Kilinochchi Maha Vidyalayam

படித்ததில் எனது மனதை தொட்டது :
ஓர் வார இறுதிக்குபின் திங்கட்கிழமை காலை வகுப்பினுள் நுழைகிறார் ஆசிரியை சுமதி அவருக்கு ஒரு வழக்கம் இருந்தது.

அதுதான் வகுப்பறைக்குள் நுழைந்ததுமே மாணவர்களைப்பார்த்து 'Love you all!' என்று சொல்வது. அவர் பொய் சொல்கிறார் என்று அவருக்கே தெரியும்.

ஏனெனில் அந்த வகுப்பிலுள்ள ஒரேயொரு மாணவனை மட்டும் அவரால் நேசிக்கமுடியவில்லை. ஒழுங்காய் உடுத்தாத, எதிலுமே ஒழுங்காய் இல்லாமல் சுட்டிக்காட்டுவதற்கு எந்தவொரு பொசிடிவ் அட்டிடியூடும் இல்லாத 'டெடி'என்கிற தியோடர்! அவனுடன் மட்டும் ஆசிரியை சுமதி நடந்துகொள்ளும் விதம் வித்தியாசமானது! எந்தவொரு தவறான விஷயத்திற்கும் அவனையே உதாரணம் காட்டினார்.எந்த நல்ல விஷயத்திற்கும் அவனை நிராகரித்தார்.

அவ்வாண்டிற்கான காலாண்டு பரீட்சை வந்தது. முன்னேற்ற அறிக்கைகள் வகுப்பாசிரியர்களிடமிருந்து தலைமை ஆசிரியரின் கையெழுத்து க்கு அனுப்பப்பட்டது.

ரிப்போர்ட்களை ,மேற்பார்வை செய்து கையொப்பமிடுத்துக்கொண்டிருந்த தலைமை ஆசிரியர் ,ஆசிரியை சுமதியை அழைப்பு விடுத்தார்.

அவர் வந்ததும், 'முன்னேற்ற அறிக்கை என்பது ஒரு பிள்ளையின் முன்னேற்றத்தை அறிவிக்கவேண்டும். தன் பிள்ளைக்கும் ஓர் எதிர்காலம் உண்டென்ற நம்பிக்கையை பெற்றோருக்கு தரவேண்டும்! நீங்கள் எழுதியிருப்பதை பார்க்கும்போது பெற்றோர் அவன்மீது நம்பிக்கை இழந்துவிடுவார்கள்!’ என்று கேள்விக்குறியுடன் டெடியின் முன்னேற்ற அறிக்கையை காட்டிக்கேட்டார்.

உடனே சுமதி 'என்னால் ஒன்றுமே செய்யமுடியாது. அவனைப்பற்றி எழுதுவதற்கு என்னிடம் ஒரு நல்ல விஷயம்கூட இல்லை!' என்றார்.

உடனே தலைமை ஆசிரியர் அங்குள்ள நிர்வாக ஊழியர் ஒருவரிடம் கடந்த ஆண்டுகளுக்கான டெடியின் முன்னேற்ற அறிக்கைகளை சுமதிக்கு கொடுக்குமாறுபணித்தார். அறிக்கைகள் வருகிறது. ஒவ்வொரு ஆண்டாய் விரித்துப்படிக்கிறார் சுமதி

மூன்றாம் வகுப்பறிக்கை சொன்னது ' வகுப்பின் மிகத்திறமையான மாணவன் டெடி'. தான் வாசித்ததை நம்பமுடியாமல் அதிர்ச்சியில் உறைந்துபோனார் சுமதி

நான்காம் ஆண்டறிக்கை சொன்னது. ' டெடியின் தாய் இறுதிநிலை கேன்சர் நோயால் பாதிக்கப்பட்டுள்ளார். அதனால் டெடி மீது முன்னர்போல அவரால் கவனம் செலுத்தமுடியவில்லை. அதன் விளைவு அவனிடம் தெரிய ஆரம்பித்திருக்கிறது. '

ஐந்தாம் ஆண்டின் அறிக்கை இவ்வாறு சொன்னது, "டெடியின் தாயார் இறந்துவிட்டார்.அவனுக்கு அவசரமாய் வழிகாட்டல் தேவைப்படுகிறது. இல்லையேல் நாம் அந்தக்குழந்தையை இழந்துவிடுவோம்.!'
கண்களில் கண்ணீருடன் சுமதி தலைமை ஆசிரியரைப்பார்த்து சொன்னார். 'என்ன செய்யவேண்டுமென்று எனக்கு தெரியும்.'

