Sunethra Maha Devi Dhamma School

17/08/2026

සුභාශිංසනයයි

අප ගංගොඩවිල සුනේත්‍රා මහා දේවී දහම් පාසලේ උප ප්‍රධානාචාර්ය තනතුර සඳහා අභිනවයෙන් පත් වූ නිල්මිණි ප්‍රියශාන්ති ගුරු මෑණියන් හට සිය තනතුරේ වැඩ කටයුතු සහ දහම් පාසලේ චිර පැවැත්ම වෙනුවෙන් සිදු කරන සියලුම කටයුතු ඉතා හොඳින් කරගෙන යාමට ශක්තිය, ධෛර්ය, වාසනාව ලැබේවා!

🙏🙏🙏🙏🙏

10/08/2026

ස්තුති පූර්වක පුණ්‍යානුමෝදනාවයි... ☸️☸️☸️

2026/08/09 වන ඉරිදා දින ගංගොඩවිල සුනේත්‍රා මහා දේවී දහම් පාසලේ සිසුන් සඳහා දිවා ආහාරය ලබා දීමේ කටයුතු වෙනුවෙන් අප දහම් පාසලේ ධර්මාචාරිනී අනෝමා රංජනී ගුරුතුමිය ඇතුළු පවුලේ සැම විසින් දායකත්වය ලබා දෙන ලදී. මේ දානමය කටයුත්ත සඳහා මියුරි රණසිංහ මහත්මිය විසින් ද දායකත්වය ලබා දෙන ලදී.

02/08/2026

2026/08/02 වන ඉරු දින වසර විසිඑකක දහම් පාසල් ගුරු දිවියෙන් විශ්‍රාමගත් අප දහම් පාසලේ හිටපු උප ප්‍රධානාචාර්ය විමලා පෙරේරා ගුරුමෑණියන්ට සුභ විශ්‍රාම දිවියක් ප්‍රාර්ථනා කරමු.🙏🙏🙏

ඇය පිළිබඳව අප තබන සටහන මෙසේය.

උපාධිධාරී පාසල් ගුරුතුමියක් වන ඇය දිවයිනේ බොහෝ ප්‍රදේශවල සේවය කොට, ගුණගරුක, කීර්තිමත් ශිෂ්‍ය ශිෂ්‍යාවන් රැසක් බිහිකළ ගුරු මවක් වන අතර, ග්‍රන්ථ ගණනාවක් රචනා කරමින් සිය ශාස්ත්‍රීය කටයුතු වල නිරත වූවාය.

අප දහම් පාසල් ගුරු සේවයට 2005 වර්ෂයේදී එක්වූ ඇය, 2015 වර්ෂයේදී උප ප්‍රධානාචාර්ය තනතුරට පත්විය. එම තනතුරේ සිටිමින් සේවාවන් රැසක් සිදු කළ අතර, ඇය කළ සදා අමරණීය සේවාව වන්නේ විහාරස්ථානයෙත් දහම් පාසලෙත් ඉතිහාසය ඇතුලත් කරමින් ලොග් සටහන් පොත නිර්මාණය කිරීමයි. විසිඑක් වසරක දහම් පාසල් ගුරු දිවිය අවසන් කළද ඇය කළ සේවාවන් සදා අමරණීය වනු ඇත.

චිරං ජයතු ගුරු මෑණියනි!

අප ගුරු මැණියන්ගේ විශ්‍රාම යාම වෙනුවෙන් 2026/08/02 වන ඉරු දින උත්සවයක්ද සංවිධානය කොට තිබුණි .

31/07/2026

අප ගංගොඩවිල සුනේත්‍රා මහාදේවී ථේරවාදී ජාත්‍යන්තර බෞද්ධ මධ්‍යස්ථානයේ 2026 වර්ෂ වස් ආරාධනා පිංකම ඇසළ පුන් පෝහෝ දින සන්ධ්‍යා කාලයේදී විහාරස්ථාන ප්‍රධාන ධර්ම ශාලාවේදී පැවැත්විණි.

එයට සමගාමීව පැවති වස් ආරාධනා පෙරහැර මෙවර ප්‍රධාන දායකත්වය දරන දායක මහත්ම මහත්මීන්ගේ නිවසින් ආරම්භ වූ අතර,ඒ සදහා දහම් පාසලේ ශිෂ්‍ය නායක මණ්ඩලයේ දූ දරුවන් ද සහභාගී වූහ.

