டியாகத் திகழும் கல்லூரியின் அதிபர் அஷ் ஷெய்க் AL. பீர் முஹம்மத் (காஸிமி) MA அவர்களுக்கும், கல்லூரியின் உப அதிபர் MSF. பஹ்மிதா (பாBஸிய்யா) அவர்களுக்கும், உயர் தரப் பாடங்களைக் கற்பித்த ஆசிரியர்களான கலாநிதி HLM. முகைதீன் (பலாஹி) (இஸ்லாமிய நாகரிகம்), NM. பியாஸ் (சேர்) MA (அரசறிவியல்), AG. சாதிகீன் (மதனி) BA, JP (அரபு மொழி), MBM. ஜெமீல் (சேர்) SLPS (ஆங்கிலம், பொது உளச்சார்பு) ஆகியோருக்கும், ஏனைய அனைத்து ஆசிரிய, ஆசிரியைகளுக்கும், அத்தனை சிரமங்களையும் சகித்துக் கொண்டு இப் பரீட்சைக்குத் தோற்றிய எமது மாணவிகள் அவர்களது பெற்றோர்கள் அனைவருக்கும் மனப் பூர்வமான வாழ்த்துக்களைத் தெரிவித்துக் கொள்கின்றேன்.

இவர்களது எதிர்காலம் இன்னும் சிறக்க வல்லவன் அல்லாஹ் அருள் புரிவானாக.

AG.சாதிகீன் (மதனி) BA, JP
பிரதி அதிபர்,
உம்மு சுலைம் மகளிர் அரபுக் கல்லூரி,
மீராவோடை.
27/04/2025.

19/04/2025

*உம்மு சுலைம் மகளிர் அரபுக் கல்லூரி
புதிய மாணவியர் அனுமதி - 2025 *
--------------------------
கல்குடா மண்ணில் கடந்த ஒன்பது ஆண்டுகளுக்கு மேலாக அல் குர்ஆன், அஸ் ஸுன்னா வழியில் மாணவியர் மத்தியில் மார்க்கக் கல்வியினை வழங்கி சிறந்த ஆளுமைமிக்க தாஇஆக்களை உருவாக்குவதில் தன்னால் முடியுமான முழுப் பங்களிப்பினையும் உம்மு சுலைம் மகளிர் அரபுக் கல்லூரி செய்து கொண்டிருக்கிறது. அல்ஹம்துலில்லாஹ்.

நான்காண்டு கலைத்திட்டத்தை மையமாகக் கொண்டு கல்குடாத் தொகுதியில் உள்ள க.பொ.த சாதாரண தரப் பரீட்சைக்குத் தோற்றிய மாணவியர்களை உள்ளீர்த்து பகுதி நேர வகுப்பாக நடைபெற்று கலைத் துறையில் உயர் தரத்தினைக் கற்பித்து பல்கலைக் கழகக் கனவை நனவாக்குவதில் முன்னணி வகிக்கிறது.

அறபு, ஆங்கில மொழிப் புலமையோடு வாராந்த தர்பிய்யா, மாணவியர் மன்றங்கள், கல்விச் சுற்றுலாக்கள், மாதாந்த சன்மார்க்க விளக்கச் செயலமர்வுகள் என அறிவுப் பசிக்கு தீனிபோட்டு மாணவியரைப் புடம் போடுவதில் அர்ப்பணிப்புடன் செயற்படுகின்றது.

தூய அகீதாவை இளம் யுவதிகள் மத்தியில் விதைப்பதனூடே சிறந்த தாயியாக்களையும், குடும்பத் தலைவிகளையும் உருவாக்கும் உன்னத பணிக்கென உத்வேகத்துடன் இயங்கிக் கொண்டிருக்கின்றது.

மேற்படி இலக்குகளை நோக்கிய பயணத்தில் உங்கள் பிள்ளைகளையும் இணைத்து விட அழகான வாய்ப்பொன்று அனைத்து கல்குடா வாழ் பெற்றோருக்கும் கிடைத்திருக்கிறது.

*இம்முறை சாதாரண பரீட்சைக்குத் தோற்றிய, அல்குர்ஆனை நன்கு ஓதத் தெரிந்த, தேக ஆரோக்கியமும் நல்லொழுக்கமும் உள்ள 18 வயதிற்குற்பட்ட அனைத்து மாணவிகளும் விண்ணப்பிக்க முடியும்*

இன்றே விண்ணப்பியுங்கள்.

விண்ணப்ப படிவங்களை
Darus salam Mosque Building
MPCS Road, Meeravodai

எனும் முகவரியில் உள்ள எமது காரியாலயத்தில் காலை 08.00 மணி தொடக்கம் 01.30 மணி வரைக்கும் பெற்றுக் கொள்ள முடியும்.

அத்தோடு
Darus Salam Mosque
Digital way Studio

போன்ற இடங்களிலும் பெற்றுக் கொள்ள முடியும்.

விண்ணப்ப முடிவுத் திகதி : 2025/05/15

மேலதிக விபரங்களுக்கு :
0771105533
0760409277

17/03/2025