அடுத்த திங்கள் காலை ஆசிரியை வகுப்புக்கு சென்று பிள்ளைகளை பார்த்து வழக்கம்போல் 'Love you all 'என்றார். இம்முறையும் அவர் பொய் சொல்கிறார் என்று அவருக்குத்தெரியும். ஏனென்றால், தற்போது மற்றக்குழந்தைகளைவிட டெடி மீதிருக்கும் அவரது அன்பு அளவுகடந்திருந்தது... டெடியுடனான தன் அணுகுமுறையை உடனே மாற்றுவதென்று அவர் தீர்மானித்திருந்தார். அதன் பின்னர் ஒவ்வொரு நல்ல விஷயத்திற்கும் டெடியின் பெயர் உச்சரிக்கப்பட்டது. ஒவ்வொரு தவறான உதாரணங்களின்போதும் அவன் பெயர் கவனமாய் தவிர்க்கப்பட்டது…

அவ்வாண்டின் பள்ளி இறுதிநாள்
வந்தது. எல்லா மாணவர்களும் தம் ஆசிரியருக்கென பரிசுகள் கொண்டுவந்திருந்தார்கள். அதற்குள் ஒரு பொட்டி மட்டும் ஓர் பழைய செய்தித்தாளால் சுற்றப்பட்டிருந்தது. ஆசிரியை சுமதி க்கு அதை பார்த்ததுமே அது டெடியிடமிருந்துதான் வந்திருக்கவேண்டுமென உள்ளுணர்வு சொல்லியது. முதலில் அதையே பிரித்தார். பிரித்ததும், அதனுள் பாதி உபயோகித்த சென்ட் பாட்டில் ஒன்றும், சில கற்கள் கழன்று விழுந்த பிரேஸ்லெட் ஒன்றும் இருந்தது. அது டெடியினது என்று புரிந்துகொண்ட முழு வகுப்பறையுமே சிரித்தது. ஒன்றுமே சொல்லாமல் ஆசிரியை சுமதி அந்த வாசனைத்திரவியத்தை தன்மீது பூசிக்கொண்டார். அந்த பிரேஸ்லெட்டை எடுத்து கையில் அணிந்துகொண்டார்.

மெல்லியதாய் ஒரு கால்வாசி புன்னகையுடன் டெடி சொன்னான்.'' இப்போது உங்களிடம் என் தாயின் வாசம் வருகிறது. இறக்குமுன் அவர் இறுதியாய் பாவித்த சென்ட் இதுதான். இந்த பிரேஸ்லெட்தான் பெட்டியுள் வைக்குமுன் அவர் உடலில் இருந்து அகற்றப்பட்டது!”

ஓராண்டு கழிந்தது. ஆசிரியை சுமதி மேசையில் ஓர் கடிதம் கிடந்தது. ''
‘I have seen few more teachers. But you are the best teacher I have ever seen’. With love Teddy.
ஒவ்வொரு ஆண்டு இறுதியிலும் ஒரு கடிதம் கிடைத்தது. அதே வரிகளுடன்…
‘I have seen few more teachers. But you are the best teacher I have ever seen’. With love Teddy.

ஆண்டுகள் பல வேகமாய் உருண்டன. அவர்களுக்கிடையேயான தொடர்பு எப்படியோ அறுந்துபோனது. ஆசிரியை சுமதி ஓய்வுபெற்றிருந்தார். பல ஆண்டுகளின் பின்னர் அவருக்கு ஒரு கடிதம் வந்து சேர்ந்தது. கடிதம் டாக்டர் தியோடரிடமிருந்து...

Mrs. Sumathi
‘I have seen many more people in my life. are the best teacher I have ever seen’, I am getting married. I cannot dream of getting married without your presence. This is your Teddy.
Dr. Theodore

அத்துடன் போய்வர விமான டிக்கட்டுக்களும் இணைக்கப்பட்டிருந்தன.ஆசிரியை சுமதிக்கு இருப்பு கொள்ளவில்லை. அவரிடம் அந்த சென்ட் பாட்டில் தற்போது இல்லை. பிரேஸ்லெட் பாதுகாப்பாய் இருந்தது. அதை அணிந்துகொண்டு churchற்குப்புறப்பட்டார்.