2026 කඨින මහා පින්කමේ ප්‍රධාන දායකත්වය ගංගොඩවිල, එගොඩවත්තේ පදිංචි ලසිත පෙරේරා, ලක්මිණි සුලෝචනා, ඉන්දානි කරුණාරත්න, චමිකා රඹුක්වැල්ල, භද්‍රා සූරියබණ්ඩාර, හිරුණි පෙරේරා සහ චන්ද්‍රා සූරියබණ්ඩාර යන පින්වත් මහත්ම මහත්මීන්ගේ ප්‍රධාන දායකත්වයෙන් සිදුකෙරේ.

29/07/2026

සබ්බ පාපස්ස අකරණං
කුසලස්ස උපසම්පදා
සචිත්ත පරියෝදපනං
ඒතං බුද්ධානුසාසනං.

සියලු පව්වලින් වැළකී, කුසල් දහම් වැඩීමත්, සිත පිරිසිදු කරගැනීමත් බුදුරජාණන් වහන්සේගේ අනුශාසනයයි.

පින්බර ඇසළ පුන් පොහෝ දිනය වෙනුවෙන් සුනේත්‍රා මහා දේවී දහම් පාසලේ මාධ්‍ය ඒකකයේ ප්‍රාර්ථනාවයි.

UNIT
#2026

28/07/2026

27/07/2026

සුනේත්‍රා මහාදේවී දහම් පාසල් දරුවන් සදහා පිරිසිදු ජලය ලබා දීමේ අදහසින් අප විහාරස්ථානයේ වැඩ සිටින කම්මට්ඨානාචාර්ය පුජ්‍ය උඩුවන රතනපාල ස්වාමීන්වහන්සේ විසින් ජලපෙරනයක් පරිත්‍යාගය කරන ලදී. අප ස්වාමීන්වහන්සේට තවතවත් මෙවැනි පිංකම් කිරීමට ශක්තිය ධෛර්යය නිදුක් නීරෝගී බව ලැබේවා. තෙරුවන් සරණයි!!!

26/07/2026

ස්තුති පූර්වක පුණ්‍යානුමෝදනාවයි...☸️☸️☸

2026/07/26 වන ඉරු දින අප දහම් පාසල් සිසුනට දිවා ආහාරය ලබා දිමේ කටයුතු සදහා දායකත්වය ජෝතිපාල රත්නායක මහතා ඇතුලු පවුලේ සැම විසින් සිදු කරන ලදි.

23/07/2026

අප ගංගොඩවිල සුනේත්‍රා මහා දේවී දහම් පාසල් 2026 වර්ෂ ශිෂ්‍ය නායක හා නායිකා නිල ලාංඡන පැලදවීමේ උත්සවය විහාරාධිකාරි දර්ශනපති පූජ්‍ය පුස්සැල්ලයායේ චන්දිම ස්වාමින් වහන්සේගේ හා දහම් පාසල් ප්‍රධානාචාර්ය පූජ්‍ය බංගලාදේශයේ පඤ්ඤාසාමි ස්වාමින් වහන්සේගේ අවවාද අනුශාසනා පරිදි ශිෂ්‍ය නායක මණ්ඩලය භාර ආචාර්ය මණ්ඩලය ප්‍රධාන කොටගත් දහම් පාසල් ආචාර්ය මණ්ඩලයේ සහයෝගයෙන්ද ,ශිෂ්‍ය නායක දරුවන් හා දෙමාපියන්ගේ උදව් උපකාර ඇතිව 2026/05/17 වන ඉරුදින අති සාර්ථක අයුරින් පවත්වන ලදි.

ව්‍යවසායක ,හෘද රෝග සම්බන්ධ චිකිත්සක ,ග්‍රන්ථ රචක ,කලාවේදී වෛද්‍ය අරුණ කොළඹගේ මහතා අප ප්‍රධාන ආරාධනාව පිළිගෙන උත්සවය සදහා සහභාගි විය.

සහය දැක්වූ සැමට ස්තුතියි .🙏🙏🙏

21/07/2026

ස්තුති පූර්වක පුණ්‍යානුමෝදනාවයි...☸️☸️☸

2026/07/19 වන ඉරු දින අප දහම් පාසල් සිසුනට දිවා ආහාරය ලබා දිමේ කටයුතු සදහා දායකත්වය යමුනා දහනායක මහත්මිය ඇතුලු පවුලේ සැම විසින් සිදු කරන ලදි.