04/02/2013
please read and share
නීති විද්යාල ප්රවේශයේදී,පාඨමාලා ග්රන්ථය සහ ඒ ආශ්රිතව ලබා ගන්නා දැනුම,
01.නීති විද්යාලයේ අභෞන්තර අධ්යන කටයුතුවලදී සහ
02.සාමාන්ය ජීවිතයේදී වැදගත්වන අන්දම.
01.නීති විද්යාලයේ අභෞන්තර අධ්යන කටයුතුවලදී පාඨමාලා ග්රන්ථයේ වැදගත්කම
මෙම පාඨමාලා ග්රන්ථය මාතෘකා හයක් යටතේ ගොනුවී ඇති අතර,යම් යම් වසරවලදී නව සංශෝධනයන් එක්වී ඇත.
01.මෙහිදී,ප්රථම පාඩම වන නීතියේ ස්වාභාවය මඟින් නීතියේ ඇති සාමාන්ය ස්වරූපය සහ නීතිය නිර්මාණය වීමේදී බලපා ඇති සාධක,නීතියේ සැබෑ කාර්ය භාරය විය යුත්තේ කුමක්ද සහ අතිශය වැදගත් සංකල්ප වන නිසි ක්රියාදාමය වැනි සංකල්පයන් අධ්යනය කෙරේ.මෙහිදී,නීති විද්යාලයේ දෙවන වසරේදී නීති විද්යාව විෂය සදහා නීතියේ ස්වාභාවය කොටසේදී අප සාකච්ඡාකරන නීතිය සහ සදාචාරය අතර ඇති සම්බන්ධය වැනි කරුණු ඉතා දීර්ඝ ලෙසට කරුණු අධ්යනය කෙරේ.
එසේම නීති විද්යාලයේ අවසාන වසරේදී අපරාධ නඩු විධාන සංග්රහය වැනි කාර්ය පටිපාටික නීතීන් අධ්යනය කිරීමේදී අප විසින් අධ්යනය කරන්නේ නිසි ක්රියාදාමය පිළිබඳවය.
02.දෙවන පාඩම වන නීතියේ මූලාශ්ර මඟින්ද නීති විද්යාලයේ අභෞන්තර අධ්යන කටයුතුවලදී අතිශය වැදගත් පිටිවහලක් ලබා දීම සිදුකරයි.විශේෂයෙන් පාඨමාලා ග්රන්ථයේ ඇති නඩු තීරණ නීතිය සහ එම පාඩම සාකච්ඡා කිරීමේදී අප විසින් අධ්යන කරන නඩු තීන්දු සහ නඩු තීන්දුවල මූළික කොටස්වැනි විෂය කරුණූ නීති විද්යාලයේ අධ්යන කටුයුතුවලදී අපට අතිශය වැදගත් වේ.
එසේම නීතියක් සම්මත වන ක්රමය,ඒ හා බැදි පාර්ලිමේන්තු ක්රියා පටිපාටිය සහ ශ්රී ලංකාවේ නීති පද්ධතිය වැනි කොටස් නීති විද්යාලයේදී වැඩිදුරටත් අධ්යන කිරීම සිදුකරයි.
ප්රථම වසරේදී නීති විද්යාලයේ නියමිත විෂයක්වන නීති ඉතිහාසය කොටසේදී,නීති පද්ධතිය පිළිබඳව පාඨමාලා ග්රන්ථයේ ඇති විෂය කොටස්මඟින් ලබා ගන්නා මූළික අවබෝධය අතිශය වැදගත්ය.
03.මූලික අයිතිවාසිකම් සහ ආණ්ඩුක්රම ඉතිහාසය වැනි සුවිශේෂී වටිනාකමක් ඇති විෂය කොටස් සහිත “ආණ්ඩුක්රම ව්යවස්ථාව 1” පාඩම,පාඨමාලා ග්රන්ථයේ ඇති තුන්වන පාඩමයි.මෙමගින් නීති විද්යාලයේ ප්රථම වසරේදී අධ්යනය කිරීමට ඇති ආණ්ඩුක්රම ව්යස්ථා නීතිය සහ නීති ඉතිහාසය යන විෂයන් දෙක සඳහාම අතිශය වැදගත් මූලික දැනුමක් ලබා දේ.මෙහිදී,නීති ඉතිහාසය විෂය සඳහා,ආණ්ඩුක්රම ව්යවස්ථා ඉතිහාසය කොටස අතිශය වැදගත්වේ.ඒසේම බල බෙදීම වැනි පාඨමාලා ග්රන්ථයේ ඇති අනුමාතෘකාවන්ද මෙහිදී අතිශය වැදගත්ය.
