08/06/2025
ශුද්ධාත්ම ආගමන මංගලෝත්සවය [පෙන්තකෝස්ත මංගල්යයයි.]
එදා මරිය තුමිය දෙවියන් වහන්සේගේ වචනයට ''අමේන්'' කියා දේව කැමැත්තට ඉඩ දුන්නා. ඒ නිසා අපට ගැලවුම් කරුවෙක් මෙලොවට උපන්නා. දෙවියන් වහන්සේගේ කැමැත්ත අනුව උන් වහන්සේ අපේ පව් සියල්ල ශ්රී කුරුසිය තුලින් කර දරා උකුත් වී උත්ථාන උනා. උන් වහන්සේ උත්ථාන උනේ දෙවි පියාණන් වහන්සේ උන් වහන්සේට දුන් දූත කාර්යය අප තුලින් කරන්නට ශුද්ධාත්ම බලය, ශක්තිය හා මග පෙන්වීම දානය කරමිනුයි. ක්රිස්තුස් වහන්සෙගේ උත්ථානයෙන් පසු බියෙන් සේනාකුළු මන්දීරයේ සැගවී සිටි අප මරි මවුන් ඇතුළු එකසිය විසි දෙනෙකු පමන වූ පිරිසක් මත ශුද්ධාත්මයාණන් වැඩම කලේ ඔවුන්ගේ බිය අළු කර දමන්නට ගිනි දල්ලක් ආකාරයෙනි. එයින් ලද බලයෙන්, ශක්තියෙන් හා ශුද්ධාත්ම මග පෙන්වීම තුලින් ලෙඩුන් සුව කරමින්, පිඩිතයින්ට ශක්තියක් වෙමින්, අසරණයින්ට පිහිට වෙමින් දෙවියන් වහන්සේගෙ වචනය බෙදා දෙමින් ක්රිස්තුස් වහන්සේගේ සේවය දිගටම කර ගෙන ගියා.
එදා ජුදා ජාතිකයින් පාස්කු මංගල්යයෙන් පසු උදාවන පනස් වන දිනය එනම් අස්වැන්න මංගල්යය පෙන්තකෝස්ත මංගල්යය ලෙස ඉතා උත්කර්ෂවත් ලෙස පැවැත්වූ අතර අද නව ගිවිසුමේ ක්රිස්තුස් වහන්සේගේ උත්ථානයෙන් පසු ශුද්ධාත්මයාණන් මරි මවුන් ඇතුළු අපෝස්තුළුවරුන් වෙත වැඩම කිරීම අද අපි සමරන්නෙමු.
''ආදර දෙවි පියාණනී, මටත්, මෙය කියවන සහෝදර සහොදරියන්ටත්, අප පවුල් වලට හා මෙලොවෙහි සිටින සියළුම දෙනාහටත් ඔබ වහන්සේගේ වචනය අනුව කීකරුව ජීවත් වෙමින් එය අන් අය සමඟ බෙදා ගන්නටත් අවශ්ය බලය, ශක්තිය හා මග පෙන්වීම ලබා දුන මැනව ආමේන්..
