Al-Manar Central College, Maruthamunai

31/07/2026

🎓🌟 47ஆவது உயர்தர தின விழா – 2026 🌟🎓

KM/KM/AL-MANAR CENTRAL COLLEGE, MARUTHAMUNAI இன் 47ஆவது உயர்தர தின விழா பாடசாலையின் அஷ்ரஃப் மண்டபத்தில் சிறப்பாகவும் கோலாகலமாகவும் நடைபெற்றது.

இந்நிகழ்விற்கு பாடசாலை அதிபர் திரு. I. உபைத்துல்லாஹ் (SLPS-I) அவர்கள் தலைமை தாங்கினார்.

பிரதம அதிதியாக திரு. ரஹ்மத் முன்சூர் அவர்களும்,
கௌரவ அதிதியாக சட்டத்தரணி திரு. M.A. Mohamed Aspeel அவர்களும்,
விசேட அதிதியாக திரு. MIM. Nafeel (IBSL) அவர்களும் கலந்து கொண்டு மாணவர்களுக்கு வாழ்த்துக்களையும் பயனுள்ள வழிகாட்டல்களையும் வழங்கினர்.

✨ இந்நிகழ்வில் உயர்தர மாணவர்களின் கல்விச் சாதனைகள் பாராட்டப்பட்டதுடன், அவர்களின் எதிர்கால உயர்கல்வி மற்றும் தொழில் இலக்குகளை ஊக்குவிக்கும் பல்வேறு நிகழ்ச்சிகளும் இடம்பெற்றன.

🤝 மேலும், இந்நிகழ்வில் பிரதி அதிபர்கள், உதவி அதிபர்கள், பகுதி தலைவர்கள், பாட ஆசிரியர்கள், கல்விசாரா ஊழியர்கள், பாடசாலை அபிமானிகள், பாடசாலை அபிவிருத்திச் செயற்குழு உறுப்பினர்கள், பழைய மாணவர் சங்க உறுப்பினர்கள், பெற்றோர்கள் மற்றும் மாணவர்கள் எனப் பலரும் கலந்து கொண்டு நிகழ்வை சிறப்பித்தனர்.

20/07/2026

🎉 இதயம் கனிந்த வாழ்த்துக்கள்!

எமது பாடசாலை அதிபர் திரு. I. உபைதுல்லாஹ் (SLPS) அவர்கள் Sworn Translator ஆக சத்தியப்பிரமாணம் செய்திருப்பதையொட்டி, அவர்களுக்கு எமது மனமார்ந்த வாழ்த்துக்களைத் தெரிவித்துக் கொள்கிறோம்.

அவர்களின் கல்விச் சேவையும் சமூகப் பணியும் மேலும் சிறக்க, எல்லாம் வல்ல அல்லாஹ்வின் அருளும் ஆசீர்வாதமும் கிடைக்கப் பிரார்த்திக்கிறோம்.

💐 இதயம் கனிந்த வாழ்த்துக்கள்!

17/07/2026

மருதமுனை அல்மனார் மத்திய கல்லூரியின் சுபைர் இப்ராஹிம் மாநாட்டு மண்டபத்தில், புதிதாக இணைக்கப்பட்ட தரம் 12 கலை, வர்த்தக மற்றும் தொழில்நுட்பப் பிரிவு மாணவர்களுக்கான அறிவூட்டல் கருத்தரங்கு நேற்று (17.07.2026) அதிபர் Mr. I. Ubaithullaa அவர்களின் தலைமையில் சிறப்பாக நடைபெற்றது.

இந்நிகழ்வில் கல்லூரியின் பழைய மாணவரும் சட்டத்தரணியுமான AG. Prem Navath LLB அவர்கள் சிறப்பு பேச்சாளராகக் கலந்து கொண்டு, இறைநம்பிக்கை, நல்ல நட்பு, தெளிவான இலக்கு, ஒழுக்கம் மற்றும் விடாமுயற்சியின் அவசியத்தை வலியுறுத்தி மாணவர்களுக்கு பயனுள்ள வழிகாட்டல்களையும் ஊக்கமூட்டும் கருத்துக்களையும் பகிர்ந்தார்.

மாணவர்களின் எதிர்காலப் பயணத்திற்கு வழிகாட்டியாக அமைந்த இந்நிகழ்வை சிறப்பித்த AG. Prem Navath LLB அவர்களுக்கு கல்லூரி சமூகத்தின் சார்பில் மனமார்ந்த நன்றிகளும் பாராட்டுகளும் தெரிவிக்கப்பட்டன.

13/07/2026

13/07/2026

அல்-மனார் மத்திய கல்லூரியில் "சுபைர் இப்ராஹிம் மாநாட்டு மண்டபம்" திறந்து வைப்பு

KM/KM/அல்-மனார் மத்திய கல்லூரியின் "சுபைர் இப்ராஹிம் மாநாட்டு மண்டபம்" 2026 ஜூலை 13 திங்கட்கிழமை பாடசாலை அதிபர் ஐ. உபைதுல்லாஹ் அவர்களின் தலைமையில் உத்தியோகபூர்வமாக திறந்து வைக்கப்பட்டது.