04.විධායකය ඇතුලු රටක මූලික පාලන ඒකකයන් පිළිබඳව විස්තරාත්මකව කරුණු සඳහන් වන පාඨමාලා ග්රන්ථයේ ඇති “ආණ්ඩුක්රම ව්යවස්ථාව 2” පාඩම සමස්ථ නීති විද්යාලයේ වසර තුනක කාලය පුරාවටම අතිශය වැදගත්වන විෂයන් රාශියකට අවශ්යවන මූළික දැනුම ලබාදෙයි.විශේෂයෙන් අවසාන වසරේදී සිවිල් නඩු විධාන සංග්රහය,අපරාධ නඩු විධාන සංග්රහය වැනි අතිශය වැදගත් විෂයන් වලට අවශ්ය,අධිකරණ පද්ධතිය පිළිබඳව මූලික අවබෝධය ලබා දීම සිදුවන්නේ මෙම පාඨමාලා ග්රන්ථයේ මෙම පාඩමිනි.එසේම ප්රථම වසරේදී වැදගත් විෂයන් වන කාර්මික නීතිය විෂය සඳහාද අවශ්යවන කරුණු මෙම පාඩමේ ඇත.ආණ්ඩුක්රම ව්යවස්ථා නීතිය විෂය සඳහාද අවශ්යවන විශේෂ කරුණු,එනම් ජනාධිපතිවරයාගේ බලතල,ව්යස්ථාදායකය වැනි මූලික දැනුම ලබා දෙන්නේ මෙම කොටසිනි.
එසේම විනිසුරුවරුන් පත්කිරීම,අධිකරණයේ ස්වාධීනතාවය,මෑත කාලීන ආණ්ඩුක්රම ව්යවස්ථා සංශෝධන වැනි අතිශය වැදගත් විෂය කොටස් ගණනාවක්ම මෙම පාඩම මඟින් ආවරණය වේ.
05.එක්සත් ජාතීන්ගේ සංවිධානය සහ ජාත්යන්තර නීතියට අවශ්යවන විෂය කොටස් බොහෙමයක් පස්වන පාඩමෙන් ආවරණය වේ.දෙවන වසරේදී නීති විද්යාලයේදී අධ්යනය කිරීමට ඇති ජාත්යන්තර නීතිය විෂය සඳහා මෙම පාඩම ඍජුවම සම්බන්ධය.එසේම ජාත්යන්තර අධිකරණය සහ ඒ ආශ්රිත විෂය කොටස්ද මෙහිදී ආවරණ කෙරේ.
06.නීතිඥවරුන්ගේ ආචාර ධර්ම පිළිබඳව විෂයක් අවසාන වසරේදී නීති විද්යාලයේදී අධ්යනය කෙරේ.මේ සඳහා අවශ්ය මූලිකාංග සියල්ලම පාඨමාලා ග්රන්ථයේ ඇති අවසාන පාඩමවන “නීතිඥ වෘත්තිය සහ සමාජයේ නීතිය” මඟින් සාකච්ඡා කෙරේ.මෙහිදී ආචාර්ය A.R.B අමරසිංහ මැතිතුමාගේ කෘතියක්වන Professional Ethics and Responsibilities of Lawyers නම් කෘතිය පිළිබඳව පවා පාඨමාලා ග්රන්ථයේදී සාකච්ඡා කෙරේ.නීති විද්යාලයේ අවසාන වසරේදී අප විසින් නීතිඥවරුන්ගේ ආචාර ධර්ම පිළිබඳව ප්රධාන වශයෙන්ම අධ්යනය කරන්නේද මෙතුමාගේ කෘතිය සහ ඒ ආශ්රිත කරුණුය.එමඟින් පැහැදිලි වන්නේද,පාඨමාලා ග්රන්ථය සහ නීති විද්යාලයේ අධ්යන කටයුතු අතර ඇති මනා සම්බන්ධයයි.
