Prasad Soorya - Chemistry

CHEMISTRY - PAPER CLASS - 2025, 2026, 2027 (Advance Level)

I've just reached 100 followers! Thank you for continuing support. I could never have made it without each one of you. 🙏🤗🎉

හරිතාගාර වායු වායුගෝලයට එකතු වන ආකාරය.

හරිතාගාර ආචරණය.

පෘතුවියේ විවිධ ප්‍රදේශ වල විවිධ උෂ්ණත්වය

ගංගා දිගේ ගලා බස්නා දිදුලන දිය දහර හදු ජලය ම නොව අපගේ මුතුන්මිත්තන්ගේ රුධිරය යි. අප ඔබට අපගේ භූමිය විකිණුව හොත් එය අපට ශුද්ධ වස්තුවක් ව තිබු බව ඔබගේ මතකයේ තබා ගත මැනවි. පොකුණුවල පැහැදිලි ජලතලාවේ පතින වන සෑම අඳුරු ඡායාවක් ම කියා පාන්නේ මගේ වර්ගයාගේ ජීවන සිදුවීම් හා ස්මරණ බව ඔබේ දරුවන්ට වටහා දෙනු මැනවි. මේ ජලය නහන මිමිනුම මගේ මුතුන්මිත්තන්ගේ කටහඬ වන්නේන්ය.
ගංගාවෝ අපගේ සොහොයුරෝ වෙති. ඔවුහු අපගේ පිපාසය සංසිඳවති. අපගේ ඔරු ද පාරු ද ගෙන යති. අපගේ දරුවන් පොෂණය කරති. අප මේ භූමිය ඔබට විකුණුවහොත් මේ ගංගා අපගේත් ඔබගේත් සහෝදරයන් බව අමතක නොකරනු මැනවි. ඔබේ දරුවන්ට ද එය කියා දෙනු මැනවි. එතැන් සිට වෙනත් ඕනෑ ම සහෝදරයකුට දක්වන කරුණාව ගංඟාවලට ද දක්වනු මැනවි.
ගිරි ශිඛරය වසා සිටින හිමිදිරි මිහිදුම, උදාවන හිරු ඉදිරියේ පලා යන්නා සේ සුදු මිනිසාගේ ආක්‍රමණය ඉදිරියේ රතු මිනිසා හැම විට ම පලා ගොස් ඇත. එහෙත් අපගේ පියවරුන්ගේ භෂ්මාවශේෂ අපට පූජනීය වන්නේය. ඔවුන්ගේ සොහොන්බිම් අපට පූජනීය භූමි වන්නේය. එහෙයින් මේ කඳු මේ තුරුලතා සහ මේ බිම අපටම කැප වු භූමියකි. සුදු මිනිසුන් වන ඔබ අපගේ සිරිත් විරිත් නොදන්නා බව අපි දනිමු. ඔබට එක් බිම් කඩක් තවත් බිම් කඩකට වඩා වෙනස් නොවේ. රාත්‍රි කාලයේ පැමිණ භූමියේ තිබිය යුතු දේ පැහැර ගෙන පලායන ඔබගේ මිනිස්සු මේ භූමියට පිටස්තරයෝ වන්නාහ. පොළොට ඔවුනට සහෝදරයෙකු නොව සතුරෙකි. භූමිය අත්පත් කර ගැනීමේන් න්පසු ඔවුහු එය අමතක කොට තවත් බිම් පෙදෙස් යටත් කර ගනිමින් ඉදිරියට ඇදෙති. ඔවුහු තම පියවරුන්ගේ සුසාන කිසිඳු තැකිමකින් තොරව පසු කර යති. ඔවුහු තම මටටත් සහෝදරයාටත් මහ පොළොවටත්, ඔහුගේ අහස් තලයටත් සලකන්නේ මිලට ගත හැකි කොල්ලකෑමට හෝ විකිනීමට හැකි බැටළුවන් හෝ දීප්තිමත් පබළු වැනි දෑ ලෙසිනි. ඔවුන්ගේ කෑදරකම විසින් මේ භූමියෙහි සාරය උරා බොනු ලැබීමෙන් පසු ඉතිරි වන්නේ හිස් කාන්තාරයක් පමණි. අපගේ සිරිත් විරිත් ඔබගේ සිරිත් විරිත වලට වඩා වෙනස් වන්නේ ය. ඔබගේ නගරවල දර්ශනය රතු මිනිසාගේ නෙතවලට වේදනාව ගෙන දෙන්නේ ය. එසේ වන්නේ රතු මිනිසුන් වන අප වනචාරී මිලේච්ඡයන් වන නිසා විය හැකි ය. සුදු මිනිසාගේ නගරවල නිසංසල තැනක් සොයා ගත නොහැකිය. වසන්ත සමයේ ඔබගෙ නගරයන්හි තුරුලතාවල දලු කොළ විකසිත වන හඬ හෝ කුඩා කෘමි සතුන්ගේ පියාපතවල සිලි සිලි හඬ සවන වැකෙන්නේ නැත. එහි ඇත්තේ ඝෝෂාව පමණකි. එය දෙසවනට මහත් හිරිහැරයක්ම වන්නේය.
මට එසේ හැහෙන්නේ මගේ නො තේරුම්කම නිසා විය හැකි ය. මිලේච්ඡයන්ට එබඳු දේ වටහා ගැනීම අපහසු වන්නේය.