Kumara TV

Members Of Saddarmavahini Media Network @ 2025

"Evolve 2025"
“Transforming ideas into impact.”
පාසල් ජනමාධ්‍යවේදී නිළලාංඡන පැළඳවීම උත්සවය

තෙප්පනාව කුමාර මහා විද්‍යාලයීය සද්ධර්මවාහිනී මාධ්‍ය ජාලයේ මෙහෙයවීමෙන්, පාසල් ජනමාධ්‍යවේදීන්ගේ හරිත සාමාජික හා පරිපාලන නිල ලාංඡන පැළඳවීමේ උත්සවය ඊයේ දින (2025-10-15) විද්‍යාලීය පරිශ්‍රයේදී සිදුකෙරිණි.

මෙහිදී, අධ්‍යයන පාඨමාලාවලට සම්බන්ධවෙමින් සුදුසුකම් සම්පූර්ණ කර ගත් පාසල් ජනමාධ්‍යවේදීන්ට හරිත සාමාජික නිල ලාංඡන සහ මාධ්‍ය ජාලයේ පරිපාලන නිලධාරීන්ට පරිපාලන ලාංඡන පැළඳවීම විද්‍යාලයීය ගරු විදුහල්පතිනි, එහෙම මාලා නාවලගේ මැතිණියගේ ප්‍රධානත්වයෙන් සිදු කෙරුණි.

🎦 Introductions to Journalism
🎦 Media ethics and Rules
🎦 Communication techniques
🎦 News gathering and editing techniques
🎦 Interview skills
🎦 Computer basics
🎦 Photography techniques
🎦 Multimedia softwares
🎦 Audio control techniques
🎦 Word processing software
🎦 Powerpoint Software

ආදී විෂය ක්ෂේත්‍ර ගණනාවක් ඔස්සේ ඔවුන් පසුගිය දිනවලදී පුහුණු වැඩ මුළු වලට සහභාගී වූ අතර ඉන් සාර්ථකව සමත් පාසල් ජනමාධ්‍යවේදීන් 43 දෙනෙකු සද්ධර්මවාහිනී මාධ්‍ය ජාලයේ හරිත සාමාජිකත්වය ලබා ගැනීම සඳහා නිර්දේශ විය.

- Saddarmavahini NEWS 24

"සෙනෙහසින් රකින්නට - එන්න කුමර මව් තුරුළට"

ලෝක ළමා දින සැමරුම 2025

තෙප්පනාව කුමාර මහා විද්‍යාලයේ ලෝක ළමා දින සැමරුම පසුගියදා (2025-10-01) විද්‍යාලීය පරිශ්‍රයේදී සිදු විය. විදුහල්පති තුමිය ඇතුළු ආචාර්ය මණ්ඩලයේ ගුරු මහත්ම/මහත්මීන් විසින් පාසලට ඇතුළුවන සියලුම දරුවන් නිල ලාංඡන පැළඳවීමෙන් පිළිගත්හ.

පසුව දරුවන් වෙනුවෙන් මඤ්ඤොක්කා හා දිවා කාලයේ දී අයිස් ක්‍රීම් සංග්‍රහයක්ද පැවැත්වූ අතර පන්ති භාර ගුරු මහත්ම/මහත්මීන් විසින් තිළිණ ප්‍රදානයක් ද සිදුවිය.

ඉන් පසුව, ගුරු මහත්ම/ මහත්මීන් දරුවන් වෙනුවෙන් ප්‍රාසාංගික ඉදිරිපත් කිරීම් රැසක් සිදුකළහ.

- Saddarmavahini MediaUnit , Kumara TV NEWS 24

තෙප්පනාව කුමාර මහා විද්‍යාලයීය විවාද කණ්ඩායම විසින් සංවිධානය කරන ලද ප්‍රදර්ශනාත්මක විවාද තරඟය ඊයේ දින (2026-09-30) කවි මකරන්ද වැඩසටහන් පසුව විද්‍යාලයීය ප්‍රධාන ශාලාවේ දී පැවැත්විණි.

Saddarmavahini News 24

"කවි මකරන්ද"

සාහිත්‍ය මාසය තේමා කර ගෙන ර/තෙප්පනාව කුමාර මහා විද්‍යාලයේ සිංහල අංශය විසින් සංවිධානය කරන ලද,
"කවි මකරන්ද" දෙවන දිග හැරුම
කාව්‍ය රසවින්දන වැඩසටහන,
කැලණිය විශ්ව විද්‍යාලයේ මානව සම්පත් කළමනාකරණ අධ්‍යයනාංශයේ ජ්‍යෙෂ්ඨ කථිකාචාර්ය, තරිඳු ධනංජය මැතිතුමාගේ ප්‍රධානත්වයෙන් ඊයේ දින (2025-09-30) පෙ.ව.8.00 සිට විද්‍යාලයීය ප්‍රධාන ශාලාවේ දී පැවැත්විණි.
කුමාර මහා විද්‍යාලයේ දූ පුතුන්ගේ සාහිත්‍ය දැනුම සංවර්ධනය කිරීමෙහිලා මෙම වැඩසටහන ඉවහල් විය.