அங்கு சென்று பின் இருக்கையொன்றில் அமர முற்பட்டபோது அங்கிருந்த ஊழியர்கள் அவரை எப்படியோ அடையாளம் கண்டுகொண்டு முன் வரிசையில் இருந்த ஆசனம் ஒன்றை நோக்கி அழைத்து சென்றனர். அவருக்கென ஒதுக்கப்பட்டிருந்த ஆசனத்தில் எழுதப்பட்டிருந்தது ''MOTHER ".

திருமணம் முடிந்தது. தியோடர் தன் புது மனைவியிடம் ஆசிரியை சுமதியை அறிமுகம் செய்துவைத்தார். ''இவர் மட்டும் இல்லையென்றால் நான் இன்று இந்த இடத்தில் நின்றிருக்கவே முடியாது' தியோடரின் கண்களில் கண்ணீர்.
ஆசிரியை சுமதி பெண்ணைப்பார்த்து சொன்னார் ' டெடி இல்லையென்றால், ஒரு ஆசியர் தன் மாணவர்களுக்கு முதலில் ஒரு தாயாய் இருக்கவேண்டுமென்பதை நான் அறிந்திருக்கவேமுடியாது!''




உங்கள் வகுப்பிலும் ஒரு டெடி இருக்கிறான். உங்கள் உதவிக்காக காத்துக்கொண்டிருக்கிறான். உங்களாலும் அந்த ஆசிரியை சுமதியாக இருக்கமுடியும்!
இனி அடுத்த திங்கட்கிழமை காலை வகுப்பறைக்குள் நுழையும்போது ஒரு ஆசிரியராய் இல்லாமல் தாயாய் நுழைந்துபாருங்கள்! உங்களால் ஒரு பிள்ளையின் வாழ்க்கையில் நல்லதோர் திருப்புமுனையாய் இருக்கமுடியும்.

உன்னை சுமந்த பள்ளிக்கூடம் கேட்பாரற்றுக்கிடக்கிறதே!
உந்தன் வரவை எதிர்ப்பார்த்து
ஊருக்குள் தனியாய் நிற்கிறதே !!

அறிவுத்தாயின் அன்புகுழந்தைகளே!

ஆளுமைக்குடையில் நிழல் பெற்ற எம் பாடசாலையின் செல்வங்களே!

வன்னியின் அடையாளங்கள் ஒவ்வொன்றும் திடடமிட்டும் கவனிப்பின்றியும் அழிக்கப்படும் இக்காலப்பகுதியில் கிளிநொச்சியின் அடையாளத்தில் ஒன்றாகிப்போன ‘கனிஸ்ரா’ என்ற செல்லப்பெயர் கொண்ட எமது பாடசாலையின் அடையாளமும் அழிந்து விடாமல் பாதுகாத்து அதன் புகழை உயர்த்த வேண்டியது எமது கடமை !

பாடசாலைகள் ஒவ்வொன்றும் அதனதன் பழைய மாணவர்களது உடமை! உரிமை! இப்பாடசாலையும் பழைய மாணவர்கள் எங்கள் பூரண உடமை !

உண்மை நிலவரம் என்னவெனில் நகர்ப்புற பாடசாலை , வசதியான பாடசாலை எனும் மாயையால் திணைக்களத்தின் உதவிகளும் போதிய அளவில் கிடைப்பதில்லை! அரசியல்வாதிகளின் உதவித்திட்ட்ங்களுக்குள்ளும் வருவதில்லை ! பழைய மாணவர்கள் எமது நேசமும் இன்றி எமது கல்வித்தாய் வேறு எவரெவரிடமோ கையேந்தும் நிலையில் உள்ளாள்!
எமது பழைய மாணவர்களாகிய நாமும் ஒன்றாக கூடினால் இலங்கையின் தலைநகரப்பாடசாலைகள் , யாழ் நகரப்பாடசாலைகளின் பழைய மாணவர் அணிகள் போன்று எமது பழைய மாணவர் அணியும் பலம்மிக்கதாய் அமையும் என்பதில் ஐயம் ஏதும் இல்லை! அப்போது நாம் எவ்வளவோ விடயங்களை பள்ளிக்காக சாதிக்க முடியும்!

பத்து மாதம் சுமந்த தாய்க்கே
பணிவிடைகள் செய்கின்றோம்
பத்து வருடம் சுமந்த பள்ளிக்கு
என்ன செய்ய நினைக்கின்றோம்…?