සාමාන්ය ජීවිතයේදී “නීතියේ පසුබිම” අධ්යනය කිරීමේ වැදගත්කම
01. මෙම කොටසින් ආවරණය වන අධිකරණ පද්ධතිය වැනි විෂය කොටස් සාමාන්ය ජනතාවට අතිශය වැදගත් දැනුම් සම්භාරයක් ලබාදෙන කොටසකි.
02. මූළික අයිතිවාසිකම් පිළිබඳව ඇති ප්රතිපාදන සහ ඒවා සමඟ අදාළව ඇති අයිතිවාසිකම් පිළිබඳව ජනතාව දැනුවත් වීම මේ නිසා සිදුවන අතර සාමාන්ය ජනතාවගේ නෛතික සාක්ෂරතාවය මේ නිසා අනිවාර්යෙන්ම වර්ධනය වේ.
03. පොලීසිය,බන්ධනාගාරය වැනි ආයතන පිළිබඳව ලබා ගන්නා දැනුම නිසාවෙන්,අපරාධ යුක්තිය පසිඳලීමේ යාන්ත්රණය පිළිබඳව යම් අවබෝධයක් මෙම පාඨමාලාව හදාරණ පුද්ගලයන්ට ලැබේ.
04. රටක මූළික ව්යුහයවන නීති සෑදීමේ ආයතන,නීතිය ක්රියාත්මක කිරීම,ආරවුල් විසඳීම වැනි මූළික පාලන රාමුව පිළිබඳව මනා අවබෝධයක් ලබා ගත හැකිවීම.
05. නීති ප්රවේශයේදී ආවරණය කරනු ලබන ප්රායෝගික ජීවිතයට අවශ්ය කරුණු සහ ඒ හා සම්බන්ධ දැනුම,සාමාන්ය ජීවිතයේදී අතිශය වැදගත් වීම.(විවාහය,රැකියා ස්ථානවලට අදාල නීතිමය දැනුම,අපරාධ නීතිය පිළිබඳ දැනුම වැනි විශාල පරාසයක නීතිමය දැනුමක්ද මෙහිදී ආවරණය කෙරේ)
විසඳීමට ඇති සැබෑ ප්රශ්න
01. සිංහල භාෂාවෙන් මූලික ප්රශ්න පත්රය නොසාදන්නේ ඇයි?
02. 1999දී පැවැති ක්රමයෙන්,මෙම නව පාඨමාලා ග්රන්ථය ආශ්රිත ක්රමයට අවතීර්ණවූ සැබෑ හේතු සාධක අමතක කොට,යළිත් එම පැරණි ක්රමයට යෑමට උත්සහ කරන්නේ ඇයි?
03. මාස 6ක් වැනි කාළයක් තිබියදී,කිසිදු පරිවර්තන කාලසීමාවක් නොදීමෙන්,සමස්ථ විෂය නිර්දේශය වෙනස් කිරීමෙන් දැඩි අසහනයට පත්වන බහුතරයක් සිසුන් නොසළකා ඇත්තේ ඇයි?
05. යෝජිත නව ක්රමයට අනුව,වැඩි වාසි සැළසෙන්නේ කාටද?
06.පරිපූර්ණ විෂය නිර්දේශයත් තිබියදී,නීතියට කිසිඳු සම්බන්ධයක් නොමැති,සාමාන්ය දැනීම,බුද්ධි පරීක්ෂණය වැනි කරුණු මත සිසුන් තොරා ගැනීමෙන් ඇතිවන ප්රයෝජනය කුමක්ද?එමඟින් විභාගය අසමත් වන සිසුනට අවම වශයෙන් නීතිය පිළිබඳ සාමාන්ය අවබෝධයක් හෝ ලැබෙන්නේද?
-Chandana udagedara-