Saddarmavahini News 24

"කුමරාභිෂේක 2025" තෙප්පනාව කුමර මහා විද්‍යාලයේ ශිෂ්‍ය නායක නායිකාවන්ගේ නිලලාංජන පැළඳවීමේ උත්සවය හා සමස්ත ලංකා නර්තන ජයග්‍රහණ ලබාගත් දරුවන් ඇගැයීමේ උත්සවය ඊයේ දින (2025-09-18) ප්‍රධාන ශාලාවේදී පැවැත්විණ.

තෙප්පනාව කුමාර මහා විද්‍යාලයේ විදුහල්පති, පී.එච්.නාවලගේ මැතිනියගේ අනුශාසකත්වය පරිදි ශිෂනායක සංසදය මඟින් සංවිධානය කරන ලද මෙම උත්සවය, තෙප්පනාව මනන්දනාරාම විහාරාධිපති,ශාස්ත්‍රපති, තෙප්පනාවේ තිලකසිරි නාහිමියන්ගේ හා සබරගමු පළාත් සෞන්දර්ය අධ්‍යාපන අධ්‍යක්ෂ, දුමින්ද සේනානායක මහතාගේ ප්‍රධානත්වයෙන්, අවට විද්‍යාලවල විදුහල්පති මහත්ම මහත්මීන් ඇතුළු සම්භාවනීය ආරාධිත අමුත්තන්ගේ හා දෙමාපියන්ගේ සහභාගිත්වයෙන් උත්කර්ෂව පැවැත්විණි.

- සද්ධර්මවාහිනී NEWS 24

💥 Spark 2025 💥
දෙදින ජනමාධ්‍ය කඳවුර
--------------------------------------
තෙප්පනාව කුමාර මහා විද්‍යාලයීය ශිෂ්‍ය ශිෂ්‍යාවන්ගේ නායකත්ව හා පෞරුෂත්ව ගුණාංග සංවර්ධනය කිරීම සහ මාධ්‍ය සාක්ෂරතාවය සංවර්ධනය කිරීමේ අරමුණින්,
විද්‍යාලයීය සද්ධර්මවාහිනී මාධ්‍ය ඒකකය මගින් සංවිධානය කළ,
Spark 2025 දෙදින නේවාසික ජනමාධ්‍ය කඳවුර, සැප්.04 හා 05 යන දෙදින විද්‍යාලයීය පරිශ්‍රයේදී අති සාර්ථකව පැවැත්විණි.

ර/තෙප්පනාව කුමාර මහා විද්‍යාලයේ ගරු විදුහල්පතිනි, P.H.නාවලගේ මැතිණියගේ අවසරය හා අනුශාසනා මත, සද්ධර්මවාහිනී මාධ්‍ය ඒකකය භාර ආචාර්ය, විෂය සමගාමී සහකාර විදුහල්පති, G.K.ප්‍රියංකර ජයවීර මහතාගේ සංකල්පයක් අනුව සද්ධර්මවහිනී මාධ්‍ය ජාලය මෙම දෙදින නේවාසික ජනමාධ්‍ය කඳවුර සංවිධානය කෙරිණි.

දේශන සඳහා පහත සම්පත් දායක මහත්ම මහත්මීන් නිසරාධ්‍යාසයෙන් සහභාගි විය.

1. ර/වැද්දාගල මහා විද්‍යාලයේ උපදේශන ගුරු, B.C.රණසිංහ මයා
2. ර/නවනගර කුමර විද්‍යාලයේ ආචාරිණී A.B.සුරේඛා සඳමාලි මිය
3. ර/ ඇහැලියගොඩ ප්‍රාථමික විද්‍යාලයේ ආචාර්ය, G.මහින්ද ගුණසිංහ මයා
4. ර/කුමාර මහා විද්‍යාලයේ ආචාර්ය, නුවන් කරුණාරත්න මයා
5. ර/කුමාර මහා විද්‍යාලයේ ආචාර්ය, ප්‍රියංකර ජයවීර මයා
5. ජනමාධ්‍යවේදී, අජිත් ලාල් ශාන්ත උදය මහතා
6. කුරවිට පරිගණක සම්පත් මධ්‍යස්ථානය භාර ආචාර්ය, දමින්ද රංගනාත් මහතා සහ i print ආයතනයේ නිලධාරීන්
7. ඡායාරූප ශිල්පී, ගයාන් මදුශංක මහතා සහ Studio G+ ආයතනයේ නිලධාරීන්
8. ශ්‍රව්‍ය තාක්ෂණ ශිල්පී, චානක සුරංග මහතා සහ Jay Sounds ආයතනයේ නිලධාරීන්
9. ර/සීවලී මධ්‍ය විද්‍යාලයීය මාධ්‍යය ඒකකය