இதற்காக நாம் ஓர் திட்டத்தை வகுத்துள்ளோம் ! அதாவது அணிகள் ரீதியாக கிளைகளை நிறுவி தாய்சசங்கத்தை கிளைகளின் சமாசம் ஆக்குவது !

அதற்கமைய……,

எமது பாடசாலை 1929 ஆம் ஆண்டு ஆரம்பிக்கப்பட்ட்து . அன்றிலிருந்து கல்வி பெற்றோர் அனைவரையும் அவரவர் அணிகளாக ஒருங்கிணைய வேண்டப்படுகிறீர்கள் !

அத்துடன் புலம்பெயர் நாடுகளில் வசிக்கும் எம் பழைய மாணவர்கள் அவர்கள் வதியும் நாடுகள் ரீதியாகவும் ஒருங்கிணைய வேண்டப்படுகிறீர்கள் !

அவ்வகையில் கீழ்வரும் அணிகளை சேர்ந்தவர்கள் உங்கள் அணிக்கென்றொரு பிரதிநிதித்துவத்தை இணைப்பாளர் குழாம் என்றோ தலைவர் / செயலாளர் / பொருளாளர் என்றோ தெரிந்து எமது தாய்ச்சங்கத்துக்கு அறியத்தர தாழ்மையுடன் வேண்டப்படுகிறீர்கள் !

புலம்பெயர் நாடுகளில் வதியும் மாணவர்களை கொண்ட கிளைகள்

OSA KMV - பிரித்தானியா
OSA KMV - அமேரிக்கா
OSA KMV - அவுஸ்ரேலியா
OSA KMV - பிரான்ஸ்
OSA KMV - சுவிஸ்
OSA KMV - ஜெர்மனி
OSA KMV - கனடா
OSA KMV - நியூசிலாந்து
OSA KMV - மத்திய கிழக்கு நாடுகள்
OSA KMV -

இலங்கையில் வதியும் மாணவர்களை கொண்ட கிளைகள்

OSA KMV - 40வது அணி
OSA KMV - 41வது அணி
OSA KMV - 42வது அணி
OSA KMV - 43வது அணி
OSA KMV - 44வது அணி
OSA KMV - 45வது அணி
OSA KMV - 46வது அணி ……..
……………

……………….OSA KMV - 91வது அணி
OSA KMV - 92வது அணி
OSA KMV - 93வது அணி
OSA KMV - 94வது அணி
OSA KMV - 95வது அணி
OSA KMV - 96வது அணி
OSA KMV - 97வது அணி
OSA KMV - 98வது அணி
OSA KMV - 99வது அணி
OSA KMV - 2000வது அணி 
OSA KMV - 01வது அணி
OSA KMV - 02வது அணி
OSA KMV - 03வது அணி
OSA KMV - 04வது அணி
OSA KMV - 05வது அணி
OSA KMV - 06வது அணி
OSA KMV - 07வது அணி
OSA KMV - 08வது அணி
OSA KMV - 09வது அணி
OSA KMV - 10வது அணி
OSA KMV - 11வது அணி
OSA KMV - 12 O/L or 15 A/L
OSA KMV - 13 O/L or 16 A/L
OSA KMV - 14 O/L or 17 A/L
OSA KMV - 15 O/L or 18 A/L
OSA KMV - 16 O/L or 19 A/L

குறிப்பு ;-

சில அணிகள் தற்போது செய்துமுடித்த & நடைபெற்றுக்கொண்டிருக்கும்வேலைத்திட்ட்ங்கள் வருமாறு….

93ஆம் ஆண்டு சா/த அணியினர் சரஸ்வதி சிலை ஒன்றை (12 இலட்சம் ) புதிதாக நிறுவி பாடசாலைக்கு வழங்கியுள்ளார்கள் ! (படங்கள் இணைப்பு - )
95ஆம் ஆண்டு சா/த அணியினர் மாணவர்களுக்கான சைக்கிள் பார்க் இனை நிறுவஅடிக்கல்நாட்டியுள்ளனர். (படங்கள் இணைப்பு - https://photos.app.goo.gl/d1bar8796LMX4cUS8 )
96ஆம் ஆண்டு சா/த அணியினர் பாடசாலை முகப்பு வளைவுஒன்றை (14 இலட்சம் ) நிறுவும்வேலையை ஆரம்பித்துள்ளனர் . (படங்கள் இணைப்பு - https://photos.app.goo.gl/NHXBEY7vPptwjjoB7 )