இந்நிகழ்வின் பிரதம அதிதிகளாக, அல்-மனார் மத்திய கல்லூரியின் பழைய மாணவரும், மாநாட்டு மண்டபத் திட்டத்தின் முழுமையான அனுசரணையாளருமான அல்-ஹாஜ் எம்.ஐ.எம். சுபைர் (Senior Advisor – UNHCR) அவர்களும், அவரது துணைவியார் திருமதி முனீரா சுபைர் அவர்களும் கலந்து கொண்டு மாநாட்டு மண்டபத்தை திறந்து வைத்தனர்.

இந்நிகழ்வில் பிரதி அதிபர்கள், உதவி அதிபர்கள், பகுதி தலைவர்கள், ஆசிரியர்கள், பாடசாலை அபிவிருத்திச் சங்கம் மற்றும் பழைய மாணவர் சங்க உறுப்பினர்கள், பாடசாலை அபிமானிகள், நலன்விரும்பிகள், பெற்றோர், மாணவர்கள் உள்ளிட்ட பெருந்திரளானோர் பங்கேற்றனர்.

நிகழ்வில் உரையாற்றிய அல்-ஹாஜ் எம்.ஐ.எம். சுபைர் அவர்கள், "வாழ்க்கையில் உயர்ந்த நிலையை அடைவதற்கு தொடர்ச்சியான முயற்சியும் இடையறாத கற்றலும் அவசியம். பின்னணி அல்லது வசதிகள் வெற்றியை நிர்ணயிப்பதில்லை. விடாமுயற்சியுடனும் அறிவைப் பெருக்கிக்கொள்ளும் மனப்பாங்குடனும் செயற்பட்டால் எவரும் வாழ்வின் உச்சத்தை அடைய முடியும்" என மாணவர்களுக்கு அறிவுறுத்தினார்.

தொடர்ந்து, பாடசாலைக்காக வழங்கிய அளப்பரிய பங்களிப்பைப் பாராட்டி அல்-ஹாஜ் எம்.ஐ.எம். சுபைர் மற்றும் திருமதி முனீரா சுபைர் ஆகியோருக்கும் நினைவுச் சின்னங்கள் வழங்கி கௌரவிக்கப்பட்டது.

பாடசாலையின் கல்வி, நிர்வாக மற்றும் இணைப்பாடவிதான செயற்பாடுகளுக்கு இம்மாநாட்டு மண்டபம் எதிர்காலத்தில் முக்கிய பங்களிப்பை வழங்குவதுடன், நூற்றாண்டைக் கடந்த அல்-மனார் மத்திய கல்லூரியின் வரலாற்றில் புதிய மைல்கல்லாகவும் அமைந்துள்ளது.

04/07/2026

🏆எமது பாடசாலை அணி மாவட்ட சாம்பியன் 🏆

அகில இலங்கை பாடசாலைகள் உதைப்பந்தாட்டச் சம்மேளனம் நடத்திய 16 வயதுக்குட்பட்ட (U-16) மாவட்ட மட்ட உதைப்பந்தாட்டப் போட்டியில், எமது பாடசாலை அணி மாவட்ட சாம்பியன் பட்டத்தை வென்றுள்ளது.

இவ்வெற்றியின் மூலம் எமது அணி அகில இலங்கை மட்டப் போட்டிக்கு தகுதி பெற்றுள்ளது.

தேசிய மட்டப் போட்டியில் வெற்றி பெற எமது அணிக்கு மனமார்ந்த வாழ்த்துகள்! ⚽🏆

04/07/2026

🏆🥈 மாகாண மட்ட கரம் போட்டி – வெள்ளிப் பதக்கம் 🥈🏆

எமது KM/KM/AL-Manar Central College, Maruthamunai மாணவிகள் மாகாண மட்ட Under-20 பெண்கள் கரம் போட்டியில் வெள்ளிப் பதக்கத்தை வென்று பாடசாலைக்கு பெருமை சேர்த்துள்ளனர்.

இவ்வெற்றிக்காக மாணவிகளை வழிநடத்திய பிரதி அதிபர்கள், உதவி அதிபர்கள், உடற்கல்வி ஆசிரியர்கள், விளையாட்டு பயிற்றுவிப்பாளர்கள் மற்றும் ஒத்துழைப்பு வழங்கிய அனைவரையும் மனமார வாழ்த்தி நன்றிகளைத் தெரிவித்துக் கொள்கின்றோம்.

🎉 வாழ்த்துக்கள்! மேலும் பல வெற்றிகளைப் பெற வாழ்த்துக்கள். 🎉

அதிபர் : ஐ. உபைதுல்லா

🥈🏆

04/07/2026

2027/2028 உயர்தரப் பிரிவுகளில் கல்வி கற்கவுள்ள புதிய மாணவர்களுக்காக “திசைமுகப்படுத்தல் செயலமர்வு – 2026”
🎯 “தெளிவான திசை... வெற்றியின் அடிப்படை...”

03/07/2026

G.C.E. O/L EXAMINATION 2025 (2026) – RESULT SUMMARY
க.பொ.த சாதாரண தரப் பரீட்சை – 2025 (2026) பெறுபேற்றுச் சுருக்கம்

24/06/2026

2027/28 ஆம் ஆண்டுக்கான உயர்தர மாணவர் விண்ணப்பங்கள் ஆரம்பம்.
#அல்மனார்மத்தியகல்லூரி