මෙම වැඩසටහන සඳහා එම සම්පත් දායක මහත්ම මහත්මීන්ට අමතරව, ර/ සීවලී මධ්‍ය විද්‍යාලයේ නියෝජ්‍ය විදුහල්පති, සනත් වික්‍රමරත්න මහතා,
ර/හිදැල්ලන ආනන්ද විද්‍යාලයේ ආචාරණී අනූෂා රංජනී මහත්මිය,
තෙප්පනාව කුමර මහා විද්‍යාලයේ හිටපු සහකාර විදුහල්පති, U.පියසීලී මහත්මිය හා වත්මන ගුරු මහත්ම මහත්මීන් හා දරුවන්ගේ දෙමාපියන් සහභාගි විය.

- Kumara TV

නවක පාසල් ජනමාධ්‍යවේදීන් සවිබල ගැන්වීමේ ප්‍රථම වැඩමුළුව
-------------------------------------------------------------

ර/ තෙප්පනාව කුමාර මහාවිද්‍යාලයීය සද්ධර්මවාහිනී මාධ්‍ය ජාලයේ නවක සාමාජික පාසල් ජනමාධ්‍යවේදීන් තොරතුරු සන්නිවේදන තාක්ෂණයෙන් සවි බලගැන්වීමේ වැඩමුළුවක්, විද්‍යාලීය විදුහල්පති, එහෙම මාලා නාවලගේ මැතිනියගේ අනුශාසකත්වයෙන්, මාධ්‍ය ඒකකය භාර ආචාර්ය ප්‍රියංකර ජයවීර මහතාගේ සහ තොරතුරු සන්නිවේදන තාක්ෂණ ආචාර්ය ලක්ෂිත ජයරත්න මහතාගේ මෙහෙයවීමෙන් ඊයේ දින (2025-08-14) දවස පුරා තෙප්පනාව කුමාර මහා විද්‍යාලයේදී පැවැත්විණි.

https://youtu.be/XzrSNcXORrM?si=kU4D9bkDswZtV3bJ

"සමාඛ්‍යා 2024"
ර/තෙප්පනාව කුමාර මහා විද්‍යාලයීය ජනමාධ්‍ය දිනය.

Samaakya'24 - Media Day (2024-11-21) @AdaDerana_24 සිව්දෙස Samaakya'24 - Media Day (2024-11-21) of SADDARMAVAHINI MEDIA NETWORKR/ Theppanawa Kumara Maha Vidyalaya copied ‎@ AdaDerana_24 සිව්දෙස 2024-11-27 6.30 pm

මෙවර 5 ශ්‍රේණිය ශිෂ්‍යත්ව විභාගය සඳහා පෙනී සිටින දරු දැරියන් වෙනුවෙන්, ර/තෙ/කුමාර මහා විද්‍යාල‍යීය ආදී ශිෂ්‍ය සංගමය මඟින් සංවිධානය කරන සම්මන්ත්‍රණ මාලාවේ පළමුවැන්න ඊයේ දින (2025-07-21) විද්‍යාලයේ දී පවත්වන ලදී.

මෙහි ප්‍රධාන දේශක ලෙස, සිරස නාලිකාවේ ගම්මැද්ද තක්සලාව හා විදැස දේශක, D.S.සේනානායක විද්‍යාලයේ ආචාරණී, එස්.එම්.එච්.වර්ණතිලක මහත්මිය විසින් පවත්වන ලද අතර, ඒ සඳහා අවට පාසල් වලද දූ පුතුන් සහභාගි විය.

තෙප්පනාව කුමර මහා විද්‍යාලයේ සංගීත අංශය, සමස්ත ලංකා පාසල් සංගීත තරගාවලියේ රත්නපුර කලාපයේ ප්‍රථම ස්ථානය ජයග්‍රහණය කරයි.

සමූහ වාදනය විවෘත - ප්‍රථම ස්ථානය
ඒකල වයලින් - ප්‍රථම ස්ථානය
ඒකළ ගායනය - දෙවැනි ස්ථානය

රත්නපුර කලාපයේ ප්‍රථම ස්ථානය ලබාගත් කණ්ඩායම් ඉදිරියේදී පැවැත්වීමට නියමිත සබරගමු පළාත් තරගය සඳහා යොමු වීමට නියමිතයි.

විද්‍යාලයේ සංගීත අංශයට සද්ධර්මවාහිනී මාධ්‍ය ජාලයේ උණුසුම් සුභපැතුම්..

- SADDARMAVAHINI NEWS 24