25/01/2025
දිවි සැරිය නිමාකල සහෘදයන් වෙනුවෙන් 2003 අපි...
අප සමගින් ම හැදී වැඩී, අප සමගින් ම අකුරු කරන ලද, නමුත් අකාලයේ දිවි සැරිය නිම කොට
නික්ම යාමට සිදු වූ අපේ ම සහෘදයන් අපට අමතක නැත. ඔවුන්ගේ පරලොව දිවිය සුවපත් කරනු පිණිස, සිදුකරන්නට යෙදෙන පිංකම් මාලාවේ පලමු අදියර වූ සාංඝික දානමය පුණ්යකර්මය ඉතාමත් ම සාර්ථකව 2003 අපි බොහෝ දෙනෙකුගේ සහභාගිත්වයෙන් සහ දායකත්වයෙන් සම්පූර්ණ කරන ලදී.
අප සමග අකුරු කල අප සමග හැදී වැඩුණු
❕ප්රභාත් සංජය ජයසිංහ (කුඹුක්ගැටේ)
❕ දිනේෂ් පද්මකුමාර හේරත් ( මීලියද්ද)
❕ ප්රියානි විජේවර්ධන(කුඹුක්ගැටේ)
❕ලසන්තිකා වික්රමාආරච්චි(ගල්ටැන්වැව)
යන අපේම සොයුර සොයුරියන්ට පින් පැමිණවීම පිණිස ඉබ්බාගමුවේ දී 2025 ජනවාරි මස 19 වැනි දින, ගෞරවණීය ස්වාමින් වහන්සේලා 7 නමක් විෂයෙහි දහවල් දානමය වශයෙන් සංඝගත දක්ෂිණාවක් පැවැත්විණ. එම අවස්ථාවට ඔවුන්ගේ පවුල් වල සුජීවත් ව සිටින මාපියන් සහෝදර සහෝදරියන් ජීවන සහකාරියන් සහ දුවා දරුවන් ඇතුලු පවුලේ සාමාජිකයින් ද සහභාගි විය.
මෙම උතුම් පින්කම උදෙසා වැඩමවා වදාළ අතිපූජ්ය කොත්මලේ ධම්මප්රිය ස්වාමීන් වහන්සේ ඇතුලු මහා සංඝරත්නයට දෙපා නැමද ස්තුති පූර්වක පුණ්යානුමෝදනාව පිරිනමන්නෙමු.
එමෙන් ම, අපේ කාලයේ අපේ විදුහල්පතිතුමා වූ යූ.එම්. සමරවික්රම විදුහල්පතිතුමා ද එම මැතිණිය ද අප සමග එකතු වී අප හට එදා මෙන් ම අදත් යෝධ ශක්තියක් වූ අතර එතුමාටත් එම මැතිණියටත් ස්තුති පූර්වක පුණ්යානුමෝදනාව පිරිනමන්නෙමු.
එමෙන් ම, එම පින්කම උදෙසා ශක්තියක් වූ, 2003 අපි සැම අතරින් මෙම පින්කමට පෙරත් එම මොහොතේත් පසුවත් යන තුන් මොහොතේ ම ශ්රමයෙන් සහ ධනයෙන් මෙන් ම වදනකින් හෝ ශක්තියක් වූ සැමටත් ස්තුති පූර්වක පුණ්යානුමෝදනාව පිරිනමන්නෙමු.
මේ පින් බලයෙන් අපගේ දිවි සැරිය නිම කරන ලද සොයුර සොයුරියන්ගේ පරලොව ජීවිතය සුඛිත වෙත්වා, සුගති සම්පත් හිමි වෙත්වා, නිර්වාණ සුවයම අත්වෙත්වා! ඒ අයගේ පවුලේ සුජීවත් ව සිටින සියලු දෙනා ට නිදුක් නීරෝගී සුව දීර්ඝායුෂම වෙත්වා!
එමෙන් ම, අප සැමටත් පවුල් වල මා පිය දූ දරු ස්වාමි භාර්යා ආදී සියලු දෙනාටමත්
නිදුක් නීරෝගී සුව පිණිස, දීර්ඝායුෂ පිණිස, සහ සියලු කටයුතු හොදින් සාර්ථක වීම පිණිසත් මේ පින් හේතු වාසනා වේවා!
2003 අපි හෘදයාංගම සහෘදත්වයෙන්, සැමට,
එක්සත් ව එක්සිත් ව, තවත් බොහෝ බොහෝ සත් ක්රියා සිදු කිරීමට වාසනාව උදා වේවා!
